Kosova këtë vit kryesonë me WBF dhe jemi shumë të kënaqur që pasra fillimit të kryesimit kemi mbajtur takim me ambasadorët e shteteve të V4 këtu në MPJ, të Republikës së Kosovës ku në vija të trasha i kemi diskutuar së bashku idetë për kryesim.
Fondi Ndërkombëtar i Vishegradit (në vijim Fondi i Vishegradit) është organizatë ndërkombëtare donatore e themeluar në vitin 2000 nga qeveritë e shteteve të Grupit të Vishegradit – Çekia, Hungaria, Polonia dhe Sllovakia për ta promovuar bashkëpunimin rajonal në rajonin e Vishegradit (V4), si dhe ndërmjet rajonit V4 dhe shteteve tjera, sidomos në rajonet e Ballkanit perëndimor dhe të Partneritetit lindor.
Fondi e bën këtë duke i dhuruar 8 milion euro përmes granteve, bursave dhe rezidencave për artistët që çdo vit dhurohen nga kontributet e barabarta të të gjitha shteteve të V4.
Shtetet tjera donatore (Kanadaja, Gjermania, Holanda, Koreja Jugore, Suedia, Zvicra dhe SHBA) që nga viti 2012 i kanë siguruar edhe 10 milion Euro të tjera përmes skemave të ndryshme të granteve të Fondit.
Gjatë takimit me Ambasadorin e Sllovenisë të akredituar në Kosovë, Bojan Bertonceljm, janë ri-konfirmuar marrëdhëniet e shkëlqyeshme në mes dy vendeve dhe dy popujve, me zotime dhe përkushtime të reja për forcimin e mëtejmë të këtyre marrëdhënieve në fusha të interesit të përbashkët.
Ambasadori Bertoncelj ka shprehur gatishmërinë e Republikës së Sllovenisë për të asistuar Republikën e Kosovës në të gjitha proceset e integrimit në të cilat vendi po kalon, si dhe në të njejtën kohë ka premtuar përkrahjen e Sllovenisë në procesin e liberalizimit të vizave.
Takim kuartazie me Ambasadorin e ri, të Republikës së Turqisë në Kosovë, me të cilin diskutuam për marrëdhëniet e shkëlqyeshmë që të dyjat vendet tona gëzojnë.
Turqia vazhdon të luaj një rol jashtëzakonisht konstruktiv karshi Kosovës,, dhe mbetet përkrahës i fuqishëm i Kosvës në të gjitha forumet ndërkombëtare.
Në rezidencen time në Hajvali dyert janë të hapura gjithnjë për miqët e Kosovës. Kësaj radhe në konakun tim prita delegacionin amerikan të Lutjeve të Mëngjesit, i cili po qëndron në vendin tonë.
Në një darkë që shtrova për ta thash se Kosova vazhdon të mbetet promovuese e paqes, respektit dhe fqinjësisë së mirë, por gjithashtu edhe kultivuese e barazisë dhe mirëkuptimit midis komuniteteve etnike dhe konfesioneve të ndryshme.
Falënderova Kongresin dhe shtetin amerikan për mbështetjen e parezervë për Kosovë në të gjitha etapat, ndërsa konfirmova edhe njëherë miqësinë e pathyeshme midis Kosovës dhe SHBA-ve.
Kryesuesi i delegacionit të Lutjeve të Mëngjesit, kongresisti Randy Hutgren, nga ana e tij, u shpreh i nderuar që gjendet për vizitë në Kosovë dhe pati rastin të njihet nga afër me zhvillimet në vendin tonë.
Në takim ishin të pranishëm edhe deputetë të tjerë të Kuvendit, të angazhuar në aktivitetet e Lutjeve të Mëngjesit.
Hajvali –Rezidenca, 14 maj 2019- Vizitë e miqve nga Shtetet e Bashkuara të Amerikës.
Një efektive e Forcave të Armatosura ka humbur jetën dhe dy të tjerë kanë mbetur të plagosur nga shpërthimi i disa municioneve, gjatë kryerjes së detyrave luftarake, në misionin e NATO-s në Letoni.
Nga shpërthimi ka humbur jetën nëntetare Zarife Hasanaj, ndërkohë që të plagosur kanë mbetur komandanti i kontingjentit, major Klodian Tanushi dhe rreshter Julian Kapaj.
Kontingjenti shqiptar që shërben në grup-batalionin e NATO-s në Letoni, ka detyrë asgjësimin e municioneve dhe lëndëve eksplozive.
