Prishtinë, 7 korrik 2023 –
Mbrëmë në ambientet elegante të Ambasadës së Shteteve të Bashkuara të Amerikës, nën patronatin e ambasadorit Hovenier, ishte organizua një pritje për të shënuar 247 vjetorin e Pavarësisë së SHBA-së.
Aty ishin shumë miq dhe dashamirës të SHBA, mes tyre edhe unë me bashkëshorten time Mashen.
Ishte një event i organizuar mirë dhe me shije. Faleminderit Amerikë, faleminderit Ambasador Hovenier.
Prishtinë, 23 mars 2022 –
Gruaja e parë në historinë e SHBA që ishte në krye të diplomacisë, do të ngelet përjetësisht në historinë e shqiptarëve si heroinë.
Ajo pati kurajon që me vendosmëri t’a udhëheq botën e lirë, për ndalimin e gjenocidit ndaj popullit tonë, clirimin e Kosovës dhe ndërtimin e shtetit.
Kosova duhet të shpllë ditë zie, në respekt të zonjës së madhe Albright.
Ajo ishte një person i jashtëzakonshëm. Do t’i kujtoj gjithmonë bisedat me të. Një ditë vërtet e trishtë për të gjithë ne në Kosovë.
Falemnderit zonja sekretare. Shpirti yt u prehtë në parajsë.
New York, 21 shtator 2019 –
Gjatë kësaj jave, liderë nga e gjithë bota kanë filluar të mblidhen në Kombet e Bashkuara në Nju Jork për të rënë dakord mbi Thirrjen Globale për Mbrojtjen e Lirisë Fetare të organizuar nga presidenti i SHBA-së, Donald Trump.
Është një mundësi e shkëlqyeshme për të bërë një bilanc të gjendjes se sa bota është e lirë dhe popujt që jetojnë në të po e gëzojnë këtë liri.
Edhe kësaj radhe udhëtova me aeroplanin tim personal drej New Yorkut, duke dëshmuar se lobimin për shtetin e bëj me parat e mia pa e shpenzuar buxhetin e Republikës.
Ndërsa Asambleja e Përgjithshme e Kombeve të Bashkuara mblidhet në Nju Jork këtë javë, më është kërkuar të vij dhe të flas për liritë fetare në Republikën e Kosovës, dhe nevojën që kombet në mbarë botën të riangazhohen për liritë fetare.
Java e OKB-së është një kohë ta çuaj e çmendur në Nju Jork. Lëvizja mund të jetë e vështirë me sigurinë e shtuar, protestues të ndryshëm dhe krerët e shteteve dhe vizitorë të tjerë të rëndësishëm që vijnë e shkojnë.
Por siç shkrova më lartë është gjithashtu një mundësi e jashtëzakonshme për të parë njerëz dhe për të diskutuar çështje me rëndësi reale për botën.
Dita e parë në OKB kam pasur rastin të kaloj pak kohë me Ministrin e Shtetit për Punë të Jashtme të Katarit Soltan bin Saad Al-Muraikhi këtë mëngjes.
Të gjithë të pranishmit janë tepër të ngarkuar në Nju Jork këtë javë, kështu që ishte shumë mirë prej tij të gjente kohë. Katari është një partner i besueshem i Kosovës dhe mbështet zhvillimin tonë ekonomik dhe politik.
Se fundi kemi hapur Ambasadën e Kosovës në Katar. Ne do të punojmë ngushtë për të forcuar lidhjet tona dhe për të forcuar më tej marrëdhëniet ekonomike dhe tregtare.
Investimet në Kosovë dhe vende të reja të punës janë fokusi im, që është arsyeja kryesore që jam këtu.
Në mëngjes pata rastin të takoj Ministren e Punëve të Jashtme të Guayanas Karen Cummings.
Guayana është një aleat diplomatik i Kosovës. Isha shumë i lumtur që e takova sepse unë kisha një marrëdhënie të shkëlqyer pune me paraardhësin e saj. Ajo ka mbrojtur Kosovën në shumë organizata ndërkombëtare dhe vazhdon të japë të njëjtën mbështetje.
Republika e Kosovës ka Ambasador jo-rezident dhe do t’i zgjerojmë marrëdhëniet tona duke promovuar bashkëpunimin politik dhe tregtar. Si shtete të vogla ne i qëndrojmë njëri-tjetrit afër në mbështetje.
Në vazhdën e punimeve të UNGA në New York, takim të shkëlqyeshëm kisha edhe me Ministrin e Punëve të Jashtme të Shën Vincentit dhe Grenadinet, z.Louis Straker.
