Kryeministri i Republikës së Kosovës, Albin Kurti, ka pranuar edhe zyrtarisht detyrën e kreut të ekzekutivit nga zëvendëskryeministri i deritashëm, Behgjet Pacolli, të përcjellë nga Garda Ceremoniale e Forcës së Sigurisë së Kosovës, të rreshtuar në nderim të kryeministrit të ri.
Pas kësaj ceremonie shtetërore, zëvendëskryeministri Behgjet Pacolli, tha se kishte nderin që në mënyrë edhe zyrtare t’ia dorëzojë kryeministrit të ri, Albin Kurti, pozitën e kreut të Qeverisë së Kosovës, duke e quajtur këtë një ditë të jashtëzakonshme për Kosovën dhe qytetarët e saj.
“Ne e kemi edhe një raport të cilin do t’ua dorëzoj. Do të ishte mire që këtë ta bënte z. Haradinaj, por meqenëse ai nuk është këtu më ka autorizuar mua që të jem unë ai që e dorëzon detyrën duke iu dëshiruar çdo gjë të bukur, suksese të mëdha, shëndet, lumturi dhe punë të mbarë”, theksoi zëvendëskryeministri Pacolli, duke shtuar se beson që kryeministri Kurti do t’ia dalë në punën që e bën, për shkak se është i vetëdijshëm që e bën mirë atë që e bën dhe se e do punën, suksesin e Kosovës dhe të qytetarëve të saj.
Ndër tjerash, duke folur para gazetarëve, zëvendëskryeministri Pacolli, tha se sot nis një fillim i ri, një ndarje e të shkuarës me të ardhmen, duke shprehur dëshirën që çdo ditë të dëgjonte lajme të mira pasi siç tha ai, Kosova ka nevojë për suksese.
Pas pranim-dorëzimit të detyrës, kryeministri i Republikës së Kosovës, Albin Kurti, e falënderoi, z. Pacolli për pritjen dhe ceremoninë e sotme, por edhe raportin e punës së Qeverisë së deritashme, të cilin raport tha se do ta lexojë me kujdes.
“Unë mbrëmë kam biseduar me kryeministrin Haradinaj i cili ndodhet në SHBA dhe kthehet në fundjavë. Pastaj do të takohemi edhe me të dhe ta mbajmë komunikimin e bashkëpunimin tonë”, u shpreh kryeministri Albin Kurti.
Pas pranimit të detyrës zyrtare, kryeministri Albin Kurti mbajti mbledhjen e parë ceremoniale të Qeverisë së Republikës Kosovës.
Sonte në Berlin me Ministrin e Punëve të Jashtme të Shqipërisë Gent Cakaj, në një restorant me kuzhinë tërësisht shqiptare, duke koordinuar qasjen tonë për çështjet e politikës së jashtme.
Qëllimi im ka qenë gjithmonë të kemi një koordinim të ngushtë dhe dinamik ndërmjet Kosovës dhe Shqipërisë. Nesër së bashku me Ministrat e Punëve të Jashtme nga e gjithë Evropa me ftesën e Ministrit gjerman të Punëve të Jashtme jemi në konferencën e Berlinit për të diskutuar çështjet e sigurisë në Ballkan.
Berlin, 30 janar 2019 – Sonte në Berlin me Ministrin e Punëve të Jashtme të Shqipërisë Gent Cakaj, në një restorant me kuzhinë tërësisht shqiptare, duke koordinuar qasjen tonë për çështjet e politikës së jashtme.
Mikpritur nga Heiko Mass, Ministër Federal për Punët e Jashtme të Gjermanisë dhe H.E. Jean-Yves Le Drian, Ministër për Evropën dhe Punët e Jashtme të Francës, takimi i dytë i nivelit të lartë mbi zbatimin e Udhërrëfyesit për Kontrollin e SALW-ve për Ballkanin Perëndimor shqyrtoi progresin e arritur në vitin e parë të zbatimit të Udhërrëfyesit.
Ylva Johansson, Komisionerja e BE-së për Çështjet e Brendshme dhe Olivér Várhelyi, Komisioneri i BE-së për Fqinjësinë dhe Zgjerimin morën pjesë gjithashtu në këtë ngjarje, përveç Ministrave të Brendshëm dhe Punëve të Jashtme të Ballkanit Perëndimor dhe organizatave ndërkombëtare kryesore që mbështesin autoritetet në zbatimin e Udhërrëfyesi dhe donatorët.
Berlin, 31 janar 2019 – Ne duhet ta lëmë politikën mënjanë dhe të përqendrohemi në sfidat e vërteta ishte porosia ime kryesore për të siguruar rezultate të prekshme por edhe adresimin e duhur të problemeve me të cilat përballemi.
Udhërrëfyesi u zhvillua nga autoritetet e Ballkanit Perëndimor në vitin 2018, nën kujdesin e Gjermanisë, Francës dhe në bashkëpunim me BE-në dhe me mbështetjen e Shtëpisë së Pastrimit të Evropës Juglindore dhe Lindore të UNDP-së për Kontrollin e Armëve të Vogla dhe të Lehta (SEESAC).
Ai synon të mbyllë boshllëqet e mbetura në kontrollin e armëve të vogla dhe të lehta dhe të kontribuojë në një zgjidhje të qëndrueshme për posedimin, keqpërdorimin dhe trafikimin e paligjshëm të AVL-ve dhe municioneve të tyre në Ballkanin Perëndimor.
