Stockholm, 29 janar 2018
Në kuadër të vizitës së parë në Mbretërinë e Suedisë u prita nga Ministrja e Jashtme suedeze, Morgot Wallstrom.
Gjithashtu, zhvillova takime të ndara edhe me Sekretarin e shtetit në Ministrinë e Bashkëpunimit dhe Zhvillimit Ndërkombëtar, Ulrika Moder, dhe me përfaqësues nga Parlamenti suedez dhe me Grupin e Miqësisë.
Ri-konfirmuam nivelin e marrëdhënieve shumë të mira në mes dy vendeve dhe miqësinë në mes dy popujve. E falënderova për gjithçka, që shteti nordik ka bërë para, gjatë dhe pas pavarësisë.
Suedia do të mbështetë pa rezerva rrugëtimin e integrimit evropian të vendit tonë, procesin e liberalizimit të vizave dhe projektet, që ndikojnë në përmirësimin e mirëqenies së shtetasve tanë.
Ekzistojnë shumë mundësi ende të pashfrytëzuara edhe në nivelin dy-palësh. Duam dhe presim më shumë investime suedeze në vend.