Raportuesi për Kosovën në Parlamentin Evropian, Igor Soltes, në vizitën e tij në Kosovë, ka takuar zyrtarët më të lartë të institucioneve vendore duke përfshirë presidentin e Kosovës, dhe kryeministrin.
Në takim e prita edhe unë në ambientet e MPJ-së, të cilin e njoftova se institucionet kosovare po punojnë që të krijohen sa më shumë argumente pozitive për Kosovën.
Kurse raportuesi i BE-së për Kosovën, Igor Šoltes, tha se gjendet në Kosovë për të mbledhur sa më shumë të dhëna, që të raportojë në Parlamentin Evropian.
Prishtinë, 5 qershor 2018 – Në një takim pune në ambientet e Ministrisë së Punëve të Jashtme me raportuesin për Kosovën në Parlamentin Evropian, Igor Soltes, i cili ishte i shoqëruar edhe nga stafi tjetër përcjellës nga Parlamenti Evropian.
Raportuesin Soltes e njoftova për “zbatimin e reformave në legjislacion, dhe për dinamikën e përshpejtuar të reformave në fushën e sundimit të ligjit dhe zhvillimit ekonomik”.
“Institucionet e Kosovës janë në linjë me detyrat e veta se çka duhet bërë sa i përket rrugës tonë drejt integrimeve euroatlantike. Ne kemi treguar përkushtim të plotë për vlerat evropiane”
Soltes me potencoi se qytetarët e Kosovës me të drejtë presin vendim pozitiv për lëvizje të lirë në zonën Shengen.
Soltes në anën tjetër ka vlerësuar progresin e arritur në Kosovë, duke inkurajuar institucionet që të vazhdojnë përkushtimin e tyre në përmbushjen e reformave që dalin nga agjenda evropiane.
Prishtinë, 5 qershor 2018 – Në një takim pune në ambientet e Ministrisë së Punëve të Jashtme me raportuesin për Kosovën në Parlamentin Evropian, Igor Soltes, i cili ishte i shoqëruar edhe nga stafi tjetër përcjellës nga Parlamenti Evropian.
Sot prita në zyrëm time në Ministrinë e Punëve të Jashtme, njeriun që si kryeministër dhe ministër i jashtëm i Italisë mike, ka rreshtuar vendin e tij në Aleancën e çlirimtarëve të Kosovës dhe vendeve që e njohën të parët pavarësinë e Kosovës!
Ai është mik i madh i Kosovës. Takimi me të është i shkëlqyshëm. Bëhet fjalë për ish-kryeministrin italian Massimo D’Alema. Me të biseduam edhe për Presidentin Rugova, ndihmën italiane për Kosovën dhe proceset ku kemi hyrë si shtet i ri!
“Ende i kam në mendje fjalët tuaja në funeralin e Presidentit Rugova: ai vdiq pa e parë të realizuar ëndrrën e tij, Kosovën e çliruar dhe të pavarur”, i’a kujtova ish presidentit D’Alema.
Prishtinë, 5 qershor 2018 – Dola ta pres në hyrje të objektit të MPJ-së mikun tim dhe të Kosovës, ish-Kryeministrin italian Massimo D’Alema.
D’Alema, si mysafir i imi, më falënderoi për mikpritjen dhe më tha se “fati e ka dashur, që ai të jetë protagonist në dy ngjarje të rëndësishme të historisë së Kosovës – lufta për çlirimin e saj, dhe si ministër i jashtëm drejtoi Këshillin e Sigurimit të OKB-së, kur u mor në shqyrtim hipoteza e pavarësisë së saj”.
Unë i kujtova momentet e organizimit të fushatës mediatike kundër pastrimit etnik serb, në vitin 1999 apo dhe ndihmës humanitare për kampet e të shpërngulurve në Shqipëri, në Mal të Zi, etj”.
Ish-kryeministri italian Massimo D’Alema, ka dhënë kontribut historik për lirinë dhe pavarësinë e Kosovës. Përveç bisedës së shkëlqyeshme për çështjet aktuale në rajon dhe potencialin për të zgjeruar mardhëniet tona.