Në gjysmën e parë të 2019, Udhërrëfyesi çoi në sekuestrimin nga autoritetet e Ballkanit Perëndimor të 1,886 armëve të zjarrit dhe 52,600 copë municionesh. Gjatë gjithë vitit 2019, u shkatërruan 21,000 armë të lehta dhe mbi 6 milionë copë municione.
Unë ngrita gjatë fjalës sime shqetësimin e Kosovës se kërcënimi më i madh me të cilin rajoni ynë përballet sot përsa i përket sigurisë është tregtimi i paligjshëm i armëve nga shteti serb dhe përdorimi i teknologjisë ushtarake për të krijuar aftësi përgjimi nga Beogradi që do të përdoren në vendet fqinje me ndihmën e aktorëve të tretë.
UNDP vlerëson se 993 persona u vranë, u plagosën ose u kërcënuan me armë zjarri në rajon në vitin 2019. Armët e zjarrit u përdorën shpesh në kontekste kriminale, mosmarrëveshje publike, të shtëna festive dhe dhunë në familje.
Ndërmjet viteve 2012 dhe 2016, gratë ishin përgjegjëse për vetëm 1.6% të incidenteve me armë zjarri, por përfaqësonin 16.2% të viktimave si pasojë e dhunës në familje.
“Më shumë shkelje të të drejtave të njeriut kryhen me armë të vogla sesa me çdo mjet tjetër. Ato janë gjithashtu një lloj arme e përhapur që përdoret në aktet e dhunës seksuale dhe si mjet për terror,” tha Mirjana Spoljaric Egger, Drejtoresha Rajonale e UNDP-së për Evropën Lindore dhe Azinë Qendrore. “Përparimi domethënës në Objektivat e Zhvillimit të Qëndrueshëm varet nga eliminimi i kërcënimeve të tilla si armët e zjarrit të paligjshme,” shtoi ajo.
SEESAC – një nismë e përbashkët e UNDP-së dhe Këshillit të Bashkëpunimit Rajonal – ka punuar ngushtë me autoritetet lokale për të promovuar çarmatimin dhe kontrollin e armëve për më shumë se një dekadë.
Znj. Spoljaric Egger falenderoi Ministrat e Brendshëm dhe të Punëve të Jashtme nga Ballkani Perëndimor për angazhimin e tyre të fortë në zbatimin e Udhërrëfyesit. Ajo falënderoi Gjermaninë, Francën dhe BE-në për partneritetin me UNDP-në përmes SEESAC në zhvillimin, koordinimin dhe monitorimin e zbatimit të Udhërrëfyesit dhe për mbështetjen e tyre financiare.
Ajo përgëzoi gjithashtu Britaninë e Madhe, Norvegjinë, Suedinë dhe Holandën për kontributin e tyre në Fondin e Mirëbesimit Multi Partner të Udhërrëfyesit, përmes të cilit shumë shpejt do të nisin katër projekte të reja.
SEESAC – një nismë e përbashkët e UNDP-së dhe Këshillit të Bashkëpunimit Rajonal – ka punuar ngushtë me autoritetet lokale për të promovuar çarmatimin dhe kontrollin e armëve për më shumë se një dekadë.
Në takim, Ministrat e Brendshëm dhe të Punëve të Jashtme të Ballkanit Perëndimor raportuan për progresin në juridiksionet e tyre, dhe organizatat kryesore ndërkombëtare, OSBE, UNODC, NATO, EUROPOL/EMPACT, FRONTEX dhe donatorët kryesorë prezantuan kontributin e tyre në zbatimin e Udhërrëfyes.
Me miratimin e Udhërrëfyesit, UNDP-ja ka rritur mbështetjen e saj, duke zhvilluar prova për të siguruar stoqet, duke ndihmuar në shkatërrimin e tepricave dhe konfiskimin e armëve dhe municioneve, duke mbështetur autoritetet për të zbuluar dhe parandaluar trafikimin e armëve të zjarrit dhe duke përmirësuar kapacitetet mjeko-ligjore në të gjithë rajonin.
Në takim, Ministrat e Brendshëm dhe të Punëve të Jashtme të Ballkanit Perëndimor raportuan për progresin në juridiksionet e tyre, dhe organizatat kryesore ndërkombëtare, OSBE, UNODC, NATO, EUROPOL/EMPACT, FRONTEX dhe donatorët kryesorë prezantuan kontributin e tyre në zbatimin e Udhërrëfyes.
Gjatë fjalimit tim në Konferencën Ministrore që synon të frenojë tregtinë e paligjshme të armëve dhe të sjellë armët nën kontroll në Ballkanin Perëndimor në Berlin, sigurova mbështetjen e plotë për nismën gjermano-frënge për zbatimin e hartës për kontroll gjithëpërfshirës të armëve të vogla dhe të lehta në Ballkanin Perëndimor.
Kosova është pjesë e inciativës dhe do të ndërmarrë veprime nacionale, bilaterale dhe shumëpalëshe për të frenuar tregtinë e paligjshme të armëve dhe për të sjellë armët nën kontroll. Këto armë janë një kërcënim për sigurinë publike dhe kombëtare të Kosovës dhe një rrezik për stabilitetin rajonal.
