Aleanca Kosova e Re

Category: Zv. Kryeminister i pare

  • Banka Islame për Zhvillim do të vazhdojë mbështetjen për Kosovën

    Banka Islame për Zhvillim do të vazhdojë mbështetjen për Kosovën

    Në kuadër të agjendës së tij në Arabinë Saudite, kryeministri i Kosovës, Hashim Thaçi, i shoqëruar nga zëvendëskryeministri Behgjet Pacolli, u takua me drejtorin e Bankës Islame për Zhvillim (BIZH), Ahmed Muhamed Ali.

    Drejtori i BIZH-it u zotua se institucioni që përfaqëson, do të kontribuojë në financimin e projekteve të ndryshme kapitale të Kosovës. Ai premtoi se ky institucion do të kontribuojë në ndërtimin e projektit për ndërtimin e autostradës Prishtinë-Mitrovicë, projekte për sistemin e ujitjes dhe ato që kanë të bëjnë me Qendrën Klinike Universitare të Prishtinës. Kosova është në pritje të shfrytëzimit të shumës prej 27 milionë dollarësh, pjesë e një fondi të ndarë menjëherë pas luftës për Kosovën nga BIZH. Drejtori i kësaj banke, u zotua se shumë shpejt do të ndahen mjetet në fjalë.

    Kosova, pavarësisht se nuk është anëtare e BIZH-it, do të vazhdojë të mbështetet nga ky institucion bankar, theksoi Ahmed Muhamed Ali.

    Ndërsa, kryeminitri Thaçi e falënderoi drejtorin e BIZH-ut për mbështetjen dhe ndihmat që i ka dhënë Kosovës, si dhe shprehu gatishmërinë për intensifikimin e bashkëpunimit me këtë bankë dhe mundësinë e marrjes së ndonjë kredie të butë afatgjatë.

    Banka Islame për Zhvillim ka 56 vende anëtare. Qëllimi kryesor i bankës është dhënia e kredive e granteve për projekte të ndryshme, që do të sigurojnë zhvillim ekonomik dhe social. 

  • Zëvendëskryeministri Pacolli u takua me përfaqësuesit e Odës së Tregtisë dhe Industrisë së Jeddas

    Zëvendëskryeministri Pacolli u takua me përfaqësuesit e Odës së Tregtisë dhe Industrisë së Jeddas

    Jeddah, 16 qershor 2012

    Kryeministri i Republikës së Kosovës, Hashim Thaçi, i shoqëruar nga zëvendëskryeministri Behxhet Pacolli u prit nga përfaqësuesit e Odës  së Tregtisë dhe Industrisë së Jeddas.

    Sekretari i Përgjithshëm i OTI-së, z. Adnan Mandouroh, i uroi mirëseardhje kryemnistrit Thaçi dhe në emër të përfaqësuesve të biznesit të OTT- së shprehu konsideratë të lartë, duke konstatuar se prezenca e delegacionit të nivelit të lartë shtetëror të Kosovës për OTI e Jeddas është ngjarje e veçantë.

    Para përfaqësuesve të OTI-së, kryeministri Thaçi e pasqyroi gjendjen e sigurisë dhe të legjislacionit në  Kosovë, dhe më këtë rast  ftoi investitorët dhe biznesmenët nga Arabia Saudite që ta vizitojnë Kosovën si vend të mundësive të mëdha.

    Kosova ka resurse të pasura në industri, agrokulturë, turizëm dhe degë të tjera të ekonomisë, që mund të henë atraktive për investitorët dhe biznesmët e Arabaisë saudite, tha mes tjerash kryemnistri Thaçi.

    Ndërkaq,  zëvendëskryeministri i Kosovës, z. Behgjet Pacolli para përfaqësuesve të OTI-së së Jeddas në mënyrë të veçantë foli për resurset natyrore, klimën biznesore , aspektet bankare dhe aspektet e ekonomisë së Kosovës në rajon dhe më gjerë.

    Zëvendëskryeministri Pacolli foli për fushat konkrete të ekonomisë ku kompanitë dhe biznesmët e  Arabisë Saudite do të mund të investonin me sukses, duke garantuar mbrojtjen ligjore dhe kujdesin shtetëror të Kosovës për investitorët e jashtëm.