Më bëri përshtypje Louis Straker, jo vetëm për mendimin dhe njohuritë e tij në lidhje me çështjet për të cilat punojmë si shtet, por edhe për angazhimin e tij për të vazhduar politikat e shtetit të Shë, Vincentit, të cilat kanë bërë përparim të vërtetë në ndihmën e popullit atje.
Kosova mezi pret të vazhdojë angazhimin me Saint Vincent dhe Grenadines për të zgjeruar bashkëpunimin dypalësh.
Ne do të punojmë ngushtë për të forcuar lidhjet tona dhe për të forcuar më tej marrëdhëniet ekonomike dhe tregtare. Investimet në Kosovë dhe vende të reja të punës janë fokusi im. Ne e vlerësojmë mbështetjen e tyre për Kosoven.
Në mbrëmje pata kënaqësinë të takoj përfaqësues të komunitetit shqiptar në Shtetet e Bashkuara të Amerikës, në pritjen e organizuar nga Konsullata e Kosovës në New York.
Është kënaqësi të dëgjosh për sukseset e shqiptarëve në Amerikë dhe të kesh mundësi t’i falënderosh për përkrahjen e parezervë që i kanë dhënë Kosovës dhe shqiptarëve në përgjithësi.
Roli i tyre është një ndër shtyllat mbi të cilat është ngritur liria dhe pavarësia e Kosovës.
Ditën e dytë në objektin e OKB-së e fillova së bashku me presidentin e Republikës së Kosovës, Hashim Thaçi, me të cilin ishim pjesmarrës në Thirrjen Globale për Mbrojtjen e Lirisë Fetare të organizuar nga presidenti i SHBA-së, Donald Trump.
Ndajmë vizionin e presidentit amerikan, Trump, për liritë fetare në botë. Kosova mbetet shembull për bashkëjetesën ndërmjet religjioneve.
Dhe po ashtu, Kosova e gatshme t’u bashkohet nismave të presidentit Trump për të përmirësuar këto të drejta thelbësore të njeriut.
Kënaqësi e veçantë ishte të shtrëngoja duart me Presidentin e SHBA-së, Donald Trump, dhe t’i shpreh mirënjohjen e popullit të Kosovës për mbështetjen e vazhdueshme nga ana e Shteteve të Bashkuara të Amerikës.
Kjo mbështetje ka qenë përcaktuese, fillimisht për mbijetesë, e më vonë për jetësimin e aspiratës për liri dhe pavarësi. Mbështetja gjithëpërfshirëse amerikane është jetike për ruajtjen e paqes dhe stabilitet në Ballkanin Perëndimor dhe në mbarë Evropën.
Nuk do të lejojmë që të cenohet kurrë marrëdhënia speciale që kemi me Shtetet e Bashkuara të Amerikës.
Edhe pse dita ishte shumë e ngjeshur me takime, në mbrëmje gjeta forcen të vazhdoj takimet me diasporën shqiptare në SHBA dhe komunitetin shqiptar që jeton dhe punon në New York.
Aty ishte i ftuar edhe Ministri në detyrë për Punët e Jashtme i Shqipërisë, Gent Cakaj.
Ishte kënaqësi të jam pjesë e pritjes madhështore të diasporës shqiptare në SHBA dhe komunitetin që jeton dhe punon në New York.
Ne jemi mirënjohës për mbështetjen e fortë që ata i japin atdheut të tyre dhe kontributin e jashtëzakonshëm për prosperitetin e Kosovës dhe Shqipërisë.
Më shumë takime për të mirën e Kosovës këtë pasdite. Me kaq shumë njerëz në qytet, është një mundësi e mrekullueshme për të takuar personalisht disa nga partnerët tanë.
Kam pasur kohë për të kapur hapin edhe të takoj dhe të diskutojë me Anwar Gargash, Ministër i Shtetit për Punë të Jashtme të Emirateve të Bashkuara Arabe.
Me të diskutuam për marrëdhëniet e shkëlqyera midis Kosovës dhe Emirateve të Bashkuara Arabe, mbështetjen e vazhdueshme që po i japin qëndrimit ndërkombëtar të Kosovës.
Tani jemi përqendruar për të rritur shkëmbimin dypalësh ekonomik dhe tregtar në një nivel më të lartë.
Dita e dytë në New York mëngjesin e hershëm me gjeti duke shkuar në kafe dhe takim me homologun tim nga Sllovakisë.