Ne duhet ta lëmë politikën mënjanë dhe të përqendrohemi në sfidat e vërteta ishte porosia ime kryesore për të siguruar rezultate të prekshme por edhe adresimin e duhur të problemeve me të cilat përballemi.
Arsenalet e paligjshme paraqesin një rrezik të madh sigurie për popujt në Ballkanin Perëndimor dhe Evropën në tërësi.
Kosova është pjesë e inciativës dhe do të ndërmarrë veprime nacionale, bilaterale dhe shumëpalëshe për të frenuar tregtinë e paligjshme të armëve dhe për të sjellë armët nën kontroll. Këto armë janë një kërcënim për sigurinë publike dhe kombëtare të Kosovës dhe një rrezik për stabilitetin rajonal.
Unë ngrita gjatë fjalës sime shqetësimin e Kosovës se kërcënimi më i madh me të cilin rajoni ynë përballet sot përsa i përket sigurisë është tregtimi i paligjshëm i armëve nga shteti serb dhe përdorimi i teknologjisë ushtarake për të krijuar aftësi përgjimi nga Beogradi që do të përdoren në vendet fqinje me ndihmën e aktorëve të tretë.
Evropa duhet ta kundërshtojë këtë menjëherë dhe të sigurojë që stabiliteti dhe paqja të mbizotërojë në Ballkanin Perëndimor. Kosova ka qenë e zëshme dhe e qartë në kundërshtimin e veprimtarive serbe të shitjes së armëve.
Tejet i nderuar, që me ftesë të ministrit Cakaj mora pjesë në ceremoninë e diplomimit të diplomatëve të rinj të Ministrisë së Punëve të Jashtme të Shqipërisë dhe të jem Mentor i kësaj gjenerate të re diplomatesh shqiptarë.
Kjo ngjarje paraqet një moment dhe një mundësi për të reflektuar mbi të tashmen dhe të ardhmen e politikës së jashtme shqiptare dhe të Kosovës.
Ashtu siç brenda vendit Shqipëria dhe Kosova kanë bërë përparim në tejkalimin e sfidave, në politikën tonë të jashtme ne nuk pranojmë një rend rajonal që ende shënohet nga mbetjet e së kaluarës, i cili nuk pasqyron në mënyrë të duhur rëndësinë e vendeve tona.
Tejet i nderuar, që me ftesë të ministrit Cakaj mora pjesë në ceremoninë e diplomimit të diplomatëve të rinj të Ministrisë së Punëve të Jashtme të Shqipërisë dhe të jem Mentor i kësaj gjenerate të re diplomatesh shqiptarë.
Politika e jashtme është e shpejtë në natyrë. Ndonjëherë distanca është e nevojshme për të kuptuar se sa shpejt kanë përparuar Kosova dhe Shqipëria në 20 vitet e fundit. Por vendet tona përballen me sfida të jashtëzakonshme për t’u bërë anëtar të komunitetit Euro-Atlantik dhe që Kosova të jetë një pjesë e plotë dhe e barabartë e bashkësisë ndërkombëtare.
Ne duhet të jemi në gjendje të kuptojmë mjedisin ku gjindemi, qëllimet që synojmë dhe aspiratën që ndjekim. Ne nuk duhet ta marrim si të mirëqenë që vendet tona janë të sigurta dhe të lira.
Konsensusi ynë aktual i politikës së jashtme, mendja dhe pritjet e përqafuar nga partitë politike në vitet e fundit, nuk është adekuat për kohën tonë, dhe nuk është i arsyeshëm për të ardhmen tonë.
Të besosh në të ardhmen e Shqipërisë dhe të Kosovës është detyrë e të gjithëve. Të jetosh dhe të formësosh atë të ardhme është një privilegj që diplomat të rinjë do të gëzojnë.
Kjo mungesë e konsensusit kombëtar na ka shpërqendruar nga problemet reale me të cilat ndeshemi në mjedisin ndërkombëtar. Na ka lënë të papërgatitur për sfidat me të cilat përballemi. Konsensusi po refuzohet nga elitat e vendeve tona, po shihet si dobësi dhe jo si fuqi e shtetit dhe kombit.
Duhet të punojmë në përfeksionimin e artit të bindjës. Duhet të bëhemi gati dhe fillojmë të planifikojmë në baza afat gjatë si do të bashkëveproj Kosova dhe Shqipëria në botë, dhe të fillojmë të përpilojmë strategji dhe agjendë të cështjeve që synojmë ti avancojmë tutje.
Ne duhet të kemi një konsensus. Ne duhet t’i japim fund politikës së shekullit të kaluar. Ne kemi nevojë për një rifillim si komb dhe si dy vende.
Ne duhet të dimë se çfarë duam. Kur kemi synime dhe aspirata duhet të gjejmë instrumentet e nevojshëm. Por qëllimet, aspiratat dhe instrumentet nuk janë të mjaftueshme për të siguruar një politikë të suksesshme të jashtme.
Ne duhet të jemi të bashkuar si komb dhe si dy vende. Ne kemi dy zëra në skenën ndërkombëtare, kjo është fuqi në marrëdhëniet ndërkombëtare. Ne duhet të kemi një konsensus. Ne duhet t’i japim fund politikës së shekullit të kaluar. Ne kemi nevojë për një rifillim si komb dhe si dy vende.