Menjëherë pas ngjarjes së rëndë, u drejtova në Ambasadën e Shqipërisë në Prishtinë, ku shpreha dhimbjen për humbjen e nëntetare Hasanajt dhe shpreha ngushëllimet për familjen e saj.
Gjithashtu urova shërim të shpejtë edhe për dy ushtarakët e tjerë të plagosur.
Prishtinë, 13 maj 2019 – Vizita e Ministrit SH.T.Z Behgjet Pacolli, në Ambasasdën e Shqiperisë për të shprehur ngushëllime për dëshmoren Zarife Hasanaj.
“Dhimbje e madhe për humbjen e dëshmores së Forcave të Armatosura, nëntetare Zarife Hasanaj. Në këtë moment të vështirë jemi pranë familjes së vajzës dhe do të vazhdojmë t’i gjendemi pranë, për të përballuar bashkë humbjen e madhe. Respekt dhe mirënjohje pafund për Zarifen, për sakrificën, guximin dhe vendosmërinë në përballjen me rrezikun gjatë përmbushjes së detyrave të saj. Djemve të plagosur, major Klodian Tanushi dhe rreshter Julian Kapaj, u uroj shërim të shpejtë dhe kthim shëndoshë e mirë pranë familjes sonë të Forcave të Armatosura.”
A keni takuar ndonjëherë dikë të ri dhe keni ndjerë menjëherë se mund të flisni me të për orë të tëra?
Kjo ndodhi herën e parë që takova Gjeneralin amerikan Timothy Orr. Disa vjet më parë, ai dhe unë përfunduam duke shkuar në të njëjtin takim në Iowa.
Një mik i përbashkët më sugjeroi ta takoja sepse ai e dinte që ne të dy ishim super të interesuar për ngritjen e kapaciteteve të Forcës së Sigurisë së Kosovës.
Kështu u kujdesëm që në darkë të uleshim pranë njëri-tjetrit.
Sapo shtrënguam duart, ishte e qartë se kishim një ton të përbashkët. Ne të dy filluam të shkëmbejmë pikpamjet tona rreth sigurisë për Kosovën dhe Ballkanin.
Ishte muaji Ramazan kur ai ishte kësaj radhe në Prishtinë. Unë vendosa ta ftojë në Iftarin e parë në Rezidencen time.
Nderi ishte i imi dhe familjes t’a kem mysafir Gjeneralin amerikan Timothy Orr dhe delegacionin nga shteti amerikan i Iowa-s, për iftar.
Hajvali – Rezidenca, 6 maj 2019- Takim me Gjeneralin Amerikan Timothy Orr dhe delegacionin nga shteti amerikan i Iowa-s. Miqtë nga SHBA çdohere në secilën shtëpi në Kosovë janë si në shtëpinë e tyre.
Më e rëndësishmja, ne të dyve na pëlqen të shqyrtojmë gjërat që i bëjnë sytë e disa njerëzve të shkëlqejnë, si zhvillimi zonave ekonomike në Kosovë.
Takimi i parë ndezi fillimin e një miqësie të frytshme.
Unë mbështesja fuqishëm idenë e lansuar për krijimin e zonave ekonomike e në këtë rast, më theks tē veqantë një zonë për investitorët amerikanë në Kosovë, e cila do të ishte shtyllë e shtuar e marrëdhënieve strategjike midis Kosovës dhe Shteteve të Bashkuara dhe do të tërheqë kompanitë amerikane për të ardhur në Kosovë.
Para deputetëve të Komisionit për Punë të Jashtme, Diasporë dhe Investime Strategjike, jam shprehur i sigurt se liberalizimi i vizave për qytetarët e Kosovës do të ndodhë brenda këtij viti.
Kurse, për pretendimet mbi tërheqjet e njohjeve, sigurova deputetët se shumë shpejt do të arrijnë njohje të reja për Kosovën. Ua kam bërë të ditur se këto ditë pritet njohja nga dy shtete, dhe se nga njëri shtet është marrë konfirmimi, të cilët tashmë kanë nisur procedurat për njohjen e Kosovës.
Gjatë raportimit i kam njoftuar po ashtu se Kosova do aplikojë për anëtarësim në Këshillin e Evropës, ndërsa, lidhur me ecurinë e anëtarësimit në INTERPOL, do ti njoftojë në një mbledhje të mbyllur të komisionit.
Prishtinë, 4 Maj 2019 – Takimi me Komisionin parlamentar për Punë të Jashtme dhe Investime Strategjike.
Raportimi im lidhet me angazhimet diplomatike të Ministrisë për Punë të Jashtme gjatë katër mujorit të këtij viti, përfshirë këtu edhe Samitin e Berlinit, mbajtur ditë më parë.
