Në fjalimin tim në takimin e MSA në Bruksel, sikurse në shumë sqarime që i kam bërë BE-së në të kaluarën, theksova se askush nuk reagonte kur Serbia e BeH shkelnin CEFTA-n, se Serbia duhet të ndalohet nga BE në keqpërdorimin e dialogut, dhe obstrukcionet e saj kunder Republilës së Kosovës.
Ka mbaruar koha për qasje asimetrike dhe standarde të dyfishta ndaj Republikës së Kosovës. Është koha për korrektësi dhe penalizim të Serbisë nga ana e BE, këtë e kërkova me ngulm.
Përfaqësueses së Lartë Mogherini, z. Danielsson, dhe përfaqësuesve të shteteve anëtare të BE-së, i’u bëra me dije se Republika e Kosovës mirëpret Këshillin e Tretë të Stabilizim Asociimit ndërmjet Kosovës dhe BE-së, me qëllim të rishikimit të progresit dhe sfidave në rrugën tonë europiane.
Përkundër neglizhencës dhe mungesës së qartësisë për perspektivën tonë europiane nga ana e BE-së, Republika e Kosovës është fuqimisht e vendosur për anëtarësimin në BE si prioritet i lartë i saj, gjersa vazhdon të punojë pandërprerë për të arritur zbatimin e plotë të MSA-së, dhe të respektojë obligimet e kontratës sonë të përbashkët.
Bruksel, 16 dhjetor 2018 – Në fjalimin tim në takimin e MSA në Bruksel.
“Me bindje të plotë mund të them se nuk ka vend në Europë më të përkushtuar ndaj idealeve të Bashkimit Europian se sa Kosova. Vlerat tona janë vlerat tuaja, shpresat tona për fëmijët tanë janë të njëjta me shpresat tuaja për fëmijët tuaj”
Kosova është shoqëri dinamike, që ka rini edhe më dinamike. Ata nuk i gëzojnë liritë që për ju janë normale. Ata nuk mund të udhëtojnë lirshëm, nuk mund të tregtojnë lirshëm, nuk mund të luajnë lirshëm dhe nuk mund të jenë pjesëmarrës të plotë dhe të barabartë në komunitetin e kombeve të lira.
Në takimin e MSA në Bruksel, së bashku me kryeministrin Ramush Haradinaj, ministrin e drejtësisë, Abelard Tahiri dhe antarë tjerë të kabinetit qeveritarë.
Përkundër këtij fakti fatkeq, ata thyejnë barriera, edhe pa pasur viza, duke arritur rezultate të nivelit botëror në sport, muzikë, arsim, inovacion. Dhe kjo shumë lehtë mund të ketë qenë arritje e Europës.
Edhe pse Kosova zbatoi të gjitha 95 kriteret e paracaktuara, siç është konfirmuar nga Komisioni në muajin maj, përgjigja që marrim nga BE, është gjysmake dhe e pashpresë.
Bruksel, 16 dhjetor 2018 – Gjatë adresimit tim para zyrtarëve të lartë të BE-së.
Edhe përkundër angazhimit të plotë në Agjendën e Reformës Europiane(ERA), dhe reformave të fuqishme të ndërmarra për të fuqizuar sundimin e ligjit dhe institucionet e tij, Kosova ndjehet e tradhtuar dhe e zhgënjyer nga BE.
Njerëzit tanë sprovohen përtej asaj që është e arsyeshme dhe e drejtë. Koha nuk është miku ynë. Duhet të shohim progres konkret.
Të nderuara shtete anëtare të BE-së, kjo është thirrja ime për ju:
Duhet të përshpejtojmë dhe konkretizojmë proceset e integrimit. Caku përfundimtar i rrugëtimit është i qartë – por ende, nuk është i prekshëm për ne.
Kemi nevojë për një sinjal të qartë nga ju se i respektoni arritjet tona dhe se kemi mbështetjen tuaj, në mënyrë aktive, veçanërsiht në realizimin e lëvizjës së lirë për qytetarët e Kosovës.
Megjithatë, njëzet vjet pas luftës, dhjetë vjet pas pavarësisë, dhe pesë vjet pas Marrëveshjes së Brukselit, realiteti është se, përparimi drejt normalizimit të marrëdhënieve ndërmjet Kosovës dhe Serbisë ka qenë minimal, dhe në fakt tani ka dalur krejtësisht nga binarët, veçanërisht me diskutimin publik mbi idenë fatale të korrigjimit të kufirit dhe shkëmbimit të territorit; Ka dëmtuar seriozisht kredibilitetin e ndërmjetësuesit, dhe ka dëmtuar arritjet që kemi bërë në dialogun e ndërmjetësuar nga BE për më shumë se 7 vjet.
Bruksel, 16 dhjetor 2018 – Në takimin e MSA në Bruksel, së bashku me kryeministrin Ramush Haradinaj, ministrin e drejtësisë, Abelard Tahiri dhe antarë tjerë të kabinetit qeveritarë.
Marrëveshja përfundimtare synon të sjellë paqe afatgjatë dhe të sigurojë të ardhme prosperuese europiane për të dy shtetet. Përfshirja e Shteteve të Bashkuara në udhëheqjen e dialogut është kyç, përderisa BE-ja ofron garanci, për të mbushur hendekun e mundshëm midis dy vendeve. Le të jemi të sinqertë, të hapur dhe të drejtpërdrejt në këtë mision.
Të nderuara shtete anëtare,
Jemi shumë mirënjohës për ndihmën tuaj përgjatë dekadave. Ju erdhët për të na ndihmuar në kohë të vështira. Ju na ndihmuat të ndërtojmë atë që kemi sot.
Por tani ka ardhur koha për të ecur përpara me vendosmëri dhe me shpejtësi – si partnerë. Dhe ne duhet të veprojmë tani!
Ju faleminderit për organizimin e Këshillit të Tretë të MSA-së ndërmjet Bashkimit Europian dhe Kosovës. Kosova pret që në javët dhe muajt e ardhshëm të thellojmë dhe forcojmë marrëdhënien tonë kontraktuale.
Rrugëtimi i Forcës së Sigurisë së Kosovës simbolizon ecjen dhe zhvillimin e shtetit tonë. Një proces me hapa të gjatë dhe të mundimshëm, por gjithmonë i orientuar drejt arritjes së një qëllimi të qartë, në dobi të qytetarëve të të gjitha komuniteteve në vendin tonë.
Për qytetarët dhe institucionet, Forca e Sigurisë de fakto ka qenë gjithmonë Ushtria e Kosovës.
Por, nga ky muaj, me mandatin e ri, vajzat dhe djemtë tanë, me dinjitet e krenari edhe do ta mbrojnë Republikën e Kosovës, duke kontribuar gjithnjë në ndërtimin dhe ruajtjen e stabilitetit rajonal dhe më gjerë.
