Prishtinë, 11 shtator 2019 –
Në takim mikpritës me ambasadorin e Norvegjisë, Jens Eric Grondahl, duke i shprehur mirëseardhje në Kosovë, ia konfirmova vullnetin tonë për thellimin e mëtejmë të marrëdhënieve bilaterale dhe raporteve miqësore ndërmjet shteteve tona.
Norvegjia ishte ndër të parat që u rreshtua përkrah shteteve që njohën pavarësinë e Kosovës dhe gjithmonë në mbështetje të fuqishme të vendit tonë në proceset euroatlantike dhe të anëtarësimit në organizatat ndërkombëtare.
Prishtinë, 16 korrik 2019 –
Thellësisht mirënjohës që në takimin lamtumirës me Ambasadorin e Norvegjisë në Kosovë, Per Strand Sjaastad, konstatuam bashkë që bashkëpunimi mes vendeve shteteve dhe popujve tanë, mbetet i paluhatur dhe i palëkundur.
Ambasadori Norvegjez edhe një herë konfirmoi që ai do të vazhdojë ta përkrahë Kosovën në të gjitha formatet, dhe njëherësh theksoi faktin që këto 20 vite, Kosova ka shënuar një progres të konsideruar në të gjitha fushat.
Ambasadorin Norvegjez e sigurova që mirënjohja e Republikës së Kosovës për shtetin dhe popullin Norvegjëz është gurthemeli i forcimit të marrëdhënieve mes vendeve tona.
Kosova ka miq gjithandej, dhe ne nuk do të ndalemi në forcimin e këtyre miqësive si dhe krijimin e miqësive të reja.
Prishtinë, 25 qershor 2019-
Kryediplomatëd Norvegjeze, Ine Marie Eriksen Søreide, i bëra me dije se Norvegjia ështē vend model nga i cili mund të mësojmë shumë për zhvillimin dhe bashkëpunimin ndër-shtetëror.
Ky vend ka përkrahur fuqishëm Republikën e Kosovës në të gjitha etapat para dhe pas pavarësisë. Edhe sot, Eriksen shfaqi mirëkuptim total për nevojën e përkrahjes së Kosovës në proces të hapjes së mundësive të reja.
Gjatë këtij takimi, znj. Eriksen i shpjegova faktin se Serbia po provon ta bllokojë Kosovën në synimin e saj të integrimit në familjen e shteteve demokratike, evropiane.
U dakorduam për thellimin e bashkëpunimit mes dy vendeve dhe shpreha mirënjohje për përkrahjen e Norvegjisë në procese të afirmimit tonë ndërkombëtar.
Pastaj kemi kaluar në konference për media. Dialogu ndërmjet Kosovës dhe Serbisë ka qenë temë kryesore e diskutimit.
Ministrja e Jashtme norvegjeze ka dhënë garanci se vendi i saj mbështet integrimin euroatlantik të Kosovës, por për këtë nevojitet një lidership i fortë dhe një koordinim më i madh mes partive politike.
Unë deklarova se Kosova do të vazhdojë dialogun me Serbinë, por vetëm duke qenë e barabartë si dy shtete sovrane.
Duke folur për liberalizimin e vizave, thash se çështja tani është politike, sepse në aspektin teknik Kosova i ka plotësuar të gjitha kushtet e kërkuara.