Presidenti i Republikës së Kosovës, Behgjet Pacolli priti në takim zonjën Tara Laitiainen ambasadore e Finlandës në Sofje, jorezidente për Kosovën.
Në takim, Presidenti Pacolli e falënderoi ambasadoren Laitiainen për ndihmën e pakursyeshme që Finlanda ka dhënë në të kaluarën dhe po vazhdon të japë për institucionet dhe qytetarët e Republikës së Kosovës.
Presidenti Pacolli theksoi se, pos aspekteve të tjera, Finlanda ka dhënë kontributin e saj edhe përmes pjesëmarrjes së ushtarëve të saj të kuadër të forcave të KFOR-it, të cilët kanë dhënë kontribut të madh për paqen dhe stabilitetin në Kosovë, si dhe kanë ndihmuar me shumë projekte dhe janë shumë të dashur e të respektuar nga qytetarët e Kosovës.
Presidenti i Republikës së Kosovës, Behgjet Pacolli priti në takim zonjën Tara Laitiainen ambasadore e Finlandës në Sofje, jorezidente për Kosovën.
Gjithashtu, Presidenti Pacolli ka folur në takim edhe punën që po bëjnë institucionet e Kosovës në kapërcimin e një varg sfidash që ka vendi përpara, si në sferën politike ashtu edhe në sferën e zhvillimit ekonomik, gjithnjë duke pasur synim krijimin e mundësisë për lëvizje të lirë të njerëzve, ideve e kapitalit, si dhe integrimin sa më të shpejtë të vendit në institucionet euroatlantike.
Nga ana e saj, ambasadorja Tara Laitiainen theksoi se vendi i saj është i përkushtuar për ta vazhduar përkrahjen për Kosovën, në të gjitha fushat, qoftë përmes prezencës konkrete në Kosovë në kuadër të mekanizmave ndërkombëtarë, qoftë në forma të tjera, me angazhimet në institucione të ndryshme për përmirësimin e jetës së qytetarëve të vendit tonë dhe hapjes së perspektivës evropiane për Kosovën.
Presidenti i Republikës së Kosovës, Behgjet Pacolli priti në takim zonjën Tara Laitiainen ambasadore e Finlandës në Sofje, jorezidente për Kosovën.
Presidenti i Republikës së Kosovës, Behgjet Pacolli priti në takim Ministrin e Punëve të Jashtme të Austrisë, z.Michael Spindelegger, me të cilin diskutoi për një varg temash me interes të bashkëpunimit të të dy vendeve, gjendjen në rajon dhe proceset integruese të Kosovës.
Presidenti Pacolli tha se me ministrin Spindelegger biseduan për veprimet të cilat Republika e Kosovës duhet t’i ndërmarrë në mënyrë që të përshpejtojë rrugëtimin e vet drejt Bashkësisë Evropiane.
“Unë e informova ministrin Spindelegger me problemet të cilat ne ballafaqohemi, po ashtu e informova se te ne çdo vit në tregun e punës dalin mbi dyzet mijë të rinj të cilët kërkojnë hapësirë veprimi. Ministrin po ashtu e informova mbi mbarëvajtjen e vizitës sime në Shqipëri dhe Maqedoni dhe në të dy vendet potencova kërkesën gjegjësisht mundësinë që sa më shpejtë që në këto vende të garantohet lëvizje e lirë e njerëzve, e mallrave dhe në një mënyrë këtu në rajon të përgatitemi për hyrje në shtëpinë e madhe në Bashkimin Evropian”, tha z.Pacolli.
Presidenti i Republikës së Kosovës, Behgjet Pacolli priti në takim Ministrin e Punëve të Jashtme të Austrisë, z.Michael Spindelegger, me të cilin diskutoi për një varg temash me interes të bashkëpunimit të të dy vendeve, gjendjen në rajon dhe proceset integruese të Kosovës.
“Unë ministrin e luta që Kosovës t’i ndihmojë në të gjitha integrimet e sidomos në ato ekonomike. Organizatat ekonomike për të cilat Kosova tani ka nevojë, të jetë pjesëmarrëse e barabartë me shtetet e tjera të Evropës, të jetë e përfaqësuar në mënyrë të drejtë, prodhimet nga Kosova që kishin një preferencë në të kaluarën të vazhdojë e njëjta, jo më si prodhime që vijnë prej rezolutës 1244, por prodhime të një shteti evropian, prej një shteti të pavarur”, vijoi ai.
“Ne po ashtu përshëndetëm kandidaturën e zonjë Pllashnik si kryesuese e OSBE-s dhe do donim që z.Stefan Lehne të jetë përfaqësues i Bashkësisë Evropiane këtu me të cilin ne do të punonim shumë mirë”, tha Presidenti Pacolli.
Presidenti Pacolli tha se me ministrin Spindelegger biseduan për veprimet të cilat Republika e Kosovës duhet t’i ndërmarrë në mënyrë që të përshpejtojë rrugëtimin e vet drejt Bashkësisë Evropiane.
“Biseduam edhe për reformat në gjyqësi, në drejtësi në Kosovë, të cilat do të garantonin investimet e huaja këtu dhe bashkëpunimin zhvillimor mes Republikës së Austrisë dhe Kosovës. Ne kemi disa marrëveshje të nënshkruara me Republikën e Austrisë dhe po ashtu kërkova që këto marrëveshje të implementohen pikë për pikë. Unë mora pothuajse premtimin nga ministri se ai si përpara do t’i ndihmojë Kosovës në këtë rrugë të gjatë dhe të vështirë, gjithmonë duke pasur parasysh që puna e madhe duhet të bëhet këtu në Kosovë”, tha Presidenti Pacolli.
