Prishtinë, 21.06.2010 – Aleanca Kosova e Re,  përshëndet fuqishëm  rezultatet e suksesshme të partive  liberal demokrate  në zgjedhjet e fundit në disa  shtete të bashkësisë evropiane  që kanë ndikim të madh në politikbërjen evropiane siç janë Anglia, Gjermania dhe së fundi Holanda .

Ardhja  e partive liberal-demokrate  në pushtet,  në  shtetet e ndryshme  të Evropës  si në Holandë, ku Partia  VVD (Volkspartij voor Vrijheid en Demokratike), e cila ka dalë partia me rezultatet më të larta në zgjedhjet e fundit  në Holandë dhe  Kryeministri i ardhshëm i Holandës do të jetë radhët e kësaj Partie, do të shfrytëzohet nga AKR-ja që shteti i Republikës së Kosovës të bëhet sa më shpejt pjesë integrale  e Unionit Evropian dhe që ardhmëria evropiane e qytetarëve të Kosovës të bëhet realitet.

AKR-ja ka ndërtuar raporte të shkëlqyera me partitë  Liberal – Demokrate  Evropiane, duke u profilizuar në vlerat liberal-demokrate si anëtare e ELDR-it që  ka një ndikim të madh në parlamentin evropian me  74 deputet si dhe  8 (tetë)  EU Komisionerë,  prandaj  ne do ti shfrytëzojmë të gjitha kapacitetet dhe lidhjet për të përshpejtuar integrimet evropiane të shtetit tonë në mënyrë që liberalizimi i vizave për qytetarët të Kosovës  të bëhet  sa më shpejt realitet.

Liberalët e shohin  demokracinë si mjet për të mbrojtur lirinë e qytetarëve dhe në qendër të filozofisë politike të  konceptit liberal, është individi.

AKR –ja thekson  se dukuritë negative  që janë të pranishme në Kosovë siç  korrupsioni, mosfunksionimi  i shtetit ligjor dhe  monopolet ekonomike  do të jenë barriere  për integrimin e Republikës së Kosovës në Unionin Evropian dhe realizimin e vullnetit të qytetarëve të Kosovës për liberalizimin e vizave .

AKR-ja është alternativë e vetme politike  që  dukuritë e lartpërmendura do t’i luftojë pakompromis dhe  qytetarët e Kosovës  janë të bindur në pastërtinë vepruese, programore  dhe shtetformuese të AKR-së.

Gëzim Mehmeti

AKR -Sekretar për  Marrëdhënie me Jashtë

Ndërkaq, Sekretari për Marrëdhënie me Jashtë i VVD-së, z. Ole Heil, shprehu mbështetjen e Partisë së tij për AKR-në, duke vlerësuar se AKR-ja është një parti që lufton për të mirën e vendit të vet, veçanërisht në aspektin e integrimit të Kosovës në Strukturat Evropiane.

Ai tha se Kosova është një vend me nivel të lartë të korrupsionit dhe mungesa e funksionimit të ligjit është një ndër problemet kryesore për integrimin e Kosovës.

Z. Heil tha se Partia e tij duke qenë tashmë në pushtet dhe duke pasur postin e Kryeministrit nga radhët e saj, do ta ketë shumë më të lehtë ta mbështesë Kosovën në proceset e integrimit të saj. Ai tha se partitë liberal-evropiane dëshirojnë t’i ndihmojnë Kosovës dhe bashkëpunimi me AKR-në do të jetë në këtë drejtim dhe në drejtim të avancimit të vlerave liberal-demokratike në Kosovë, u shpreh Ole Heil, Sekretar për marrëdhënie me Jashtë i VVD-së.

Ole Heil

VVD – Holandë

Sekretar për  Marrëdhënie me Jashtë