Prishtinë, 5 qershor 2018 – Takim në zyrën time me ish-Kryeministrin italian Massimo D’Alema.
Ish-kryeministri D’Alema vlerësoi progresin e Kosovës në vitet e fundit.
Diskutuam edhe për bashkëpunimin e Kosovës me Italinë dhe rrugët e forcimit të këtij bashkëpunimi, duke konsideruar “emrin e mirë të Italisë, të shoqërisë, të institucioneve, të kontingjentit italian brenda KFOR-it, tek popullsia civile, etj.”
Duke diskutuar për integrimin ndërkombëtar të Kosovës, ish-kryeministri D’Alema tha se “shumë hije të së kaluarës do të zhduken me një marrëveshje të drejtë të Kosovës me Serbinë me ndërmjetësimin e Bashkimit Europian.”
Prishtinë, 5 qershor 2018 – Më pas, bashkarisht përshkruam shëtitoren “Nënë Tereza”, në këmbë.
I nderuar me mikpritjen e Kancelarit austriak, Sebastian Kurz, në vizitën time të parë zyrtare për këtë vit, së bashku me presidentin e Republikës së Kosovës, Hashim Thaçi.
Austria është mike e ngushtë dhe partnere e rëndësishme e Kosovës. Marrëdhëniet tona bilaterale janë të shkëlqyeshme. E megjithatë ka vullnet të dyanshëm që ato të thellohen edhe më shumë sa në rrafshin politik, aq në atë ekonomik e kulturor.
Sebastian Kurz është një mik i madh i Kosovës, në rrugën tonë të sigurt drejt anëtarësimit në BE dhe NATO. Kancelari Kurz është një figurë e rëndësishme në skenën politike austriake. Me një diplomaci të shkëlqyer dhe vizionin për të ardhmen, ai e dëshmoi edhe në mikëpritjen tonë. Stili i tij i udhëheqjes është shquar për qartësi dhe vendosmëri.
Nga kancelari Kurz, kërkuam mbështetje për dinamizimin e perspektivës evropiane të Kosovës, meqë Austria do ta marrë presidencën e radhës së Bashkimit Evropian. Austria meriton mirënjohjen e përhershme të Kosovës.
Vjenë, 29 maj 2018 – Bashkë me Presidentin Thaçi patëm një takim me kancelarin austriak Sebastian Kurz.
Gjatë qëndrimit tim njëditor në Vjenë, gjithashtu takova edhe presidentin aktual të Austrisë, Alexander Van der Bellen, i cili na garantoi se Austria ka një lidhje të veçantë me Kosovën, duke ofruar mbështetjen e pa rezervë të shtetit të tij.
Presidenti Van der Bellen është një personalitet i njohur për angazhimin e tij në çështjet sociale dhe mjedisore. Karakteri i tij i butë dhe i zgjuar ka kontribuar në rritjen e imazhit të Austrisë në skenën ndërkombëtare. Edhe në këtë takim isha i shoqëruar nga presidenti Thaçi.
Vjenë, 29 maj 2018 – Së bashku me Presidentin e Republikës, Hashim Thaçi, në takim me Presidentin e Austrisë, Alexander Van der Bellen.
Gjatë qëndrimit në Vjenë takuam edhe me ish presidentin austriak Heinz Fischer, një mbështetës i madh i shtetit të Kosovës.
Edhe ish presidenti Fischer ashtu si kancelari Kurz rikonfirmuan mbështetjen e Austrisë në procesin e liberalizimit të vizave për qytetarët tanë, anëtarësimin në Interpol si dhe në procesin e njohjes reciproke me Serbinë.
Vjenë, 29 maj 2018 – Së bashku me Presidentin Thaçi në takim me ish-Presidentin austriak Heinz Fischer, i cili njihet si mbështetës i madh i shtetit të Kosovës.
Prononcimi për mediat kosovare direkt nga qyteti i Vjenës. Deklarat ime pas takimeve që kisha me liderët më të lartë institucional të shtetit të Austrisë. Vjenë, 29 maj 2018 – Austria meriton mirënjohjen e përhershme të Kosovës.
