Aleanca Kosova e Re

Category: Zv. Kryeminister i pare

  • Në betejën e lavdishme të UÇK-së në Koshare, nderuam dëshmorët e kombit

    Në betejën e lavdishme të UÇK-së në Koshare, nderuam dëshmorët e kombit

    Koshare, 9 prill 2018

    Sot Kosova kujton me nderim 19 -vjetorin e Betejës së Koshares dhe të rënët në atë betejë.

    9 prilli 1999 është një datë shumë domethënëse për kosovarët, pasi ajo datë për ta shënoi rënien e kufirit Kosovë-Shqipëri, që ndante shqiptarët nga shqiptarët.

    Fitorja e betejës së Koshares pati rëndësi edhe ushtarake, pasi UÇK-së iu hap rruga e armatimit dhe e mbështetjes logjistike të saj. Ajo ka qenë një nga betejat më të përgjakshme e më të lavdishme të Ushtrisë Çlirimtare të Kosovës.

    Rëndësia e saj qëndron në faktin edhe për nga përmasat e saj, mënyrën e organizimit ushtarak, terrenin e vështirë ku u zhvillua dhe nga suksesi i arritur.

    Koshare, 9 prill 2018 – Vlerësojm lart të rënët në këtë betejë dhe anekënd Kosovës, duke thënë se vepra e të gjithë heronjve dhe dëshmorëve le të shërbejë si udhërrëfyes i rrugës sonë drejt ndërtimit dhe zhvillimit të shtetit të Kosovës dhe anëtarësimit në integrimet euroatlantike.

    Më 9 prill 1999, 120 forca të UÇK-së nga të gjitha krahinat e Kosovës si dhe vullnetarë nga diaspora që vepronin në rajonin e Junikut, ndërmorën një sulm të befasishëm kundër 200 forcave serbe që ishin të stacionuara në fshatin Koshare dhe ato të Karakollit, 1 km në perëndim të Koshares.

    “ishte vetëm faza e parë e operacionit “Shigjeta. Kjo betejë e lavdishme rriti vetëbesimin e sprovuar të UÇK-së, duke bërë që për herë të parë të thyhej me forcë kufiri ndarës ndërmjet Kosovës dhe Shqipërisë, ku ushtria serbe pësoi disfatë të madhe”

    Beteja e Koshares ishte një triumf ushtarak i pastër dhe mesazh i qartë për popullatën e dëbuar nga Kosova, se së shpejti të zhvendosurit do të ktheheshin në vatrat e tyre.

    Koshare, 9 prill 2018 – Në betejën e lavdishme të UÇK-së në Koshare, nderuam dëshmorët e kombit. Kjo betejë na kujton sakrificën madhe të kombit tonë për liri. Nder dhe respekt për tê gjithë të rënët.

    Ndërsa, thyerja e kufirit ishte mesazh se furnizimi me armatim për zonat e thella brenda Kosovës ishte i mundshëm edhe në atë kohë. Nderime përjetë të gjithë dëshmorëve të kësaj beteje të lavdishme të Ushtrisë Çlirimtare të Kosovës”.

    Heroizmi i Brigadës 138 Agim Ramadani, si dhe flijimi i shumë luftëtarëve të lirisë në Koshare, i hapi rrugën çlirimit të Kosovës dhe largimit të pushtuesit serb për të mos u kthyer më kurrë.

    “21 vjet më përpara nisi njëra nga betejat më të lavdishme të Ushtrisë Çlirimtare të Kosovës, Beteja e Koshares, e cila shembi kufirin shekullor mes shqiptarëve dhe i dëshmoi mbarë botës aftësinë tonë për të bërë edhe luftë frontale. Heroizmi i Brigadës 138 Agim Ramadani si dhe flijimi i shumë luftëtarëve të lirisë në Koshare, i hapi rrugën çlirimit të Kosovës dhe largimit të pushtuesit serb për mos t’u kthyer më kurrë. Ne sot nderojmë me respekt e mirënjohje, të gjithë dëshmorët e luftëtarët e Koshares por edhe të betejave të tjera të UÇK-s, që bënë të mundur ditët e lirisë e pavarësisë që gëzojmë sot”

    Theksova se kjo betejë është ndër betejat më të përgjakshmet dhe më të lavdishmet të UÇK-së, hapi një kapitull të rëndësishëm të fitoreve të UÇK-së dhe fitorja në këtë betejë është një ndër pikat më të shndritshme të luftës tonë për liri.

    Koshare, 9 prill 2018 – Beteja e Koshares ishte kulminacioni i një jete të plotë të ndërtuar mbi sakrificën për liri dhe shënoi përpjekjet për shtetformimin e Kosovës.

    Vlerësojm lart të rënët në këtë betejë dhe anekënd Kosovës, duke thënë se  vepra e Agim Ramadanit, Sali Çekajt, Abaz Thaçit, Xhemajl Fetahut, por edhe vepra e të gjithë heronjve dhe dëshmorëve le të shërbejë si udhërrëfyes i rrugës sonë drejt ndërtimit dhe zhvillimit të shtetit të Kosovës dhe anëtarësimit në integrimet euroatlantike.