Ne duhet të dimë se çfarë duam. Kur kemi synime dhe aspirata duhet të gjejmë instrumentet e nevojshëm. Por qëllimet, aspiratat dhe instrumentet nuk janë të mjaftueshme për të siguruar një politikë të suksesshme të jashtme.
Të besosh në të ardhmen e Shqipërisë dhe të Kosovës është detyrë e të gjithëve. Të jetosh dhe të formësosh atë të ardhme është një privilegj që diplomat të rinjë do të gëzojnë.
Nuk kam dyshim se do t’i pêrkushtohen sipërmarrjes së përjetshme për të ndihmuar në arritjen e një Shqipërie që është gjithnjë e më e drejtë, gjithnjë e më e prosperuar dhe gjithnjë e më e respektuar midis kombeve.
Të jetosh dhe të formësosh atë të ardhme është një privilegj që diplomat të rinjë do të gëzojnë.
Me 15 janar të vitit 1999, Reçaku në orët e hershme të mëngjesit u gjet i rrethuar nga policia speciale, forcat ushtarake dhe paramilitare serbe. Atë ditë ato vranë 45 civilë të paarmatosur e të pafajshëm, mes tyre edhe gra e fëmijë.
Jehona e aktit të gjenocidit që ndodhi te “Pishat”, “Gështënjat”, “Rrasa e Çallakut” dhe “Çesta” përmbi Reçak kumboi në gjithë botën. Lajmi i krimit që ndodhi te shtëpia e Sadik Osmanit dhe “Kodra e Bebushit” mbërriti në çdo cep të botës.
Historia e Kosovës së pavarur nuk mund të shkruhet pa Reçakun. Njësoj qysh nuk mund të shkruhet pa Prekazin, Mejën, Krushën e Madhe e Krushën e Vogël, Dubravën, Poklekun, Rezallën, Izbicën, Gjakovën, Qyshkun, Lybeniqin, Pastaselin, Arbrinë e Epërme, Qirezin e Likoshanin e shumë vende të tjera të Kosovës që ishin viktima të mbi 400 masakrave gjatë luftës së fundit të viteve ’98 e ‘99, dëshmi këto të gjenocidit të Serbisë në Kosovë.
Ambasadori William Walker në përqafim të presidentit Behgjet Pacolli. Populli ynë i është gjithmonë mirënjohës e falënderues Ambasadorit William Walker, për rolin e kontributin e punës së tij për të vërtetën dhe Kosovën. Reçak, 15 janar 2020.
Fushata të tilla të vrasjeve masive, të ushtrimit të mizorive tmerruese ndaj civilëve sikurse në Reçak, kishin ndodhur dhe do të vazhdonin nëpër komuna dhe rajone anembanë Kosovës, duke konfirmuar që Jugosllavia e tretë, ajo e Millosheviqit, jo vetëm që e donte Kosovën pa shqiptarë, por po e zbatonte me forca të armatosura aktivisht këtë intencë të saj.
Unë, sa herë që vij në Reçak, ndjej përulje ndaj fshatarëve të Reçakut. Atë që e ka dokumentuar Human Rights Watch, KMDLNj, Fondi për të Drejtën Humanitare, është më së miri e rrëfyer në dhimbjen dhe traumën e fshatarëve të Reçakut dhe familjarëve të viktimave. Kjo histori nuk mund të harrohet dhe as të rishkruhet.
Së bashku me ambasadorin William Walker në Reçak, në 21 vjetorin e Masakrës nderojmë 45 shqiptarët civil të masakruar nga forcat e Serbisë. Ne përkulemi para vuajtjes e sakrificës së njerëzve tanë. Shteti ynë demokratik, nuk i amniston kriminelët dhe nuk i harron krimet e luftës.
Vrasja e qëllimshme në formë të ekzekutimit arbitrar të personave civilë nga forcat e armatosura të shtetit serb, ishte forma më e zakonshme dhe më e shpeshtë e vrasjeve sipas mënyrës së ekzekutimit në vend nga afërsia e drejtëpërdrejtë, të grupeve të personave civilë të pambrojtur pa dallim.
Kjo masakër e zbuluar dhe e identifikuar edhe nga vëzhguesit ndërkombëtarë, nga udhëheqësi i misionit të vëzhguesve të OSBE-së, ambasadori William Walker dhe përfaqësues të mediave ndërkombëtare bëri që qeveria e atëhershme jugosllave, më 18 janar 1999, ta shpallë William Walkerin persona non grata.
William Walker e pat cilësuar masakrën e Reçakut si “mizori e papërshkrueshme” (“unspeakable atrocity”) dhe si “krim i madh kundër njerëzimit” (“crime very much against humanity”), e që u dënua ashpër nga qeveritë e vendeve demokratike perëndimore dhe nga vetë Këshilli i Sigurimit të OKB.
Populli ynë i është gjithmonë mirënjohës e falënderues Ambasadorit William Walker, për rolin e kontributin e punës së tij për të vërtetën dhe Kosovën.