Një ditë pas këtyre takimeve të rëndësishme me zyrtarët më të lartë austriakm bashkë me ambasadorët Albert Rohan dhe Wolfgang Petrisch, Kryeministrin e Shqipërisë, Edi Rama, dhe shumë personalitete të tjera, mora pjesë në promovimin e librit biografik “New State, Modern Statesman”, të presidentit Hashim Thaçi, në Akademinë Diplomatike të Vjenës.
Ambasadorët Rohan dhe Petrisch kanë qenë mbështetës të palodhur të marrëdhënieve ndërmjet Kosovës dhe Austrisë. Me një bagazh diplomatik të pasur, ata kanë ndihmuar në formin e një bashkëpunimi të ngushtë midis dy vendeve.
Nga Christine von Kohl e deri të Otto von Habsburg dhe nga Alois Mock e deri të Rohan dhe Petritsch, Kosova gjithmonë ka gjetur mbështetje tek Austria.
Vjenë, 30 maj 2018 – Në takim me ambasadorët Albert Rohan dhe Wolfgang Petrisch, pak para promovimit të librit biografik “New State, Modern Statesman”, në Akademinë Diplomatike të Vjenës.
Në përfundim, një ditë e pasur me takime dhe ngjarje të rëndësishme në Vjenë ka ilustruar lidhjet e forta diplomatike dhe mbështetjen e vazhdueshme që Kosova gëzon nga Austria, duke theksuar rëndësinë e bashkëpunimit dhe dialogut në skenën ndërkombëtare.
Vjenë, 30 maj 2018 – Pak para promovimit të librit biografik të presidentit Hashim Thaçi, “New State, Modern Statesman”, në Akademinë Diplomatike të Vjenës.
Sapo arrita në Budvë, ku do të jem pjesëmarrës në Forumin e Sigurisë „То be Secure“ (2BS), organizuar nga Këshilli Atlantik dhe Qeveria e Malit të Zi.
Bashkë me presidentin malazez, Milo Gjukanoviç, përfaqësues amerikanë, kanadezë dhe të shteteve tjera të BE-së, do të flasim për perspektivën euroatlantike të shteteve të Ballkanit Perëndimor.
Mali i Zi, si anëtar i ri i NATO-s, ka bërë një progres në integrimet evropiane dhe shërben si një frymëzim për tërë rajonin.
Para se të flas në Forumin 2BS, bashkë me Presidentin Hashim Thaçi, takuam në Budvë të dërguarin e posaçëm të Kanadasë për Evropë, The Hon Stephane Dion, me të cilin diskutuam për marrëdhëniet bileterale mes Kosovës dhe Kanadasë.
Kanadaja e ka mbështetur Kosovën në procesin e lirisë dhe pavarësisë, kurse tash është një partner i fuqishëm i Kosovës edhe në fushën e ekonomisë dhe të sigurisë.
Budvë, 22 maj 2018 – Së bashku me Presidentin Thaçi në takim me të dërguarin e posaçëm të Kanadasë për Evropë, The Hon Stephane Dion.
Në kuadër të Forumit të Sigurisë „То be Secure“, takimi i radhës ishte me Presidentin e Malit të Zi, Milo Gjukanoviç, të cilin e urova për rizgjedhjen e tij president dhe për përvjetorin e pavarësisë së Malit të Zi.
Me presidentin Gjukanoviç biseduam për krijimin e një agjende të përbashkët të bashkëpunimit bilateral, duke nxitur një shkëmbim më të madh tregtar dhe bashkëpunim në fushën e integrimeve evropiane.
Anëtarësimi i Malit të Zi në NATO ka krijuar një mundësi unike për Kosovën, që të lëvizim më shpejt drejt të ardhmes së përbashkët euroatlantike.
Pas Samitit të Sofjes, Ballkani Perëndimor asnjëherë nuk ka qenë më afër jetësimit të aspiratave për anëtarësim në BE.
Budvë, 22 maj 2018 – Së bashku me Presidentin Thaçi në takim me Presidentin e Malit të Zi, Milo Gjukanoviq, gjatë Forumit të Sigurisë “То be Secure” (2BS).