    Kosova duke qenë anëtare e FMN-së dhe BB, e CEFTA-s dhe së shpejti edhe BERZH, është vend që ofron mundësi të mëdha për kompanitë dhe bizneset  ndërkombëtare, tha mes tjerash zëvendëskryeministri Pacolli.

    Pas dite, Kryemnistri i Republikës së Kosovës Hashim Thaçi u takua me përfaqësuesit e mediave kryesore të Arabisë Saudite, të cilat shprehën interesimin për pozicionin ndërkombëtar të Kosovës, për njohjet e pavarësisë dhe qëndrimet e qeverisë së Kosovës për ngjarjet kryesore në rajon e shtetetve islamike dhe më gjerë.

    Kryeministri Thaçi shfrytëzoi rastin që para përfaqësuesve të nediave ta falënderojë Mbretin Abdullah Ibn Abdulaziz al Saud për përkrahjen e Kosovës dhe ndihmën që ka bërë Arabai Sauditë për refugjatët në kohën e luftës si dhe për rindërtimin e Kosovës.

  • Arabia Saudite do ta mbështes Kosovën në zhvillimin e potencialeve të saj ekonomike

    Arabia Saudite do ta mbështes Kosovën në zhvillimin e potencialeve të saj ekonomike

    Jedda, 15 qershor 2012

    Kryeminsitri i Republikës së Kosovës, z. Hashim Thaçi , i shoqëruar nga zëvendëskryeministri Behgjet Pacolli, u takua me Mbretin e Arabisë Saudite, Lartmadhërinë e Tij e Abdullah Ibn Abdulaziz al Saud.

    Kryeministri i Thaçi shprehu kënaqësinë e veçantë për takimin me lartmadhërinë e tij, Mbretin Abdullah al Saud dhe e falënderoi Lartmadhërinë e e Tij dhe Mbretërinë e Arabasë Saudite për kontributin e dhënë në të kaluarën dhe ndihmën që po jep aktualisht për Kosovën.

    Kryeministri Thaçi falënderoi Mbretin Abdullah Ibn Abdulaziz al Saud për vendimin për të njohur pavarësinë e Kosovës, që në prill 2009. Arabia Saudite ka ndihmuar dhe mbështetur Kosovën dhe popullin e Kosovës në kohët më të vështira për popullin tonë, duke përkrahur refugjatët kosovarë në tërë rajonin, dhe, pas luftës Arabia Saudite ka dhënë një kontribut të jashtëzakonshëm, sidomos në rindërtimin e shkollave, ambulantave dhe xhamive të shkatërruara nga lufta, theksoi mes tjerash në takim kryeministri Thaçi.

    Kosova dhe A. Saudite kanë një bashkëpunim të shkëlqyer, por ne jemi të interesuar që ky bashkëpunim të thellohet dhe zgjerohet edhe më tej. Arabia Saudite është shtet mik, shtet vëllazëror dhe partneri kryesor për ne në këtë pjesë të botës, dhe, ne jemi të interesuar që bashkëpunimin tonë ta zhvillojmë përtej marrëdhënieve diplomatike. Kosova dhe Arabia Saudite mund të thellojnë bashkëpunimin në të gjitha fushat:  ekonomi, tregti, turizëm, investime, edukim, shëndetësi dhe innfrastrukturë.

    Kosova e ka kaluar fazën e emergjencës kur i duhej asistencë, dhe tani po kalon në një fazë të re, fazë të zhvillimit ekonomik, duke qenë vend stabil dhe me infrastrukturë ligjore.

    Mbreti i Arabaisë Saudite, Lartmadhëria e Tij , Abdullah Ibn Abdylaziz al Saud shprehu kënaqësinë për takimin me kryeministrin e Republikës së Kosovës, dhe në shenjë respekti takimi u mbajt ditën e premte.

