Vizita e Zëvendëskryeministrit të parë të Kosovës, z.Behgjet Pacolli në SHBA vazhdoi me disa nderime publike dhe akademike nga institucione të ndryshme amerikane në shtetin e Luizianës.
Në fillim të qëndrimit në këtë shtet, z. Pacolli u nderua nga bashkia e qytetit të Baton Rouge (Bato Ruzh), kryeqyteti i Luizianës, me titullin Kryebashkiak Nderi. Nderimi i lartë, z.Pacolli i’u dorëzua nga kryebashkiaku i Baton Rouge dhe President i kontesë së Baton Rouge Lindor, z. Melvin Kip Holden.
Gjatë bisedës së zhvilluar në selinë e Kontesë së Baton Rouge, Pacolli paraqiti para Holden, të arriturat e shtetit të ri të Kosovës, “që nga çlirimi deri në themelimin e shtetësisë me ndihmën kryesore të SHBA-ve, si shteti mik më i madh i vendit tonë”.
Pacolli e ftoi z.Holden të vendosë lidhje binjakëzimi me qytetet e Kosovës, që kanë nevojë për eksperiencën e qyteteve amerikane.
Holden e vlerësoi kontributin e Pacollit në ecurinë demokratike të Kosovës dhe e njohu atë me zhvillimet në qytetin dhe në kontenë që ai drejton.
Baton Rouge, nën drejtimin e z.Holden, që ka mandatin e tij të dytë, është një nga qytetet simbol në SHBA, për manaxhimin e katastrofës së krijuar nga uragani “Katrina”. Ky qytet është i njohur gjithashtu për stabilitetin ekonomik, megjithë krizën e përgjithshme globale. z.Holden është i famshëm për rolin e tij të mirënjohur kultivimin e marrëdhënieve të shkëlqyera midis komuniteteve të ndryshme në qytetin dhe kontenë që ai drejton.
Zëvendëskryeministri i parë i Qeverisë së Republikës së Kosovës, z.Behgjet Pacolli, është takuar në Uashington, me zëvendësndihmëssekretarin e Departamentit Amerikan të shtetit, z.Philip Reeker.
Gjatë këtij takimi, zëvendëskryeministri Pacolli, e njoftoi zotin Reeker në mënyrë të detajizuar, me zhvillimet në Kosovë, veçanërisht në veri të vendit, dhe me aktivitetin e tij diplomatik për njohjet e Kosovë.
Aleanca jonë me SHBA është jashtëzakonisht e rendesishme për të ardhmen euroatlantike. Përkushtimi amerikan për Kosovën është i palëkundër. Kosova është me fat që në rrugëtimin e vet ec përkrah shtetit më të fuqishëm dhe më demokratik të botës.
Në kuadër të angazhimeve shtetërore, për lobimin për njohjen e pavarësisë së Republikës së Kosovës, zëvendëskryeministri i parë i Qeverisë së Republikës së Kosovës, është takuar në Nju Jork të SHBA-së, me presidentin e Republikës së Ganës, z. John Atta Mills.
Gjatë këtij takimi, i cili zgjatë më shumë se 40 minuta, zëvendëskryeministri Pacolli, ripërsëriti kërkesën për njohjen e Republikës së Kosovës nga Gana.
Zëvendëskryeministri i parë i Qeverisë së Republikës së Kosovës, z.Behgjet Pacolli u ka bërë thirrje të gjithë investitorëve amerikan që të investojnë, në Kosovë, në shtetin e ri me kapacitete të shumëanshme.
Në konferencën e investitorëve për Kosovën, të mbajtur në Hjuston të SHBA-së, në të cilën merrnin pjesë më shumë se 30 kompani të fuqishme (me gjiro qindra miliona dollarë).