    “Triumfi i këtyre luftëtarëve nga mbarë trojet e Kosovës, të bashkuar në Brigadën 138, në krye të së cilës ishte komandanti Agim Ramadani, bëri që të shembet muri gati njëqindvjeçar i vënë në mes të Kosovës dhe Shqipërisë. Në kthesat vendimtare përmes angazhimit të tyre, ata në asnjë moment nuk iu ndanë refuzimit të shtypjes dhe përpjekjeve për liri”.

    Koshare, 9 prill 2018 – Fitorja e betejës së Koshares pati rëndësi edhe ushtarake, pasi UÇK-së iu hap rruga e armatimit dhe e mbështetjes logjistike të saj.
  • Marrëveshje mirëkuptimi në mes të MPJ-së, MAP-it dhe ambasadës Franceze

    Marrëveshje mirëkuptimi në mes të MPJ-së, MAP-it dhe ambasadës Franceze

    Prishtinë, 29 mars 2018

    Sot, gjatë një ceremonie zyrtare nënshkruam një Marrëveshje Mirëkuptimi në mes të Ministrisë së Punëve të Jashtme, Ministrisë së Administratës Publike dhe Ambasadës së Francës në Republikën e Kosovës për bashkëpunim në “Avancimin e Mësimit të Gjuhës Frënge për Zyrtarët e Lartë të Qeverisë së Republikës së Kosovës dhe Bashkëpunimit në Fushën e Aktiviteteve për Promovimin e Frankofonisë në Kosovë”.

    Që nga anëtarësimi i Kosovës në Organizatën e Frankofonisë në cilësinë e anëtarit vëzhgues, janë shënuar arritje të matshme pozitive, në mes të të cilave mund të përmenden:

    Prishtinë, 29 mars 2018 –Marrëveshja e Mirëkuptimit në mes të MPJ-së, MAP-it dhe Ambasadës Franceze.

    – anëtarësimi i Universitetit të Prishtinës në Agjencinë e Universiteteve Frankofone (AUF) dhe krijimi i Qendrës Frankofone Universitare;

    – hapja e shkollës së parë franceze në Prishtinë;

    – themelimi i Klubit të Bizneseve Frankofone (KOCAF);

    – shumëfishimi i aktiviteteve kulturore frankofone në Kosovë.

    Prishtinë, 29 mars 2018 – Falënderova Ambasadorin e Francës në Kosovë, Didier Chabert dhe ekipin e tij për punën e shkëlqyeshme në zhvillimin e projekteve të frankofonisë në vendin tonë.

    E falënderoj po ashtu Ministrin Yagçilar, për përkushtimin e tij në mbështetjen që i ka dhënë këtij projekti.

  • Pacolli: Zyrtarët serbë duhet të marrin leje për vizita në Kosovë

    Pacolli: Zyrtarët serbë duhet të marrin leje për vizita në Kosovë

    Zëvendëskryeministri dhe ministri i Punëve të Jashtme të Republikës së Kosovës, Behgjet Pacolli, gjatë konferencës së përbashkët për media me homologen e tij austriake, ministren për Evropë, Integrim dhe Çështje të Jashtme, Karin Kneissl, foli për çështjen e vizitës së ministrave serbë në Kosovë.

    Ai theksoi se të gjitha personalitet politike serbe janë të detyruar të njoftojnë 72 orë më parë se kur do të realizohet vizita e tyre në Kosovë. 

    Lidhur me çështjen e vizitës së zyrtarëve serbë në Kosovë, përkatësisht të minisrit serb të Mbrojtjes, Aleksandar Vulin, ministrit të Kulturës, Vladan Vukosavljeviç dhe shefit të zyrës për Kosovën në Qeverinë e Serbisë, Marko Gjuriç, Pacolli deklaroi se duke u bazuar në marrëveshjen e arritur në mes Kosovës dhe Serbisë në Bruksel çdo ardhje e personaliteteve politike serbe në Kosovë duhet t’i nënshtrohet një informate paraprake dhe lejes e cila duhet të merret nga autoritetet e Kosovës. 

    “Ne kemi patur kërkesë për ardhjen e disa ministrave serbë në Kosovë. Sipas marrëveshjes që kemi arritur në Bruksel çdo ardhje e personaliteteve politike në Kosovë duhet t’i nënshtrohet një informate paraprake dhe lejes e cila duhet të merret nga qarqet e Kosovës. Është një çështje bilaterale që nuk e kemi imponuar ne por është diskutuar në Bruksel dhe është dakorduar. Ne veprojmë sipas kësaj marrëveshjeje”, u shpreh Pacolli. 