    Arabia Saudite luan rol të rëndësishmë në gjirin e shteteve arabe dhe ka miq të përbashkët me Kosovën, theksoi mbreti  Abdullah al Saud,  dhe e siguroi kryeministrin Thaçi për vazhdimin e mbështetjes dhe përkrahjes së shtetit të ri të Kosovës në planin ekonomik dhe atë diplomatik. Mbreti i Arabaisë Saudite L. T. Abdullah al Saud, tha se do të shqyrtohen të gjitha potencialet e Kosovës dhe Arabia saudite do të ndihojë projektet konkrete në infrastrukturë rrugorem arsim dhe fusha të tjera.

    Kryeminstri Thaçi kërkoi nga Mbreti i Arabisë Sauditëe që ta përkrah Kosovën në zgjerimin e njohjeve në të gjitha vendet ku ka ndikim Mbretëria e Arabisë Saudite.

  • Thaçi e Pacolli takojnë ministrin e Jashtëm të Arabisë Saudite, Saud Bin Fejsal

    Thaçi e Pacolli takojnë ministrin e Jashtëm të Arabisë Saudite, Saud Bin Fejsal

    Jedda, 15 qershor 2012

    Kryeministri i Republikës së Kosovës, Hashim Thaçi, i shoqëruar nga zëvendëskryeministri Behxhet Pacolli u takua me ministrin e Jashtëm të Arabisë Saudite, Saud Bin Fejsal dhe zëvendësministrin e Jashtëm Abdulaziz Ibn Abdullah Abdulaziz.

    Në takim u bisedua gjerësisht për pozitën diplomatike të Kosovës, për kontributin e Arabisë Saudite gjatë dhe pas luftës. Kryeministri i Republikës së Kosovës kërkoi që Arabia Saudite të ushtrojë ndikimin e saj në vendet  e botës arabe që ende nuk e kanë njohur pavarësinë e Kosovës.

    Në vijim të takimit Kryeministri Thaçi elaboroi profilin e propagandës diplomatike të Beogradit zyrtar, që në kohën e luftës, shqiptarët i akuzonte për fundamentalizëm, ndërsa sot krenohet me vendet e botës islamike që nuk e njohin pavarësinë e Kosovës.

    Kryeministri Thaçi kërkoi që diplomacia e mbretërisë së Arabisë Saudite të ushtrojë ndikim tek qeveritë e Jemenit, Libanit,  Egjiptit dhe Sudanit, që ta njohin sa më parë shtetin e Kosovës.

    Kryeministri i Republikës së Kosovës, foli për aspektin e sigurisë dhe të stabilitetit që ka krijuar pavarësia e Kosovës, duke nënvizuar idenë se Kosova është përcaktuar nga e ardhmja dhe jo e kaluara.

    Kryeministri Thaçi foli për stabilitetin politik, infrastrukturën ligjore dhe potencialet e Kosovës si vend atraktiv për investime për Arabinë Saudite.

  • Zëvendëskryeministri Behgjet Pacolli do të qëndrojë për vizitë zyrtare në Afrikën Qëndrore, në Guinea Conakry dhe në Ganë

    Zëvendëskryeministri Behgjet Pacolli do të qëndrojë për vizitë zyrtare në Afrikën Qëndrore, në Guinea Conakry dhe në Ganë

    Prishtinë, 18 maj 2011

    Në kuadër të aktiviteteve lobuese për shtimin e numrit të njohjeve për shtetin e Kosovës, zëvendëskryeministri i Qeverisë së Republikës së Kosovës, Behgjet Pacolli do të qëndrojë për vizitë zyrtare në Afrikën Qëndrore, në Guinea Conakry dhe në Ganë.

    Në këto shtete, zëvendëskryeministri Pacolli do të zhvillojë takime me burrështetas dhe personalitete të larta të këtyre shteteve.

  • Zyrtarizohet njohja nga Sao Tome. Arrin nota verbale

    Zyrtarizohet njohja nga Sao Tome. Arrin nota verbale

    Republika Demokratike e Sao Tome dhe Principe është shteti i 89 anëtar i OKB-së, që ka njohur Republikën e Kosovës, si shtet të pavarur dhe Sovran.

    Vendimi zyrtar për njohjen e Kosovës, është finalizuar me datë 13 mars 2012, ndërsa nota verbale e njohjes ka arritur ditën e sotme (e shtunë), 17 mars 2012.  

