Darka në Paris ku kryeministri i Dominica më konfirmon njohjen e Republikës së Kosovës

Paris, 8 dhjetor 2012 –

Dominica është shteti i radhës anëtar i OKB-së që njeh Republikën e Kosovës. 

Konfirmimi ka ardhur gjatë darkës zyrtare që zëvendëskryeministri i parë i Kosovës, z.Behgjet Pacolli ka zhvilluar me kryeministrin e këtij shteti z. Roosevelt Skerrit, të premten në Paris, menjëherë pas kthimit nga kontinenti afrikan. 

Kryeministri Skerrit i cili ishte i shoqëruar nga ambasadori i vendit të tij në OKB, i konfirmoi zëvendëskryeministrit Pacolli se shteti i tij ka vendosur që të njohë Kosovën si shtet të pavarur dhe sovran, ndërsa formalizimi do të bëhet në mbledhjen e radhës të Qeverisë së këtij shteti, javën e ardhshme.

Nota verbale që konfirmon njohjen nga Republika Dominicas.

Zëvendëskryeministri Pacolli ka zhvilluar një aktivitet intensiv me vendet e Caricomit që nga viti 2009, e veqanërisht me shtetin e Dominicas, ndërkaq me kryeministrin Roosevelt Skerrit ka pasur disa takime.

Së fundmi, zëvendëskryeministri Pacolli është takuar me kryeministrin Skerrit në Nju Jork, gjatë organizmit të takimit “South South”, ku z.Pacolli ishte i ftuar nderi në mesin e rreth 100 burrështetasve botërorë, mes të cilëve edhe sekretari gjeneral i OKB-së, z.Ban Ki Mon.