“Është një gjë e veçantë për mua që ta përkrah Kosovën. Ne jemi të angazhuar qe shumë kohë këtu në Kosovë, dhe ekonomia jonë është investitori numër një në Kosovë, mirëpo interesi ynë është edhe si anëtar i Bashkimit Evropian, sikurse shteteve të tjera të Bashkimit Evropian që Kosovën ta përkrahim drejt rrugës së integrimeve evropiane. Për këtë arsye biseduam sot gjerësisht, se çka duhet të ndërmerret këtu se cilat rrugë duhet të ndiqen për integrime evropiane”, tha ndërkaq ministri i punëve të Jashtme të Austrisë, z.Michael Spindelegger.
Presidenti Pacolli dhe ministri Spindelegger në konference për media.
“Para së gjithash do t’i marrë me vete çështjet ose pyetjet lidhur me reformat ekonomike këtu edhe me çështje tjera ekonomike që i përkasin Kosovës dhe do të mundohem që investitorë të tjerë potencialë të Austrisë t’i bindim që angazhimi i tyre ose investimi i tyre në Kosovë do të jetë i suksesshëm. Si çështje e dytë që do ta marrë me vete është edhe negociatat lidhur me liberalizimin e vizave me Bashkimin Evropian për Kosovën. Ne austriakët kemi parimisht qëndrim pozitiv ndaj kësaj, mirëpo vlen për të dyja anët që duhet të plotësohen disa parakushte të caktuara edhe nga ana e Kosovës”, vijoi ai.
“Gjëja e tretë të cilën do ta marrë me vete është që duhet të ketë një perspektivë, posaçërisht për të rinjtë e Kosovës, kjo është e qartë edhe për mua dhe për këtë arsye dëshirojmë të kontribuojmë në këtë drejtim që të rinjve të Kosovës t’u krijojmë perspektivë”, tha ministri Spindelegger.
“Parimisht i tregova zotit President, i cili Austrinë shumë mirë e njeh që si miq kemi marrëdhënie shumë të mira, për këtë arsye si miq dëshirojmë të flasim haptazi se cilat janë parakushtet që duhet të krijohen për arritjen e perspektivës për të rinjtë e Kosovës dhe për arritjen e çështjeve tjera për të cilat biseduam”, tha ai.
Presidenti i Republikës së Kosovës, Behgjet Pacolli ka zhvilluar aktivitete të shumta në ditën e dytë të vizitës së tij zyrtare në Republikën e Maqedonisë.
Pas pjesëmarrjes në Forumin e Biznesit Kosovë-Maqedoni, Presidenti Pacolli dhe delegacioni që e shoqëroi, vizitoi Klinikën “Sistina” në Shkup, nga drejtuesit e së cilës u njoftua për funksionimin dhe punën e kësaj.
Presidenti Pacolli dhe delegacioni që e shoqëroi, vizitoi Klinikën “Sistina” në Shkup, nga drejtuesit e së cilës u njoftua për funksionimin dhe punën e kësaj.
Në vazhdim të vizitës, Presidenti Pacolli qëndroi në qytetin e Tetovës, ku ai u prit nga qytetarë të shumtë, ndërsa në një takim me kryetarin e komunës, z.Sadi Bexheti u njoftua më për së afërmi për gjendjen e përgjithshme në këtë komunë, zhvillimin ekonomik, bashkëpunimin me Kosovën dhe një varg temash të tjera.
Presidenti Pacolli përkujtoi me këtë rast se udhëheqja dhe banorët e komunës së Tetovës i dolën në ndihmë popullit të Kosovës, atëherë kur ai pati nevojë më së shumti, duke hapur dyert dhe duke pranuar të gjithë ata njerëz që ishin të dëbuar nga Kosova.
Ai shtoi gjithashtu se Tetova sot mund të quhet qendër akademike e të gjithë shqiptarëve të kësaj ane, duke e quajtur Tetovën një qendër të rëndësishme të zhvillimeve në këtë pjesë të Maqedonisë, por edhe në rajon.
Presidenti Pacolli theksoi se Tetova është një qendër e zhvillimit, por e cila mund të rrisë edhe më tej bashkëpunimin me rajonet e tjera, sidomos me Kosovën.
Edhe me këtë rast, Presidenti Pacolli theksoi nevojën e bashkëpunimit më të madh të bizneseve, por edhe krijimin e kushteve për rritjen e këtij bashkëpunimi, duke krijuar mundësinë për lëvizjen e lirë të njerëzve, ideve dhe të kapitalit.
Si shembull, ai përmendi mundësinë e krijimit të një zone të lirë ekonomike, në të dy anët e Maleve të Sharrit, në Kosovë e në Maqedoni. “Zona e lirë ekonomik është e arritshme, por duhet të jetë vullneti i fuqishëm i njerëzve që veprojnë.
I bëj thirrje edhe Qeverisë së Kosovës edhe Qeverisë së Maqedonisë që t’ia fillojnë punës për jetësimin e kësaj ideje”, tha ai, duke shtuar se ndërtimi i rrugës që lidh Prizrenin dhe Tetovën do të krijonte kushte shumë më të mira për bashkëpunimin ekonomik dhe lëvizjen e lirë të qytetarëve të të dy vendeve.
Presidenti Pacolli, po kështu, vizitoi “Xhaminë e Larme” dhe kompleksin “Arabati baba teqe”, ku u njoh me historinë dhe bukuritë e këtyre objekteve fetare, si dhe me drejtuesit e tyre diskutoi për një varg çështjesh.
“Hapja e pikave të reja kufitare mes Maqedonisë dhe Kosovës është edhe një hap drejt implementimit të idesë së krijimit të një hapësire të favorshme ekonomike, që do të ndikojë drejtpërdrejtë në përmirësimin e jetës së qytetarëve”, tha Presidenti Pacolli.