Zëvendëskryeministri i parë i Kosovës, Behgjet Pacolli u ka bërë thirrje të gjithë investitorëve amerikan që të investojnë, në Kosovë, në shtetin e ri me kapacitete të shumanshme. Në konferencën e investitorëve për Kosovën, të mbajtur në Hjuston të SHBA-së, në të cilën merrnin pjesë më shumë se 30 kompani të fuqishme, zëvendëskryeministri Pacolli ka ofruar një pasqyrë të mundësive reale për investime në Kosovë.
Zëvendëskryeministri Pacolli e ka përshkruar Kosovën si vendin më proamerikan në Evropë, si vendin me ligje sipas standarteve evropiane, në të cilin, investitorët janë të privilegjuar nga shteti. Amerikanët sipas zëvendëskryeministrit Pacolli, janë të mirëpritur në Kosovë, dhe duhet të fillojnë me investimet e tyre.
“Në Kosovë ka nevojë për gjithçka, ndaj në Kosovë ka hapësirë për investime kudo, me garanci shtetërore, me mbështetje të privilegjuar nga shteti. E keni shansin qe te vini ne Kosovë, të investoni dhe ne do të ju mbështesim me kapacitetet tona. Ne ju inkurajojmë që të vini dhe jeni të mirëseardhur”, ka thënë Pacolli.
Ai po ashtu ka shpjeguar edhe mundësitë që ka Kosova si rezultat i aplikimit të masave favorizuese nga BE dhe SHBA për prodhimet kosovare.
“Unë e kam të qartë rëndësinë e hapësirës, apo të tregut për zhvillimin e biznesit. Nëpërmjet iniciativave të caktuara, përgjithësisht hapësira e rajonit falë një iniciative të Bashkimit Europian është pa pengesa të mëdha doganore, apo pengesa të tjera, me përjashtim të kufijve me Serbinë. BE aplikon masa favorizuese për prodhimet Made in Kosova”, ka theksuar zëvendëskryeministri Pacolli.
Ai ka theksuar se investitorët amerikanë, duhet të jenë të parët që hyjnë në industritë minerare dhe energjetike. Sipas tij, interes në këtë fushë kanë shprehur edhe investitorë të tjerë, por e rëndësishme për shtetin e Kosovës, është që në këtë drejtim, amerikanët të jenë në radhë të parë.
Pjesëmarrës në këtë konferencë ishin: Clean Air, SK Engineering&Construction, McGriff,Seibels&Williams, Bechtel, ZEEP, Fuel Quest, WorleyParsons, PwC.
Është historike për shtetin e Republikës së Kosovës, njëherit edhe për mua. Pasi në një ceremoni të veçantë në sheshin më të madh publik të Manilës, flamuri i Kosovës u ngrit sot për herë të parë para një audienca të përbërë nga autoritetet e larta të shtetit filipinas, kryetari i bashkisë së Manilës, dhe personalitete të tjera të rëndësishme.
Kjo ngjarje e rrallë shënon një hap të rëndësishëm në diplomacinë ndërkombëtare për Kosovën, pasi që Filipinet, me një popullsi prej mbi 100 milionë banorë, ende nuk kanë njohur shtetin e Kosovës.
Ngritja e flamurit të Kosovës në Manila ka shkaktuar një vëmendje të madhe publike dhe ka sjellë çështjen e njohjes së Kosovës në qendër të diskutimeve në këtë shtet aziatik.
Në mesin e 15 të përzgjedhurve që fituam “Gusi Peace Prize” për vitin 2011.
Krejt kësaj i parapriu ftesa nga autoritetet filipineze se Komiteti i Çmimit të Paqes Gusi në Manila, kishte vendosur të më nderoi me Çmimin e Paqes “Gusi Peace Prize”.
Në një letër të vitit 2011, Ambasadori Barry Gusi, kryetar i Bordit të “Gusi Peace Prize International”, më komunikoi lajmin për çmimin, ku ndë të tjera më shkroi – “Kontributet tuaja si President i Kosovës dhe themelues i Fondacionit “Behgjet Pacolli”, ju kanë bërë një paradigmë të gjallë që të tjerët të imitojnë, jo vetëm në Kosovë, por në të gjithë Evropën, Shtetet e Bashkuara të Amerikës, Azinë dhe komunitetin ndërkombëtar.”
