Nju Jork, 20 shtator 2017
Kroacia përbën një model për shtetet e rajonit në jetësimin e reformave që janë kriter kryesor i përshpejtimit të rrugës së shteteve të Ballkanit në Bashkimin Evropian.
Ekonomitë e Ballkanit Perëndimor kanë pritshmëri të larta nga presidenca kroate, ndaj ne e falënderojmë Kroacinë si mbështetëse të fortë të integrimit evropian të të gjithë rajonit.
Nju Jork, 20 shtator 2017
Së bashku me Presidetin Thaçi takuam Sekretarin e Përgjithshëm të Organizatës për Bashkëpunim Islamik, Shkëlqësinë e Tij, Dr. Yousef bin Ahmad Al-Othaimeen.
E falenderuam për mbështetjen e vazhdueshme dhe të fuqishme që kjo Organizatë dhe shtete anëtare të saj i kanë dhënë dhe po i japin Republikës së Kosovës, në lidhje me konsolidimin e shtetësisë dhe integrimin e plotë të vendit tonë në bashkësinë ndërkombëtare.
Shprehëm zotimet dhe përkushtimet tona për rritjen e përpjekjeve dhe angazhimeve të përbashkëta diplomatike për rritjen e numrit të njohjeve.
Nju Jork, 20 shtator 2017
Në New York takova edhe ministrin italian të Punëve të Jashtme, Angelino Alfano.
Kosova mirëpret përkrahjen e vazhdueshme të Itlisë për anëtarësimin e shtetit tonë në organizata të rëndësishme ndërkombëtare.
Nju Jork, 20 shtator 2017
Pas takimit me Presidentin e Turqisë, Recep Tayyip Erdoğan, kisha rastin që ta takojë në një takim shumë të ngrohtë dhe miqësor homologun tim, Ministrin e Jashtëm të Turqisë, Mevlüt Çavuşoğlu.
Me homologun nga Turqia ri-konfirmova mbështetjen e fuqishme nga ky vend. Miku im, Mevlüt shumë shpejt do ta vizitojë Kosovën, ku ndër të tjera do të koordinojmë agjendën mbi vazhdimin e lobimit për vendin tonë në raport me vendet jo-njohëse.
Nju Jork, 20 shtator 2017
Së bashku me Presidentin e Republikës, Hashim Thaçi, dhe delegacionin kosovar kemi takuar Ameenah Gurib, Presidente e shtetit ishullor të Mauriciusit, shtet ky që nuk e ka njohur pavarësinë e Kosovës.
Ne kërkuam njohjën nga ky shtet në mënyrë që Kosova të e forcon subjektivitetin e saj ndërkombëtar, duke arritur përpjekjet për njohje të reja dhe për anëtarësimin e vendit në organizata të ndryshme ndërkombëtare.
Theksova se edhe në kuadër të Organizatës Ndërkombëtare të Frankofonisë, anëtare të së cilës janë Kosova dhe Mauriciusi, do të intensifikohen kontaktet mes dy shteteve dhe se Kosova është e interesuar të vendos marrëdhënie diplomatike me Mauriciusin.
New York, 20 – 23 shtator 2017
Puna vazhdon në margjina të Asamblesë së Përgjithshme të Kombeve të Bashkuara duke takuar dhjetëra liderë shtetesh nga shtetet njohëse dhe jonjohëse.
Nga shtetet mike është kërkuar që ato të vazhdojnë ta mbështesin konsolidimin e mëtejmë të shtetit të Kosovës në marrëdhënie me jashtë, ta përkrahin vendin tonë dhe të ndikojnë edhe te vendet e tyre mike për sigurimin e anëtarësimit të Kosovës në organizata ndërkombëtare, ndërsa nga takimet me udhëheqësit e shteteve jonjohëse ishin vënë kontakte, ndërtuar miqësi dhe zgjeruar partneritete të reja.
Nju Jork, 19 shtator 2017
Në margjina të Asamblesë së Përgjithshme të Kombeve të Bashkuara, së bashku me Presidentin Thaçi, takuam edhe Presidentin e Turqisë, Recep Tayyip Erdoğan.
Takim miqësor dhe frytdhënënës. Ri-konfirmuam marrëdhëniet shumë të mira në mes dy vendeve, duke shprehur zotimin dhe përkushtimin e dy-anshëm për zgjerimin dhe thellimin e mëtejmë të këtij bashkëpunimi.
Kosova i është falënderuese Turqisë për mbështetjen e palëkundur në lidhje me procesin e shtet-ndërtimit në Kosovë dhe anëtarësimin e saj në të gjitha Organizatat Ndërkombëtare.
Nju Jork, 19 shtator 2017
Shteti ynë është njohur nga 114 shtete sovrane dhe është anëtar në më shumë se 60 organizata.
Nga CARICOM tashmë 10 shtete e kanë njohur pavarësinë e Kosovës dhe kanë vendosur marrëdhënie diplomatike me ne.
Prandaj, Kosova është e interesuar të vendos marrëdhënie diplomatike me Saint Vincent dhe Grenadines për të formalizuar një miqësi mes shteteve tona”, ka thënë presidenti Thaçi gjatë takimit me Zëvendëskryeministrin dhe Ministrin e Jashtëm të Saint Vincent dhe Grenadines, Sir Louis Straker.
Nju Jork, 19 shtator 2017
Mirënjohës ndaj Ministrit të Jashtëm Jusuf bin Alawi bin Abdullah për mbështetjen e vazhdueshme të Omanit dhënë Kosovës. Ne u pajtuam të zgjerojmë marrëdhëniet tona dypalëshe.
Nju Jork, 19 shtator 2017
Aktivitetin tim diplomatik bashkë me presidentin e Kosovës, e fillova në Nju Jork me një takim me Mbretin Abdullah të Jordanisë. Dakordim i plotë për bashkëpunim ndërmjet dy shteteve.
Brenda pak javësh delegacionet e Kosovës do të udhëtojnë në Jordani për të formalizuar bashkëpunimin me Jordaninë në fushën e inteligjencës, sigurisë dhe arsimit.