Presidenti Pacolli, po kështu, vizitoi “Xhaminë e Larme” dhe kompleksin “Arabati baba teqe”, ku u njoh me historinë dhe bukuritë e këtyre objekteve fetare, si dhe me drejtuesit e tyre diskutoi për një varg çështjesh.
Në vazhdim të vizitës në komunën e Tetovës, Presidenti Pacolli vizitoi edhe një nga ndërmarrjet më të suksesshme në këtë anë, fabrikën “Renova” në fshatin Xhepçishtë.
Drejtuesi i kësaj fabrike, Shefki Idrizi e njoftoi Presidentin Pacolli me historikun e kësaj fabrike dhe të ndërmarrjes që ai drejton, e cila ka shtrirë aktivitetin e saj edhe në disa qytete të tjera të Maqedonisë, në Kosovë dhe në Shqipëri.
Në vazhdim të vizitës në komunën e Tetovës, Presidenti Pacolli vizitoi edhe një nga ndërmarrjet më të suksesshme në këtë anë, fabrikën “Renova” në fshatin Xhepçishtë. Në vazhdim të vizitës në komunën e Tetovës, Presidenti Pacolli vizitoi edhe një nga ndërmarrjet më të suksesshme në këtë anë, fabrikën “Renova” në fshatin Xhepçishtë.
Nga ana e tij, Presidenti Pacolli e përgëzoi z.Idrizi për punën e bërë dhe e inkurajoi që të zgjerojë edhe më tej biznesin e tij dhe bashkëpunimin me ndërmarrjet nga Kosova.
Në përmbyllje të vizitës, Presidenti Behgjet Pacolli vizitoi edhe selinë e Kompanisë “Ecolog” në Tetovë.
Përveç anëtarëve të delegacionit, Presidenti Pacolli në këto vizita u shoqërua edhe nga zëvendëskryeministri në Qeverinë e Maqedonisë, z.Abdylaqim Ademi dhe zyrtarë të tjerë të Qeverisë së Maqedonisë.
Duke folur për punën e Kompanisë, z.Lazim Destani e njoftoi Presidentin Pacolli me punën që bën kjo kompani me shtrirje në të katër anët e globit, duke pasur të punësuar mbi 3500 punëtorë nga 25 shtete të ndryshme.
Në përmbyllje të vizitës, Presidenti Behgjet Pacolli vizitoi edhe selinë e Kompanisë “Ecolog” në Tetovë. Në përmbyllje të vizitës, Presidenti Behgjet Pacolli vizitoi edhe selinë e Kompanisë “Ecolog” në Tetovë.
Ai gjithashtu theksoi se, pas institucioneve shtetërore, “Ecolog” është kompania e parë për nga punësimi i një numri të madh të studentëve të dy universiteteve të Tetovës.
Presidenti Pacolli e përgëzoi z.Destani për punën e madhe që bën kompania “Ecolog” dhe sidomos për faktin se ajo zhvillon një aktivitet të madh dhe është një krah i madh për familjet shqiptare të kësaj ane.
Duke folur për punën e Kompanisë, z.Lazim Destani e njoftoi Presidentin Pacolli me punën që bën kjo kompani me shtrirje në të katër anët e globit, duke pasur të punësuar mbi 3500 punëtorë nga 25 shtete të ndryshme.
“Është një kënaqësi të gjendem para njerëzve të cilët më kuptojnë më së miri, njerëzve që veprojnë, njerëzve që ndërtojnë, njerëzve që krijojnë, para së gjithash, para njerëzve që krijojnë jetë më të lumtur, jetë më të mirë edhe për të tjerët”, tha Presidenti Pacolli, duke folur pas takimit.
“Jam i gëzuar që jam në një kompani ndërkombëtare, në një kompani që gjithmonë ka gjeneruar vetëm për mirësi. Kishim një bisedë shumë konstruktive. Kosova ka nevojë për ndërmarrës, Kosova ka nevojë për veprimtarë ekonomikë. Me z.Destani, biseduam që gjithsesi prezenca e kësaj kompanie në Kosovë të jetë edhe shumë më e madhe dhe Kosova do të krijojë hapësirë për veprim ekonomik”, tha Presidenti Pacolli.
“Ne biseduam për fillimin e ndërtimit të një qendre spitalore moderne në Kosovë, për ndërtimin e një qendre akademik në Kosovë dhe për zgjerimin e kapaciteteve që kjo kompani i ka edhe në Kosovë”, theksoi Presidenti Pacolli, duke qenë i bindur në rritjen e bashkëpunimit me këtë kompani dhe duke u dëshiruar drejtuesve të saj suksese edhe më të mëdha në të ardhmen.
Presidenti i Republikës së Kosovës, Behgjet Pacolli dhe Presidenti i Republikës së Maqedonisë, Gjorgji Ivanov, morën pjesë në Forumin e Biznesit Kosovë-Maqedoni, në të cilin ishin të pranishëm një numër i madh i përfaqësuesve të kompanive të rëndësishme të të dyja vendeve.
Në forum ishin të pranishëm edhe ministrat e Qeverisë së Republikës së Kosovës, Besim Beqaj e Blerand Stavileci. Duke përshëndetur përfaqësuesit e biznesit të mbledhur në forum, Presidenti Pacolli tha se njerëzit e biznesit krijojnë hapësira veprimi dhe sa më i madh që të jetë tregu, gjasat për rritjen dhe zhvillimin e biznesit janë më të mëdha.
Presidenti i Republikës së Kosovës, Behgjet Pacolli dhe Presidenti i Republikës së Maqedonisë, Gjorgji Ivanov, morën pjesë në Forumin e Biznesit Kosovë-Maqedoni, në të cilin ishin të pranishëm një numër i madh i përfaqësuesve të kompanive të rëndësishme të të dyja vendeve.