Prishtinë, 2011 – Parakalimi në tepihun e kuq para Gardës Ceremoniale të FSK-së, kur mu bë pritja sa isha president i Republikës së Kosovës.
Sot, nesër dhe përgjithmonë, Forcën e Sigurisë së Kosovës dhe ushtarët tanë, i tërë populli ynë do t’i shikojë me respekt, me nderim dhe krenari.
USHTRIA E KOSOVËS buron nga populli liridashës e paqedashës i Kosovës dhe i përket të gjithë qytetarëve të saj, pa dallim. Ajo do të jetë garantuese e paqes dhe stabilitetit në Rajon me synimin për të qenë pjesë e NATOs dhe t’i kontribuoj qëllimeve madhore të kësaj aleance kudo në Botë.
Themelet e kësaj Ushtrie janë të vendosura thellë në luftën e pastër dhe të shenjtë të USHTRISË ÇLIRIMTARE TË KOSOVËS. Kosova do të jetë përgjithmonë mirënjohëse vendeve që po mbështesin formimin e USHTRISË sonë. Kliko linkun: https://fb.watch/n2rOcDLOnL/
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Personalisht në cilësinë e Zëvendëskryeministrit të parë të Kosovës, me ftesë të shtetit të IOWA-së, isha i nderar me respektin që më bëri Dhoma e Përfaqësuesve të shtetit të Iowa-së në Shtetet e Bashkuara të Amerikës dhe Komandanti i Gardës Kombëtare të Iowa-s, Gjenerali Orr gjatë vizitës time zyrtare të këtij shteti.
Me gjeneralin Orr kemi biseduar për procedurat si të vijmë deri tek ushtria e Kosovës.
Gjeneral Major Tim Orr, gjeneral i Gardës Kombëtare të Iowa-s, shtrëngon dorën me mysafirin Zëvendëskryeministri i parë i Kosovës Behgjet Pacolli, në të majtë, pasi mbajti fjalimin e tij vjetor për Kushtetutën e Gardës Kombëtare të Iowa-s në një seancë të përbashkët të Dhomës së Iowa-s dhe Senatit, të enjten, 11 janar 2018, në Des Moines, Iowa.
Rruga e gjatë deri sa e bëm Ushtrinë e Kosovës
Në vitin 1998 – 1999 ishin Ushtarët e Ushtrisë Çlirimtare të Kosovës, që luftuan me forcat barbare serbe. Pas luftës ata dorëzuan armët dhe u transformuan në Trupat Mbrojtëse të Kosovës.
Prishtinë, 2011 – Me bacën Rifat Jashari, kryeministrin Hashim Thaçi, unë si president i Republikës, duke parakaluar para armatimit të FSK-së, në kazermen Adem Jashari.
Pas shpalljes së pavarsisë së Republikës së Kosovës në vitin 2008 u krijua Forca e Sigurisë së Kosovës (FSK), e cila ka 2500 ushtarë aktiv dhe 800 ushtarë rezervë.
Forca e Sigurisë së Kosovës, nuk i pëlqen Beogradit dhe qe disa vite ka bërë presion pjestarëve të komunitetit serb të largohen. Për ta bërë Forcën e Sigurisë së Kosovës ushtri, duhen ndryshime kushtetuese, por pa voten e serbëve nuk mund të ndryshohet kushtetuta.
Prishtinë, 2011 – Në kazermen “Adem Jashari” mu dha fjala si Komandant Suprem i FSK-së, deri sa ushtroja postin e presidentit të Republikës së Kosovës.
Mbështetësit kryesor të Kosovës – Shtetet e Bashkuara të Amerikës, dhe vendet më të fuqishme në NATO kanë thënë se pa ndryshime kushtetuese nuk ka ushtri.
NATO doli me qëndrim se nëse një gjë e till bëhet pa ndryshimin e kushtetutës atëher raportet me FSK-në do të dëmtohen. Ky është një historik i shkurtër se si erdhëm deri në ditën e formimit të Ushtrisë së Kosovës.
Përkundër paralajmrimeve ne si qeveri e Kosovës, vendosëm për të miratuar 3 ligje që kishin për qëllim transformimin e FSK-së në Forca të Aramatosura. Ligjet pastaj u përcollën për votim në parlament.
Seanca u thirr për datën 14 dhjetor 2018, kur deputetët e Kuvendit të Kosovës do të miratonin përfundimisht tri ligjet, me të cilat mundësohet transformimi i Forcës së Sigurisë së Kosovës në Ushtri të Kosovës.
Ndonëse emri i FSK-së nuk pësoi ndryshime për shkak të pamundësive për ndryshime kushtetuese, ligjet e miratuara vlerësohet se i japin FSK-së kapacitete ushtarake gjatë një procesi transformimi brenda disa viteve.
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Bëhet fjalë për Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.
Të gjithë atë ditë ishim unik, seanca filloi me një minutë heshtje për të nderuar, të gjithë ata që u vranë dhe sakrifikuan duke dhënë kontributin e tyre për lirinë dhe pavarësinë e Kosovës.
Votimi u përcjellë me duartrokitje të gjata në Kuvend.
I kapluar nga emocionet kryetari i Kuvendit, Kadri Veseli, tha se me këtë votim po fillon një epokë e re për shtetin e Kosovës.
“Nga ky moment, zyrtarisht e kemi Ushtrinë e Kosovës. Në sallë kemi kadetët e Forcës së Sigurisë së Kosovës që nga ky çast janë ushtarë të Kosovës, të cilëve ua urojmë Ushtrinë e Kosovës”, ka thënë Veseli.
Vendimi për formimin e Ushtrisë së Kosovës po përcillej me një atmosferë festive në sheshet e Prishtinës.
Sheshet e kryeqytetit ishin mbushur me flamuj të Shteteve të Bashkuara të Amerikës, Britanisë së Madhe, Gjermanisë, Francës, Italisë dhe shteteve tjera, të cilat Kosova i konsideron si vende që e kanë ndihmuar në vazhdimësi atë.
Ceremoni festive në FSK
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Aty, morëm pjesë ne krerët më të lartë të shtetit të Kosovës.
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Presidenti Thaçi mori fjalën dhe falënderoi partnerët ndërkombëtarë, Shtetet e Bashkuara të Amerikës dhe të gjitha vendet e NATO-s. Ndërkaq, kryeministri Ramush Haradinaj, tha se Kosova po hyn e fundit në rreshtin e ushtrive të paqes në botë.
Propaganda kishte filluar në Beograd
Përderisa në Prishtinë, 14 dhjetori cilësohej si ditë historike, në Beograd kishte shqetësime. Këtë e dinim, ishte e pritur.
E para doli me qëndrime kryeministrja e Serbisë, Ana Brnabiq, ajo të premten tha se për të është “një ditë e rëndë”, porse Serbia do ta vazhdojë rrugën e paqes. “Për mua kjo është ditë e rëndë. Nuk është ditë që i kontribuon bashkëpunimit në rajon”, ka thënë Brnabiq për mediat serbe.