Takim ishte i shkëlqyeshëm pasi shkëmbyem ide me ministrin e Punëve të Jashtme të Sllovakisë, i cili njëherësh është edhe kryesues i OSBE-së, Miroslav Lajčák.
Bideduam për marrëdhëniet bilaterale dhe mbështetjen e vazhdueshme që Sllovakia i ka dhënë Kosovës drejt BE-së, NATO-së dhe OSBE-së.
Ne vazhdojmë angazhimin pragmatik me Sllovakinë për të promovuar perspektivën Euro-Atlantike të Kosovës dhe rajonit.
Kam kaluar ca kohë edhe me Sekretarin e Selisë së Shenjtë në Vatikan, Peitro Parolin. Ata kanë qenë partnerë të jashtëzakonshëm në përdorimin e Selisë së tyre dhe bazës së tyre të besimtarëve në mbarë botën për të rritur ndërgjegjësimin për liritë fetare.
Mirënjohës dhe falënderues për kontributin që Selia e Shenjtë i jep popullit shqiptarë. Sekretarit të Shtetit të Selisë së Shenjtë, Pietro Parolin, i bëra me dije se Kosova është e përkushtuar që të vazhdoj avancimin e raporteve me Vatikanin.
Tradicionalisht Kosova dhe Selia e Shenjtë kanë kultivuar marrëdhënie të shkëlqyera. Vizita e Sekretarit të Shtetit i Selisë së Shenjtë në Kosovë këtë vit ka hapur një kapitull të ri në marrëdhëniet tona të shkëlqyera.
Siç ndodh, takova një tjetër nga njerëzit që pa rreshtur punojnë dhe përkrahin Kosvën kudo që u ipet mundësia. z.Mark Brantley Kryeministër dhe Ministër i Jashtëm i shtetit të Saint Kitts dhe Nevis.
U takuam për të diskutuar strategjinë rreth kërkimit të atyre vendeve të fundit—të vështira—ku mbetet ende skepticizëm për mos njohjen e pavarsisë së Kosovës, dhe qasjet më të mira të mundshme që do të na lejonin ta mposhtnim propaganden serbe njëherë e përgjithmonë.
Përkushtimi i tyre për të ndihmuar Kosvën në këtë rrugëtim më la të inkurajuar – megjithëse askush në atë dhomë nuk kishte asnjë iluzion se do të ishte e lehtë.
I lumtur të punoj me miqtë e Kosovës nga çdo cep i botës.
Shkëmbim ideshë gjatë një ecje në rrugët e New Yorkut me ministrin e Punëve të Jashtme të Polonisë, Jacek Czaputowicz. Biseduam për rrugën e Kosovës drejt NATO-së dhe orientimin Euro-Atlantik të vendeve tona.
Fola edhe për lobimin për njohjen e Kosovës nga disa vende që ende hezitojnë të marrin këtë vendim.
Unë jam shumë i apasionuar pas kësaj teme dhe zakonisht preferoj ta diskutoj me orë të tëra. Në këtë rast, megjithatë, jam i lumtur të ndalem në tre minuta. Sepse arsyeja pse koha ime ishte e shkurtër është se kaq zgjati edhe ecja jonë.
Delegacioni ynë i nga Kosova do të marrë pjesë gjithashtu në dhjetëra ngjarje të organizuara nga partnerët tanë dhe ne jemi të zënë me planifikimin e takimeve private me delegacione nga e gjithë bota për të çuar përpara organiken specifike të punës sonë.
Diskutim dhe takimet shpesh i zhvilloja në këmb, koridore, ngjashëm ndodhi një takim i shkëlqyeshëm me ministren e Punëve të Jashtme të Sudanit, Asmaa Abdalla mbi marrëdhëniet e Kosovës me shtetin e Sudanit.
Ne e përgëzojmë qeverinë e re në Sudan për hapat që ka ndërmarrë drejt reformave. Ne do të angazhohemi së bashku për të rritur bashkëpunimin tonë me autoritetet e reja të Sudanit.
Gama e sfidave që ndodhin në kuadër të UNGA në New York është e frikshme, por çdo vit, unë jam i mahnitur nga ritmi i shpejtë me të cilin mund të ndodhë ky përparim kur angazhimi dhe burimet bashkohen.
Takimi ndodhi në këtë ritëm edhe me ministren e Jashtme të shtetit të Ganas, Shirley Ayorkor Botchway.
Gana është një nga shtetet Afrikane që ka mardhënie të shkëlqyera diplomatike me Republikën e Kosovës. Këtë më konfirmoi homologia ime Ayorkor Botchway, me të cilën do të vazhdojmë të punojmë së bashku dhe kërkojmë së shpejti të hapim Ambasadën e Kosovës në Ganë për të zgjeruar lidhjet tona.