Takimin ndër më të rëndësishmit në kuadër të Forumit të Sigurisë “То be Secure”, e zhvilluam së bashku me presidentin Thaçi, me Drejtorin për Evropën Qendrore dhe Jugore të SHBA-së, Matthew Palmer.
Kosova është e gatshme për të vazhduar fazën e fundit të dialogut për normalizimin e marrëdhënieve ndërmjet Kosovës dhe Serbisë të ndërmjetësuar nga BE dhe me përkrahje të fuqishme nga SHBA-të.
Përkrahjen e Shteteve të Bashkuara të Amerikës do ta kemi edhe në këtë proces, njëjtë qysh e kemi pasur në çdo hap të rëndësishëm për shtetin tonë.
Budvë, 22 maj 2018 – Takim me delegacionin amerikan, i kryesuar nga Matthew Palmer.
Në takim me një delegacion nga Republika e Çekisë, i kryesuar nga Zëvendësministri dhe Drejtori i Departamentit të Evropës Jugore dhe Juglindore të MPJ-së çeke, Ambasadori Martin Kosatka.
Diskutuam për bashkëpunimin dhe forcimin e raporteve të mëtejme ndërmjet dy vendeve. Me këtë rast, delegacioni çek ka rikonfirmuar përkrahjen e Republikës së Çekisë për perspektivën dhe integrimin e Ballkanit në Bashkimin Evropian.
Unë i kam vlerësuar lartë raportet ndërmjet dy shteteve, si dhe ka falënderuar shtetin çek për përkrahjen, sidomos si anëtare e grupit të shteteve të Vishegradit, për përfshirjen e barabartë të Kosovës në punimet e ministerialit të vendeve të Procesit të Vishegradit që u mbajt në Greqi.
Në këtë takim delegacioni çek ka njoftuar po ashtu se së shpejti Republika e Çekisë do të emërojë të ngarkuarin me punë në Ambasadën e këtij shteti në Kosovë.
Takimi u përqendrua në procesin e heqjes së vizave, dialogun dhe normalizimin e marrëdhënieve ndërmjet Kosovës dhe Serbisë, situata e brendshme politike, e ardhmja e kompanisë “Trepça” si dhe mundësitë për kompanitë çeke në Kosovë.
Bashkëpunimi dy palësh ekonomik ishte çështje e debatit me ministrin e zhvillimit ekonomik, Valdrin Lluka.
Para përfundimit të vizitës së tij në Kosovë zëvendësministri i ri, Košatka, me ftesën e Qazim Jasharit, drejtor i minierave vizitoi minierën e “Trepçës” në Stan Tërg.
Hapja ceremoniale e foto-ekspozitës „Prague 68“ – „Aktorja Dobroshi kërcen me hare për paqen në botë “ kushtuar 50 vjetorit të okupimit të Çekosllovakisë nga armata e Paktit të Varshavës ishte ngjarja e fundit në programin e zëvendësministrit të ri Košatka.
E kam uruar homologen time kroate, Marija Pejčinović Burić, për marrjen e Kryesimit të Këshillit të Evropës nga Kroacia, shtet me të cilin tradicionalisht kemi pasur marrëdhënie të afërta dhe strategjike.
Kjo krijon një mundësi të re dhe rrethana të favorshme për vazhdimin e procesit të anëtarësimit të Kosovës në Këshillin e Evropës. Rruga e Kosovës drejt KiE-së është në drejtimin e duhur dhe e pandalshme, përderisa synimi ynë strategjik mbetet anëtarësimi në BE dhe NATO.
Misioni dhe vlerat që mbron KiE e plotesojnë aspiratën tonë për integrim në Evropë. E falenderoj, gjthashtu shtetin tonë mik Danimarkën që deri më tash e ka pasur kryesimin e KiE-s.
Prishtinë, 19 maj 2018 – Takim me homologen time kroate, Marija Pejčinović Burić.
Bashkëpunimi rajonal në Ballkanin Perëndimor është çelës për shfrytëzimin e potencialit ekonomik të rajonit tonë. Pasi po shohim një revitalizim të marrëdhënieve në mes BE-së dhe Ballkanit Perëndimor, duhet të shfrytëzojmë sa më mirë këtë moment.