Një atmosferë ndryshe me Prishtinën dhe qytetet tjera të banuara nga popullata shumicë shqiptare, mbizotëronte në pjesën veriore të Kosovës, të banuar me popullatë serbe.
Dora e zgjatur e politikës së Vuçiqit kishte mbushur sheshet e Mitrovicës Veriore me flamuj të Serbisë. Direktivat i ishin dhënë edhe deputetëve të Listës Serbe që të bojkotonin seancën, duke kundërshtuar kështu vendimin për Ushtrinë.
Nga veriu i Kosovës, ku jetojnë popullata shumicë serbe, u dërguan porosi se Forca e Sigurisë së Kosovës nuk ka të drejtë të shkojnë atje.
Goran Rakiq, kryetar i Listës Serbe, thirri konferencë për media duke thënë që vendimi i autoritete të Prishtinës është i papranueshëm për serbët dhe se nuk ka asnjë fuqi.
Mitrovica e Veriut dhe Prishtina, në ditën kur pritet formimi i Ushtrisë së Kosovës.
Si zëvendëskryeministër i parë dhe minister i Punëve të Jashtme të Republikës së Kosovës, fillova ti kundërpërgjigjem propagandës së Beogradit.
Mobilizova ekipen time dhe në vazhdimësi kemi informuar shumicën e vendeve dhe institucioneve të botës, për hapin historik të Republikës së Kosovës, tranzicionin e Forcës së Sigurisë së Kosovës, në një ushtri bashkohore, sikurse të gjitha ushtritë e vendeve demokratike.
Të njëjtat shtete i kam informuar se tranzicioni nga Forca në Ushtri, është proces i kujdesshëm, transparent, e demokratik, përmes të cilit do të përfitojë jo vetëm Republika e Kosovës, por edhe siguria dhe stabiliteti në nivel rajonal, evropian dhe global.
Në esencë mesazhi i përcjellë nga ana ime në të gjitha adresat relevante diplomatike kudo në botë, nënvizonte që Republika e Kosovës synon t’i shërbejë dhe të jetë pjesëmarrëse aktive në nisma, zhvillime dhe projekte të sigurisë dhe stabilitetit në rajon dhe më gjerë.
Sigurisht se deri sot Serbia ka bërë një fushatë të egër dhe primitive kundër këtij momenti historik, dhe komunikimi im me të gjitha vendet, institucionet dhe adresat tjera diplomatike, mes tjerash, ka pasur si qëllim që të degradojë narracionin e rremë të Serbisë.
Dhe koha po tregon se i’a kam arritur. E vërteta është një dhe e vetme, Ushtria është forcë e Republikës dhe qytetarëve dhe e cila reflekton karakterin kushtetues e divers të vendit.
E njëjta ka qenë, është, dhe do të vazhdojë bashkëpunimin e ngushtë strategjik me NATO-n, si ombrellë dhe hisedare e sigurisë në rajon.
Në fakt, përderisa vendet tjera kanë ndjekur rrugëtimin e hyrjes në NATO, ne kemi përparësinë që ta kemi NATO-n brenda në Kosovë. Tashmë nga sot, rrugëtimi ynë strategjik mori një tjetër hov!
Ushtria është atributi unik i shtetit tonë të ri.
Hezitime në NATO dhe përkrahje nga SHBA-ja
Transformimi i kësaj ushtrie nuk arriti të sigurojë mbështetjen e plotë të NATO-s, ishim në dijeni për këtë fakt. I pari që reagoi ishte Sekretari i Përgjithshëm i NATO-s, Jens Stoltenberg, i cili doli me qëndrim se ky transformim po ndodh në një “kohë të papërshtatshme” dhe i tërhoqi vërejtjen Prishtinës se nëse do të ndërmarrë hapin e transformimit “do të përballet me pasoja”.
Por, ne në Prishtinë deklaratat e tilla i pamë si reflektim i qëndrimeve të disa vendeve anëtare të NATO-s, të cilat nuk na njohin pavarësinë e Kosovës.
Ne kishim siguruarmbështetjen e nevojshme të NATO-s dhe Shteteve të Bashkuara të Amerikës për transformimin e Forcës së Sigurisë së Kosovës në kapacitete ushtarake.
Qytetarët e duartrokasin qëndrimin e SHBA-së për FSK-në
Për dallim nga NATO, e cila ka në përbërje të vet shumë shtete, Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Një javë më parë FSK-në e kishim pajisur me 24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
Si ministër i jashtëm në çdo takim me zyrtarë të shteteve të ndrysme që takoja u zotova se transformimi i FSK-së do të bëhet në koordinim me NATO-n dhe shtetet që Kosova i konsideron si aleate, duke veçuar sidomos Shtetet e Bashkuara të Amerikës.
24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
FSK nuk e zëvendëson KFOR-in
Forca e Sigurisë së Kosovës do të nisë rrugën drejt shndërrimit në ushtri,rolin dhe mandatin mbrojtës në Kosovë do të vazhdojë ta ketë forca paqeruajtëse dhe shumëkombëshe e KFOR-it.
“Prezenca e NATO-s në shtetin tonë do të jetë gjithmonë e mirëpritur. Ne duam t’i bashkohemi NATO-s, duam të punojmë me ju. Me tranzicionin, FSK-ja është e gatshme të shërbejë me ju, me forcat e juaja të armatosura gjithkund në botë”.
Forca e Sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës.
Kjo Forcë, është ngritur nën mbikëqyrjen e NATO-s, por misioni dhe kapacitetet e saj, nuk përkuan me ambicien e institucioneve, që Kosova ta ketë ushtrinë e saj.
Duke vizituar shpesh shtetet afrikane kam filluar të mësojë edhe disa përshendetje. “Vipi WaKenya! që në shqip i bie (Përshëndetje Kenias!), ishte fjala që e thash po sa zbrita në Nairobi.
Ua them gjithmonë, gëzohem që jam në Kenia, një komb me të cilin kemi një miqësi të thellë dhe shpresojë të jetë e gjatë.
“Mezi prita të takohem me zyrtarë e lartë të këtij shteti për të diskutuar interesat tona të përbashkëta dhe për të afirmuar partneritetin tonë strategjik”, thash menjëherë pas mbërritjes në Nairobi.
Nairobi, 12 dhjetor 2018 – Gjatë takimit me presidentin e Kenias, Uhuru Kenyatta.
Udhëtimi do të pasohet nga vizita në Mozambik, Lesoto dhe Swaziland dhe do të përfundojë të shtunën.
Më 15 Dhjetor 2018, pas përfundimit të takimeve në Mozambik, kam vazhduar vizitat dhe takimet në shtetin e Lesotos dhe Swazilandit (Eswuatini).
Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed. Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.