    Ai potencoi se Kosova është e vendosur dhe e përkushtuar të ketë marrëdhënie fqinjësore dhe të mira me secilin nga shtetet e Ballkanit dhe shtoi se Kosova është duke punuar me intensitet shumë të lartë që të ketë marrëdhënie të mira edhe me Serbinë. 

    Duke dhënë një shembull lidhur me refuzimin e vizitës së tij në Beograd për të marrë pjesë në një konferencë, Pacolli tha se kur ka ndodhur refuzimi ka patur një qasje shumë normale lidhur me këtë. 

    “Sipas marrëveshjes të gjitha personalitetet janë të detyruara t’i drejtohen Kosovës 72 orë para se të ndodhë vizita dhe Kosova ka të drejtën të lejojë ose nëse ka arsye të refuzojë hyrjen e tyre ashtu siç kanë bërë dhe bëjnë organet serbe”, tha ai. 

    Sa i përket vizitës së ministrit të Mbrojtjes së Serbisë, Aleksandar Vulin, Pacolli tha se ai nuk ka arsye që të vjen në Kosovë, të propagandojë dhe të nxisë urrejtje duke nënvizuar se Kosova nuk ka asnjë problem në mbrojtjen e shtetit duke iu referuar KFOR-it dhe Forcës së Sigurisë së Kosovës të cilët kujdesen për mbrojtjen e territorit të Kosovës. 

    Ndërsa, për ministrin e Kulturës së Serbisë, Vukosavljeviç Pacolli tha se ai ka kërkuar leje që të hyjë në Kosovë nga pika kufitare në Jarinje dhe Kosova ka dërguar protokollin e saj për ta pritur por ai ka tentuar të hyjë në një pikë tjetër nga pika në Merdare me ç’rast i është refuzuar hyrja.

    Duke potencuar edhe vizitën e shefit të zyrës për Kosovën në Qeverinë e Serbisë, Marko Gjuriç, Pacolli po ashtu tha se deklaratat e tij kanë nxitur urrejtje dhe pakënaqësi tek popullata shqiptare dhe se ai nuk mund të hyjë në Kosovë kur të dojë pa patur lejen e autoriteteve kosovare dhe duhet t’i respektojë normat prandaj MPJ nuk ka mundur ta lejojë atë të hyjë në Kosovë.

  • Nikoqir i homologes sime nga Austria

    Nikoqir i homologes sime nga Austria

    Prishtinë, 26 mars 2018

    E informova që Qeveria e Kosovës, është e përkushtuar të përmbushë dhe kushtin e mbetur për liberalizimin e vizave.

    Siç e dini, edhe ju demarkacioni ka kaluar e informova homologen time për këtë dhe kushti tjetër, i cili pothuajse është i përmbushur. Unë kërkova nga homologia që të ndihmojë Kosovën në procesin e mëtutjeshëm të jetësimit të së drejtës universale të kosovarëve, që të udhëtojnë edhe ata sikur të tjerët pa viza drejt vendeve të Evropës.

    Prishtinë, 26 mars 2018 – Në takim me homologen time nga Austria, Karin Kneissl, para se shteti i saj të merrte kryesimin e radhës të Presidencës së BE-së.

    Austria merr Presidencën e BE-së që nga qershori i këtij viti dhe deri në fund të vitit, dhe për këtë unë e luta ministren, që gjithmonë të ketë kujdes dhe t’i ndihmojë Kosovës në të gjitha kërkesat, që sigurisht do të jenë të shumta.

    Ku është e mundur Kosova do të gjejë mbështetjen te miku ynë Austria, kështu më tha homologia ime.

    Kurse gjatë konferencës së përbashkët për media pas takimit, ministrja austriake, Karin Kneissl tha se Austria është ndër shtetet e para e cila ka hapur ambasadën e saj në Kosovë në vitin 2008.

    Duke folur për çështjet ekonomike ajo tha se ndërmarrësit austriak duhet të ndihmohen më shumë dhe të ketë më shumë siguri për të investuar në Kosovë. 

    Prishtinë, 26 mars 2018 – Gjatë konferencës për media ministrja austriake Kneissl foli edhe për arritjet e Kosovës në luftën kundër korrupsionit dhe krimit të organizuar që është kusht nga Bashkimi Evropian për lëvizjën e lirë të qytetarëve të Kosovës në Zonën Schengen.

    Ajo tha se është informuar nga Pacolli për angazhimin e autoriteteve të Kosovës duke theksuar se ka ende gjëra që duhet të bëhen për të treguar që Kosova këtu po vepron arsyeshëm. 

    Ndërkaq, lidhur me procesin e transformimit të Forcës së Sigurisë së Kosovës në ushtri, Kneissl tha se është proces i ndjeshëm dhe një temë e ndjeshme politike për çka potencoi se Austria përshendet punën dinamike të FSK-së veçanërisht integrimin e suksesshëm të rekrutëve serb kosovarë në FSK. 