Ballkani Perëndimor përsëri është lart në agjendën e BE-së. Procesi i Berlinit ishte fokusuar veçanërisht në konektivitet. Jam i kënaqur që koncepti i konektivitetit është zgjeruar edhe në infrastrukturat tjera si ajo digjitale.
Rajoni ynë ka potencial për më shumë bashkëpunim dhe shkëmbim tregtar, si dhe për mobilitet të njerëzve. Ndër të arriturat e fundit të vendeve të Ballkanit Perëndimor është miratimi i Agjendës për Reformën e Investimeve Rajonale.
Krejt këto u thanë në samitin e Sofjës i cili u përmbyllë më një deklaratë shumë të rëndësishme e cila hap rrugët e integrimit të plotë të gjitha shtetëve të Balkanit përëndimor në BE.
Sofje, 17 maj 2018 – Në Forumin Ekonomik Botëror, i cili ishte mbajtur në kuadër të Samitit të BE-së dhe Ballkanit Perëndimor në Sofje të Bullgarisë.
Në fakt, Samiti i Sofjës për Kosovën është historik dhe shumë i rëndësishëm, sepse për herë të parë, që nga shpallja e pavarsisë, Kosova trajtohët si shtet i barabartë më shtetet tjera të rajonit.
Jemi në rrugë të mbarë drejt realizimit të vizionit tonë për integrime euro-atlantike.
“Pasi po shohim një revitalizim të marrëdhënieve në mes BE-së dhe Ballkanit Perëndimor, duhet të shfrytëzojmë sa më mirë këtë moment. Ballkani Perëndimor përsëri është lart në agjendën e BE-së”
Theksova se në vitet e fundit, Procesi i Berlinit ka siguruar që reformat në rajon të mos ndalen. Procesi i Berlinit ishte fokusuar veçanërisht në konektivitet.
Sofje, 17 maj 2018 – Gjatë një prononcimi për medie.
Jam i kënaqur që koncepti i konektivitetit është zgjeruar edhe në infrastrukturat tjera si ajo digjitale.
Potencova se rajoni ynë ka potencial për më shumë bashkëpunim dhe shkëmbim tregtar, si dhe për mobilitet të njerëzve. Ndër të arriturat e fundit të vendeve të Ballkanit Perëndimor është miratimi i Agjendës për Reformën e Investimeve Rajonale.
Sofje, 17 maj 2018 – Samiti i Sofjës po përmbyllët më një deklaratë shumë të rëndësishme e cila hap rrugët e integrimit të plotë të gjitha shtetëve të Balkanit përëndimor në BE.
Megjithatë, theksova se mosmarrëveshjet bilaterale në nivel politik mbesin ende pengesë.
“Fokusi duhet të jetë në heqjen e barrierave dhe lejimin e lëvizjes së lirë të investimeve, të mirave dhe njerëzve. Një perspektivë e qartë e anëtarësimit në BE për vendet e Ballkanit Perëndimor mund të shpejtojë reformat në vendet e rajonit. Por, perspektiva e qartë evropiane është edhe garancë për më shumë investime. Është e rëndësishme që BE të marrë qëndrim të guximshëm dhe të thotë që gjashtë vendet e Ballkanit Perëndimor do të anëtarësohen në BE në të njëjtën kohë. Kjo do të inkurajojë frymën e bashkëpunimit të vërtetë rajonal, pasi suksesi i një shteti varet nga suksesi i fqinjëve të vet. Prandaj, duhet t’i eliminojmë të gjitha elementet e kompeticionit në mes shteteve tona”
Në fund të fjalës sime potencova se Kosova do të mbetet e përkushtuar për bashkëpunim dhe fqinjësi të mirë në mes të të gjitha shteteve të Ballkanit Perëndimor.
Gjatë qëndrimit në Sofje së bashku me Presidentin e Republikës së Kosovës, Hashim Thaci, takuam kryeministrin e Belgjikës, Charles Michel.