Në 23 shkurt 1999, presidentja e Gjykatës Penale për ish Jugosllavinë i shkruante ministrave të jashtëm britanik e francez, z. Robin Cookut dhe z. Hubert Vedrineit: “Nuk duhet të sakrifikohen parimet mbi të cilët është themeluar Gjykata për hir të interesave politike afatshkurtër”. Ajo shprehej: “Nuk ka paqe pa drejtësi”.
Duhej pra një Reçak që NATO dhe Perëndimi të kuptonin se kur kasaphana nuk ndalet, ajo mund të kthehet në normalitet. Pikërisht këtë Reçak e mohon sot Serbia. Sepse Reçaku nuk është vetëm një masakër, por edhe një datë vendimtare në shekullin tonë. Është data që shtyn një reagim ushtarak kolektiv dhe një kolektiv ndërgjegjesh politike, intelektuale, mediatike të marrin qëndrim dhe ta cilësojnë një sjellje ushtarake shtetërore si të papranueshme.
Nuk vonoi shumë pas këtij akti gjenocidal në Reçak, dhe avionët e NATO-s bombarduan Jugosllavinë e Millosheviqit. Pra, ishte pikërisht një masakër e tillë që e vuri në lëvizje fuqinë më të madhe ushtarake në historinë e njerëzimit në mbrojtje të popullit tonë e kundër një shteti që projektonte shfarosjen e shqiptarëve.
Viti 1999, William Walker në Reçak. William Walker e pat cilësuar masakrën e Reçakut si “mizori e papërshkrueshme” (“unspeakable atrocity”) dhe si “krim i madh kundër njerëzimit” (“crime very much against humanity”),
Masakrat mbi popullin tonë po zgjonin, falë vetëdijes sonë, një ritëm tjetër të kuptimit të së drejtës.
Prandaj, të mohosh krimet gjenocidale që i ka faktuar dhe dënuar një botë e tërë dhe të përsëritësh vazhdimisht si kërcënim mosnjohjen e Pavarësisë së Kosovës martire, do të thotë të qëllosh edhe të rënët e pavdekshëm edhe të gjallët e mbijetuar, do të thotë të shënjestrosh edhe ëndërrat dhe idealet e brezave të ri që vijnë.
Mohimi i gjenocidit përpiqet të riformësojë historinë në mënyrë që të demonizojë viktimat dhe të rehabilitojë autorët. Mohimi i gjenocidit është faza e fundit e gjenocidit. Është ajo që Elie Wiesel e ka quajtur një “vrasje e dyfishtë”. Mohimi vret dinjitetin e të mbijetuarve dhe kërkon të shkatërrojë kujtimin e krimit. Në një shekull të rrënuar nga gjenocidi, ne pohojmë domosdoshmërinë morale të kujtimit.
Ne jemi kundër hakmarrjes. Ne duam drejtësi. Dhe, ne refuzojmë të harrojmë.
Lavdi të rënëve!
Shënim shtesë me rëndësi:
Kuvendin i Republikës së Kosovës ka miratuar Rezoluten mbi gjenocidin e kryer nga Serbia në Kosovë. Aty u vendos që 15 janari, pra dita e masakrës së Reçakut, të shpallet Ditë e Përkujtimit të gjenocidit ndaj shqiptarëve në Kosovë. Rezoluta i referohet konventave, deklaratave, gjykatave, rezolutave dhe raporteve të ndryshme ndërkombëtare. Në bazë të të dhënave zyrtare listohen faktet e krimeve të gjenocidit, krimeve kundër njerëzimit dhe krimeve të luftës në Kosovë. Rezoluta përmban kërkesa ndaj Serbisë por edhe zotime tonat si shtet për të sjellur drejtësi, reparacion e rehabilitim për viktimat. Miratimi asokohe u bë me 79 vota PËR.
Më shumë kënaqësi mirëpres përsëri në Kosovë mikun e madh të Kosovës dhe mikun tim personal ambasadorin William Walker. Ai mbetet një hero i gjallë i Kosovës i cili tregoi para botës mizoritë e tmerrshme të regjimit të Millosheviçit.
Puna parimore dhe e drejtë e tij është shqëtsim për Serbinë edhe sot.
Ai e ka ndihmuar Kosovën pas vitit 1999 shumë. Unë kam qenë i nderuar që punova me të për pavarësinë dhe njohjen e Kosovës ndërkombëtarisht para shpalljes së pavarësisë dhe më pas. Miqtë si ai Kosova duhet gjithmonë t’i respektojë dhe t’i dëgjojë ata.
Ambasadori William Walker e don më të mirën për ne. Në Kosovë ju jeni gjithëmonë në shtepinë e juaj ambasador Walker!
Thellësisht i prekur nga ceremonia që Presidenti i Shqipërisë Meta organizoi për dekorimin tim me Urdhërin e lartë “Nënë Tereza” me motivacionin; Për ndjeshmërinë e lartë, personale dhe familjare, si gjithë populli dhe shteti i Kosovës, treguar përkundrejt popullatës së Thumanës, dhe mbarë Shqipërisë, duke nxitur kësisoj një zinxhir solidariteti kombëtar të pashembullt me rastin e tërmetit të 26 nëntorit 2019 ;Për kontributin e vazhdueshëm humanitar në rrafsh kombëtar dhe global ;”
I thashë Presidentit dhe të ftuarve në këtë ceremoni, se kjo dekoratë i takon mbarë popullit të Kosovës, qytetarëve të saj, posaçërisht pensionistit që dhuroi pensionin e tij të vogël për vëllezërit e vet të Shqipërisë.