    Duke folur për integrimin e shteteve të Evropës Juglindore në BE, ajo tha se shtetet e rajonit duhet ti afrohen BE-së sipas meritave dhe këto varën nga përgjegjësit në shtetet përkatëse.

    Kurse, për marrëveshjën e paqes në mes Kosovës dhe Serbisë ajo tha se Austria do të ndihmojë që të ketë marrëveshje në nivel komunash dhe në sferën politike dhe do të shtyjë përpara edhe njohjen e Kosovës nga pesë shtetet e BE-së. 

    Prishtinë, 26 mars 2018 – Ri-konfirmova se mbështetja austriake për Kosovën do të jetë e vazhdueshme dhe gjithëpërfshirëse: nga liberalizimi i shpejtë i vizave; anëtarësimi i plotë dhe i barabartë në Organizatat Ndërkombëtare; integrimi në strukturat euro-atlantike; lobimi tek pesë vendet anëtare të BE-së që nuk e njohin Kosovën si dhe mbi dialogun në mes Kosovës dhe Serbisë.

    Ndërsa, Zv/kreministri Pacolli gjatë konferencës tha se Austria e ka ndihmuar shumë Kosovën në rrugëtimin e saj drejt integrimit evropian dhe drejtë shoqërive të civilizuara.

    Duke përmendur çështjen e liberalizimit të vizave Pacolli tha se Kosova pothuajse ka përmbushur edhe kushtin tjetër që është lufta kundër korrupsionit dhe krimit të organizuar dhe ka kërkuar ndihmën e Austrisë që liberalizimi i vizave të ndodhë sa më shpejtë.

  • Takim me Liberalët Evropian

    Takim me Liberalët Evropian

    Prishtinë 22 Mars 2018

    Takim me Zëvendëspresidentin e Aleancës së Liberalëve dhe Demokratëve për Evropën në Parlamentin Evropian, Ilhan Kyuchyuk dhe shoqëruesit e tij.

    Prishtinë, 23 mars 2018 – Takim me Andrew Page, Ambasador britanik i ngarkuar për organizimin e Samitit të Londrës.
  • Gjatë takimit me Komisionarin për Punët e Brendshme të BE-së, Dimitris Avramopoulos, në Bruksel

    Gjatë takimit me Komisionarin për Punët e Brendshme të BE-së, Dimitris Avramopoulos, në Bruksel

    Bruksel, 21 mars 2018

    “Do isha i lumtur nëse do vendosja firmën për vendimin për liberalizimin e vizave për Kosovën”, më tha Komisioneri për Punët e Brendshme të BE-së, Dimitri Avramopoulos, gjatë takimit sot ne Bruksel.

    Situata në parlament u diskutua gjatë. Kosova është në qendër të Ballkanit dhe ne nuk duam një riballkanizim të rajonit, por duam që Kosova të jetë flamur i integrimit europian, pohoi ai. I thashë se pas 3 vjetësh bllokimi, Kosova pritet ta votojë demarkacionin dhe do doja t’ju ftoja ta festonim lajmin së bashku me të rinjtë e vendit tim.

    Kushtet e BE-së, nuk janë për të mirën tuaj, por për tonën dhe unë jam fans i madh i integrimit europian.

    Si vende të vogla ne nuk mund të mbijetojmë në botën e sotme- i thashë Komisionerit për punët e Brendshme, sot gjatë një takimi në Bruksel.

    Bruksel, 21 mars 2018 – “Do isha i lumtur nëse do vendosja firmën për vendimin për liberalizimin e vizave për Kosovën”, më tha Komisioneri për Punët e Brendshme të BE-së, Dimitri Avramopoulos, gjatë takimit sot ne Bruksel.

    Avramopoulos ka thënë se, “Po presim lajme të mira që të hapim dyert për liberalizimin e vizave për Kosovën. Do të isha njeriu më i lumtur nëse do vendosja nënshkrimin e vendimit për liberalizimin e vizave për Kosovën”.

    Gjatë këtij takimi është diskutuar situata në Parlamentin e Kosovës.

    “Jeni në një mjedis miqësor dhe ju e dini disponimin tim për Kosovën. Kosova është në qendër të Ballkanit dhe ne nuk duam një riballkanizim të rajonit, por duam që Kosova të jetë flamur i integrimit evropian”, ka thënë Avramopoulos.

    “Luftoni dukuritë negative, korrupsionin, elementet që stigmatizojnë negativisht vendin tuaj, dhe mezi pres të hap dyert e mundësive në institucionet evropiane, ndonëse situata nuk është më e mira”, ka thënë më tej komisioneri Avramopoulos.

    “Do të doja t’ju ftoja ta festonim lajmin së bashku me të rinjtë e vendit tim. Kushtet e BE-së për Kosovën nuk janë për interesin tuaj, por për të mirën tonë dhe unë jam mbështetës i madh i integrimit evropian. Si vende të vogla ne nuk mund të mbijetojmë në botën e sotme”

    Kujtojmë se marrëveshja për Kufirin Shtetëror në mes të Republikës së Kosovës dhe Malit të Zi, së bashku me luftën kundër korrupsionit, janë kushte për liberalizimin e vizave për kosovarët.