Shpesh i referuar si Çmimi Nobel për Paqen në Azi, Çmimi Gusi për Paqe është i mandatuar nga Proklamata Presidenciale Nr. 1476 – e nënshkruar nga ish-presidentja e Filipineve, Gloria Macapagal-Arroyo – duke shpallur çdo të mërkurë të katërt të nëntorit si “Çmimi i Paqes Gusi Dita Ndërkombëtare e Miqësisë”.
Në mesin e 15 të përzgjedhurve që fituam “Gusi Peace Prize” për vitin 2011. Në mesin e këtyre 15 flamujve mbrapa shpinës ishte edhe ai i Kosovës të cilin po e përfaqësoja.
Këtë vit kishte më shumë se 1,300 propozime dhe unë isha në mesin e 15 të përzgjedhurve.
Po i kthehem tani atmosferës dhe ngjarjes brenda sallës së ceremonisë, ku emocionet ishin të ndjeshme, duke reflektuar përkushtimin e pjesëmarrësve ndaj vlerave ndërkombëtare dhe hapjes ndaj njohjes së realitetit të Kosovës. Ky moment historik do të mbetet një kujtim i paharruar për të gjithë ata të përfshirë.
Erdhi edhe momenti kur mu dha edhe fjala ku në fjalimin tim gjatë ceremonisë thash se lajmi për çmimin ka ndikuar thellë tek unë. Konfirmova faktin se ka njerëz në botë që vlerësojnë përpjekjet e atyre që janë të përkushtuar për të vazhduar kërkimin e paqes në një botë mjerisht të ndarë dhe problematike.
“Jam i lumtur që jam këtu me ju, në këtë mbrëmje, dhe ju falenderoj përsëri. Unë vij nga Kosova, një vend i vogël, nga një qytet i vogël, por që është vendlindja e Nënë Terezës”
Fjalimi i Presidentit Behgjet Pacolli në ceremoninë kur u shpërbly me çmimin “Gusi Peace Prize International”.“Jam i lumtur që jam këtu me ju, në këtë mbrëmje, dhe ju falenderoj përsëri. Unë vij nga Kosova, një vend i vogël, nga një qytet i vogël, por që është vendlindja e Nënë Terezës”.
Çmimi i Paqes Gusi mban emrin e kapitenit të ndjerë Gemeniano Javier Gusi, i cili konsiderohet një hero në Filipine në mënyrën se si ai luftoi pushtuesit japonezë gjatë Luftës së Dytë Botërore, pas së cilës ai u bë një avokat aktiv i të drejtave të njeriut. (Ambasadori Barry Gusi është djali i kapitenit të ndjerë).
Sot Çmimi i Paqes Gusi përfaqëson një nga nderimet më të larta për individë të dalluar nga të katër anët e globit. Duke njohur shembujt më të shkëlqyer të atyre që punojnë drejt arritjes së paqes dhe respektit për jetën dhe dinjitetin njerëzor, Çmimi i Paqes Gusi synon të nxjerrë në pah arritjet, idealet dhe vlerat më të mira njerëzore.
Shpesh i referuar si Çmimi Nobel për Paqen në Azi, Çmimi Gusi për Paqe është i mandatuar nga Proklamata Presidenciale Nr. 1476 – e nënshkruar nga ish-presidentja e Filipineve, Gloria Macapagal-Arroyo.
Çmimet u jepen çdo vit individëve ose grupeve në mbarë botën që e kanë dëshmuar veten se janë shembuj të shkëlqyer të shoqërisë, si dhe kontribuues për paqen dhe të drejtat e njeriut. Fondacioni merr më shumë se 1000 propozime çdo vit – por komiteti prej 13 anëtarësh zgjedh rreptësisht vetëm 15.