Ai theksoi nevojën që forumet e biznesit të kësaj natyre të zhvillohen sa më shpesh, sepse ato mund të ndihmojnë shumë në intensifikimin e bashkëpunimit.
Më tej ai foli për disbalancimin e qarkullimit të mallrave mes të dy shteteve.
“Kosova dhe Maqedonia janë partnerë strategjikë, por kanë balanc të çrregulluar mes tyre. Derisa Maqedonia eksporton në Kosovë mallra në vlerë prej rreth 450 milionë dollarë, Kosova eksporton në Maqedoni mallra me vlerë vetëm prej rreth 24 milionë dollarë. Inkurajoj njerëzit e biznesit që të bashkëpunojnë dhe ta ndryshojnë këtë bilanc”, theksoi Presidenti Pacolli.
Duke u angazhuar për rritjen e bashkëpunimit, Presidenti Pacolli u angazhua edhe për eliminimin e barrierave ekzistuese.
Presidenti i Republikës së Kosovës, Behgjet Pacolli dhe Presidenti i Republikës së Maqedonisë, Gjorgji Ivanov, morën pjesë në Forumin e Biznesit Kosovë-Maqedoni, në të cilin ishin të pranishëm një numër i madh i përfaqësuesve të kompanive të rëndësishme të të dyja vendeve.
“Mes Kosovës e Maqedonisë të mos ketë barriera, të mundësohet lëvizja e lirë e njerëzve, ideve e mallrave. Në të ardhmen, gjithashtu, të krijohet mundësia e lëvizjes së qytetarëve nga njëri shtet në tjetrin vetëm me letërnjoftime”, tha Presidenti Pacolli.
Nga ana e tij, Presidenti i Republikës së Maqedonisë, Gjorgji Ivanov theksoi se marrëdhëniet e mira mes të dyjave vendeve në të gjitha fushat duhet të intensifikohen edhe më tej.
“Kosova është partner strategjik për Republikën e Maqedonisë”, theksoi z.Ivanov, duke shtuar se Qeveria e Maqedonisë i kushton kujdes dhe kontribuon shumë në krijimin e klimës së biznesit mes të dy vendeve.
Presidenti i Republikës së Kosovës, Behgjet Pacolli ka bërë një deklaratë me rastin e 24 marsit, 12 vjetorit të fillimit të bombardimeve të NATO-s mbi caqet ushtarake serbe.
Në deklaratë thuhet:
Fillimi i bombardimeve të NATO-s mbi caqet ushtarake dhe policore serbe, dymbëdhjetë vjet më parë, ishte ngjarje e madhe historike që i hapi rrugë çlirimit dhe pavarësimit të Kosovës. Fushata e bombardimeve të NATO-s që filloi më 24 mars 1999, ishte një akt i jashtëzakonshëm i humanizmit dhe mesazh i qartë i botës demokratike dërguar regjimit të Millosheviqit, se bota e civilizuar ishte e përcaktuar që me çdo kusht t’i jepej fund krimeve të tmerrshme kundër civilëve shqiptarë anekënd Kosovës.
Kjo fushatë, po ashtu simbolizon sukses të madh edhe për vet NATO-n, meqenëse ka dhënë një ndër provimet më të rënda gjatë historisë së ekzistimit të saj. Në këtë ditë, ne qytetarët e Kosovës me dhimbje kujtojmë të gjitha viktimat civile që pësuan si pasojë e fushatës së terrorit të egër të Millosheviqit dhe bashkëndjejmë me vuajtjet e familjareve që ende sot e kësaj dite kërkojnë të zhdukurit e më të dashurit e tyre.
Me gjithë dhimbjet e mëdha që lufta i shkaktoi Kosovës, kjo ditë simbolizon kthesën e madhe për vendin tonë drejt rrugës së paqes dhe prosperitetit. Realiteti i sotshëm në Kosovë i jep legjitimitet dhe të drejtë absolute vendimit ndërkombëtar për sulme ajrore kundër Serbisë më 1999. Sot, Kosova e Pavarur është në rrugë të duhur të forcimit të shtetësisë së saj duke ndërtuar institucione kredibile mbi një platformë dhe vizion të qartë politik, i cili garanton zhvillimin e një shoqërie demokratike.
Duke aspiruar në integrimet euroatlantike, populli i Kosovës dhe institucionet e saj do të punojnë intensivisht në krijimin e një shoqërie të zhvilluar ekonomikisht e stabile politikisht që garanton një jetë të barabartë dhe të lirë për të gjithë qytetarët e saj.
Ndërtimi i një shoqërie me vlera demokratike që reflekton stabilitet politik në tërë rajonin është falënderimi i ynë më i madh për SHBA-në, për shtetet e BE-së dhe miqtë tonë të tjerë ndërkombëtarë të cilët përkrahen Kosovën në rrugën e saj të vështirë drejt lirisë dhe pavarësisë. Institucionet e Kosovës do të vazhdojnë kultivimin e partneritetit tonë me botën demokratike, duke i shërbyer jo vetëm qytetareve të saj por edhe paqes dhe stabilitetit në rajon.
Presidenti i Republikës së Kosovës, Behgjet Pacolli ka filluar vizitën zyrtare dyditore në Republikën e Maqedonisë, me ftesë të Presidentit Gjorgji Ivanov.
Në këtë vizitë ai po shoqërohet nga Ministri i Bujqësisë i Kosovës, Blerand Stavileci ushtruesi i detyrës së ambasadorit në Ambasadën e Republikës së Kosovës në Shkup, Skender Durmishi, bashkëpunëtorët e tij dhe përfaqësuesit e biznesit.