Në mënyrë kronologjike i njoftova për marrëdhëniet dypalëshe të vendit tonë, procesin e njohjeve, diplomacinë ekonomike, marrëdhëniet rajonale, raportet me BE-në, organizatat ndërkombëtare, si dhe pjesëmarrjen e Kosovës në luftën globale kundër terrorizmit.
Gjithashtu u jam përgjigjur pyetjeve dhe shqetësimeve që ngritën anëtarët e komisionit.
Prishtinë, 4 Maj 2019 – Raportimi im lidhet me angazhimet diplomatike të Ministrisë për Punë të Jashtme gjatë katër mujorit të këtij viti, përfshirë këtu edhe Samitin e Berlinit, mbajtur ditë më parë.
Në Kosovë ka qëndruar një delegacion i kryetarëve të komunave arbëreshe në Itali. Në Kosovë u priten me një seancë solemne në Kuvend, ku deputetët i falënderuan për kontributin e tyre ndër shekuj që të ruajnë gjuhën dhe kulturën shqiptare.
Arbëreshët e Italisë, ndër shekuj e kanë ruajtur identitetin, gjuhën, vlerat shqiptare.
Pata kënaqësinë të bashkëbisedoj me disa prej tyre, gjatë vizitës që i bënë ata Kuvendit të Kosovës, institucion ky ku u shpall pavarsia e Kosovës.
Arbëreshët e Italisë, kanë qenë gjithnjë burim frymëzimi dhe fuqie për gjithë shqiptarët dhe janë një vlerë e ruajtur e jona që duhet ta çmojmë!
Prishtinë, 3 maj 2019- Arbëreshët e Italisë për vizitë në Kosovë, vlerësohen si pishtarë të Rilindjes Kombëtare.
Duke qenë se e njoh mirë gjuhen italiane unë fola në italisht para tyre në Kuvend.
“Faleminderit Itali që ke bërë të mundur që të bëjë të jetoj një pjesë shumë të bukur, një etnitet shumë të bukur. Ju jeni pjesa me të cilën krenohemi më së shumti, përfaqësues edhe të Italisë jeni. Italia nuk është larg nesh, është afër, Italia ka qenë shumë afër ne kosovarëve, vetëm para 20 viteve kur ky popull ka jetuar ditët e tij më të tmerrshme. Kanë qenë ditë ‘të ekziston apo mos të ekzistosh’, e nga Italia kanë ardhur ndihmat që na kanë bërë të jetojmë, që na kanë ndihmuar të rezistojmë edhe në këtë pjesë të Adriatikut. Ju jemi shumë mirënjohës Italisë, dyfish”
Ndërsa, në emër të grupit të arbëreshëve të Italisë Rosario Petta tha se po e ndiejnë veten si në shtëpi të vëllezërve.
“Sot e ndjejmë vetën në shtëpinë tonë, Ndjehem në shtëpinë e një vëllau tim i cili vetëm gjeografikisht jeton larg meje, vëlla që ka të njëjtin gjak në vena sikur unë Gjak arbëresh…Faleminderit të gjithëve me zemër”, tha Petta.
Prishtinë, 3 maj 2019- Arbëreshët e Italisë për vizitë në Kosovë, vlerësohen si pishtarë të Rilindjes Kombëtare.
Grupi i arbëreshëve i cili po qëndron në Kosovë me rastin e “Ditëve të Arbëreshëve”, kanë vazhduar vizitën edhe në Muzeun e Kosovës, duke vazhduar më pas në sheshin “Ibrahim Rugova” dhe në sheshin “Skënderbeu”.
Arbëreshët gjatë ditës vizitë i kanë bërë edhe memorialit “Heroinat” për ta përmbyllur turin e vizitave për këtë të shtunë tek monumenti “New Born”.
Aktivitetet në shënimin e këtyre ditëve kanë nisur nga dje në një seancë të veçantë për ta në Kuvendin e Kosovës, ndërsa sot janë pritur edhe nga i pari i kryeqytetit. Vizitat e tyre do të përmbyllen më 6 maj.
Arbëreshët e Italisë vizitojnë Kuvendin e Kosovës.
Pata kënaqësinë të mirëpres në zyrën time për një takim pune Ambasadorin e Shtetit të Katarit në Shqipëri, jorezident për Kosovë, Shkëlqesinë e Tij, Ali Bin Hamad Al Marri, me të cilin diskutuam për marrëdhëniet e shkëlqyeshme mes të dyja vendeve tona.