    Bruksel, 21 mars 2018 – Gjatë takimit me Komisionarin për Punët e Brendshme të BE-së, Dimitris Avramopoulos, në Bruksel.
  • Gjatë adresimit tim me një fjalim para 75 europarlamentarëve të Komitetit për Politikë të Jashtme

    Gjatë adresimit tim me një fjalim para 75 europarlamentarëve të Komitetit për Politikë të Jashtme

    Bruksel, 20 mars 2018

    Në takim me Komisionin për Punë të Jashtme të Parlamentit Evropian, Ministri informoi për zhvillimet brendshme dhe politikën e jashtme.

    Me Komisionerin për Drejtësi dhe Punë të Brendshme u bisedua për liberalizimin e vizave. Në kuadër të vizitës takoi edhe homologun belg, Didier Reynders. 

    Bruksel, 20 mars 2018 – Gjatë adresimit tim me një fjalim para 75 europarlamentarëve të Komitetit për Politikë të Jashtme, AFET, të udhëhequr nga David McAllister.
    Bruksel, 20 mars 2018 – Takim me eurodeputeten, gjithashtu raportuese për Kosovën, Tanja Fajon.
    Bruksel, 20 mars 2018 – Në takim me liberalët në Parlamentin Evropian, Hans Van Baalen, Kryetar i Grupit Parlamentar i ALDE dhe Ilhan Kyuchyuk, Zv/kryetar i këtij grupi.
    Bruksel, 20 mars 2018 – Në takim me Zëvendëskryetarin e Grupit të Popullorëve në Parlamentin Evropian, Andrej Kovacev.
    Bruksel, 20 mars 2018 – Takim me Kryetarin e Delegacionit të Parlamentit Evropian, Tonino Picula.
    Bruksel, 20 mars 2018 – Takim me drejtuesit e një kompanie globale gjermane, që ka dhe shqiptarë në role të rëndësishme manaxheriale. Krahas diplomacisë institucionale, diplomacia ekonomike prodhon fryte të prekshme, ndaj gjatë qëndrimit në Bruksel iu përkushtova edhe asaj.
  • Gjatë vizitës sime në Mbretërinë e Belgjikës

    Gjatë vizitës sime në Mbretërinë e Belgjikës

    Bruksel, 20 mars 2018 –

    Takim shumë miqësor dhe i përzemërt me homologun tim, ministër i jashtëm dhe zëvendëskryeministër i Belgjikës, Didier Reynders në Pallatin Egmont.

    Si të intensifikojmë marrëdhëniet dypalëshe,veçanërisht në planin e shkëmbimeve tregëtare; zhvillimet rajonale dhe bashkëpunimi për anëtarësimin e Kosovës në organizatat ndërkombëtare, ishin disa prej temave të diskutimit.

    Shumë shpejt, vendet e BENELUX-it- një iniciativë e re ndaj vendeve të Ballkanit Perëndimor: vizita të ministrave të tyre të jashtëm dhe samit i përbashkët mes krerëve të shteteve në dy rajone me ngjashmëri, por dhe me diferenca të thella në zhvillim. Belgjika, Beneluksi, më pranë Kosovës!

    Bruksel, 20 mars 2018 – Gjatë vizitës sime në Mbretërinë e Belgjikës zhvilluam takim bilateral me homologun tim nga ky shtet mik i Republikës sonë.

    E njoftova bashkëbiseduesin me zhvillimet ekonomike në vend, me trajtimin e pakicave në Kosovë, ecurinë e dialogut me Serbinë, etj.

    Shefi i diplomacisë belge, u interesua për aspekte të veçanta të këtij dialogu, marrëdhëniet me EULEX dhe rrugët e transformimit të Forcës së Sigurisë së Kosovës.

    Bruksel, 20 mars 2018 – Gjatë vizitës sime në Mbretërinë e Belgjikës në Pallatin Egmont të dy shprehëm vullnetin për të rritur bashkëpunimin në fushën e shkëmbimeve tregtare që sot janë në nivel të ulët.

    “Na duhet që të vijojë ndihma e Belgjikës,- tha ministri Pacolli, i cili identifikoi disa fusha të bashkëpunimit prioritar, veçanërisht për integrimin ndërkombëtar, në UNESCO, Interpol, njohjet në zonën e Afrikës, etj.

    Ministri Reynders, e njohu zotëri Pacollin me një iniciativë të re të vendeve të BENELUX-it ndaj vendeve të Ballkanit Perëndimor. Shumë shpejt, theksoi kryediplomati belg, do të ketë vizita të ministrave të tyre të jashtëm dhe një samit të përbashkët mes krerëve të shteteve të dy rajoneve.