Mbi 100 partnerë u mblodhën në Paris për të ndërtuar momentum, për të përmirësuar veprimet aktuale dhe për të premtuar mbështetje për një zgjidhje të qëndrueshme për t’i dhënë fund vuajtjeve të shkaktuara nga armët e vogla të paligjshme dhe armët e lehta (SALW) në Ballkanin Perëndimor dhe në Evropë në përgjithësi.
Në konferencen franko-gjermane të luftës kundër trafikut të armëve te zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekje.
Krimi e trafiku nuk njohin kufinj, ndaj lufta kundër tyre duhet të jetë ndërkufitare dhe e bashkërenduar. Bashkë me ministrin e brendshëm paraqitëm plane konkrete për bashkëbiseduesit tanë – kolegët nga rajoni, institucionet franceze dhe gjermane dhe organizatat ndërkombëtare të pranishme.
Paris, 11 dhjetor 2018 – Në konferencën franko-gjermane të luftës kundër trafikut të armëve të zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekjeje.
Republika e Kosovës me të gjitha kapacitetet shtetërore është e përkushtuar që ti kontribuojë sigurisë dhe paqes në rajon dhe më gjerë.
Në konferencen franko – gjermane u tha se numri i madh i vlerësuar i armëve të zjarrit ilegale në Ballkanin Perëndimor përbën një kërcënim për sigurinë e rajonit dhe të Bashkimit Evropian, për shkak të tregtisë së paligjshme, trafikimit dhe keqpërdorimit të tyre, veçanërisht nga krimi i organizuar dhe grupet terroriste.
Prandaj, qeveritë e Francës dhe Gjermanisë thirrën takimin e parë ndërkombëtar të nivelit të lartë në Paris më 11 dhjetor 2018.
Veprimtaria kishte për qëllim rritjen e vendosmërisë politike për të rritur më tej sigurinë dhe sigurinë për çdo qytetar evropian dhe gjenerimin e angazhimeve për të luftuar rreziqet e paraqitura nga mbajtja, trafikimi dhe keqpërdorimi i paligjshëm i armëve të zjarrit.
Paris, 11 dhjetor 2018– Në takim me Ministrin e Jashtëm të Francës, Jean-Yves Le Drian, gjatë punimeve të konferencës franko-gjermane të luftës kundër trafikut të armëve të zjarrit në Ballkanin Perëndimor.
Konferenca u hap nga Jean-Yves Le Drian, Ministër Francez për Evropën dhe Punët e Jashtme dhe Heiko Maas, Ministri Federal i Punëve të Jashtme gjermane. Të dy ministrat theksuan rëndësinë e rritjes së punës tashmë në vazhdim për kontrollin e armëve në Ballkanin Perëndimor dhe përgëzuan partnerët për miratimin e Udhërrëfyesit.
Në të njëjtën kohë, Gerd Trogemann, Menaxher i Qendrës Rajonale të PNUD-it në Stamboll, theksoi se si tejkalimi i ndryshimeve të lidhura me kontrollin e AVL-ve kontribuon në Qëllimin 16 që promovon shoqëri të drejta, paqësore dhe gjithëpërfshirëse, që qëndron në qendër të agjendës globale për zhvillim të qëndrueshëm.
Paris, 12 dhjetor 2018 – Shtrëngim duarsh me homologun gjerman Heiko Maas.
Takimi ndërkombëtar i nivelit të lartë mblodhi së bashku mbi 100 pjesëmarrës duke përfshirë ministra ose zëvendësministra të Punëve të Jashtme dhe të Brendshme nga Ballkani Perëndimor, përfaqësues të qeverive nga Evropa, Amerika e Veriut dhe organizata ndërkombëtare dhe rajonale të angazhuara në kontrollin e armëve, përfshirë Kombet e Bashkuara.
Ministrat e Brendshëm nga Ballkani Perëndimor prezantuan prioritetet e përcaktuara në Planet e Veprimit për zbatimin e Udhërrëfyesit, ndërsa organizatat ndërkombëtare informuan për mbështetjen e tyre të planifikuar për këto plane veprimi, duke filluar nga menaxhimi i stoqeve deri te forcimi i reagimit të drejtësisë penale ndaj keqpërdorimit të armëve të zjarrit dhe integrimit. gjinore në politikat e sigurisë.
Në raundin e dytë tê diskutimeve, gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Paris, 11 dhjetor 2018 – Gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Në fushën e sigurisë dhe bashkëpunimit ekonomik do të kemi nisma të reja, ku Franca do të jetë edhe në të ardhmen mbështetëse e Kosovës.
Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Paris, 11 dhjetor 2018 – Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
Gjermania duhet të tregojë lidershipin e vet dhe të shtyjë përpara procesin e liberalizimit të vizave për Kosovën, pas përmbushjes së secilit kriter të vendosur.
Kjo ishte edhe tema me të cilën biseduam në Paris me ministrin e jashtëm të Gjermanisë.
Paris, 11 dhjetor 2018 – Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
Unë kam udhëtuar në Afrikë rregullisht për më shumë se dy dekada. Sa herë që shkoj, mahnitem nga numri i madh i të rinjve që shoh – kudo, nga qytetet më të mëdha deri në fshatrat më të largëta.
Të shohësh Afrikën me sytë e rinisë së saj është të shohësh një kontinent të mbushur me potencial dhe mundësi.
Udhëtimi i radhës ishte në shtetin e Gambias. Në orët e hershme të mëngjesit arrita në kryeqytetin Banjul, si ndalesë e parë e një mini turneu lobues në kontinentin afrikan.
Në Aeroportin e kryeqytetit Banjul u prita nga homologu im, ministri i jashtëm Mamadou Tangara. Kliko linkun për të parë videon: https://fb.watch/n1kl-EAMSw/
Në Gambia, vizitën bilaterale e fillova me takimin me presidentin e këtij shteti Adama Barrow i cili dha një mbështetje të fortë për Kosovën dhe integrimin e saj në bashkësinë ndërkombëtare.
Ai më siguroi se Gambia do të mbetet një aleat i palekundur diplomatik i Kosovës në Afrikë dhe më gjerë. E kam ftuar atë të vizitojë Kosovën dhe do të shqyrtojmë disa fusha të mundshme të bashkëpunimit.
Banjul, 5 dhjetor 2018 – Në takim me Presidentin e Gambisë, Adama Barrow.
Me Ministrin e Punëve të Jashtme Gambian Mamadou Tangara, i cili ishte Ministër i Jashtëm që e njohu Kosovën vite më parë, ne diskutuam për hapat konkretë të bashkëpunimit.
Ne kemi nënshkruar tre marrëveshje që do të thellojnë marrëdhëniet politike dhe diplomatike midis Kosovës dhe Gambia dhe do të rrisin lidhjet e popujve me popujt.