Kosova ka përfituar mbështetjen e fortë të Bashkimir Evropian dhe po i jep perspektivës Evropiane dhe integrimit në bashkësinë më të gjerë.
Sofje, 17 maj 2018 – Gjatë një takimi me kryeministrin e Belgjikës Charles Michel.
Sonte, pata nderin të organizoj pritje për delegacionin nga Iowa, që ishte me ne gjatë kësaj jave.
Partneriteti ynë me shtetin e Iowa-s u kurorëzua me një sërë marrëveshjesh të reja në fusha të ndryshme, që është dëshmi se ne kemi qenë bashkë për vite të tëra dhe se do të vazhdojmë rrugëtimin tonë bashkë.
Për një kohë të gjatë kam promovuar idenë e zonave ekonomike në Kosovë që do të tërheqin më shumë investime të huaja, do të sjellin kapital të huaj dhe ekspertizë në Kosovë dhe do të krijojnë vende të reja pune për rininë tonë, duke u dhënë atyre një të ardhme më të ndritur.
Ne mandatin qeverisës 2011/2014 arritem të bëjmë pregaditjēn ligjore por më vonë nuk u bë asgjë.
Prishtinë, 13 maj 2018 – Së bashku me Kryeministrin Haradinaj, Ambasadorin amerikan në Kosovë, Delawie, Gjeneralin amerikan Orr, pjesëtarë të FSK-së dhe delegacionin e bizneseve nga Iowa që e vizituan Kosovën.
Mbështes fuqishëm idenë e lansuar për krijimin e zonave ekonomike e në këtë rast, më theks tē veqantë një zonë për investitorët amerikanë në Kosovë, e cila do të ishte shtyllë e shtuar e marrëdhënieve strategjike midis Kosovës dhe Shteteve të Bashkuara dhe do të tërheqë kompanitë amerikane për të ardhur në Kosovë.
Ka shumë kompani amerikane në Kosovë dhe shumë më tepër mund të vijnë nëse krijojmë kushte që do ta bënin Kosovën më tërheqëse në rajon dhe në Evropën Lindore.
Unë do të shtyj në qeveri këtë ide që së shpejti të marrim vendimin për të krijuar një zonë ekonomike për investitorët amerikanë dhe për të organizuar një Forum Ekonomik-Investimesh midis Kosovës dhe Shteteve të Bashkuara që do të bashkonte komunitetin e biznesit të dy vendeve tona.
Prishtinë, 13 maj 2018 – Kënaqësi dhe ndjenjë e veçantë që pas kthimit nga turneu diplomatik të takoj delegacionin amerikan nga shteti i Iowa-s me në krye gjeneralin Tymothy Orr. Republika e Kosovës i është mirënjohëse thellësisht SHBA-së.
Besoj se do të kemi rezultate konkrete duke sjellë më shumë investime, duke krijuar më shumë vende pune dhe duke pasur një të ardhme më të mirë për vendin tonë.
Populli i Kosovës është krenar që ka në krah miqtë amerikanë. Zoti e bekoftë Iowa-n, ShBA-në dhe miqësinë tonë të përhershme.
Dje mbërrita në Sunion, një vend të bukur në Greqi, prej Emirateve të Bashkuara Arabe, ku hapëm dje ambasadën tonë.
Kosova po e zgjeron praninë e saj ndërkombëtare dhe po flet me zërin e saj si e barabartë në familjen e shteteve.
Me ftesë të ministrit grek Kotzias po marr pjesë në Ministerialin e vendeve të procesit të Vishegradit dhe të Ballkanit Perëndimor në qytetin grek Sunion. Jam i lumtur që e hapa serinë e takimeve këtu në Greqi, me ministrin e jashtëm polak Jacek Kaputoviç.
Ai do vizitojë shumë shpejt Prishtinën dhe unë Varshavën që me vendosjen e marrëdhënieve diplomatike të zhvillojmë akoma dhe më shumë marrëdhëniet ekonomike mes dy vendeve.
Polonia është një nga shtetet më të fuqishme të Bashkimit Europian i cili ka interes të veçantë për Ballkanin dhe posaçërisht Kosovën, ndaj kolegu im polak gjendet në Greqi.