Presidenti Pacolli, në fillim të vizitës së tij, është pritur nga Presidenti Ivanov me nderime shtetërore.
Të dy presidentët kanë ndjekur antonimin e himneve të të dy vendeve dhe pastaj kanë parakaluar para Gardës së Nderit.
Më tej, pasi kanë zhvilluar një takim kokë më kokë, Presidenti Pacolli dhe Presidenti Ivanov kanë drejtuar takimin e delegacioneve të të dy vendeve, në të cilin janë diskutuar një varg temash, që nga sfera e bashkëpunimit politik e deri te zhvillimi ekonomik.
Presidentët kanë konstatuar se si Kosova ashtu edhe Maqedonia janë partnerë strategjikë të njëra-tjetra, duke pasur parasysh marrëdhëniet shumë të mira mes të dy vendeve në të gjitha fushat, si dhe rrugëtimin e tyre drejt integrimit sa më të shpejtë në institucionet ndërkombëtare.
Të dy presidentët kanë ndjekur antonimin e himneve të të dy vendeve dhe pastaj kanë parakaluar para Gardës së Nderit. Takimi kokë më kokë, mes Presidentit Pacolli dhe Presidentit Ivanov.Më tej, pasi kanë zhvilluar një takim kokë më kokë, Presidenti Pacolli dhe Presidenti Ivanov kanë drejtuar takimin e delegacioneve të të dy vendeve.Në një konferencë për media pas takimit, Presidenti Pacolli dhe Presidenti Ivanov kanë folur për takimin e tyre.
Në një konferencë për media pas takimit, Presidenti Pacolli dhe Presidenti Ivanov kanë folur për takimin e tyre:
Presidenti Ivanov: Në fillim më lejoni që publikisht t’i uroj z.Pacolli zgjedhjen në detyrën e Presidentit të Kosovës. Dëshiroj që si edhe me paraardhësit e tij të arrijmë të krijojmë marrëdhënie personale miqësore, që do të jenë të rëndësishme për të dy shtetet tona, sepse marrëdhëniet e mira personale japin kontributin për marrëdhëniet e mira mes të dy shteteve. Kjo vizitë paraqet sinjal të qartë për gatishmërinë tonë për bashkëpunim të mëtejshëm midis Republikës së Maqedonisë dhe Republikës së Kosovës. Me Presidentin Pacolli patëm biseda shumë konstruktive, shkëmbyem mendime për marrëdhëniet e dyanshme dhe për çështjet rajonale dhe të interesit të përbashkët. Republika e Maqedonisë mbështet procesin e avancimit dhe të zhvillimit të të gjithë fqinjëve tanë, duke dëshiruar sukses të mëtejshëm edhe për fqinjët tanë, Republikën e Kosovës. Jemi të gatshëm të mbështesim dhe të ndihmojmë të gjitha proceset në Kosovë, në pajtim me përvojën tonë dhe interesat tona kombëtare. Maqedonia është e interesuar për bashkëpunim me Kosovën në të gjithë fushat. Demarkacioni i kufirit është një arritje kyçe e bashkëpunimit të deritanishëm mes dy shteteve tona, që i kontribuon edhe forcimit të sigurisë, stabilitetit dhe prosperitetit në rajon. Me mbylljen e kësaj çështjeje vendosëm një shembull për shtetet e tjera të rajonit se si duhet t’i tejkalojnë çështjet bilaterale në mënyrë evropiane. Ne konsiderojmë se integrimet euroatlantike janë një çështje kyçe. Shprehim gatishmërinë tonë për të ndihmuar Kosovën në realizimin e reformave të nevojshme institucionale, reformave në administratën publike, në gjyqësi e fusha të tjera. Mendoj se në këtë drejtim duhet të vazhdojmë me shtrirjen e marrëdhënieve tona për t’iu lënë brevave të ardhshëm një bazë të cilën do të mund ta zhvillojnë edhe më tej.
Presidenti Pacolli dhe Presidenti Ivanov kanë shtrënguar duartë pas takimit të tyre.
Presidenti Pacolli: Pata një takim shumë miqësor, ta hapur dhe të sinqertë më presidentin Ivanov. U dëshmua edhe një herë se jemi në rrugë të mirë. Ne kemi fqinjë të mirë me Maqedoninë. Ne kemi filluar mbarë. Kemi zgjidhur të gjitha problemet që kanë qenë për t’u zgjidhur. Kemi lidhur marrëdhënie diplomatike në kohë të duhur dhe tani fillojmë të bashkëpunojmë por të ardhmen e qytetarëve tanë Nuk kemi probleme që duhet të humbim kohë dhe të merremi me të kaluarën. Ne tash do t’i përmbushim të gjitha marrëveshjet e nënshkruara. Dhjetë janë nënshkruar deri tani dhe sot u nënshkrua edhe një tjetër, e njëmbëdhjeta. Në të ardhmen e aftër do të nënshkruhen edhe disa marrëveshje të tjera, në fushën e drejtësisë. Kështu që kemi hapur një front të punës. Unë e falënderova Presidentin Ivanov për dëshirën e tij, energjinë e tij pozitive që edhe në këto troje të dominojë jeta civilizuese, ashtu si u ka hije dhe si e meritojnë qytetarët tanë. Maqedonia ka bërë hapa gjigantë drejt integrimeve euroatlantike. Kosova ballafaqohet edhe me disa probleme për të cilat në këtë periudhë shytë filluar të punohet në mënyrë intensive. Sot temë e bisedimeve me presidentin Ivanov ishte që Maqedonia të ndihmojë Kosovën në këtë rrugëtim. Ne kemi fat që jemi dy shtete multietnike dhe jemi shumë të qartë se në këtë mënyrë, duke respektuar njërit tjetrin, duke respektuar edhe bashkëqytetarët e etnive të tjetra, në mënyrë të qartë të ecim drejt integrimeve euroatlantike. Ne biseduam edhe për krijimin e një hapësire të re të tregut, pasi që tregu për maqedonët në Maqedoni është i bogël, për kosovarët në Kosovës është i vogël. Të krijojmë një treg më të madh për vepruesit tonë ekonomikë. Ne jemi në sintoni të përbashkët për krijimin e mundësive të lëvizjes sa më të lirë të njerëzve, ideve dhe kapitalit. Unë e informova Presidentin Ivanov se Kosova ka filluar dialogun me Serbinë. Kosova gjithmonë do të bisedojë por çdo çështje që ndikon drejtpërsëdrejti për krijimin e kushteve më të mira për jetën e qytetarëve. T’i hapim kufijtë për njerëzi mirëdashës, njerëzit që e duan paqen, por t’i mbyllim ato për bandat kriminale dhe ata që e pengojnë zhvillimin e kësaj shoqërie në mënyrë dinjitoze. Ne biseduam që takimet tradicionale mes presidentëve të rajonit, që ato të intensifikohen me takimet të kryeministrave tanë, kryetarëve të parlamentit dhe të forumeve të biznesit. Duke respektuar të tjerët, në do të respektohem edhe nga të tjetër në të njëjtën mënyrë. Kështu do të rrugëtojmë së bashku kryelartë dhje do të hyjmë në shtëpinë e madhe evropiane, e cila shimë shpejt do ta presë Maqedoninë edhe Kosovën.