    Bruksel, 20 mars 2018 – Më pas nikoqiri më prezantoi mjedise të brendshme të Pallatit Egmont, një ndërtesë e shekullit të 16-të, dhe më përcolli me premtimin e një vizite të shpejtë në Kosovë.
    Bruksel, 20 mars 2018 – Më pas nikoqiri më prezantoi mjedise të brendshme të Pallatit Egmont, një ndërtesë e shekullit të 16-të, dhe më përcolli me premtimin e një vizite të shpejtë në Kosovë.

  • Në Sarajevë, pjesëmarrës në takimin e Ministrave të Punëve të Jashtme të Ballkanit Perëndimor

    Në Sarajevë, pjesëmarrës në takimin e Ministrave të Punëve të Jashtme të Ballkanit Perëndimor

    Sarajevë, 15 mars 2018

    Me 15 mars zbrita në aeroportin e Sarajevës ku u prita nga delegacionet e shtetit boshnjak. Gjatë asaj mbrëmje shetitëm edhe rrugëve të Sarajevës, një ecje një ditë para përfaqësimit të Republikës së Kosovës në takimin e Ministrave të Punëve të Jashtme të vendeve të Ballkanit Perëndimor WB6.

    Gjatë takimit, do të prezantojë qëndrimin e shtetit të Kosovës për rrugën e mëtutjeshme eurointegruese pas prezantimit të Strategjisë së Zgjerimit të KE-së si dhe, bashkë me homologët nga vendet e Ballkanit Perëndimor, do të diskutojmë për përgatitjet për Samitin e radhës në kuadër të “Procesit të Berlinit”, që do të mbahet në Londër.

    Sarajevë, 15 mars 2018 – Arritja në Sarajevë, ku kam marrë pjesë në takimin e Ministrave të Punëve të Jashtme të Ballkanit Perëndimor.
    Sarajevë, 15 mars 2018 – Arritja në Sarajevë, dhe ecja në rrugët e kryeqytetit boshnjak.

    Pacolli-Daçiqit: Shtetësia e Kosovës është diçka e kryer

    Të nsërmen në Sarajevë nisi takimi i përbashkët i ministrave të jashtëm të Ballkanit Perëndimor me drejtues të lartë të Komisionit Europian dhe Britanisë së madhe në kuadër të Procesit të Berlinit dhe Iniciativës së Triestes, dy instrumenta nxitës të afrimit të këtyre vendeve me Bashkimin Europian.

    Takimi u hap nga nikoqiri, ministri i jashtëm i Bosnjë Hercegovinës, Igor Crnadak, i cili ja dha pastaj fjalën ministres së jashtme të Bullgarisë, Ekaterina Zaharieva, në emër të Bullgarisë, vend që kryeson Bashkimin Europian.

    Drejtori i Zgjerimit, Kristian Danielson, në emër të Komisionerit Hahn, ilustroi pritshmëritë e Bashkimit Europian prej vendeve të Ballkanit në reforma dhe në bashkëpunim rajonal.

    “Ballkani është bërë prioriteti numër një për Komisionerët Mogherini dhe Hahn dhe gjithë Bashkimin Europian, dhe ju duhet të kapni momentumin e artë”, ju drejtua Drejtoresha për Ballkanin dhe Turqinë në Komision, Angelica Eichhorst, ministrave të Ballkanit.

    Ministri i jashtëm i Shqipërisë, Ditmir Bushati, bëri thirrje për më shumë realizëm prej Bashkimit Europian, duke i kërkuar më shumë qartësi për afatet, instrumentet, mjetet, në dispozicion të zgjerimit të vendeve të Ballkanit.

    Kurse pas Bushatit mu përcjell fjala mua, ku në fillim të fjalës pata disa fjalë keqardhjeje për përpjekjet e Bosnjës për të përjashtuar Kosovën nga ky aktivitet.

    Sarajevë, 16 mars 2018 – Duke ju përgjigjur ministrit të jashtëm të Serbisë, Ivica Daçiq, i cili vuri në diskutim pjesëmarrjen e Kosovës në Sofie, në takimin e ardhshëm organizuar nga Bulgaria, atij i thash

    “shtetësia e Kosovës është diçka e kryer. Ne do të jemi bashkë në Sofie, si gjithë shtetet e tjerë të Ballkanit dhe të Bashkimit Europian”.

    Më pas, fola edhe për implikimet e Strategjisë së Zgjerimit të Bashkimit Europian në veprimtarinë e qeverisë së Kosovës, brenda vendit dhe në marrëdhëniet me rajonin dhe BE-në.

    Nënvizova faktin se Strategjia e konfirmoi anëtarësimin e sigurt në të ardhmen e afërt të Kosovës si shtet i pavarur dhe sovran, diçka që tashmë u bë e qartë dhe për Serbinë.

