Pacolli ndërton dy fabrika në Drenas
25/11/2016

Sot në fshatin Krajkovë të komunës së Drenasit, Presidenti i Aleancës Kosova e Re, z.Behgjet Pacolli, i shoqëruar nga Kryetari i AKR-së në Drenas z.Elmi Thaçi, ka vënë gurthemelin e dy fabrikave që do të ndërtohen në këtë lokacion.

Presidenti i Aleancës Kosova e Re, z.Behgjet Pacolli, i cili ka investuar në ndërtimin e tyre, ka thënë se fabrika për përpunimin e kërpudhave si dhe pika për grumbullimin dhe paketimin e frutave të malit, do të funksionalizohen brenda gjashtë muajsh, ndërsa në to do të punësohen rreth 320 qytetarë.

Lideri i AKR-së, në prani të qytetarëve foli për situatën aktuale ekonomike në vend. Ai tha se Kosovën tashmë e ka kapluar varfëria, papunësia dhe korrupsioni. “Ne kemi punuar dhe do të vazhdojmë të punojmë me dinjitet, gjithmonë duke i respektuar qytetarët. Ndërtimi i këtyre dy fabrikave është vetëm një nga shumë projekte të tjera të cilat ne i kemi planifikuar dhe do t’i realizojmë shumë shpejtë”, ka thënë Pacolli.

Ndërsa kryetari i degës së AKR-së në Drenas, z.Elmi Thaçi, duke e falënderuar Presidentin Pacolli për këto investime, tha se AKR-ja do të punojnë pa presione e shantazhe për të mirën e të gjithëve për një jetë me të mirë.
Pjesë e kësaj ceremonie ishin edhe zyrtarë tjerë të AKR-së dhe qytetarë të shumtë të cilët kishin ardhur për t’i përshëndetur këto projekte, të cilat do të ngrisin nivelin e mirëqenies së një numri të madh të qytetarëve që do të punësohen në këto fabrika.

drens  drenas

Foto Galeria

Anëtarsohu Online

M F

Antarsohu dhe behu pjesë e ndryshimit

Nga facebook

më lart