Pas takimit të delegacioneve, në prani të presidentëve Pacolli e Ivanov, ministri i i Bujqësisë i Kosovës, Blerand Stavileci dhe ministri i Bujqësisë i Maqedonisë, Lupco Dimovski nënshkruan marrëveshjen për bashkëpunim në fushën e bujqësisë dhe sektorë të afërt me këtë fushë.
Gjatë qëndrimit në vizitë zyrtare në Republikë n e Maqedonisë, Presidenti i Republikës së Kosovës, Behgjet Pacolli ka zhvilluar një takim edhe me zëvendëskryeministrin z.Vasko Naumovski.
Në takim, zëvendëskryeministri Naumovski shprehu kënaqësinë që mirëpret presidentin e shtetit më të ri të rajonit, dhe u shpreh i nderuar që është nikoqir i Presidentit të Republikës së Kosovës.
“Shpreh konsideratat për takimin e Presidentit Pacolli me Presidentin Ivanov, Kryetarin e Parlamentit dhe pjesëmarrjen ne samitin e komunitetit te biznesit. Vlerësojmë që së bashku do të shkojmë drejt integrimit të përbashkët në Bashkimin Evropian dhe në NATO”, tha zëvendëskryeministri i Maqedonisë , z.Vasko Naumovski.
Ndërsa, Presidenti Behgjet Pacolli u shpreh:
“Jam i lumtur për vizitën time në Republikën e Maqedonisë, ku pata takime konstruktive me Presidentin, Kryetarin e Kuvendit, ku konfirmuam raportet miqësore dhe partneritetin strategjik mes dy vendeve tona, si dhe diskutuam planet tona në sferën politike dhe ekonomike”.
Presidenti Pacolli përgëzoi zëvendëskryeministrin Naumovski për progresin e shënuar në fushën e integrimit euroatlantik.
Ai gjithashtu u zotua dhe kërkoi nga Qeveria e Maqedonisë që të dy vendet të jenë në funksion të integrimit të përbashkët ekonomik dhe politikës në përmirësimin e mirëqenies sociale të dy vendeve fqinje.
Po kështu, Presidenti Pacolli zotua për krijimin e një percepsioni të ri në shoqërinë e dy vendeve tona, ku ndasitë politike, etnike, fetare do të jenë pjesë e së kaluarës. Duke iu referuar bashkëpunimit ekonomik dhe nevojës së zhvillimit të të dy vendeve tona, Presidenti Pacolli theksoi:
“Të investojmë me pak para që kemi, me pak kohë që na ka mbetur dhe më shumë shpirt që kemi në funksion të interesit të qytetarëve të vendit tonë”.
Presidenti i Republikës së Kosovës, Behgjet Pacolli është takuar edhe me përfaqësuesit e partive politike në Maqedoni, liderin e BDI-së, Ali Ahmeti, kryetarin e Partisë Socialdemokrate, Branko Cervenkovski, liderin e PDSH-së, Menduh Thaçi dhe kryetarin e Demokracisë së Re, Ymer Selmani.
Implementimi i Marrëveshjes së Ohrit, zhvillimet politike në Maqedoni dhe mundësitë për bashkëpunim mes Maqedonisë dhe Kosovës ishin disa nga temat e diskutimit mes Presidentit Pacollli dhe kryetarit të BDI-së, Ali Ahmeti.
Shtrëngim duarsh me liderin e BDI-së, Ali Ahmeti, gjatë vizitës time në Maqedoni.Maqedonia dhe Kosova ishin disa nga temat e diskutimit mes Presidentit Pacollli dhe kryetarit të BDI-së, Ali Ahmeti.
“Presidentin Pacolli e informova për implementimin e Marrëveshjes së Ohrit, ngecjet në implementim e saj, për zhvillimet politike në Maqedoni”, tha pas takimit z. Ahmeti.
“Bashkërisht u morëm vesh që të vazhdojmë bashkëpunimin. I thashë qëndrimet e PDSH-së lidhur me zhvillimet në Maqedoni. I thashë se në Maqedoni po riciklohet kriza”, theksoi ndërkaq liderin e PDSH-së, Menduh Thaçi.
