Prishtinë, 12 qershor 2018
Kam pasur një takim të shkëlqyeshëm me Bintou Keita, Ndihmëssekretare e Përgjithshme për Operacionet Paqeruajtëse në Kombet e Bashkuara me të cilin diskutuam zhvillimet në Kosovë dhe rolin e UNMIK-ut.
Pozicioni ynë është i vendosur se UNMIK-u duhet të transformohet, seancat e UNSC-së të zvogëlohen.
Gjithë Kosova, e punës dhe fjalëve apo shkrimeve , e shtetit dhe e opozitës, e të vjetërve dhe e të rinjve , e qyteteve dhe e fshatrave , diaspora dhe bashkëvendasit po flet dhe po shkruan për të nderuar Fadil Vokrrin. Madje dhe individë, klube, sportistë apo njerëz të politikës në vendin fqinjë me ne, në Serbi, në krejt ish Jugosllavinë, po shprehin hidhërimin e tyre për humbjen e parakohshme të një figure legjendare si Fadil Vokrri. Madje madje dhe bota sportive në rajon, apo në krejt globin.
Fadili ishte dhe mbetet kësisoj një figurë përbashkuese, identifikuese e krejt brezave të kosovarëve, kosovarëve kudo që jetojnë në botë, apo të kosovarëve me të tjerët në ish Jugosllavi.
Fadili ishte një ikonë e krenarisë kosovare në ish Jugosllavi. Fadili u bë dhe ikonë e krenarisë sportive jugosllave në krejt botën. Ai ishte simbol i betejave tona si popull për barazi në ish Jugosllavi. Dhe ja mbërriti në betejat e veta sportive apo nëpërmjet sportit që të na rriste barazinë, të na rriste krenarinë.
Fadili ishte dikush që kurrë nuk foli keq për askënd, brenda dhe jashtë Kosovës, si e përmendte dikush në një kolumnë të vetën.
Fadili ja arriti në fakt të na bënte krenarë dhe të barabartë dhe më pas , pasi u rrënua Jugosllavia, shtëpia e përbashkët ku ne shqiptarët ishim me zor, dhe ne dolëm prej saj të kërcënuar në ekzistencën tonë. Ai e futi Kosovën në organizmat ndërkombëtare sportive, një ndërmarrje që ne të politikës ende nuk ja kemi mbërritur. Ai e mundësoi këtë, pse sporti ka ligjësitë e veta, pse sporti hap më shumë dyer se politika, se sporti komunikon me qytetarët më thjesht dhe më natyrshëm me njerëzit, me qytetarët, pavarësisht kombësisë. Kësisoj sporti, sportistët janë më të fuqishëm se politikanët. Politikanët madje kanë nevojë për sportistët më shumë sesa e anasjellta.
Fadili kësisoj nuk ishte dikush i njohur vetëm për ne, për brezin e tij, por ai u bë i njohur dhe flamur dhe për brezin e ri. Ai u identifikua me Përfaqësuesen tonë që po hedh hapa të shkëlqyer përpara dhe kjo përfaqësuese është sot mekanizmi motivues më i fortë i brezit të ri të talentuar në sport. Ne jemi një shtet i ri dhe ne kemi nevojë të ndërtojmë vetëdije të re kolektive, që nuk po guxoj ta quaj vetëdije kombëtare, pse ne i përkasim kombit shqiptar. Figura si Fadili janë më të përkryerat për të na bashkuar brezave të ndryshëm, me sukseset e hershme dhe të rejat që lidhen me Fadilin. Figurat si Fadili që kanë reputacion ndërkombëtar, janë më të përkryerat për të na përfaqësuar dhe jashta Kosovës.
Fadili në integrimin ndërkombëtar të Kosovës ka mbrrit diçka që ne të politikës duam të arrijmë me mjete diplomatike, me bisedime, me negociata, por ende nuk ja kemi mbërritur. Në ngritjen e flamurit të shtetit tonë të ri, shtëpisë sonë të re politike, ai ka idhnuar shumë me siguri fqinjët tanë. Politikanët e Serbisë. Ata mendojnë për vota dhe e kuptojnë domethënien e hyrjes së Kosovës në FIFA dhe UEFA, akte që i bëjnë kosovarët të barabartë me ta, në garat sportive. Këto akte shkojnë drejpërdrejt në vetëdijen e votuesve të tyre, duke i provokuar. Për këtë arsye, ata me siguri nuk e kanë dashur Fadilin.
