Aleanca Kosova e Re

Tag: Roma

  • Vizita e tretë në Romë, jam pritur në takim nga Presidenti Mattarella

    Vizita e tretë në Romë, jam pritur në takim nga Presidenti Mattarella

    Romë, 6 korrik 2018

    Unë kam qenë në Itali këtë javë, duke mësuar për punën inovative që po ndodh këtu në shëndetësi, ndryshime klimatike dhe fusha të tjera thelbësore.

    Në një kohë kur bota ka kaq shumë sfida, është frymëzuese të vizitosh një vend dinamik dhe krijues si Italia.

    Edhe vizita në Romë erdhi në vazhdën e udhëtimeve nëpër kryeqytetet evropiane dhe me qëllim të faktorizimit ndërkombëtar të Kosovës.

    Një moment kryesor i udhëtimit tim ishte takimi i së premtes me Presidentin Italian, Sergio Mattarella. Ai më priti në pallatin Quirinale, selia e Presidencës në Romë.

    Mattarella ishte bujar me kohën e tij, ndërsa folëm se vetëm me zhvillimin ekonomik, investime nga jashtë dhe krijimin e mundësive sa më të shpejta për lirinë e lëvizjes së njerëzve, kapitalit dhe të mallrave mposhten tensionet politike dhe ndër-etnike.

    Romë, 6 korrik 2018 – Në takim me Presidentin Italina, Sergio Mattarella.

    Presidenti Mattarella më siguroi se ai do të përdorë autoritetin e tij institucional edhe tek homologët e tij, që të ndihmojë Kosovën dhe rajonin drejt proceseve të integrimeve euro-atlantike.

    “Italia me gjithë fuqinë e saj do të mbështet paqësimin e rajonit, për një përfundim të suksesshëm të dialogut në mes të Kosovës dhe Serbisë. Shteti italian do të përkrahë çdo iniciativë, që çon në zgjidhjen e drejtë dhe marrëveshjen përfundimtare në mes Kosovës dhe Serbisë”, ka thënë Mattarella.

    Romë, 6 korrik 2018 – Takim me Presidentin e Konfederatës së Përgjithshme të Industrisë italiane, Vincenzo Boccia.

    Gjatë vizitës në Itali, jam takuar edhe me Presidentin e Konfederatës së Përgjithshme të Industrisë italiane, Vincenzo Boccia, si dhe personalitete të tjera si ish-kryeministrin e Italisë dhe ish ministrin e jashtëm Massimo Dalema, me ministrat tjerë të jashtëm me Angelino Alfano dhe Giulio Terzi, me drejtues të organizatave të ndërmarrësisë, në Romë dhe në Bari të Italisë.

    Romë, 7 korrik 2018 – Takim me ish-Ministrin e Jashtëm të Italisë, Masimo D’Alema.

    Synimi i krejt takimeve për ta faktorizuar Kosovën politikisht dhe ekonomikisht në dritën e zhvillimeve të ardhshme dhe burimeve natyrore dhe njerëzore që disponon.

    Kosova është e madhe nëse ka miq të mëdhenj dhe sfidat para nesh do duken më të lehta bashkë me ta!

    Romë, 7 korrik 2018 – Takim me ish-Ministrin e Jashtëm të Italisë, Angelino Alfano.
    Romë, 7 korrik 2018 – Takim me ish-Ministrin e Jashtëm të Italisë, Giulio Terzi.

    PREZANTIMI I LIBRIT AUTOBIOGRAFIK, BOTUAR NË ITALISHT, PARA NJË MASE PREJ 1000 VETA

    Duke folur para 1000 vetave në një shesh italian për librin tim autobiografik, botuar në italisht, në qytetin Polignano al Mare.

    Historia ime njerëzore, me dhimbjet dhe sukseset, nuk njeh kufi, ndaj dhe u prit ngrohtësisht dhe me duartrokitje, udhëhequr nga një gazetar i shquar i televizionit kombëtar italian.

    Polignano al Mare, 8 korrik 2018 – Duke folur para 1000 vetave në një shesh italian për librin tim autobiografik, botuar në italisht.
  • Vizitë në Romë dhe Vatikan, pomovova edhe librin tim në gjuhën italiane

    Vizitë në Romë dhe Vatikan, pomovova edhe librin tim në gjuhën italiane

    Romë, 25 janar 2018

    Politika e jashtme e Kosovës ka rënë në duar eksperti me emërimin Tuaj. Unë e di biografinë tuaj para se të bëheshit njeri politik. E keni bërë këtë metaforikisht dhe fizikisht duke lënë gjurmë kudo, dhe kjo kërkohet sot në politikë të jashtme, sepse ju jeni njeri, dhe ndërtues.