Banjul, 5 dhjetor 2018 – Me homologun tim, Ministrin e Punëve të Jashtme të Gambisë, Mamadou Tangara, pas nënshkrimit të marrëveshjes për thellimin e marrëdhënieve politike dhe diplomatike në mes të Republikës së Kosovës dhe Gambisë.
Gambia do ta mbështesë Kosovën në të gjitha qëllimet diplomatike dhe Ministri i Jashtëm Tangara do të vizitojë Kosovën së shpejti për të thelluar lidhjet tona.
Ne synojmë të forcojmë praninë e mëtejshme diplomatike të Kosovës në Afrikë dhe shumë rajone të tjera, dhe miqtë si Gambia qëndrojnë pranë Kosovës për të mbështetur përpjekjen tonë legjitime për t’u bërë anëtare e barabartë e bashkësisë ndërkombëtare.
Banjul, 5 dhjetor 2018 – Me homologun tim, Ministrin e Punëve të Jashtme të Gambisë, Mamadou Tangara, pas nënshkrimit të marrëveshjes për thellimin e marrëdhënieve politike dhe diplomatike në mes të Republikës së Kosovës dhe Gambisë.
Pas vizitës në Gambia kam vazhduar vizitën në Kongo Brazzaville. Udhëtimet në shtetet afrikane më frymëzojnë pasi që gjashtëdhjetë përqind e afrikanëve janë nën moshën 25 vjeç. Mosha mesatare është 19 vjeç. (Për krahasim, në Amerikën e Veriut është 35.) Dhe numri i të rinjve në Afrikë pritet të rritet në dekadat e ardhshme.
Gjëja tjetër që më godet gjithmonë gjatë udhëtimeve të mia në Afrikë është optimizmi i shfrenuar i këtij brezi të ri.
Edhe përballë disa sfidave të vështira shëndetësore dhe zhvillimit, shumica e të rinjve që takoj kanë një këndvështrim pozitiv për të ardhmen.
Kjo ndjesi më përcjelli edhe para takimit me presidentin e Kongo Brazzeville, Denis Sassou Nguesso.
Kongo Brazzeville, 5 dhjetor 2018 – Takim me presidentin Denis Sassou Nguesso.
Në momentet vendimtare, ka qenë përkrahja e SHBA-ve ajo e cila ka bërë diferencën. Traditë e përhershme, marrëdhënie e përhershme strategjike.
U shpreha thellësisht mirënjohës për përkrahjen e SHBA-ve, me rastin e pranimit të kopjeve të letrave kredenciale nga Ambasadori i ri amerikan, Philip Kosnett, nëpërmjet të cilave ai u akreditua Ambasador i Jashtëzakonshëm dhe Fuqiplotë i ShBA-së në vendin tonë.
Prishtinë, 4 dhjetor 2018 – Me Ambasadorin e Shteteve të Bashkuara të Amerikës, Philip Kosnett. Nuk ka dy vende tjera që gëzojnë miqësi kaq të ngushtë si Shtetet e Bashkuara të Amerikës dhe Kosova.
Me ambasadorin në margjina të këtij takimi bashkëbiseduam dhe shkëmbyem pikëpamjet mbi mbarëvajtjen e zhvillimeve politike në Kosovë, rajon dhe më gjerë.
Vuam në dukje në veçanti marrëdhënien speciale dhe partneritetin strategjik në mes dy vendeve dhe dy popujve.
“jetike për Republikën e Kosovës vazhdimin e mbështetjes së mëtutjeshme dhe bashkëpunimit të ngushtë dhe të afërt me ShBA-në”.
Ambasadori amerikan, Kosnett, shprehu qëllimin e tij për të mbajtur bashkërendim të afërt mes Ambasadës dhe Ministrisë së Punëve të Jashtme.
Prishtinë, 4 dhjetor 2018 – Me Ambasadorin e Shteteve të Bashkuara të Amerikës, Philip Kosnett. Ai tha se e mirëpret mundësinë për të punuar ngushtë me ju, me ministritë, si dhe me popullin e Kosovës,
Fjala e ambasadorit Kosnett pas Ceremonisë së dorëzimit të letrave kredenciale E hënë, 3 dhjetor 2018
Z. President, ju faleminderit.
Është nder i madh për mua, familjen time dhe kolegët nga ambasada që jemi sot këtu.
Siç e përmendët, kam shërbyer shkurtimisht në ambasadën amerikane në Kosovë para 15 viteve dhe është nder dhe kënaqësi e jashtëzakonshme që jam sërish këtu për të parë përparimin që Kosova tashmë e ka arritur në rrugëtimin drejt begatisë, drejtësisë, paqes dhe vënies së marrëdhënieve të mira me fqinjët e saj.
E mirëpres mundësinë për të punuar ngushtë me ju, me ministritë, si dhe me popullin e Kosovës, përveç qeverisë, për ta bërë të qartë se Shtetet e Bashkuara të Amerikës janë këtu për t’ju mbështetur.
Partneriteti ndërmjet Shteteve të Bashkuara të Amerikës dhe Kosovës nuk krahasohet askund në botë. Nuk ka dy vende tjera që gëzojnë miqësi kaq të ngushtë si Shtetet e Bashkuara të Amerikës dhe Kosova. Është privilegj i posaçëm që jam këtu në mbështetje të vendit tim.
Po ashtu, bashkëshortja ime, Alison dhe unë mezi s’po presim që të shëtisim gjerë e gjatë nëpër vend, për të bërë miq nga të gjitha komunitetet dhe për të diskutuar përvojën e jetesës në shoqëri të larmishme, veçori kjo që e kanë të përbashkët të dy vendet tona.
Prishtinë, 4 dhjetor 2018 – Me Ambasadorin e Shteteve të Bashkuara të Amerikës, Philip Kosnett.
“Ju keni një familje në Kosovë, mos e harroni”, ishin fjalët e para që ua thash mysafirëve të mbledhur në festën solemne në Berlin.
Pas festimit në Prishtinë dhe Prizren (më 3 tetor 2018) jubileu i mardhënieve diplomatike u festua edhe në Berlin (3 dhjetor 2018), ku spontanisht vendosa të merrja pjesë në ceremoni.
Berlin, 3 dhjetor 2018 – Gjatë fjalimit tim në ceremoninë e organizuar nga Ambasada e Republikës së Kosovës në Gjermani me rastin e shënimit të dhjetëvjetorit të vendosjes së marrëdhënieve diplomatike në mes të Kosovës dhe Gjermanisë.
Me të marr fjalën shpreha falënderimet për angazhimin e madh të Gjermanisë pro kandidimit të Kosovës në Interpol, pavarësisht se kjo dështoi.
“Më kanë thënë shumë delegacione, se ambasadori gjerman i ka marrë në telefon dhe u ka kërkuar që të votojnë pro Kosovës”, thash para bashkatdhetarëve të cilëve u tregova se e njoh Gjermaninë që nga periudha e studimeve në Hamburg.