Mirëpo Fadili është legjendë dhe ata nuk mund ta prekin atë, nuk mund ta sulmojnë publikisht, dhe para madhështisë së tij kanë qenë dhe janë të detyruar të përulen.
Fadili është dikush që e mundi Beogradin në vitet 80. E mundi botën, Beogradin e mundi në disa raste , kur u gjend përballë tij me Prishtinën, kur u gjend brenda tij si lojtar i Partizanit dhe nderohej me ovacionet e beogradasve në stadiume. E mundi dhe tani në shekullin e 21-të. Mirëpo ai e mundi me paqe, me mjete sportive. Ishte fitore e individit të suksesshëm, i cili shpesh bën më shumë sesa ushtri apo kolektivitete të tjera.
Fitorja e tij ndaj Serbisë, fitorja e tij ndaj botës, fitorja për Kosovës prej tij është më natyrale, pa viktima. Dhe kur sheh sesi dhe qytetarët apo politikanët e vendit fqinjë na bashkohen në dhimbjen tonë për humbjen e tij, të vjen natyrale të mendosh ,
ky njeri që i mundi fë gjithë, sportivisht, mundet dhe të bënte pajtimin me ta. Pa lëshuar asgjë, sepse ai nuk dinte të humbte !
Shikoni sa shumë arsye ka pse ne e qajmë që të gjithë humbjen e Fadilit dhe jemi bashkë rreth trupit të tij pa jetë. Sporti ja mbërrin para politikës : na bën krenarë, na bën fitimtarë dje dhe sot.
I lehtë të qoftë dheu i Kosovës, miku im! Shpesh herë rrugët tona në jetë janë kryqëzuar kur ishe Kampion i Jugosllavisë dhe sot Kampion i Kosovës në botë. Jam krenar që kam ecur pak rrugë me ty.
Në bazë të kompetencave të mija, kam autorizuar Protokollin e shtetit që të organizojë ceremoni shtetërore të varrimit, në shenjë nderimi për legjendën e sportit tonë.
Republika e Kosovës e ka për obligim nderimin dhe respektin për figurën e Fadil Vokrrit.
Vokrri i dha frymë edhe shtetësisë së Kosovës duke u angazhuar cdo moment për ndërkombëtarizimin e sportit tonë. Pranimi i Kosovës në UEFA dhe FIFA pa dyshim ishte meritë e angazhimit të tij të madh. Emri i tij i respektuar në futbollin evropian i mundësoi Kosovës qasje më të lehtë aty ku e ka vendin, andaj Vokrri meriton nderimin dhe respektin e të gjithëve.
Luksemburg, 8 qershor 2018 –
Kisha kënaqesine sot të filloj vizitën time zyrtare në Luksemburg ku takova Ministrin e Punëve të Jashtme të Luksemburgut Jean Asselborn i cili është nje mik i vjetër i Kosovës.
Me Ministrin Asselborn kishim një diskutim të gjatë për perspektivën evropiane të Kosovës, me theks liberalizimin e vizave të cilen Luksemburgu e perkrah dhe mundesitë qe ka hapur Samiti i Sofjes për Kosovën dhe Rajonin.
Luksemburgu është mbështetës i madh i anëtaresimit te Kosovës në INTERPOL dhe organizata ndërkombëtare dhe i jep rëndësi të madhe zhvillimit ekonomik dhe social të Kosovës.
Diskutimet me ministrin Jean Asselborn ishin një mundësi për të rishikuar lidhjet dypalëshe ndërmjet dy vendeve, për të eksploruar mundësi të reja për forcimin e këtyre lidhjeve dhe për të riafirmuar mbështetjen e Luksemburgut për perspektivën evropiane të Kosovës.