    “Ne mbetemi të angazhuar fuqimisht në procesin e integrimit europian, zbatimin e marrëveshjes së Asocim Stabilizimit, ashtu si dhe në Dialogun e Lehtësuar prej BE- për normalizimin e marrëdhënieve me Serbinë, që duhet të përfundojë me një marrëveshje ligjërisht detyruese për të dy palët”

    “Po rrisim bashkëpunimin me të gjithë fqinjët, madje dhe me Greqinë që e mbështet integrimin tonë europian”, thash në vazhdim.

    Sarajevë, 16 mars 2018 – Në takimin e përbashkët të ministrave të jashtëm të Ballkanit Perëndimor me drejtues të lartë të Komisionit Evropian dhe Britanisë së Madhe.

    Duke ju referuar Procesit të Berlinit, iniciativë e Bashkimit Europian për të nxitur bashkëpunimin ekonomik, infrastrukturor, etj midis vendeve të Ballkanit, shefi i diplomacisë kosovare propozoi krijimin e një Zone të Lirë Ekonomike ndërkufitare midis Veriut të Kosovës dhe Jugut të Serbisë, si një veprim asimetrik, që do të sillte zhvillim ekonomik, do të normalizonte marrëdhëniet ndëretnike dhe do të relativizonte rëndësinë e kufijve.

    Duke ju referuar Zonës së Përbashkët Ekonomike në rajon, thaah se e mirëkuptonte qasjen e Bashkimit Europian që e shihte këtë Zonë si paradhomën e integrimit.

    “si të zgjidhim pabarazitë në trajtimin reciprok? Si ta detyrojmë Bosnjën dhe Serbinë që të heqë pengesat për lëvizjen e lirë të njerëzve, mallrave, dhe kapitaleve në gjithë këtë hapësirë? Si ta detyrojmë Serbinë të zhbllokojë funksionimin e linjës së Interkoneksionit midis Shqipërisë dhe Kosovës, veprim që e kryen për të ruajtur monopolin në shpërndarjen e energjisë në rajon? Si t’i kapërcejmë pabarazitë e krijuara prej pozicionit gjeografik, duke kompensuar ato vende që nuk kanë kufij me BE-në? Na duhet, gjithashtu dhe një instancë arbitrimi për mosmarrëveshjet mes nesh, jo thjesht mbi bazë dypalëshe apo rajonale”, qartësova pozicionin e Kosovës.

    Duke ju referuar lëvizjes së lirë të qytetarëve në rajon dhe drejt BE-së, kërkova liberalizimin e vizave me BE-në, “sepse Kosova nuk mund të bëhet vrima e zezë e Europës”.

    Në fund, i’u drejtova homologut boshnjak me shaka: “duhet ta mbyll shpejt fjalimin, sepse qëndrimi im në Bosnjë, është vetëm për dy ditë sipas vizës që më dhatë”.

    Bëra thirrje që të lehtësohen kontaktet midis qytetarëve boshnjak të Kosovës apo kosovarëve në përgjithësi dhe Bosnjës, në përputhje me frymën e bashkëpunimit rajonal.

    Në takim me ministrin e shtetit Britanik për Evropë dhe Amerikë, Alan Duncan

    Takimet i kam vazhduar me zyrtarë të lartë të shteteve mike të Kosovës. Takova ministrin e shtetit Britanik për Evropë dhe Amerikë, Alan Duncan, të cilin e kam njoftuar për të arriturat e Qeverisë së Kosovës, për zhvillimet aktuale në vend, dinamikën qeverisëse dhe për përkushtimin e institucioneve në fuqizimin e zhvillimit ekonomik, hapjen e vendeve të reja të punës dhe për rëndësinë e anëtarësimit të Kosovës në organizata ndërkombëtare.

    Prezenca dhe kontributi i Mbretërisë së Bashkuar është i nevojshëm në Stabilitetin e Ballkanit dhe Kosova është e përkushtuar që të fuqizojë partneritetin mes dyja vendeve.

    Sarajevë, 16 mars 2018 – Në takim me Ministrin e shtetit britanik për Evropë dhe Amerikë, Alan Duncan.

  • Nikoqir i homologes sime nga Kroacia

    Nikoqir i homologes sime nga Kroacia

    Prishtinë, 14 mars 2018

    Me shtetet mike dhe partnere takimet gjithherë janë produktive. I tillë ishte edhe ky i sotëm me Zëvendëskryeministren dhe Ministrën e Punëve të Jashtme dhe Çështjeve Evropiane, Marija Pejčinović Burić.

    Dy popujt dhe vendet tona kanë lidhje të forta dhe të veçanta. Ri-konfirmuam përkushtimin e dy-anshëm institucional, që këtyre lidhjeve ekzistuese t’i japim sinergji të reja. Nga çështjet e nivelit bilateral politik, ato të sigurisë, zgjerimit të bashkëpunimit ekonomik deri tek kultura e sporti.

    Kroacia do të jetë zë dhe krah i fuqishëm i Kosovës për forcimin e subjektivitetit ndërkombëtarë dhe integrimin e plotë të saj në strukturat euro-atlantike dhe të gjitha Organizatat Ndërkombëtare.