Sunion, 11 maj 2018 – Kosova po e zgjeron praninë e saj ndërkombëtare dhe po flet me zërin e saj si e barabartë në familjen e shteteve. Shtrëngim duarsh me Ministrin e Jashtëm polak, Jacek Kaputoviç.
Mos e harroni Kosovën. Kosova është krijesë e Bashkimit Europian dhe ne jemi pjesë natyrale e Europës. Baballarët që udhëtonin me hekurudhë përgjatë Europës 50 vjet më parë e kanë të vështirë t’i shpjegojnë fëmijëve të tyre sot pse ata nuk mund të udhëtojnë- i thashë homologëve nga Bashkimi Europian mbledhur në Greqi.
Më tej thashë se një vend i krijuar nga Bashkimi Europian, me një legjislacion tërësisht sipas normave europiane, rrezikon të harrohet megjithatë, si tregon izolimi i qytetarëve të Kosovës për shkak të mungesës së liberalizimit të vizave.”
Dhe shtova një metaforë që e përjetoj herë pas herë: “për ta ilustruar rëndësinë tonë, po i referohem shembullit të fëmijëve tanë që shpesh nuk e ndërtojnë dot objektin e tyre në lojën Lego, sepse harrojnë ndonjë element të vogël… Pa ne, Europa nuk është e plotë, nuk është e qëndrueshme…. Po nëse fëmijët mund t’i këshilloj të përkujdesen për të gjithë pjesët e lojës së tyre, si përfaqësues i një vendi të vogël, e kam të vështirë t’ju këshilloj juve, përfaqësuesve të shteteve të mëdhenj. …Megjithatë ju sugjeroj: sa herë që shikoni fëmijët që luajnë këtë lojë, kujtohuni për Kosovën”.
Sunion, 12 maj 2018 – Gjatë adresimit tim në Ministerialin e Vendeve të Procesit të Vishegradit, plus katër vendeve të Ballkanit Perëndimor, ku isha i ftuar nga homologu im grek Nikos Kotzias.
Takim me homologun grek Niko Kotzias
Gjatë qëndrimit tim në Sunion të Greqisë për ministerialin e disa vendeve të Europës qendrore dhe Ballkanit Perëndimor, kalova shumë kohë me nikoqirin tim, Niko Kotzias.
U dakorduam që shumë shpejt Zyra e Kosovës të çelet në Athinë. Shpreha keqardhjen që në një aktivitet kaq të rëndësishëm ku kishte disa zëvendëskryeministra dhe ministra të jashtëm si ai i Çekisë, Polonisë, Kroacisë, Greqisë, Hungarisë, Bosnjës, Maqedonisë, etj, Serbia nuk ishte e pranishme, me gjasë shkaku i pranisë sime dhe Kosovës si e barabartë.
Ministri Kotzias na bëri mua dhe kolegëve për një pjesë të kohës ciceronin në një vizitë që bëmë në Tempullin e Poseidonit, një dëshmi impozante e qytetërimit të Greqisë së Lashtë.
Sunion, 12 maj 2018 – Me homologun grek Niko Kotzias në margjina të Ministerialit të disa vendeve të Evropës Qendrore dhe Ballkanit Perëndimor.
Pas takimit me homologun grek Kotzias, vazhdova me takime tjera të frytshme, si ai që pata me zëvendëskryeministrin çek, homologun tim, njëherësh ministër i jashtëm Martin Stropincky, në margjinat e ministerialit në Sunion të Greqisë.
Shtetet janë si njerëzit shpesh, duhet të takohemi që ta zhvillojmë miqësinë, të prodhojmë rezultate për ekonomitë tona, për qytetarët tanë.
Prej një kohe të gjatë nuk kemi patur takime në nivel zëvendëskryeministrash. Ramë dakord të forcojmë bashkëpunimin në baza dypalëshe dhe shumëpalëshe.
E ftova zëvendskryeministrin Stropincky të vizitojë Kosovën, ftesë që u pranua me kënaqësi.