    Njohja nga Sao Tome dhe Principie është rezultat i një angazhimi të ngjeshur diplomatik të Qeverisë së Kosovës në kontinentin afrikan. Zëvendëskryeministri i parë i Qeverisë së Republikës së Kosovës, z.Behgjet Pacolli, gjatë turneve lobues në kontinentin e Afrikës, ka zhvilluar disa vizita në këtë shtet.

    Vendimi zyrtar për njohjen e Kosovës, është finalizuar me datë 13 mars 2012, ndërsa nota verbale e njohjes ka arritur ditën e sotme (e shtunë), 17 mars 2012.  

    Gjatë vizitës së fundit në Sao Tome, me 21 nëntor 2011, zëvendëskryeministri Pacolli gjatë takimeve me kryeministrin  Dr.Patrice Emery Trovoada dhe ministrin e punëve të Jashtme z.Manuel Salvador Dos Ramos pati marrë konfirmimin se njohja e Republikës së Kosovës nga Sao Tome do të vinte shumë shpejt.

    Zëvendëskryeministri i parë i Qeverisë së Kosovës, është optimist se njohje tjera për Republikën e Kosovës, priten të vijnë në një të ardhme të afërt.

  • I nderuar që kryetari i Bashkisë së New Orleans, Mitchi Landrieu më dorëzoi çelësin e qytetit

    I nderuar që kryetari i Bashkisë së New Orleans, Mitchi Landrieu më dorëzoi çelësin e qytetit

    New Orleans, 10 dhjetor 2011 –

    Ditën e fundit të qëndrimit në SHBA dhe në shtetin federal Louisiana, zëvendëskryeministri i Kosovës, Behgjet Pacolli, u prit në zyrën e kryetarit të Bashkisë së New Orleans, Mitchi Landrieu.

    Gjatë takimit, Pacolli kërkoi binjakëzimin e këtij qyteti me njërën nga komunat e Kosovës, ide që u mirëprit nga bashkëbiseduesit e tij dhe që pritet të realizohet shumë shpejt, thuhet në njoftimin për media të zyrës së Pacollit.

    Pacollit me këtë rast iu dorëzua Çelësi i Qytetit të New Orleans.

    Në zyrën e kryetarit të Bashkisë së New Orleans, Mitchi Landrieu duke pranuar Çelësin e Qytetit të New Orleans.

    Sipas njoftimit, ky është nderimi i katërt i tij në këtë shtet. Një ditë më parë ai u shpall kryebashkiak nderi i Baton Rouge. Kancelari i universitetit të këtij qyteti, Community College, i akordoi atij Medaljen e Kancelarit, kurse guvernatori Boby Jindal e nderoi me mirënjohje dhe me flamurin e qytetit.

  • Pacolli nderohet me “Medaljen e artë të Kancelarit”, nga Kolegji komunitar i Baton Rouge në Luiziana. Merr mirënjohje edhe nga Guvernatori i shtetit të Luizianës Boby Jindal

    Pacolli nderohet me “Medaljen e artë të Kancelarit”, nga Kolegji komunitar i Baton Rouge në Luiziana. Merr mirënjohje edhe nga Guvernatori i shtetit të Luizianës Boby Jindal

    Luizana, 6 dhjetor 2011

    Pasditen së hënës zëvendëskryeministri Pacolli u prit në Kolegjin Komunitar të Baton Rouge nga autoritetet më të larta akademike të këtij qendre Universitare.

    Duke e prezantuar para autoriteteve, dekanëve, profesorëve, etj, Kancelari James Horton e paraqiti zotëri Pacollin si njeri të suksesit në të gjithë aktivitetet njerëzore që ka zhvilluar: në biznes, në politikë, në veprimtarinë humanitare për lirimin e pengjeve, në atë filantropike, etj.

  • Kolegji i Baton Rouge më dhuroi “Medaljen e artë të Kancelarit”, mora mirënjohje edhe nga Guvernatori i shtetit të Luizianës, Boby Jindal

    Kolegji i Baton Rouge më dhuroi “Medaljen e artë të Kancelarit”, mora mirënjohje edhe nga Guvernatori i shtetit të Luizianës, Boby Jindal

    Luiziana, 5 dhjetor 2011 –

    Vizita e Zëvendëskryeministrit të parë të Kosovës, z. Behgjet Pacolli në SHBA vazhdoi me disa nderime publike dhe akademike nga institucione të ndryshme amerikane në shtetin e Luizianës.