Në takim me liderin e PDSH-së, Menduh Thaçi.
Ndërsa, lideri i DR-së, Imer Selmani e informoi Presidentin Pacollin për situatën aktuale politike në Maqedoni, duke cekur se ngërçi politik ka shkaktuar ndjenjë të paperspektivës te qytetarët e vendit.
Selmani tha se vendi është në krizë politike dhe kur kësaj krize i shtohen edhe raportet e acaruara ndëretnike dhe ndërfetare, ekonomia e dobët dhe mungesa e investimeve, si dhe procesi i bllokuar euro-integrues i Maqedonisë, “zgjidhje e vetme për dalje nga ky qorrsokak i vendit janë zgjedhjet e parakohshme parlamentare, të cilat duhet të jenë fer dhe demokratike dhe në sipërfaqe të sjellin forca të reja progresive që do të udhëheqin shtetin drejt binarëve të duhur – barazisë së plotë mes shqiptarëve dhe maqedonasve dhe integrimin e Maqedonisë në NATO dhe BE”.
Shtrëngim duarsh me kryetarin e subjektit politik, Demokracia e Re, Ymer Selmani.
Presidenti Pacolli ka dhënë një deklaratë pas të gjitha takimeve. “Biseduam për situatën politike në Maqedoni dhe në Kosovë, për mundësitë e bashkëpunimit.
Unë gjithmonë e rendis në radhë të parë bashkëpunimin ekonomik, krijimin e mundësive të reja të zhvillimit ekonomik, veprime që çojnë drejtpërdrejt në përmirësimin e jetës së qytetarëve”, tha ai.
“Jam kundër çdo barriere që mund ta pengojnë lëvizjen e lirë të qytetarëve, të mallrave e të ideve. Jetojmë në shekullin 21 dhe për mua këto barriera kanë kuptim banal”, shtoi ai.
Në takim me kryetarin e Partisë Socialdemokrate, Branko Cervenkovski.
Duke folur për shqiptarët në Maqedoni, ai tha se pozita e shqiptarëve të Maqedonisë është në duart e tyre. Partitë politike duhet të jenë të kujdesshme, kanë një përgjegjësi shumë të madhe.
“Unë bëj thirrje për unitet. Ato mund të kenë divergjenca, programe të ndryshme që u ofrojnë qytetarëve. Por, kur është në pyetje kauza kryesore, atëherë duhet të jenë unikë”, tha Presidenti Pacolli.
Presidenti i Republikës së Kosovës, Behgjet Pacolli në ditën e dytë dhe përmbyllëse të vizitës në Republikën e Shqipërisë ka zhvilluar një varg aktivitetesh dhe takimesh.
Pas marrjes së Çmimit “Honoris Causa” në Universitetin Evropian të Tiranës, Presidenti Pacolli mori pjesë në Forumin e Biznesit Kosovë-Shqipëri, në të cilin morën pjesë një numër i madh përfaqësuesish të biznesit nga të dy vendet, të cilët diskutuan një varg temash rreth mundësive të shtimit të bashkëpunimit mes të dy vendeve.
Në Forumin e Biznesit Kosovë-Shqipëri, në të cilin morën pjesë një numër i madh përfaqësuesish të biznesit nga të dy vendet.Presidenti Pacolli në Forumin e Biznesit Kosovë-Shqipëri, në të cilin morën pjesë një numër i madh përfaqësuesish të biznesit nga të dy vendet.
“Njerëzit e biznesit flasin pak, por veprojnë shumë. Veprimet e tyre ndikojnë drejtpërsëdrejti në jetën e qytetarëve. Prandaj, të jesh njeri i biznesit, një njeri i veprimeve, është shumë me rëndësi. Nuk do të kishte sens politika pa zhvillim ekonomik, pa mirëqenie. Politika ka sens vetëm atëherë kur krijohet mirëqenia për qytetarët. Çdokush nga politika që mendon se është në rrugë të mirë dhe ka harruar hallet e qytetarit, ka harruar mirëqenien e qytetarit, ka harruar se ai është në shërbim të qytetarit, e ka gabim. Asnjëherë të mos jenë të ndara politika dhe biznesi. Politika të jetë ndoshta shumë herë në dispozicion të biznesit. Atëherë jemi në rrugë të mirë”, theksoi ndër të tjera Presidenti Pacolli, duke iu drejtuar përfaqësuesve të biznesit.
Presidenti Pacolli në vazhdim të vizitës së tij u takua me Trashëgimtarin e Fronit Mbretëror, Leka Zogu, me të cilin, në një takim të ngrohtë e miqësor, bisedoi për një varg temash me interes për të dy vendet. Pastaj, Presidenti Pacolli vizitoi edhe Selinë e Shenjtë të Kryegjyshatës Botërore.
Presidenti Pacolli në vazhdim të vizitës së tij u takua me Trashëgimtarin e Fronit Mbretëror, Leka Zogu.Presidenti Pacolli në vazhdim të vizitës së tij u takua me Trashëgimtarin e Fronit Mbretëror, Leka Zogu.
I pritur ngrohtësisht nga udhëheqësit e Kryegjyshatës dhe nga shumë qytetarë, ai i uroi ata për festën e Sulltan Nevruzit, duke u dëshiruar shëndet, fat dhe të gjitha të mirat.
I pritur ngrohtësisht nga udhëheqësit e Kryegjyshatës dhe nga shumë qytetarë, ai i uroi ata për festën e Sulltan Nevruzit, duke u dëshiruar shëndet, fat dhe të gjitha të mirat.
Presidenti Pacolli po kështu vizitoi qytetin e Krujës, ku ai u prit nga prefekti i Qarkut të Durrësit, që mbulon edhe Krujën, z.Genc Alizoti, si dhe nga kryetari i Bashkisë së Krujës, z.Lulzim Guni.