Për shumicën e të pranishmëve që ishin mbledhur në festim, familja kosovare nuk kishte vetëm kuptimin simbolik, por edhe faktik.
Berlin, 3 dhjetor 2018 – Gjatë ceremonisë së organizuar nga Ambasada e Republikës së Kosovës në Gjermani me rastin e shënimit të dhjetëvjetorit të vendosjes së marrëdhënieve diplomatike në mes të Kosovës dhe Gjermanisë, takova shumë bashkë-atdhetar që punojnë e jetojnë në Berlin.
Shifrat i dha ambasadori Beqë Cufaj: “400 000 shtetas të Kosovës jetojnë në Gjermani dhe afro 100 000 gjermanë kanë shërbyer dhe punuar në Kosovë në këto 20 vitet e fundit. Dy shifra, të cilat na e bëjnë më të kthjellët domethënien e marrëdhënieve mes dy shteteve”
“Detyra jonë si diplomatë është që këto marrëdhënie të ngushta midis dy vendeve dhe popujve tanë t’i vazhdojmë me të njëjtin intensitet dhe miqësi edhe në dekadat e ardhshme”, tha ambasadori.
Kosova është më fat që ka miq dhe aleatë si Gjermania, e cila na ka përkrahur në periudhat më të vështira historike, në jetësimin e aspiratës për liri, pavarësi, shtetndërtim dhe në integrimet euroatlantike.
Berlin, 3 dhjetor 2018 – Me ambasadorin e Republikës së Kosovës, Beqë Cufaj, në sheshin kryesor të Berlinit.
Gjermania mbetet shtyllë e sigurisë dhe garantuese e integrimit tonë në Europë.
Në këtë link mund të lexoni intervistën dhënë për Deutsche Welle-n dhe RTK-në, në kuadër të festimit të 10-vjetorit të marrëdhënieve diplomatike mes Kosovës dhe Gjermanisë.
Berlin, 3 dhjetor 2018 – Me ambasadorin e Republikës së Kosovës, Beqë Cufaj dhe zyrtarë tjerë gjerman duke prerë edhe ëmbëlsirën që ishte përgatitur enkas për këtë ceremoni festive.
Mora rrugën drejt qytetit bredetar Malazez, Budva, atje ku do e përfaqësojë Republikën e Kosovës në takimin e ministrave të jashtëm të Ballkanit perendimor WB6.
Tema kyqe e këtij Ministeriali ishte Integrimi Evropian i rajonit tonë dhe shtyrja përpara e procesit të Berlinit. Në takime jo formale para se të fillonim zyrtarisht me liderët e Shqipërisë, Malit të Zi, Maqedonisë, diskutuam se si procesi i pajtimit është kyç për të ardhmen e Ballkanit Perendimor.
Thash se takimi i Ministrave të Jashtëm të Ballkanit Perëndimor erdhi në një moment të rëndësishëm për rajonin, por edhe për BE-në.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi.
Homologve nga Ballkani u thash se është me rëndësi të sigurojmë vazhdimësinë e aktiviteteve të mëparshme rajonale, si dhe të kontribuojmë në rritjen e bashkëpunimit reciprok, si mjet për garantimin e stabilitetit dhe ndërlidhshmërisë në rajon.
Por takimi i të premtës që po zhvillohej në Budva, nuk kaloi pa tensione e përplasje. Sigurisht, tensionet si gjithnjë erdhen edhe kësaj radhe nga përfaqësuesit e Serbisë dhe Bosnjë Hercegovinës.
Gjithçka nisi pasi kërkova një ndryshim në deklaratën e përbashkët të ministrave të vendeve të Ballkanit Perëndimor. Insistimi dhe kërkesa që këmbngulja ka konsistuar në respektin e ndërsjellë për Kosovën në zbatimin e marrëveshjes së tregtisë së lirë CEFTA.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi, i jam përgjigjur homologut tim boshnjak lidhur me taksën 100 % për produktet serbe dhe boshnjake në Kosovë, duke kritikuar pozicionin e tij si dhe duke e akuzuar Bosnje dhe Hercegovinën se po shërben si marionetë e Beogradit.
Hipokrizia ishte kur fjalën e mori ministri i Jashtëm i Bosnjës dhe Hercegovinës Igor Crnadak.
Crnadak filloi me kritika për Kosovën, se ne kishim vendosur taksën 100% për produktet nga Serbia dhe Bosnjë dhe Hercegovina.
Si përgjigje ia ktheva Crnadak, duke i thënë se Bosnja dhe Hercegovina ka shkelur në vazhdimësi marrëveshjet si dhe frymën e bashkëpunimit rajonal.
“Dëgjo Igor, ne ju respektojmë juve. Por ju e keni ofenduar vendin tim. Ndonëse ne ju respektojmë juve, ne e respektojmë Bosnjën. Ma thuaj sa kamionë i lejoni ju të hyjnë në Bosnjë? Asnjë! A e respektoni dokumentacionin tonë, i cili shoqëron mallin nga Kosova në Bosnjë? Jo, ju nuk i pranoni, nuk i respektoni!”.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi, homologëve duke ua bërë të qartë kërkesën time dhe pse po insistoja.
Vazhdova duke i’a shpalosur realitetin se: “A i njihni ju vulat tona? Jo nuk i njihni vulat tona. A munden kamionët tonë të vijnë në Bosnje dhe Hercegovinë me tabela të Kosovës? Jo ata nuk mund të vijnë”.
“Deri tani ne kemi bërë mjaftueshëm. Ne i pranojmë mallrat tuaja ne e pranojmë dokumentacionin tuaj, ne i pranojmë vulat tuaja. Ne i pranojmë kamionët tuaj ne i pranojmë pasaportat tuaja, ne kemi pranuar të gjitha këto”.
I thash se ju duhet ta respektoni faktin se Kosova është shtet i pavarur dhe i pranuar nga dy të tretat e shteteve të botës dhe ju duhet të tregoni respekt për këtë. Në të ardhmen ne duhet të kemi vetëm reciprocitet, vetëm reciprocitet.
“Ju e dini sa herë unë kam biseduar me ju për çështjen e vizave! Igor, ju mund të vini në çdo kohë në Kosovë”.
Para të pranishmëve thash madje me një doze nervozizmi se është e çuditshme lehtësia me të cilën Serbia dhe Bosnja e Hercegovina nisen e na akuzojnë.
Këtë po e bëjnë në sy dhe prapa syve tanë, e bëjnë në lindje e perendim. Boll është boll, u tha para edhe se ta shpallnim pavarësinë, është koha që edhe BE ta afirmojë faktin që e ardhmja e qëndrueshme e marrëdhênieve korrekte dhe konstruktive kalon përmes kushtëzimit të Serbisë dhe Bosnje e Hercegovinës, me pranimin e faktit që Kosova është realitet shtet i pakthyshëm.