I thashë gjithashtu se “unë, vëllazerit e mi, fëmijët, bashkëshortja ime, familja ime jemi thjesht personifikimi i ndihmës dhe solidaritetit të gjysmës për gjysmën tonë kombëtare”.
Presidenti i Republikës Ilir Meta duke i dhuruar Presidentit Pacolli, dekoratën me Urdhërin e lartë “Nënë Tereza” . Urdhri “Nënë Tereza” është një dekorate nderi e Republikës së Shqipërisë që u jepet qytetarëve shqiptarë dhe të huaj për akte të shquara humanizmi ndaj kombit shqiptar dhe njerëzimit. Urdhri “Nënë Tereza” është një dekorate nderi e Republikës së Shqipërisë që u jepet qytetarëve shqiptarë dhe të huaj për akte të shquara humanizmi ndaj kombit shqiptar dhe njerëzimit.
Bëra thirrje për pajtim mes veti, në Shqipëri, në Kosovë dhe midis Shqipërisë dhe Kosovës! Dekorata jepet me dekret nga Presidenti shqiptarë. Ky urdhër është i artë.
Në një ceremoni të zhvilluar në ambjentet e Presidencës, Meta e cilësoi Pacollin si një njeri të shquar dhe e vlerësoi për ndjeshmërinë e lartë që tregoi ndaj popullit të Thumanës dhe mbarë Shqipërisë, pas goditjes së tërmetit të 26-nëntorit.
Sipas Presidentit Meta, Pacolli është një njeri mjaft bujar dhe ka një veprimtari tejet frymëzuese humanitare.
Masha Pacolli, bashkëshortja e Presidentit Pacolli, së bashku me fëmijët e tyre gjatë intonimit të hymnit shqiptarë në Presidencen shqipëtare.
Ai vuri në dukje krijimin e fondacioneve për jetimët, refugjatët, në ndihmë të studentëve, në asistencën ndaj njerëzve në nevojë, ndërtimin e shtëpive për të varfrit, sponsorizimet në fushën e artit, kulturës dhe të sportit, dërgimi i dhjetëra pacientëve të Kosovës jashtë vendit për trajtim mjekësor e kështu me radhë.
Gjithashtu Meta përmendi edhe ndërmjetësimet e Pacollit për lirimin e disa pengjeve dhe të një gazetari italian në vende në konflikt si Afganistani, duke e cilësuar si një ambasador të paqes.
“Zotëri Pacolli është një personalitet i shquar, që gjithçka e ka arritur vetë në jetën e tij falë përpjekjeve, studimeve dhe sfidave të panumërta me të cilat ai është ndeshur dhe jo vetëm ka arritur të dallojë dhe shkëlqejë në fushat e biznesit, të ekonomisë, të sipërmarrjes, por gjithashtu ajo që e bën atë të veçantë dhe mbi të gjitha, që e bën edhe të dashur për njerëzit, është pikërisht angazhimi i tij i pareshtur për dekada në aktivitetin humanitar, në shërbim të paqes, po kështu për krijimin e një imazhi të dalluar dhe pozitiv të shqiptarit në botë, jo vetëm si një sipërmarrës i suksesshëm, por edhe si një njeri i jashtëzakonshëm dhe me zemër të madhe,”-u shpreh Meta ndër të tjera.
Kurse z.Pacolli tha se është thellësisht i prekur nga ceremonia që Presidenti i Shqipërisë Meta organizoi për dekorimin tij me Urdhërin e lartë “Nënë Tereza”.
“I thashë Presidentit dhe të ftuarve në këtë ceremoni, se kjo dekoratë i takon mbarë popullit të Kosovës, qytetarëve të saj, posaçërisht pensionistit që dhuroi pensionin e tij të vogël për vëllezërit e vet të Shqipërisë. I thashë gjithashtu se “unë, vëllazerit e mi, fëmijët, bashkëshortja ime, familja ime jemi thjesht personifikimi i ndihmës dhe solidaritetit të gjysmës për gjysmën tonë kombëtare”.
Presidenti Pacolli duke i prezantuar fëmijët e tij presidentit të Republikës së Shqipërisë, z. Ilir Meta.
Njoftimi nga Presidenca shqiptare
Presidenti i Republikës, Sh. T. Z. Ilir Meta vlerësoi sot me Dekoratën e lartë “Nënë Tereza” Zëvendëskryeministrin e Parë dhe Ministrin e Punëve të Jashtme në detyrë të Republikës së Kosovës, Behgjet Pacolli.
Presidenti i Republikës i dorëzoi zotit Pacolli Dekoratën e lartë “Nënë Tereza” me motivacionin:
“Për angazhimin dhe ndjeshmërinë e lartë personale dhe familjare, treguar ndaj popullit të Thumanës dhe mbarë Shqipërisë, si gjithë populli dhe shteti i Kosovës, duke nxitur një zinxhir solidariteti kombëtar të pashembullt pas tërmetit të 26 nëntorit 2019. Për kontributin e tij të vazhdueshëm humanitar në rrafsh kombëtar dhe ndërkombëtar”.