“Kosova dhe Ballkani Perëndimor janë pjesë e së ardhmes së Evropës”, kujtoi Asselborn, duke theksuar se “që nga zbulimi ynë – 4 ditë pas pavarësisë së Kosovës dhe pak më shumë se 10 vjet më parë – ne vazhdimisht inkurajojmë Kosovën që të zbatojë reformat, veçanërisht brenda kuadrit të Marrëveshjes së Stabilizim-Asociimit dhe Programit të Reformës Evropiane.
Në dritën e konkluzioneve kryesore të raportit të fundit të Komisionit Evropian për Kosovën, Jean Asselborn përshëndeti progresin e bërë nga Kosova, ndërsa na inkurajoi që të intensifikojmë përpjekjet e tona, veçanërisht në fushën e forcimit të sundimit të ligjit, drejtësisë dhe të drejtave themelore.
Sa i përket liberalizimit të vizave ndërmjet Unionit dhe Kosovës, ministri Asselborn është i vetëdijshëm për rëndësinë e kësaj çështjeje për popullatën e Kosovës, duke bërë thirrje për konsolidimin e progresit veçanërisht në fushën e parandalimit të keqpërdorimeve, regjimit të lirimit të vizave dhe luftës kundër krimi i organizuar dhe korrupsioni.
Duke shqyrtuar situatën e përgjithshme në Ballkanin Perëndimor, shefi i diplomacisë luksemburgase theksoi se “progresi në dialogun ndërmjet Beogradit dhe Prishtinës mbetet thelbësor dhe do të jetë në dobi të popullatës së Kosovës dhe Serbisë, si dhe të gjithë rajonit. Është gjithashtu thelbësore që të dy vendet të përparojnë në rrugët e tyre evropiane dhe të ruajnë paqen dhe stabilitetin në të gjithë rajonin”
Bisedë në frymë të njejtë kisha gjithashtu me Ministrin për Bashkepunim dhe Veprimit Humanitar, Romain Schneider, i cili premtoi përkrahjen e metutjeshme të Luksemburgut ndaj Kosovës në fushat të cilat prekin jetën e përditshme të qytetarëve tanë.
Gjatë takimit mes ministrit Romain Schneider të dyja palët uruam për marrëdhëniet e shkëlqyera që ekzistojnë mes dy vendeve në fushën e bashkëpunimit zhvillimor dhe rikonfirmuan dëshirën e tyre për të vazhduar punën e përbashkët për realizimin e aktiviteteve të planifikuara. në kuadër të marrëveshjes dypalëshe të bashkëpunimit që mbulon periudhën 2017-2020.
Në takim u mundësua që të trajtohet edhe perspektiva evropiane e Kosovës si dhe situata socio-ekonomike e vendit.
“falënderova ministrin Schneider për mbështetjen e Qeverisë së Luksemburgut për zhvillimin ekonomik dhe shoqëror të Kosovës, duke vlerësuar faktin që Luksemburgu ka qenë mbështetës që nga momentet e rënda gjatë luftës e deri më sot, duke kontribuar me mbi 80 milion Euro. Programi i fundit prej 30 milion Euro për shëndetësi, arsim dhe fusha tjera tregon se Luksemburgu është partner i vërtetë”
Zëvendëskryeministri Behgjet Pacolli, duke përfituar nga udhëtimi i tij në Luksemburg, i shoqëruar nga delegacioni i tij, ka shkuar në shtëpinë e Paul Wurth ku është organizuar një prezantim i grupit.
Prishtinë, 6 qershor 2018 –
I nderuar me prezencën e ambasadores së Ganës znj. Salma Frances Mancell- Egalla, e cila të premten do të dorëzojë letrat kredenciale si ambasadore jorezidente në Republikën e Kosovës.
Republika e Kosovës po fuqizohet në arenën ndërkombëtare përkundër lajmeve të rrejshme që dikush nga fqinjët verior lanson çdo ditë.
Askush nuk duhet të bie pre e propagandës serbe për tërheqje të njohjeve( një lajm i tillë u lansua nga Serbia edhe për Ganën). Njohjet e reja për shtetin e Kosovës nuk do të ndalen.