Ky ngjarje e rrallë do të mbetet një moment i veçantë në historinë e marrëdhënieve ndërkombëtare të Kosovës, duke hapur rrugën për njohje të tjera dhe bashkëpunim të thellë me vende të tjera në rajon dhe përtej tij.
Me njërin nga fituesit e “Gusi Peace Prize International”, duke shtrënguar duart në ceremoninë e organizuar.Miq të shumtë duke më uruar çmimin “Gusi Peace Prize International”.
Në një nismë të përkushtuar për të thelluar marrëdhëniet ndërkombëtare dhe për të arritur një bashkëpunim më të ngushtë, udhëtova për në Sao Tome.
Vizita ime në Sao Tome, ishte me ftesë së kryeministrit Dr. Patrice Emery Trovoada. Kur aterova në kryeqytetin e këtij vendi, pash një metropol dinamik i njohur për bukurinë e peizazhit detar dhe trashegiminë koloniale. Kombinimi i kulturës së lokalitetit me ndikimin e historisë koloniale krijon një ambient unik dhe tërheqës për vizitorët.
Sapo takova kryeministrin, Patrice Emery Trovoada, pash një lider me vizion dhe përkushtim për zhvillimin e vendit të tij. Kryeministri Trovoada njihet për drejtimin e tij të fuqishëm dhe angazhimin në rritjen e potencialeve ekonomike të Sao Tome.
Gjatë këtij takimi, informova edhe njëherë, kryeministrin Trovoada me arritjet demokratike që Republika e Kosovës, ka shënuar që nga shpallja e pavarësisë në vitin 2008. Në këtë kontekst, ia, ripërsërita kërkesën për njohjen e Republikës së Kosovës, dhe fillimin e bashkëpunimit diplomatik, ekonomik dhe kulturor mes dy vendeve.
Ky është takimi i dytë që zhvillova me kryeministrin Trovoada brenda dy muajve. Me 30 tetor në Paris, kisha zhvilluar takimin e parë, në të cilin po ashtu temë kryesore ishte kërkesa për njohjen e Republikës së Kosovës, si shtet i pavarur dhe sovran.
Nga ana e tij, kryeministri Trovoada, më premtoi se shteti i tij, ka filluar procedurën për njohjen e Republikës së Kosovës dhe se kjo njohje do të vije shumë shpejt.
Ky është takimi i dytë që zhvillova me kryeministrin Trovoada brenda dy muajve. Me 30 tetor në Paris, kisha zhvilluar takimin e parë, në të cilin po ashtu temë kryesore ishte kërkesa për njohjen e Republikës së Kosovës, si shtet i pavarur dhe sovran.
Në Sao Tome takova edhe ministrin e Punëve të Jashtme, Manuel Salvador Dos Ramos, ku shënoi një kapitull të ri në dialogun dhe bashkëpunimin ndërmjet dy vendeve.
Intervistat për mediat e Afrikës për vizitem time lobuese për Pavarsinë e Kosovës.
Vizita në Sao Tome thekson përpjekjet e Republikës së Kosovës për të thelluar marrëdhëniet ndërkombëtare dhe për të gjetur fusha të përbashkëta bashkëpunimi me vende të tjera, duke ndihmuar në ngritjen e një diplomacie aktive dhe të frytshme.
Sipas agjendës, do të qëndrojë edhe në Guinenë Ekuatoriale, ku do të takohem me presidentin e këtij vendi, Teodoro Obiang. Takimi me Presidentin Teodoro Obiang Nguema Mbasogo, 80 vjeçar, ishte shumë domethënës, pasi ai është presidenti më jetë gjatë në botë.
Takim me presidentin e Guinenës Ekuatoriale Teodoro Obiang.
Presidenti Teodoro Obiang Nguema është rizgjedhur president dhe ai ka një kontroll të fortë në kombin qendror të Afrikës së pasur me naftë. Dhe anëtarët e tij të familjes mbajnë poste të larta.