“Ne mirëkuptojmë rëndësinë e ruajtjes së frymës konstruktive, këtë po e bëjmë në secilin rast, por nuk mund të pranojmë asnjë situatë, që të mos sillemi brenda dhe ndërkombëtarisht sikurse na takon, si shtet i barabartë në mesin e shteteve tjera në rajon. Serbia dhe BeH që na akuzojnë për sjelljen shtetërore reciproke përmes takses, le ta dijë secili kudo, se as njëra e as tjetra nuk e kanë me taksën per se, por më shumë e kanë hall të na fusin në kurthin e të sjellurit si kuazi-shtet”
Ky ishte thelbi i asaj çfarë refuzova në WB6, dhe këtë ia thashë homologut nga BeH, por që ta dëgjojnë edhe të tjerët që ishin prezent aty.
Por ky propozim nuk u prit mirë nga ministri i Jashtëm i Bosnje Hercegovinës, Igor Crnadak si dhe nga përfaqësuesi serb. Kurse në mbështetje të kërkesës time doli homologu shqiptar Ditmir Bushati.
Budvë, 30 nëntor 2018 – Konsultimi me mikun dhe vëllain tim nga shteti shqiptar, Ditmir Bushati, i cili doli fuqishëm në krahun tim dhe kërkesës së drejt që unë kisha.
Vëllau nga shteti amë ua bëri të qartë se nëse Bosnja dhe Serbia nuk tregojnë mirëkuptim, atëherë për Shqipërinë e Kosovën është shumë e lehtë të kthehen tek qëndrimet kombëtare.
“Besoj se kemi nevoje për të vendosur më shumë theksin tek pajtimi i cili lidhet drejtpërdrejt dhe me vullnetin politik për të bashkëpunuar dhe vijuar me proceset për të cilat kemi rënë dakord me parë. Bashkëpunimi ende nuk është aty ku duhet për shkak të mungesës së vullnetit politik. Një gjë e tillë ndikon jo vetëm zhvillimin por edhe klimën e bashkëpunimit që po mundohemi të krijojmë në rajonin tonë. CEFTA gjithashtu duhet të interpretohet në raport me angazhimet e tjera që çdo vend ka ndërmarrë. Nëse Bosnje Hercegovina dhe Serbia nuk tregojnë mirëkuptim, atëherë dhe për Shqipërinë dhe Kosovën është shume me e lehta te kthehen tek qëndrimet kombëtare”
Përplasjet erdhen në një kohë kur ne si qeveri e Kosovës kemi vendosur taksen 100% për mallrat nga Serbia dhe Bosnje Hercegovina.
Pavarësisht tensionit që pala serbe dhe ajo boshnjake krijuan takimi i Budvës përfundoi punimet me një deklaratë të përbashkët dhe në tekst u përfshi edhe ndryshimi i kërkuar nga unë dhe që u mbështet nga Bushati.
Budvë, 30 nëntor 2018 – Fotografia e përbashkët me pjesmarrësit në fund të takimit përfundoi punimet me një deklaratë të përbashkët dhe në tekst u përfshi edhe ndryshimi i kërkuar nga unë dhe që u mbështet nga Bushati.
Ne ditën e Pavarësisë, Ditën e Festës Kombëtare të Shqiptarëve, u nderova nga Universiteti i Vlorës “Ismail Qemali” me titullin e lartë akademik “doctor honoris causa”.
Në një ceremoni ku morën pjesë personalitete të larta të jetës politike, akademike të vendit dhe të rajonit, studentë, etj, rektori Profesor doktor, Roland Zisi, pas bëri prezantimin e jetës dhe kontributit tim më dorëzoi titullin e lartë me motivacionin:
Vlorë, 28 nëntor 2018 – Plot emocion pasi pranova titullin akademik të nderit “Dr Honoris Causa”, nga Senati Akademik i Universitetit “Ismail Qemali”
“Për kontributin e shquar, unik dhe doktrinar, në nxitjen e mendimit shkencor kombëtar dhe afirmimin e modelit mbarëshqiptar të biznesit dhe marketingut, në sintoni dhe relacione të suksesshme me ekonominë globale, të cilat kanë sjellë rezultate reale e të prekshme në rritjen e mirëqënies individuale dhe harmonisë sociale, në funksion të patriotizmit modern, si kushte themelore të bashkëjetesës europiane e globale”.
Fjala përshëndetëse e Rektorit të Universitetit “Ismail Qemali, Vlorë, Prof. Dr Roland Zisi, në ceremoninë e dorëzimit të diplomës së nderit, “Dr. Honoris Causa”, Z. Behgjet Pacolli, zevëndës kryeministër dhe ministër i jashtëm i Kosovës.
Pasi mu dha fjala isha shumë i emocionuar. Fillimisht vlerësova rektorin dhe shpreha kënaqësinë dhe spjegova raportin tim me studentët dhe rininë.
Vlorë, 28 nëntor 2018 – Duke falënderuar anëtarët e senatit akademik për vlerësimin dhe nderimin që më bën. Me rastin e pranimit të titullit akademik “Doctor Honoris Causa” nga Universiteti i Vlorës “Ismail Qemali”.
”Më pëlqen të përsëris një maksimë: Nema propheta in Patria Sua. Askush s’të bën prift në fshatin tënd. Mua më nderon vazhdimisht Shqipëria- universitetet, qytetet, presidenti, për atë që kam bërë për emrin e shqiptarit në botë, për mirëqenien e tij, për rininë dhe arsimin, për punën, për urbanizmin e kohës sonë. Më nderojnë shtete të tjera… “
Ceremonia u çel me Himnin e Flamurit dhe interpretimin e poezisë “Në vendin tim” të poetit Petrit Ruka, përmes një inserti poetiko-muzikor, në qendër të së cilës ishte Vlora si motiv kryesor.
Vlorë, 28 nëntor 2018 – Ceremonia u çel me Himnin e Flamurit dhe interpretimin e poezisë “Në vendin tim” të poetit Petrit Ruka.
Më pas duke ju referuar Vlorës dhe rëndësisë së saj në plan kombëtar, thash se vij shpesh në Vlorë nga toka dhe nga deti, ku bëj pushimet, kam reflektuar për lidhjen midis historisë dhe të sotmes së këtij vendi magjik.