Prishtinë, 5 qershor 2018 –
Raportuesi për Kosovën në Parlamentin Evropian, Igor Soltes, në vizitën e tij në Kosovë, ka takuar zyrtarët më të lartë të institucioneve vendore duke përfshirë presidentin e Kosovës, dhe kryeministrin.
Në takim e prita edhe unë në ambientet e MPJ-së, të cilin e njoftova se institucionet kosovare po punojnë që të krijohen sa më shumë argumente pozitive për Kosovën.
Kurse raportuesi i BE-së për Kosovën, Igor Šoltes, tha se gjendet në Kosovë për të mbledhur sa më shumë të dhëna, që të raportojë në Parlamentin Evropian.
Raportuesin Soltes e njoftova për “zbatimin e reformave në legjislacion, dhe për dinamikën e përshpejtuar të reformave në fushën e sundimit të ligjit dhe zhvillimit ekonomik”.
“Institucionet e Kosovës janë në linjë me detyrat e veta se çka duhet bërë sa i përket rrugës tonë drejt integrimeve euroatlantike. Ne kemi treguar përkushtim të plotë për vlerat evropiane”
Soltes me potencoi se qytetarët e Kosovës me të drejtë presin vendim pozitiv për lëvizje të lirë në zonën Shengen.
Soltes në anën tjetër ka vlerësuar progresin e arritur në Kosovë, duke inkurajuar institucionet që të vazhdojnë përkushtimin e tyre në përmbushjen e reformave që dalin nga agjenda evropiane.
Prishtinë, 5 qershor 2018 –
Sot prita në zyrëm time në Ministrinë e Punëve të Jashtme, njeriun që si kryeministër dhe ministër i jashtëm i Italisë mike, ka rreshtuar vendin e tij në Aleancën e çlirimtarëve të Kosovës dhe vendeve që e njohën të parët pavarësinë e Kosovës!
Ai është mik i madh i Kosovës. Takimi me të është i shkëlqyshëm. Bëhet fjalë për ish-kryeministrin italian Massimo D’Alema. Me të biseduam edhe për Presidentin Rugova, ndihmën italiane për Kosovën dhe proceset ku kemi hyrë si shtet i ri!
“Ende i kam në mendje fjalët tuaja në funeralin e Presidentit Rugova: ai vdiq pa e parë të realizuar ëndrrën e tij, Kosovën e çliruar dhe të pavarur”, i’a kujtova ish presidentit D’Alema.
D’Alema, si mysafir i imi, më falënderoi për mikpritjen dhe më tha se “fati e ka dashur, që ai të jetë protagonist në dy ngjarje të rëndësishme të historisë së Kosovës – lufta për çlirimin e saj, dhe si ministër i jashtëm drejtoi Këshillin e Sigurimit të OKB-së, kur u mor në shqyrtim hipoteza e pavarësisë së saj”.
Unë i kujtova momentet e organizimit të fushatës mediatike kundër pastrimit etnik serb, në vitin 1999 apo dhe ndihmës humanitare për kampet e të shpërngulurve në Shqipëri, në Mal të Zi, etj”.
Ish-kryeministri italian Massimo D’Alema, ka dhënë kontribut historik për lirinë dhe pavarësinë e Kosovës. Përveç bisedës së shkëlqyeshme për çështjet aktuale në rajon dhe potencialin për të zgjeruar mardhëniet tona.
Ish-kryeministri D’Alema vlerësoi progresin e Kosovës në vitet e fundit.
Diskutuam edhe për bashkëpunimin e Kosovës me Italinë dhe rrugët e forcimit të këtij bashkëpunimi, duke konsideruar “emrin e mirë të Italisë, të shoqërisë, të institucioneve, të kontingjentit italian brenda KFOR-it, tek popullsia civile, etj.”
Duke diskutuar për integrimin ndërkombëtar të Kosovës, ish-kryeministri D’Alema tha se “shumë hije të së kaluarës do të zhduken me një marrëveshje të drejtë të Kosovës me Serbinë me ndërmjetësimin e Bashkimit Europian.”
Vjenë, 29 maj 2018 –
I nderuar me mikpritjen e Kancelarit austriak, Sebastian Kurz, në vizitën time të parë zyrtare për këtë vit, së bashku me presidentin e Republikës së Kosovës, Hashim Thaçi.