Ministri Kotzias na bëri mua dhe kolegëve për një pjesë të kohës ciceronin në një vizitë që bëmë në Tempullin e Poseidonit, një dëshmi impozante e qytetërimit të Greqisë së Lashtë.
Sunion, 12 maj 2018 – Ministri Kotzias na bëri mua dhe kolegëve për një pjesë të kohës ciceronin në një vizitë që bëmë në Tempullin e Poseidonit, një dëshmi impozante e qytetërimit të Greqisë së Lashtë.Sunion, 12 maj 2018 – Ministri Kotzias na bëri mua dhe kolegëve për një pjesë të kohës ciceronin në një vizitë që bëmë në Tempullin e Poseidonit, një dëshmi impozante e qytetërimit të Greqisë së Lashtë.Sunion, 12 maj 2018 – Me zëvendëskryeministrin çek, homologun tim, njëherësh ministër i jashtëm Martin Stropincky, në margjinat e ministerialit në Sunion të Greqisë.
Edhe në takimin e radhës potencova se Kosova do të hapë dyer të reja dhe do të mbajë të hapura dyert e miqësisë me të gjithë vendet e botës, posaçërisht me ato europiane, apo anëtare të Bashkimit Europian.
Takim konkret dhe rezultativ me Sekretarin slovak të shtetit Ivan Korçok. Slovakia do t’i përmbahet linjës së Bashkimit Europian me Kosovën dhe është gati të mirëpresë zyrën e Kosovës në Bratislavë.
Do të forcojmë marrëdhëniet dhe më shumë në të gjithë planet.
Sunion, 12 maj 2018 – Me Sekretarin slovak të shtetit Ivan Korçok.
Inaugurimi i selisë së Ambasadës së Kosovës kësaj radhe u bë në Emiratet e Bashkuara Arabe, në Abu Dhabi. Në prani të Nasser bin Thani Al Hamli, ministrit të Burimeve Njerëzore dhe Emiratizimit, së bashku me presidentin e Republikës së Kosovës, Hashim Thaçi, kemi prerë shiritin e inaugurimit.
Në ceremoninë e hapjes morën pjesë edhe Saeed Al Qamzi, Drejtor i Çështjeve të Vizitave në Ministrinë e Punëve të Jashtme dhe Bashkëpunimit Ndërkombëtar, si dhe një numër i krerëve të trupave diplomatike arabe dhe të huaja të akredituar në Abu Dhabi.
Al Hamli na uroi për hapjen e ambasadës së re, duke vlerësuar rolin e qeverisë së Kosovës dhe misionit tonë diplomatik për përpjekjet e mëdha në avancimin e marrëdhënieve bilaterale ndërmjet dy vendeve mike.
Nga ana e tij, presidenti Thaçi vlerësoi marrëdhëniet ndërmjet Emirateve të Bashkuara Arabe dhe Kosovës, duke theksuar se hapja e selisë së re është një hap i rëndësishëm për zhvillimin e marrëdhënieve dhe promovimin interesave të të dy vendeve.
Abu Dhabi, 10 maj 2018 – Në ceremonin zyrtare të hapjes së Ambasadës në Abu Dhabi, të pranishëm edhe zyrtarë nga EBA.
Ambasada e Republikës në EBA së Kosovës është e para në shtetet e golfit që paraqesin një fuqi shumë të madhe ekonomike. Emiratet e Bashkuara ishte shteti i parë arab që e njohu Kosovën, shtet që mori pjesë në aksionin e post konfliktit në Kosovë, për një kohë ishte pjesë e KFOR-it.
Ndihma e Emirateve të Bashkuara daton qysh nga koha e luftës në vitin 1999, kur ky vend ka ndërtuar infrastrukturën aeroportuale në Kukës për të iu dalë në ndihmë të dëbuarve nga Kosova.
Emiratet e Bashkuara kanë ndihmuar dhe vazhdojnë të ndihmojnë Kosovën edhe ekonomikisht duke ndërtuar shkolla, spitale dhe duke renovuar edhe objektet e kultit.
Abu Dhabi, 10 maj 2018 – Pllaka në hyrje të Ambasadës në Abu Dhabi, që mban amblemën e institucioneve të Republikës së Kosovës.
