Washington, 20 janar 2017 –
Si ish-president i Kosovës, kam pranuar ftesë zyrtare për për të marrë pjesë në inaugurimin e presidentit të ri të Shteteve të Bashkuara të Amerikës (SHBA), Donald Trump.
Në ftesë thuhej se Komiteti për Inaugurimin Presidencial ju fton që me prezencën tuaj të nderuar të merrni pjesë në inaugurimin e Donal John Tump si presidenti i Shteteve të Bashkuara të Amerikës dhe Michael Richard Pence si nënpresidenti i Shteteve të Bashkuara të Amerikës, të premten, më 20 janar 2017 në qytetin e Uashingtonit.
Pra, kjo është ftesë zyrtare dhe e cila është lëshuar nga trupi i vetëm që ligjërisht ka të drejt të bëjë ftesa. Ky trup është Komiteti për Inaugurim, i cili përbëhet nga senatorë, kongresistë dhe njerëz të administratës së presidentit të ri.
Pasi pranova ftesën unë shkruva një letër konfirmim Shtëpisë së Bardhë në Washington. U thash se do të jemë prezent atje, për të treguar mbështetjen dhe falënderimin e popullit të Kosovës për Amerikën, dhe ato që ky vend ka bërë për pavarësinë e Kosovës.
Në këtë ceremoni, morën pjesë rreth 900 mysafirë nga e gjithë bota. Unë ashtu siq konfirmova edhe isha prezent në ceremoninë inauguruse të Presidentit Donald Trump.
Madje pjesmarrja ime ishte transmetuar edhe nga rrjeti televiziv CNN, ku unë shihem në mesin e pjesëmarrësve të shumtë në këtë manifestim.
Kurse në mbrëmje ishte organizuar Ballo inauguruese presidenciale për Presidentin Trump. Këto Ballo janë tubime të mëdha shoqërore, ku festohet fillimi i një mandati të ri të presidentit të Shteteve të Bashkuara.
Të planifikuara dhe të organizuara nga Komiteti Inaugurues Presidencial, ballot zyrtare të inaugurimit zhvillohen gjatë gjithë mbrëmjes së Ditës së Inaugurimit në zonën e Uashington DC dhe janë vetëm me ftesë.
Presidenti, zonja e parë, zëvendëspresidenti dhe zonja e dytë ose zotëri, të gjithë bëjnë paraqitje personale në secilin prej ballove inauguruese të mbajtura për nder të tyre.
Në ballot e inaugurimit ofrohen ushqime, pije dhe argëtim të drejtpërdrejtë nga muzikantë të njohur kombëtarë dhe globalë.