Prishtinë, 5 maj 2017 –
Isha i privilegjuar të mbaj një ligjëratë motivuese në Kolegjin Fama. Fokusi im ishte në thellimin e njohurive rreth ekonomisë globale dhe rëndësisë së inovacionit në zhvillimin e një vendi.
Duke përfshirë studentët në diskutime, u përpoqa të sjell në vëmendje rëndësinë e ecjes me trendet aktuale të ekonomisë globale.
Gjatë ligjëratës, u përqendrova në planin tonë për zhvillimin ekonomik të Kosovës. Përmes investimeve dhe kushteve të përmirësuara ekonomike, besoj se mund të krijojmë një ambient më të favorshëm për krijimin e vendeve të reja të punës dhe rritjen e të ardhurave buxhetore.
Diskutuam rreth proceseve të krijimit të bizneseve dhe rëndësisë së aplikimit të normave etike gjatë këtyre proceseve. Kujdesi dhe korrektësia në bashkëpunim me të tjerët u theksuan si elemente kyçe të suksesit të biznesit dhe inovacionit.
Përfundoja ligjëratën me një porosi për studentët: mos u dorëzoni para sfidave dhe temave ditore politike. Mos humbni shpresën, por vazhdoni të punoni në krijimin e ideve të reja.
Besimi në potencialin e tyre për të ndikuar pozitivisht në zhvillimin e vendit është çelësi drejt ndryshimeve të mëdha.
Në fund, theksova se AKR në qeveri do të investojë në idetë dhe potencialin e të rinjve. Përmes mbështetjes dhe përkrahjes së tyre në implementimin e suksesshëm të ideve, mund të ndërtojmë një Kosovë më të zhvilluar dhe të përfshirë në binarët e duhur të zhvillimit global.