Ai mori pushtetin në vitin 1979 pas një pushtimi ushtarak dhe u ka mbijetuar disa përpjekjeve për grusht shteti. Mendohet se presidenti Obiang, i cili më parë ka mohuar akuzat për shkelje të të drejtave të njeriut dhe manipulim të zgjedhjeve, synon të fitoj edhe mandatin e gjashtë.
Në kuadër të angazhimeve institucionale, zëvendëskryeministri i parë i Qeverisë së Republikës së Kosovës, z.Behgjet Pacolli sot(e hënë)ka takuar presidentin e Guinesë Ekuatoriale, z.Teodoro Obiang, i cili ishte i shoqëruar nga ministri i punëve të jashtme Micha Ondo Bile.
Gjatë këtij takimi të zhvilluar në kryeqytetin modern të Guinesë Ekuatoriale, Malabo, zëvendëskryeministri Pacolli ka prezantuar edhe njëherë kërkesën për njohjen e Republikës së Kosovës.
Njohja nga Republika e Gabonit, eshte konfirmuar zyrtarisht nga zëvendëskryeministri i parë i Qeverisë së Republikës së Kosovës, z.Behgjet Pacolli me datë 9 shtator të këtij viti.
Nota verbale e njohjes e nënshkruar nga ministri i punëve të Jashtme të Gabonit, Paul Toungui, është lëshuar me datë 15 shtator 2011.
Me datë 9 shtator 2011, Zëvendëskryeministri i parë i Qeverisë së Republikës së Kosovës, Behgjet Pacolli kishte konfirmuar zyrtarisht, ardhjen e njohjes së 82 për shtetin e Kosovës, nga Republika e Gabonit.
Njohja zyrtarisht I ishte konfirmuar zëvendëskryeministrit Pacolli, në orët e vonë të mbrëmjes në Gabon, nga udhëheqësit më të lartë të këtij shteti.
Nota Verbale nga Gaboni e cila konfirmon njohjen e Republikës së Kosovës.
Në kuadër të aktiviteteve lobuese në Nju Jork, zëvendëskryeministri i parë i Qeverisë së Republikës së Kosovës, z.Behgjet Pacolli bashkw me ministrin e punëve të jashtme z.Enver Hoxhaj, kanë takuar presidentin e Republikës së Nigerit, z.Mahamadou Issoufou.
Gjatë këtij takimi, përfaqësuesit e shtetit të Kosovës, kanë shprehur falënderimin për presidentin Issoufou për mbështetjen që i ka dhënë Republikë së Kosovës, me aktin e njohjes si shtet i pavarur dhe sovran.
Pacolli e Hoxhaj, po ashtu kanë kërkuar nga Presidenti Issoufou që të vazhdojë angazhimin e tij që edhe shtetet tjera të kontinentit afrikan të njohin Republikën e Kosovës.
Presidenti Issoufou në anën tjetër, ka inkurajuar Pacollin e Hoxhajn që të vazhdojnë edhe më tutje angazhimin e tyre, duke shprehur vendosmërinë se njohja e Republikës së Kosovës nga Nigeri ka qenë vendimi më i drejtë që ka mundur të merret në këtë rast.
Aktivitetet diplomatike në Nju Jork do të vazhdojnë edhe në ditët në vijim.
Kosova ka fituar njohjen e 77-të ndërkombëtare. Republika e Afrikës Qendrore është shteti i radhës që e ka pranuar Kosovën shtet të pavarur dhe sovran.
Lajmin e ka konfirmuar në një konferencë për media zëvendëskryeministri Behxhet Pacolli.
Kryeqyteti i Afrikës qendrore është Bangui.
Njohja e sotme vjen një vit pasi Gjykata Ndërkombëtare e Drejtësisë e ka vlerësuar shpalljen e pavarësisë së Kosovës në harmoni me të drejtën ndërkombëtare.
Nota Verbale nga Afrika Qendrore për njohjen e Pavarsisë së Kosovës.