E informova Ambasadorin Al Marri për procesin e hapjes së Ambasadës së Republikës së Kosovës në Doha, e cila në vetvete është mesazh që ne i çmojmë jashtëzakonisht shumë marrëdhëniet me Shtetin e Katarit.
Ambasadorin Al Marri e njoftova për planin që kam për të vizituar zyrtarisht Katarin në muajin shtator, me ç’rast edhe do të inaugurojmë Ambasadën tonë atje, si dhe do të zhvilloj takime të nivelit të lartë me qëllim ngritjen e bashkëpunimit dy-palësh në të gjitha fushat.
Prishtinë, 2 maj 2019-Vizita e Ambasadorit të Shtetit të Katarit në Shqipëri,jo rezident për Kosovë, SH.T.Z Ali Bin Hamad Al Marri.
Për Kosovën dhe liderët e institucioneve të saj, kryeqyteti gjerman, Berlin, është adresa e cila gjithmonë ofron zgjidhje. Edhe kësaj radhe, si qindra herave të kaluara rruga ime është drejt Berlinit.
Aty do të zhvillohet Samiti i Berlinit, ku do të jem pjesë e takimeve të nivelit të lartë me kancelaren gjermane, Merkel dhe presidentin francez Macron, si dhe liderët e shteteve të Ballkanit Perëndimor.
Berlin, 29 prill 2019 – Me ftesë të Kancelares gjermane Angela Merkel dhe presidentit francez Emmanuel Macron, së bashku me kryeministrin Haradinaj sapo arrita në Berlin, për të marrë pjesë në Takimin e Nivelit të Lartë të Liderëve të Ballkanit Perëndimor.
Procesi i Berlinit u krijua në vitin 2014 si një platformë për bashkëpunim të nivelit të lartë midis përfaqësuesve të lartë zyrtarë të Gjashtës së Ballkanit Perëndimor (WB6) dhe kolegëve të tyre në vendet pritëse të Procesit të Berlinit.
Procesi përfshin gjithashtu institucionet e BE-së, institucionet financiare ndërkombëtare dhe shoqërinë civile, rininë dhe bizneset e rajonit.
Berlin, 29 prill 2019 –Sapo arritëm në Berlin për samitin e nesërm me kancelaren Merkel, presidentin Macron dhe liderët e shteteve të Ballkanit Perëndimor. Ecja përpara drejt integrimeve evropiane është shumë e rëndësishme për Kosovën dhe tërë rajonin tonë!
Në hapjen e Samitit të Berlinit fola për bashkëpunimin rajonal dhe pajtimin. Situata dhe relacionet janë në nivel të ulët, prandaj në rrethana të tilla shumë iniciativa të mira nga Procesi i Berlinit kanë mbetur pa u realizuar.
Kjo situatë e keqe nuk mund të tejkalohet vetëm me deklarata dhe premtime abstrakte. Duhen vendime të guximshme nga shtetet e rajonit, të cilat nuk do të ndodhin për aq kohë sa nuk ka vendime të guximshme dhe strategjike nga Bashkimi Evropian dhe shtetet anëtare.
Berlin, 29 prill 2019 – Takimi i Nivelit të Lartë për Ballkanin Perëndimor.
Edhe pajtimi do të jetë i pamundur për aq kohë sa Serbia dhe Bosnje e Hercegovina nuk e njohin pavarësinë e Kosovës. Gjermania dhe Franca kanë mundësi ta marrin lidershipin për këto vendime të guximshme.
Por, një prej vendimeve të para që Bashkimi Evropian do duhej ta merrte është liberalizimi i vizave për qytetarët tanë.
Kosova padrejtësisht ka mbetur vendi më i izoluar në Evropë. Qytetarët e Kosovës janë populli më proevropian në rajon dhe është shumë e padrejtë të vazhdojnë të diskriminohen!
Berlin, 29 prill 2019 – Takimi i Nivelit të Lartë për Ballkanin Perëndimor. Kancelarja Merkel, presidenti Macron, kryeministri Haradinaj, presidenti Vuciq, kreyministrja Bërnabiq.
Udhëheqësit evropianë donin të shtynin Serbinë dhe Kosovën që të tërhiqen nga një konflikt i ri i mundshëm dhe të kthehen në bisedimet e paqes.
Ne si lidership duhet thënë të vërteten se ishim të ndarë dhe u mblodhem për një kohë të shkurtër për të kërkuar ndihmë nga Shtetet e Bashkuara.