Austria është mike e ngushtë dhe partnere e rëndësishme e Kosovës. Marrëdhëniet tona bilaterale janë të shkëlqyeshme. E megjithatë ka vullnet të dyanshëm që ato të thellohen edhe më shumë sa në rrafshin politik, aq në atë ekonomik e kulturor.
Sebastian Kurz është një mik i madh i Kosovës, në rrugën tonë të sigurt drejt anëtarësimit në BE dhe NATO. Kancelari Kurz është një figurë e rëndësishme në skenën politike austriake. Me një diplomaci të shkëlqyer dhe vizionin për të ardhmen, ai e dëshmoi edhe në mikëpritjen tonë. Stili i tij i udhëheqjes është shquar për qartësi dhe vendosmëri.
Nga kancelari Kurz, kërkuam mbështetje për dinamizimin e perspektivës evropiane të Kosovës, meqë Austria do ta marrë presidencën e radhës së Bashkimit Evropian. Austria meriton mirënjohjen e përhershme të Kosovës.
Gjatë qëndrimit tim njëditor në Vjenë, gjithashtu takova edhe presidentin aktual të Austrisë, Alexander Van der Bellen, i cili na garantoi se Austria ka një lidhje të veçantë me Kosovën, duke ofruar mbështetjen e pa rezervë të shtetit të tij.
Presidenti Van der Bellen është një personalitet i njohur për angazhimin e tij në çështjet sociale dhe mjedisore. Karakteri i tij i butë dhe i zgjuar ka kontribuar në rritjen e imazhit të Austrisë në skenën ndërkombëtare. Edhe në këtë takim isha i shoqëruar nga presidenti Thaçi.
Gjatë qëndrimit në Vjenë takuam edhe me ish presidentin austriak Heinz Fischer, një mbështetës i madh i shtetit të Kosovës.
Edhe ish presidenti Fischer ashtu si kancelari Kurz rikonfirmuan mbështetjen e Austrisë në procesin e liberalizimit të vizave për qytetarët tanë, anëtarësimin në Interpol si dhe në procesin e njohjes reciproke me Serbinë.
Një ditë pas këtyre takimeve të rëndësishme me zyrtarët më të lartë austriakm bashkë me ambasadorët Albert Rohan dhe Wolfgang Petrisch, Kryeministrin e Shqipërisë, Edi Rama, dhe shumë personalitete të tjera, mora pjesë në promovimin e librit biografik “New State, Modern Statesman”, të presidentit Hashim Thaçi, në Akademinë Diplomatike të Vjenës.
Ambasadorët Rohan dhe Petrisch kanë qenë mbështetës të palodhur të marrëdhënieve ndërmjet Kosovës dhe Austrisë. Me një bagazh diplomatik të pasur, ata kanë ndihmuar në formin e një bashkëpunimi të ngushtë midis dy vendeve.
Nga Christine von Kohl e deri të Otto von Habsburg dhe nga Alois Mock e deri të Rohan dhe Petritsch, Kosova gjithmonë ka gjetur mbështetje tek Austria.
Në përfundim, një ditë e pasur me takime dhe ngjarje të rëndësishme në Vjenë ka ilustruar lidhjet e forta diplomatike dhe mbështetjen e vazhdueshme që Kosova gëzon nga Austria, duke theksuar rëndësinë e bashkëpunimit dhe dialogut në skenën ndërkombëtare.
Budvë, 22 maj 2018
Sapo arrita në Budvë, ku do të jem pjesëmarrës në Forumin e Sigurisë „То be Secure“ (2BS), organizuar nga Këshilli Atlantik dhe Qeveria e Malit të Zi.
Bashkë me presidentin malazez, Milo Gjukanoviç, përfaqësues amerikanë, kanadezë dhe të shteteve tjera të BE-së, do të flasim për perspektivën euroatlantike të shteteve të Ballkanit Perëndimor.
Mali i Zi, si anëtar i ri i NATO-s, ka bërë një progres në integrimet evropiane dhe shërben si një frymëzim për tërë rajonin.