Në fjalën e tij drejtuar të pranishmëve, Presidenti Meta u shpreh ndër të tjera se: “Zoti Pacolli është një personalitet i shquar, që gjithçka e ka arritur vetë në jetën e tij falë përpjekjeve, studimeve dhe sfidave të panumërta me të cilat ai është ndeshur dhe jo vetëm ka arritur të dallojë dhe shkëlqejë në fushat e biznesit, të ekonomisë, të sipërmarrjes, por gjithashtu ajo që e bën atë të veçantë dhe mbi të gjitha, që e bën edhe të dashur për njerëzit, është pikërisht angazhimi i tij i pareshtur për dekada në aktivitetin humanitar, në shërbim të paqes, po kështu për krijimin e një imazhi të dalluar dhe pozitiv të shqiptarit në botë, jo vetëm si një sipërmarrës i suksesshëm, por edhe si një njeri i jashtëzakonshëm dhe me zemër të madhe.
Si një ambasador i paqes, si një sipërmarrës i suksesshëm i përmasave ndërkombëtare, si promovues i realiteteve ekonomike kombëtare, nëpërmjet nxitjes së formave komplementare, politikan dhe shtetar i përgjegjshëm, me dashuri të madhe për Kosovën dhe shqiptarët, ai është një dëshmi e veçantë dhe e pashembullt, jo vetëm e suksesit, por edhe e humanizmit.
Si një njeri i tillë mjaft bujar, z. Pacolli ka një veprimtari tejet frymëzuese humanitare. Kujtojmë këtu krijimin e fondacioneve për jetimët, refugjatët, në ndihmë të studentëve, në asistencën ndaj njerëzve në nevojë, ndërtimin e shtëpive për të varfrit, sponsorizimet në fushën e artit, kulturës dhe të sportit, dërgimi i dhjetëra pacientëve të Kosovës jashtë vendit për trajtim mjekësor e kështu me radhë.
Vlen të përmenden edhe ndërmjetësimet e tij për lirimin e disa pengjeve dhe të një gazetari italian në vende në konflikt si Afganistani, të cilat dëshmojnë për titujt e akorduar ndaj tij, mëse të merituar, si kalorës global i paqes. Së fundmi, pas pasojave të rënda të shkaktuara nga tërmeti i tmerrshëm i 26 nëntorit, z. Pacolli shpalosi menjëherë një ndjeshmëri të lartë, personale dhe familjare, përveçse edhe institucionale si pjesë e të gjithë popullit dhe shtetit të Kosovës, ndaj popullit shqiptar e në veçanti ndaj popullatës më të goditur rëndë, asaj të Thumanës, duke dhënë kontributin e tij të menjëhershëm në interes të rindërtimit të zonave të prekura nga tërmet dhe duke i dhënë në këtë mënyrë një nxitje të mëtejshme gjithë atij solidariteti mbarëshqiptar.”
Biznesmeni Behgjet Pacolli ishte një nga emrat që dhuruan dhe u sensibilizuan me Shqipërinë pas goditjeve të tërmetit tragjik të 26 nëntorit. Pacolli deklaroi se do të dhuronte 1.5 milionë euro.
Ai gjithashtu ka publikuar dhe projektin për ndërtesat me apartamente moderne që do të ndërtohen në Thumanë, për të gjithë banorët që mbetën në rrugë pas tërmetit.
Sot kam pasur një takim të ngrohtë me Presidentin shqiptar, Ilir Meta, për të diskutuar përpjekjet e rindërtimit në zonat e prekura nga tërmeti shkatërrues që goditi Shqipërinë muajin e kaluar.
Poashtu e informova Presidentin për mbarvajtjen e punëve rreth projektit të Thumanës, që çdo gjë është e gatshme nga ana jonë.
Ne jemi të bashkuar për të ndihmuar vëllezërit dhe motrat tona në Shqipëri për të kapërcyer situatën.
Tiranë, 17 dhjetor 2019 – Takim me presidentin shqiptar, Ilir Meta. Ne jemi të bashkuar për të ndihmuar vëllezërit dhe motrat tona në Shqipëri për të kapërcyer situatën.
Zgjidhjet ekonomike, qasjet ekonomike në favor të qytetarëve janë ato që i duhen rajonit dhe posaçërisht dialogu Kosovë-Serbi dhe arritja e paqës e kompletjnë shtetndertimin e Kosovës-u thashë të ftuarve akademikë dhe studentë në Universitetin autoritar ”Link” në Romē ( aneksi poster).
Ish Kryeministri i kohēs së luftës së Kosovës, Massimo D’Alema dhe ish ministri i Punëve të Jashtme të Italisë ( 7 mandate) Vincenzo Scotti ishin ne panel me mua.
Pata rastin, pos publikut, të flisja edhe me pedagogë e studentë të këtij Universiteti ku japin mësim ish figura politike të fundshekullit të 20-të, dhe ku janë formuar drejtues të klasës aktuale drejtuese italiane.
Romë, 17 dhjetor 2019 –Posteri i përgatitur nga Universitetin autoritar “LINK” në Romë, që paralajmronte ligjeraten time para studentëve.Romë, 17 dhjetor 2019 –Ligjerata para studentëve dhe Pedagogëve në Universitetin autoritar “LINK” në Romë. Romë, 17 dhjetor 2019 – Ligjerata para studentëve dhe Pedagogëve në Universitetin autoritar “LINK” në Romë. Romë, 17 dhjetor 2019 – Pas ligjeratës fotografi me studentët dhe Pedagogëve në Universitetin autoritar “LINK” në Romë.