Me këtë rast, Presidenti Pacolli dhe delegacioni që e shoqëroi në vizitë, vizitoi Muzeun Historik Kombëtar, Muzeun Etnografik dhe Pazarin e Vjetër në këtë qytet.
Ndalesa e fundit e vizitës së Presidentit Pacolli në Shqipëri ishte vizita në qytetin e Lezhës, ku ai disa muaj më parë edhe është shpallur qytetar nderi.
Ai u prit nga prefekti i Lezhës, z.Pal Dajçi dhe kryetari i Bashkisë së Lezhës, z. Viktor Tushaj, si dhe nga qytetarë të shumtë të këtij qyteti.
Me këtë rast, Presidenti Pacolli vuri kurora lulesh dhe bëri homazhe para varrit të Skënderbeut.
Me këtë rast, Presidenti Pacolli vuri kurora lulesh dhe bëri homazhe para varrit të Skënderbeut.Me këtë rast, Presidenti Pacolli vuri kurora lulesh dhe bëri homazhe para varrit të Skënderbeut.
Me rastin e 13-vjetorit të Epopesë së lavdishme të Ushtrisë Çlirimtare të Kosovës në Dukagjin, Presidenti i Republikës së Kosovës, Behgjet Pacolli i është drejtuar me një letër Hilmi Haradinajt, Familjes Haradinaj, z.Avdyl Mushkolaj, udhëheqës i Organizatës së Veteranëve të Luftës të Dukagjinit dhe anëtarëve të kësaj organizate.
Në letër thuhet:
Çdo vit në këtë kohë, qytetarët e Republikës së Kosovës përkujtojnë me krenari 13-vjetorin e nisjes së Epopesë së lavdishme të Ushtrisë Çlirimtare të Kosovës në Dukagjin. Epopeja e Dukagjinit është rezistenca e papërsëritshme në historinë e çlirimit të një kombi, është akti sublimues i gjithë përpjekjeve dhe sakrificave shekullore për lirinë e Kosovës, është kryevepër e Ushtrisë Çlirimtare të Kosovës, Epopeja e Dukagjinit është historia moderne e lirisë sonë.
Epopeja e Dukagjinit është epope e qëndresës, heroizmit, sakrificës dhe unitetit të pashembullt në historinë politike të Kosovës. Epope e lavdishme të bashkimit të Kosovës dhe gjithë shqiptarëve në luftë për liri dhe çlirim. Epope që sublimoi heroizmin dhe sakrificat e brezave – për një shekull të tërë për liri. 24 marsi është një datë që nuk njeh kohë, nuk njeh harresë, kjo ditë ka përjetësinë kudo në Kosovë. 24 marsi i Gllogjanit është harta e sakrificës, e dhimbjeve, e luftës, e rrugëtimit të shpëtimit të Kosovës, është ndër datat më të rëndësishme në historinë moderne të kombit tonë.
Çdo Mars, ne bashkohemi për të rikujtuar luftëtarët dhe dëshmorët e Dukagjinit, ata janë në themelet e ëndrrave tona, në ëndrrat dhe lumturinë e të rinjve tanë, në mundin dhe djersën e punës së punëtorëve, në nderin dhe krenarinë e fëmijëve dhe familjeve kosovare. Sot ata i nderon shteti i pavarur dhe sovran i Kosovës, shteti për të cilin ata mijëra djem dhe vajza të Kosovës, sakrifikuan gjithçka nga vetja e tyre, mundin dhe jetën për Liri, vlerën më të lartë të kombeve dhe popujve. Sot jemi, pjesë e botës për të cilën ëndërruan ata që na sollën në ditët e sotme.
Çdo vit që kalon i thellon themelet e lirisë së Kosovës. Çdo vit që kalon rrit madhështinë e sakrificës madhore për lirinë e vendit tonë, thellon peshën historike të kujtesës sonë rritë krenarinë e brezave tanë dhe të pasardhësve tanë.Sot pas trembëdhjetë vjetësh, Kosova është e lirë, ka ndërtuar shtetin e saj të pavarur dhe demokratik, të njohur ndërkombëtarisht dhe me synimin për t’u integruar në Bashkimin Evropian dhe në NATO. Sot, kur kemi përmbyllur kapitullin e ndërtimit të shtetit të pavarur dhe sovran të Kosovës, kujtojmë me nderim të lartë sakrificën sublime të luftëtarëve të UÇK-së, të dëshmorëve tanë, të cilët ranë që brezat e ardhshëm të jetojnë në Kosovën e lirë, demokratike dhe të pavarur.
Në emër të qytetarëve të Republikës së Kosovës, ju shpreh konsideratat më të larta dhe përkulemi me nderim të lartë para sakrificës sublime të luftëtarëve të UÇK-së në rajonin e Dukagjinit. Është obligim ynë moral, kombëtar dhe shtetëror para historisë që shteti ynë të qëndrojë mbi themele të shëndosha. Është përgjegjësi legjitime që të vazhdojmë të ndërtojmë një shtet të mirëfilltë demokratik dhe të zhvilluar. Është përgjegjësi e lartë shtetërore që të kultivojmë unitetin politik për të ardhmen e Kosovës.
Kam besim në punën tonë që së bashku në frymën e paqes dhe miqësisë të përmbushim testamentin e madh përballë dëshmorëve të rënë për lirinë e Kosovës. Duke vazhduar trashëgiminë e tyre, ne qëndrojmë sot në një rast të shquar në histori. Kosova, institucionet dhe qytetarët e saj përkulemi para tyre.
Lavdia e nderi qoftë mbi dëshmorët e kombit!
Sinqerisht, Behgjet Pacolli,President i Republikës së Kosovës.