Kancelarja gjermane Angela Merkel dhe presidenti francez Emmanuel Macron zhvilluan bisedime të gjata, por jo përfundimtare me ne dhe liderët nga Serbia, duke kërkuar uljen e tensioneve nacionaliste në të dyja palët që prishën bisedimet e paqes të udhëhequra nga Bashkimi Evropian.
Berlin, 29 prill 2019– Me Kancelaren gjermane Angela Merkel dhe Presidentin francez Emanuel Macron.
Të dy liderët evropianë ulën pritjet për përparim të shpejtë pas këtij Samiti.
Duke parë këtë situatë të krijuar presidenti Thaçi tha se anëtarët e Bashkimit Evropian nuk mund të bien dakord mes tyre se si të merren me tensionet në Ballkan.
“Pa Shtetet e Bashkuara nuk mund të bëjmë asnjë marrëveshje përfundimtare, sepse BE-ja është e ndarë, është e vërtetë”, tha Thaçi para mediave botërore, pas takimeve dhe një darke mes liderëve evropianë dhe ballkanikë.
Berlin, 29 prill 2019 – Presidenti Thaçi duke deklaruar para mediave se pa Shtetet e Bashkuara nuk mund të bëjmë asnjë marrëveshje përfundimtare, sepse BE-ja është e ndarë në qëndrime.
Administrata Trump mbështet BE-në në procesin e pajtimit, por Merkel nuk pajtohej me iden e shkëmbimit të territoreve, për çka SHBA deklaronte se kjo gjë mund të konsiderohet nëse të dyja vendet bien dakord.
Përpara se të merrnin pjesë në bisedimet evropiane, ne si liderë të Kosovës kërkuam një takim të përbashkët të paprecedentë me ambasadorin e SHBA-së në Gjermani, Richard Grenell. “Presidenti, Kryeministri dhe Ministri i Jashtëm i Kosovës kërkuan një takim me ne”, thuhet në njoftimin e Ambasadës së SHBA-së.
Grenell përsëriti dhe insistonte se Kosova duhet të pezullojë tarifat ndëshkuese për mallrat serbe, të njëjtin mesazh që ne dëgjuam edhe nga një zyrtar i lartë i Departamentit të Shtetit, i cili vizitoi vendin muajin e kaluar.
Presidenti Thaçi i ishte zotuar Grenellit këtë vit se do të punonte për të hequr tarifat e vendosura në nëntor, por rivali i brendshëm politik i Thaçit, kryeministri i Kosovës Ramush Haradinaj, ish-udhëheqësi i Ushtrisë Çlirimtare të Kosovës, nuk është pajtuar publikisht.
Para Samitit të Berlinit, bashkë me Presidentin Thaçi, një takim bilateral kishim me Përfaqësuesen e Lartë të BE-së për Politikë të Jashtme, Federica Mogherin.
Por një gjë i bashkonte dy politikanët, të cilët janë nga parti të ndryshme politike, thirrja Uashingtonit që të marrë një rol më qendror. Uashingtoni dëshironte që të dy të veprojnë së bashku për të anuluar taksën 100 për qind të importit për mallrat serbe.
Tarifa u vendos në shenjë hakmarrjeje për përpjekjet e Serbisë për të sabotuar shenjat e njohjes ndërkombëtare, duke përfshirë anëtarësimin në Interpol.
Trump kishte varur mundësinë e një nënshkrimi të paqes në Shtëpinë e Bardhë nëse të dy vendet mund të bashkoheshin, duke u shkruar liderëve serbë dhe kosovarë veçmas në dhjetor për t’i inkurajuar ata të bisedonin.
Në anën tjetër BE-ja kishte shprehur se Serbia dhe Kosova duhet të përmirësojnë marrëdhëniet përpara se të mund të anëtarësohen në bllok, por negociatat e udhëhequra nga BE-ja kanë zgjatur për më shumë se shtatë vjet.
Serbia refuzonte të kthehet në tryezë derisa të hiqen tarifat. Përpara takimit të Berlinit, zyrtarët serbë gjithashtu minimizuan shanset që udhëheqësit evropianë të mund të prodhonin shumë përparim.
Berlin, 30 prill 2019- Takim me Ministrin e Brendshëm të Gjermanisë Horst Seehofer.
Ditën e dytë në Berlin së bashku me kryeministrin e Kosovës, Ramush Haradinaj, zhvilluam një takim shumë konstruktiv me ministrin e brendshëm të Gjermanisë, Horst Seehofer.
Pos tjerash u diskutua edhe për liberalizimin e vizave. U dakorduam që të formohen grupet punuese në mënyrë që liberalizimi i vizave të implementohet sa më parë! Faleminderit Gjermani!