“Vlora, një nga portet më të rëndësishme të antikitetit, i ka mundësitë të kthehet pikësëpari, një nga vatrat më të rëndësishme të turizmit europian dhe botëror. Në asnjë prej plazheve më të rëndësishme të sotme, nuk ka një kombinim kaq simbiotik të malit me detin, të blegtorisë me turizmin, por që duhet të shfrytëzohet. Duke zhvilluar blegtorinë që do të furnizojë me produkte bio turizmin e së ardhmes, por dhe një strukturë hoteliere respektuese të natyrës. Vlora me thellësinë dhe gjerësinë e pasqyrës së saj ujore ka nevojë për një port të ri që mund të jetë nga më të mëdhenjtë e Mesdheut. E pse jo edhe port konteinerësh. E nëse ndërtohet porti, Vlora ka nevojë për një hekurudhë të re, ku pse jo të mbërrijnë mineralet e Kosovës. Vlora duhet të shihet me një sy tjetër, ashtu si e kanë parë në lashtësi- si pikëlidhje korridoresh të mëdhenj rrugorë, por jo vetëm”
Potencova, po shtu se Vlora ka arsye të ketë aeroportin e vet, të ndërlidhur me portin e saj. Unë e shoh universitetin tuaj, të angazhuar për projektet e mëdha të Vlorës, që do të jenë projektet e të ardhmes së Shqipërisë.
“Ju më nderuat për aktivitetin tim, idetë, kontributin në krijimin e një lloj doktrine për bashkimin ekonomik kombëtar. Unë e shoh Vlorën si qytet, si pellg industrialo- bujqësor me potencial të madh në këtë bashkim ekonomiko kombëtar. Vlora ka ndryshuar shumë, sepse ka deputetë të mirë që mendojnë për të si z. Rama, dhe ne kosovarët si krejt shqiptarët, jemi krenarë me Vlorën tonë.”- tha ai
Para se të nderohesha me çmimin nga Universiteti mora pjesë bashkë me Presidentin Ilir Meta, kryeministrin Edi Rama dhe kryetarin e parlamentit Gramoz Ruçi, në ceremonial që parashikonte ngritjen e flamurit, vendosjen e kurorës me lule në varrin e themeluesit të shtetit shqiptar, Ismail Qemali.
Vlorë, 28 nëntor 2018 –Emocione në nderimin e themeluesit të shtetit Ismail Qemali. Prej Vlorës ju uroj gjithë shqiptarëve Gëzuar Festën e Flamurit! Mbarësi, me suksese e qofshim gjithmonë bashkë!”, ka thënë kryediplomati kosovar.
Gjatë qëndrimit në Vlorë, vizitova edhe një ekspozitë pikture të piktorit kosovar, Tafil Peci, muzeun e pavarësisë dhe vendosi një kurorë me lule në monumentin kushtuar heroit Isa Boletini.
Takim kisha edhe me kryetarin e bashkisë së Vlorës Dritan Leli, në bashkinë e qytetit, ku pata rastin të vlerësoja rikonstruksionin e saj, dhe planet zhvillimore të qytetit.
Vlorë, 28 nëntor 2018 – Kryetarit i bashkisë së Vlorës, Dritan Leli, duke më prezentuar pikturat që gjenden në hapsirat e bashkisë së Vlorës. Ekspozita ishte hapur me punimet e piktorit kosovar, Tafil Peci.
Kryebashkiaku më uroi mirëseardhjen dhe më vlerësoi personalitetin në shërbim të kombit shqiptar.
“Sot kisha rastin të prisja me kënaqësi në Bashkinë e Vlorës, një nga figurat kryesore të jetës politike në Kosovë, Behgjet Pacollin. Zëvendëskryeministri dhe Ministri i Punëve të Jashtme të Kosovës, Pacolli më shprehu impresionet e tij për ndryshimet e prekshme të qytetit tonë. Pacolli nuk do të jetë vetëm një vizitor i Vlorës, por edhe mik i veçantë i yni, pasi sot Universiteti “Ismail Qemali”, e vlerësoi me titullin më të lartë akademik “Doctor Honoris Causa”. Bashkë me Pacollin vizituam sot edhe ekspozitën e piktorit kosovar Tafil Peci, Muzen e Pavarësisë si dhe vendosëm një buqetë me lule në bustin Isa Boletinit. Vizita e Pacollit në Vlorë, ishte një vlerë e shtuar në këtë 28 Nëntor”
Vlorë, 28 nëntor 2018 – Kryetarit të bashkisë së Vlorës i shpreha impresionet e mija për ndryshimet e prekshme të qytetit që kishte bërë.
Ne fund te mbremjes, ishta i ftuar nga Presidentit Meta në Pallatin e Brigadave ku takova personalitete të shumta të ftuar atje, mes të cilëve, ish Presidentin kroat, Stipe Mesiç, të cilin e uroi për dekoratën e marrë nga kryetari i shtetit shqiptar.
Vlorë, 28 nëntor 2018 – Kryetarit të bashkisë së Vlorës i shpreha impresionet e mija për ndryshimet e prekshme të qytetit që kishte bërë.
Përballë sfidave të shumta, shqiptarët duhet ta kenë të qartë të ardhmen e tyre së bashku. Në Pejë, në mbledhjen e dy qeverive, të Kosovës dhe Shqipërisë, me mbështetjen e kryeministrit Edi Rama dhe Ramush Haradinaj, inicova studimin e përbashkët ndërkombëtar “Kombi shqiptar në 50 vitet e ardhshme”.
Dokument ky që do duhej të shërbente si një platformë zhvillimore fuqizuese e kombit shqiptar në Ballkan.
Pejë, 26 nëntor 2018 – Në kuadër të mbledhjes së pestë të përbashkët në mes të Qeverisë së Republikës së Kosovës dhe Këshillit të Ministrave të Republikës së Shqipërisë kam propozuar inicimin e studimit të përbashkët ndërkombëtar: “Kombi shqiptar në 50 vjetët e ardhshëm”, dokument ky që do duhej të shërbente si një platformë zhvillimore fuqizuese e kombit shqiptar në Ballkan.Pejë, 26 nëntor 2018 – Në kuadër të mbledhjes së pestë të përbashkët në mes të Qeverisë së Republikës së Kosovës dhe Këshillit të Ministrave të Republikës së Shqipërisë.
Në prag të Ditës së Flamurit, aty ku zuri rrënjë liria, në Prekaz, bashkë me Kryeministrin Rama dhe kabinetet qeveritare të Republikës së Shqipërisë dhe të Kosovës, nderuam madhështinë e rezistencës dhe sakrificën sublime të familjes emblematike Jashari dhe të Komandantit Legjendar, Adem Jashari.
Vepra e tyre e djeshme, betimi ynë i sotëm, për të ardhmen e ndritur të kombit tonë.
Pejë, 26 nëntor 2018 – Dy delegacionet e qeverive tona, Kosovës dhe Shqipërisë, në konakun e bacës Rifat Jashari, kullat e familjes Jashari në Prekazin legjendar. Pejë, 26 nëntor 2018 – Në kuadër të mbledhjes së pestë të përbashkët në mes të Qeverisë së Republikës së Kosovës dhe Këshillit të Ministrave të Republikës së Shqipërisë, duke bërë homazhe në Prekaz tek varrezat e familjes Jashari.Pejë, 26 nëntor 2018 – Në Prekaz – aty ku bashkohen të gjithë shqiptarët!