    Me këto fjalë më priti në takim numri një i diplomacisë italiane, z. Alfano.

    Romë, 25 janar 2018 – Gjatë vizitës sime në Romë me ftesë të Ministrit të Jashtëm të Italisë, Angelino Alfano.

    Gjatë vizitës time në Romë u sigurova nga numri një i diplomacisë italiane, zt. Alfano, për mbështetjen edhe më të fuqishme italiane, në liberalizimin e vizave, integrimin ndërkombëtar, rritjen e investimeve.

    Si vend, mik Italia dëshiron që Kosovës t’i jepet një datë për integrimin e saj në BE.

    Romë, 25 janar 2018 – Gjatë nënshkrimit të Marrëveshjes dypalëshe në mes të Kosovës dhe Italisë me ministrin e Jashtëm italian, Angelino Alfano.
    Romë, 25 janar 2018 – Takim bilateral në mes të delegacionit nga Ministria e Punëve të Jashtme e Republikës së Kosovës dhe Ministrisë së Punëve të Jashtme të Republikës italiane.

    NË VATIKAN U TAKOVA ME SEKRETARIN E SELISË SË SHENJTË, PAUL RICHARD GALLAGHER

    Takim kisha me Sekretarin e shtetit për marrëdhëniet e jashtme, në Selinë e Shenjtë, Vatikanit ne New Hork, Kryepeshkopin Paul Richard Gallagher.

    Më konfirmoi dhe e mirëprita lajmin e ngritjes së nivelit të administrimit apostolik të Kosovës, diçka që është vlerësim për vendin tonë dhe klimën e bashkëjetesës fetare.

    Vatikan, 25 janar 2018 – Në Vatikan u takova me Sekretarin e Selisë së Shenjtë, Paul Richard Gallagher. 

    I kërkova ndihmën e Selisë së Shenjtë që Kosova të bëhet pjesë e organizatave dhe marrëveshjeve ndërkombëtare që na sigurojnë pjesëmarrje aktive dhe dinjitoze tonën në arenën globale.

    E informova bashkëbiseduesin për zhvillimet në Kosovë. I tregova pse Kosova e meriton të bëhet pjesë e UNESCO-s., si një vend shembullor i bashkëjetesës fetare, ku objektet fetare ruhen prej qindra vjetësh, si trashëgimi e qytetërimit tonë.

    Vatikan, 25 janar 2018 – Sekretarit të Selisë së Shenjtë, Paul Richard Gallagher i kërkova ndihmën e Selisë së Shenjtë që Kosova të bëhet pjesë e organizatave dhe marrëveshjeve ndërkombëtare që na sigurojnë pjesëmarrje aktive dhe dinjitoze tonën në arenën globale.

    GJATË PREZANTIMIT TË LIBRIT TIM NË GJUHEN ITALIANE NË ROMË

    Gjatë vizitës së parë zyrtare në Itali kam bërë edhe prezantimin e librit tim në gjuhën italiane, “Nulla è impossibile. Come ho costruito il mio successo” (Asgjë nuk është e pamundur. Si e ndërtova suksesin tim).

    Prezantimi është bërë në selinë “Dante Alighieri”, organizata më e madhe kulturore italiane dhe para personaliteteve të kulturës, artit, sportit, diplomatëve të akredituar në Romë, gazetarëve dhe ushtarakëve.

    Romë, 25 janar 2018 – Gjatë vizitës së parë zyrtare në Itali kam bërë edhe prezantimin e librit tim në gjuhën italiane, “Nulla è impossibile. Come ho costruito il mio successo”
    Romë, 25 janar 2018 – Audienca dhe bashkëshotrja e z.Pacolli, znj, Masha Pacolli, gjatë prezantimit të librit në gjuhën italiane, “Nulla è impossibile. Come ho costruito il mio successo”.
    Kopertina e librit në gjuhën italiane, “Nulla è impossibile. Come ho costruito il mio successo”.
    Ministri i Jashtëm kosovar Pacolli prezanton në Palazzo Firenze një pasqyrë kombëtare të autobiografisë së tij me titull “Asgjë nuk është e pamundur” (ed. Kairo), së bashku me prof. Andrea Riccardi dhe Paola Severini Melograni.
    Romë, 26 janar 2018 – Në takim me ndërmarrësit italianë, duke prezantuar reformat e Qeverisë dhe duke i ftuar për të investuar në Republikën e Kosovës.
    Romë, 26 janar 2018 – Në përfundimin e vizitës sime në Itali vendosa një kurorë me lule në Monumentin e Skënderbeut në Sheshin “Nënë Tereza”.