    Në fillim të qëndrimit të tij në këtë shtet, Pacolli u nderua nga bashkia e qytetit të Baton Rouge (Bato Ruzh), kryeqyteti i Luizianës, me titullin Kryebashkiak Nderi. 

    Nderimi i lartë, z.Pacolli i’u dorëzua nga kryebashkiaku i Baton Rouge dhe President i kontesë së Baton Rouge Lindor, zoti Melvin Kip Holden.

    Gjatë bisedës së zhvilluar në selinë e Kontesë së Baton Rouge, zoti Pacolli paraqiti para zotit Holden, të arriturat e shtetit të ri të Kosovës, “që nga clirimi deri në themelimin e shtetësisë me ndihmën kryesore të SHBA-ve, si shteti mik më i madh i vendit tonë”.

    Pacolli e ftoi zotin Holden të vendosë lidhje binjakëzimi me qytetet e Kosovës, që kanë nevojë për eksperiencën e qyteteve amerikane.

    Holden e vlerësoi kontributin e zotit Pacolli në ecurinë demokratike të Kosovës dhe e njohu atë me zhvillimet në qytetin dhe në kontenë që ai drejton.

    Baton Rouge, nën drejtimin e Holden, që ka mandatin e tij të dytë, është një nga qytetet simbol në SHBA, për manaxhimin e katastrofës së krijuar nga uragani “Katrina”.  Ky qytet është i njohur gjithashtu për stabilitetin ekonomik, megjithë krizën e përgjithshme globale.

    Holden është i famshëm për rolin e tij të mirënjohur kultivimin e marrëdhënieve të shkëlqyera midis komuniteteve të ndryshme në qytetin dhe kontenë që ai drejton.

    Medalja e artë me të cilën u nderova.
  • U nderova me titullin Kryebashkiak Nderi, i kryeqytetit të Luizianës në SHBA

    U nderova me titullin Kryebashkiak Nderi, i kryeqytetit të Luizianës në SHBA

    Luiziana, 5 dhjetor 2011 –

    Vizita e Zëvendëskryeministrit të parë të Kosovës, z.Behgjet Pacolli në SHBA vazhdoi me disa nderime publike dhe akademike nga institucione të ndryshme amerikane në shtetin e Luizianës.

    Në fillim të qëndrimit në këtë shtet, z. Pacolli u nderua nga bashkia e qytetit të Baton Rouge (Bato Ruzh), kryeqyteti i Luizianës, me titullin Kryebashkiak Nderi. Nderimi i lartë, z.Pacolli i’u dorëzua nga kryebashkiaku i Baton Rouge dhe President i kontesë së Baton Rouge Lindor, z. Melvin Kip Holden.

    Gjatë bisedës së zhvilluar në selinë e Kontesë së Baton Rouge, Pacolli paraqiti para Holden, të arriturat e shtetit të ri të Kosovës, “që nga çlirimi deri në themelimin e shtetësisë me ndihmën kryesore të SHBA-ve, si shteti mik më i madh i vendit tonë”.

    Pacolli e ftoi z.Holden të vendosë lidhje binjakëzimi me qytetet e Kosovës, që kanë nevojë për eksperiencën e qyteteve amerikane.

    Holden e vlerësoi kontributin e Pacollit në ecurinë demokratike të Kosovës dhe e njohu atë me zhvillimet në qytetin dhe në kontenë që ai drejton.

    Baton Rouge, nën drejtimin e z.Holden, që ka mandatin e tij të dytë, është një nga qytetet simbol në SHBA, për manaxhimin e katastrofës së krijuar nga uragani “Katrina”.  Ky qytet është i njohur gjithashtu për stabilitetin ekonomik, megjithë krizën e përgjithshme globale. z.Holden është i famshëm për rolin e tij të mirënjohur kultivimin e marrëdhënieve të shkëlqyera midis komuniteteve të ndryshme në qytetin dhe kontenë që ai drejton.