Tokio, 1 mars 2018
Kosova e do praninë e ndërmarrësve japonezë në shumë fusha si energjia, infrastruktura, teknologjitë e informacionit, bujqësia, sepse nga eksperienca ime mund të them se tek ata gjen sinqeritet, ndershmëri, korrektësi.
Kosova ofron zonë të lirë ekonomike dhe se bashkë me Shqipërinë përfaqësojnë qendër tërheqëse për investimet dhe teknologjinë japoneze.
Thellësisht mirënjohës shtetit japonez për mbështetjen e gjithanshme ndaj Kosovës si në konsolidimin e shtetit brenda, ashtu edhe në forcimin e subjektivitetit ndërkombëtarë në marrëdhëniet me jashtë.
Kërkova mbështetje dhe rritjen e investimeve japoneze në energji, infrastrukturë dhe fusha tjera me interes. Japonia ka qenë dhe mbetet një zë i fuqishëm i shtetit të Kosovës në Azinë Lindore.
Kemi se çka të mësojmë nga fuqia e tretë ekonomike e botës.
Takimi shumë miqësor zhvillova edhe me Ministrin e Punëve të jashtme të Japonisë,Taro Kono. Me të diskutova për një rol të ri të Kosovës në relacion me Japoninë në Balkan, për investimet japoneze në vendin tonë, bashkëpunimin në organizatat ndërkombëtare, për hapjen e Ambasadës së Japonisë në Prishtinë, për heqjen e vizave nga Japonia krahas me BE për kosovarët), vizitën e ardhshme të MPJ të Japonisë në Kosovë e tema të tjera me interes reciprok.