Para se të flas në Forumin 2BS, bashkë me Presidentin Hashim Thaçi, takuam në Budvë të dërguarin e posaçëm të Kanadasë për Evropë, The Hon Stephane Dion, me të cilin diskutuam për marrëdhëniet bileterale mes Kosovës dhe Kanadasë.
Kanadaja e ka mbështetur Kosovën në procesin e lirisë dhe pavarësisë, kurse tash është një partner i fuqishëm i Kosovës edhe në fushën e ekonomisë dhe të sigurisë.
Në kuadër të Forumit të Sigurisë „То be Secure“, takimi i radhës ishte me Presidentin e Malit të Zi, Milo Gjukanoviç, të cilin e urova për rizgjedhjen e tij president dhe për përvjetorin e pavarësisë së Malit të Zi.
Me presidentin Gjukanoviç biseduam për krijimin e një agjende të përbashkët të bashkëpunimit bilateral, duke nxitur një shkëmbim më të madh tregtar dhe bashkëpunim në fushën e integrimeve evropiane.
Anëtarësimi i Malit të Zi në NATO ka krijuar një mundësi unike për Kosovën, që të lëvizim më shpejt drejt të ardhmes së përbashkët euroatlantike.
Pas Samitit të Sofjes, Ballkani Perëndimor asnjëherë nuk ka qenë më afër jetësimit të aspiratave për anëtarësim në BE.
Takimin ndër më të rëndësishmit në kuadër të Forumit të Sigurisë “То be Secure”, e zhvilluam së bashku me presidentin Thaçi, me Drejtorin për Evropën Qendrore dhe Jugore të SHBA-së, Matthew Palmer.
Kosova është e gatshme për të vazhduar fazën e fundit të dialogut për normalizimin e marrëdhënieve ndërmjet Kosovës dhe Serbisë të ndërmjetësuar nga BE dhe me përkrahje të fuqishme nga SHBA-të.
Përkrahjen e Shteteve të Bashkuara të Amerikës do ta kemi edhe në këtë proces, njëjtë qysh e kemi pasur në çdo hap të rëndësishëm për shtetin tonë.
Prishtinë, 22 maj 2018 –
Në takim me një delegacion nga Republika e Çekisë, i kryesuar nga Zëvendësministri dhe Drejtori i Departamentit të Evropës Jugore dhe Juglindore të MPJ-së çeke, Ambasadori Martin Kosatka.
Diskutuam për bashkëpunimin dhe forcimin e raporteve të mëtejme ndërmjet dy vendeve. Me këtë rast, delegacioni çek ka rikonfirmuar përkrahjen e Republikës së Çekisë për perspektivën dhe integrimin e Ballkanit në Bashkimin Evropian.
Unë i kam vlerësuar lartë raportet ndërmjet dy shteteve, si dhe ka falënderuar shtetin çek për përkrahjen, sidomos si anëtare e grupit të shteteve të Vishegradit, për përfshirjen e barabartë të Kosovës në punimet e ministerialit të vendeve të Procesit të Vishegradit që u mbajt në Greqi.
Në këtë takim delegacioni çek ka njoftuar po ashtu se së shpejti Republika e Çekisë do të emërojë të ngarkuarin me punë në Ambasadën e këtij shteti në Kosovë.
Takimi u përqendrua në procesin e heqjes së vizave, dialogun dhe normalizimin e marrëdhënieve ndërmjet Kosovës dhe Serbisë, situata e brendshme politike, e ardhmja e kompanisë “Trepça” si dhe mundësitë për kompanitë çeke në Kosovë.
Para përfundimit të vizitës së tij në Kosovë zëvendësministri i ri, Košatka, me ftesën e Qazim Jasharit, drejtor i minierave vizitoi minierën e “Trepçës” në Stan Tërg.
Hapja ceremoniale e foto-ekspozitës „Prague 68“ – „Aktorja Dobroshi kërcen me hare për paqen në botë “ kushtuar 50 vjetorit të okupimit të Çekosllovakisë nga armata e Paktit të Varshavës ishte ngjarja e fundit në programin e zëvendësministrit të ri Košatka.