Prishtinë, 21 janar 2014
Kryeministri i Republikës së Kosovës, Hashim Thaçi, i shoqëruar nga zëvendëskryeministrat Behgjet Pacolli, Hajredin Kuçi, Bujar Bukoshi dhe ministrat Ferid Agani, Dardan Gashi dhe Ibrahim Makolli, ka bërë nderime dhe ka vendosur lule te varri i ish- Presidentit Rugova, në 8 vjetorin e vdekjes.
Kryeministri Thaçi në një deklarim para mediave theksoi:
“Jemi sot këtu së bashku si Qeveri e Republikës së Kosovës për të bërë nderimet shtetërore për presidentin Ibrahim Rugova, për të vlerësuar kontributin e tij në letërsi, shkencë, si dhe kontributin e tij të spikatur në politikën shtetformuese të Republikës së Kosovës” – tha z.Thaçi.