Sot Ati i Shenjtë Papa Françesku, më priti bashkë me bashkëshorten time Mashen, në një audiencë në Vatikan. Vizita ime dhe gruas time Masha erdhi në vegjiljen e festës së ditelindjës së tij, i cili mbushte 83 vjeç.
Thellësisht i impresionuar nga humanizmi që ai përcillte dhe vëmendja për zhvillimet në Kosovë. E inkurajoi po ashtu shoqën time, Mashën, që të vijonte punën me gratë e keqtrajtuara të luftës.
“Më shkruaj për çdo zhvillim dhe qofsh e bekuar për këtë që po bën!”- i tha Papa shoqës sime.
Papa Françesku është shumë njerëzor e fort social. Ai bënte pyetje për Kosovën, rininë e fëmijët, arsimin e punën, historinë e kulturën, vlerat dhe të ardhmen. Flet për paqen me dashuri, për popujt me dhembshuri.
Vatikan, 16 dhjeor 2019 – Shtrëngim duarsh me Papa Françeskun.
Interesohet në një mënyrë të angazhuar, dëgjon me një durim që të përvetëson. Ishte nder dhe privilegj të përfaqësoja shtetin dhe popullin tonë, tek Papa Françesku.
Gjatë diskutimeve të përzemërta, ne evokuam marrëdhëniet e mira tradicionale dhe kontributin e Selisë së Shenjtë në Kosovë gjatë historisë sonë të trazuar dhe përballë sfidave të tanishme socio-ekonomike.
Vatikan, 16 dhjeor 2019 –Bashkë me bashkëshorten time Mashën, në audiencë me Papa Françeskun.
Unë shpreha në emër të popullit të Kosovës vlerësimin për mbështetjen e Papa Françeskut ndaj Kosovës. Ne diskutuam për rëndësinë e vazhdimit të angazhimit tradicional midis Kosovës dhe Selisë së Shenjtë.
Papa Françesku shprehu afërsinë e tij me tërë popullatën e Kosovës dhe lutjet e tij për paqe tolerancë dhe harmoni multietnike dhe fetare ndërmjet popujve.
Ne jemi të bekuar me miqtë tanë dhe jemi shumë të nderuar për vëmendjen që Papa Françesku i jep Kosovës dhe qytetarëve tanë.
Vatikan, 16 dhjeor 2019 –Bashkë me bashkëshorten time Mashën, në audiencë me Papa Françeskun. Në foto të përbashkët. Vatikan, 16 dhjeor 2019 –Momenti duke i dorëzuar dhuratat Papa Françeskut. Vatikan, 16 dhjeor 2019 –Bashkë me bashkëshorten time Mashen duke i shpjeguar Papa Françeskut rreth dhuratave që i dhuruam për të.
Në këtë fotografi shihet porti i Hamburgut, në të cilin para 46 vitesh punoja punë të rënda fizike (trajtimin e anijeve të mallrave) për të financuar studimet e mia.
Ishte ndjenjë emocionuese të gjindem prap në këtë vend, tani në një pozicion krejtësisht tjetër dhe jo më si qytetar i Jugosllavisë por qytetar i Republikës së Kosovës.
Hamburg, 15 dhjetor 2019 – Në këtë fotografi shihet porti i Hamburgut, në të cilin para 46 vitesh punoja punë të rënda fizike (trajtimin e anijeve të mallrave) për të financuar studimet e mia.
Mbrëmë këtu inagurova Konsullatën gjenerale të Republikës së pavarur të Kosovës.
Jam i lumtur që në Hamburg mbrëmë kemi përuruar Konsullatën e Përgjithshme të Kosovës me qëllim forcimin e marrëdhënieve të Kosovës me Gjermaninë, ofrimin e shërbimeve më të mira dhe efektive konsullore për diasporën tonë që jeton në zonën përreth Hamburgut dhe Gjermanisë veriore dhe të promovojmë marrëdhënie ekonomike dhe tregtare.
Hamburg, 15 dhjetor 2019 –Momente nga fjala ime gjatë ceremonisë në hapjen e Konsullatës së Republikës së Kosovës në Hamburg.
Kjo është për pak ditë Konsullata e Përgjithshme e dytë pas Dusseldorfit që hapim në Gjermani si pjesë e zgjerimir të rrjetit diplomatik dhe konsullor të Kosovës në Gjermani që te jemi më afër diasporës sonë.
Tani Kosova përfaqësohet përmes Ambasadës së saj në Berlin dhe Konsullatave të Përgjithshme në Hamburg, Dusseldorf, Stuttgart, Munchen dhe Frankfurt në të gjitha cepat e Gjermanisë dhe me afër qytetarëve tanë që jetojnë në Gjermani.
Hamburg, 15 dhjetor 2019 –Momente nga ceremonia e hapjes së Konsullatës së Republikës së Kosovës në Hamburg. Në krahun tim të djatht ambasadori i Kosovës në Berlin, dhe në krahun e djatht Konsulli i Përgjithshëm i Republikës së Kosovës në Hamburg z. Gramos Begolli.