    Ka shumë arsye që Kosova dhe Kroacia do të jenë partnerë strategjik. Veç çështjeve tjera, homologia ime shprehi gatishmërinë dhe vullnetin, që të ndihmojë edhe në lëvizjen e lirë të qytetarëve të Kosovës në Bosnje dhe Hercegovinë dhe anasjelltas për të cilën i jam mirënjohës.

    Gjatë konferencës së përbashkët për media thash se Kosova dhe Krocia janë në bashkëpunim të ngushtë sa i përket të gjitha problemeve rajonale.

    “Kosova është e hapur për partnerë të biznesit nga Kroacia. Partnerët nga Kroacia mund të ofrojnë shumëçka nga eksperienca e tyre, duke shtuar se ata në Kosovë mund të gjejnë një ambient shumë adekuat i cili praktikisht ofron edhe hapësirë dhe fuqi punëtore proaktive të gatshme për sfida”

    Fola edhe për dëshirën që të ketë lëvizje të lirë në mes të qytetarëve të Bosnjë e Hercegovinës dhe Kosovës.

    “Jam shumë falënderues se në të gjitha takimet bilaterale dhe multiraterale që i kemi patur Kroacia ka qenë zë i theksuar i Kosovës dhe në asnjë takim Kroacia nuk ka hezituar për t’i trajtuar problemet edhe për Kosovën. Kroacia do të jetë edhe më tutje zë i Kosovës sidomos në marrëdhëniet me Bosnjë e Hercegovinën. Ministrja më ka premtuar se do të ndërmjetësojë që të krijojmë kushte për lëvizjen e lirë të qytetarëve mes dy vendeve”

    Prishtinë, 14 mars 2018 – Në takim dhe në konferencë për media me homologen time nga Kroacia, Zëvendëskryeministren dhe Ministren e Punëve të Jashtme, Marija Pejçinoviq-Buriq.

    Zv/kryeministrja kroate Pejçinoviq-Buriq tha se Kroacia si pjesë e Bashkimit Evropian (BE) dhe NATO-s dëshiron t’i ndihmojë Kosovës në shumë sfera sidomos në periudhën e shtetndërtimit.

    Ajo theksoi se ka takuar komunitetin kroat në komunën e Janjevës ku shprehu dëshirën që pakica shqiptare në Kroaci dhe ajo kroate në Kosovë të avancojnë dhe të jenë në gjendje të mirë sa i përket arsimimit, infrastrukturës dhe punësimit.

    Sa i përket pyetjes rreth mundësisë së njohjes së Kosovës nga Serbia si hap i fundit i dialogut në mes të dy shteteve, Pejçinoviq-Buriq tha se mundësia e vetme është dialogu dhe zgjidhja duhet të gjendet në kuadër të këtij dialogu. Sipas Buriq qëndrimi i BE-së është i përkushtuar që dialogu të vazhdojë në fazën teknike për momentin duke shtuar se mund të fillojë edhe faza politike.

    “Si në të gjitha kontekstet tjera në mes të Kosovës dhe Serbisë munësia e vetme është që dy shtetet të gjejnë hapësirë për një marrëveshje atëherë BE-ja mund të ndihmojë në fund. Kjo hapësirë është e mjaftushme për të gjetur një zgjidhje të përbashkët nga të dyja palët. Nëse marrëveshja nuk ështe e qëndrueshme, atëherë më mirë të mos ketë marrëveshje. Duhet të arrihet tek një marrëveshje e cila është e pranueshme nga të dyja palet”, tha Pejçinoviq – Buriq.

    Prishtinë, 14 mars 2018 – Kroacia do të jetë zë dhe krah i fuqishëm i Kosovës për forcimin e subjektivitetit ndërkombëtarë dhe integrimin e plotë të saj në strukturat euro-atlantike dhe të gjitha Organizatat Ndërkombëtare.

    Zv/kryeministrja kroate tha se liberalizimi i vizave është shumë i rëndësishëm për perspektivën europiane të qytetarëve të Kosovës, ku qeveria e Kosovës përmes punës së saj duhet të tregojë pëkushtimin ndaj implementimit të Marrëveshjes së Stabilizim Asociimit dhe axhendës evropiane.

    “Në këtë kuptim ne i mbështesim të gjitha përpjekjet që Qeveria e Kosovës i bën në drejtim dhe shpresojmë që së shpejti do t’i përmbush kushtet për liberalizimin e vizave dhe të krijohet hapësira për zhvillimin e Kosovës dhe qytetarëve të saj”, tha ajo.

    Prishtinë, 14 mars 2018 – Ka shumë arsye që Kosova dhe Kroacia do të jenë partnerë strategjik. Veç çështjeve tjera, homologia ime shprehi gatishmërinë dhe vullnetin, që të ndihmojë edhe në lëvizjen e lirë të qytetarëve të Kosovës në Bosnje dhe Hercegovinë dhe anasjelltas për të cilën i jam mirënjohës.