Duke u fokusuar në mënyra të reja për të bërë gjërat dhe duke vazhduar të nxisin vendime të bazuara në të dhëna që tregojnë se çfarë funksionon, çfarë nuk dimë dhe ku duhet të ndërtojmë përparimin zhvillova takim me homologun nga Çekia.
Republika e Çekisë ka konfirmuar mbështetjen e fuqishme për Kosovën si shtet të pavarur dhe sovran dhe integrimin e saj në BE, NATO dhe organizata ndërkombëtare.
Me ministrin e Jashtëm, Tomash Petriçek, diskutuam mbi bashkëpunimin dypalësh midis dy shteteve tona. Ne jemi të përkushtuar të zgjerojmë partneritetin dhe miqësinë tonë të fortë.
Takim i frytshëm me kryeministrin e Saint Vincent dhe Grenadines, Ralph Gonzales. Me të bisedova për bashkëpunimin midis dy vendeve tona.
Ne mezi presim kontributin e tyre në anëtarësimin e Këshillit të Sigurimit të Kombeve të Bashkuara. Ne ramë dakord të punojmë më shumë në marrëdhëniet tona bilaterale për t’u bërë më të fortë.
Takim me Zëvendës Presidentin e Indonezisë Yusuf Kalla. Lidhjet tradicionale të Kosovës dhe Indonezisë vazhdojnë të thellohen.
Shteti i Indonezisë së shpejti pritet të njohë Kosovën dhe të hapë një kapitull bashkëpunimi dhe miqësie.
Diplomacia bëhet ndonjëherë në vende të qeta. I nderuar që takova dhe diskutova çështje me interes të ndërsjellë me Ministren e Punëve të Jashtme dhe Tregtisë të Xhamaika, Kamina J Smith.
Ne do të angazhohemi më tej për të zyrtarizuar marrëdhëniet mes dy shteteve.
Në kuadër të qëndrimit në New York kënaqësi të takoi Ministrin e Shtetit për Punët e Jashtme të Arabisë Saudite, Adel Al-Jubeir.
Vlerësova lartë nivelin shumë të mirë të marrëdhënieve midis dy vendeve tona dhe shpreha vullnetin për avancimin e mëtejshëm të tyre, duke u ndalur kryesisht në aspektin ekonomik.
Edhe pse ishim të ftuar në New York në kuadër të UNGA së bashku me partnerët e Ballkanit Perendimor dhe BE-së, u mbajt edhe takimi i Këshillit të Bashkëpunimit Rajonal.
Momenti i duhur që përfaqësuesit e Ballkanit Perendimor treguan pikat e forta drejtë të ardhmes në BE.
Shefi i diplomacisë kosovare tha se Kosova do të luaj rol aktiv në promovimin e bashkëpunimit dhe do të kontribuojë tutje për një mjedis të paqes, sigurisë dhe marrëdhënieve të fqinjësisë së mirë.
Shumë takim i përzemërt me Ministrin e Punëve të Jashtme të Antigua dhe Barbuda, Chet Greene. Kosova dhe Antigua dhe Barbuda kanë vendosur gjatë këtij viti marrëdhënie diplomatike.
Me këtë shtet do të shkëmbejmë shumë shpejt Ambasadorët. Ky do të jetë një hap i madh për Kosovën në forcimin e pozitës tonë diplomatike në rajonin e Karaibeve. Mirënjohës për mbështetjen e tyre.
Kam pasur rastin të kaloj pak kohë edhe me nënsekretaren e Përgjithshme të OKB-së për Çështje Politike, Ambasadoren, Rosemary Dicarlo. Ajo ka të bëjë me gruan më të ngarkuar në Nju Jork këtë javë, kështu që ishte shumë mirë prej saj të gjente kohë.
Duhet të flisja për zhvillimet e fundit në Kosovë dhe i ofrova vizionin tonë për marrëdhënien e Kosovës me OKB-në. Është kaq e rëndësishme që zëri i saj të vazhdojë të argumentojë se pse duhet edhe Kosova në të ardhem e afërt të jetë anëtare e barabart në OKB.
Ne mezi presim të forcojmë lidhjet dhe kontaktet. Ne kemi një histori të përbashkët, historinë e ndërtimit të shtetit të lidhur me Kombet e Bashkuara.
Kënaqësi për të shkëmbyer ide me kryeministrin e Tajlandës, Prayut Chan-o-Cha. Edhe njëher dëshmuam se këto dy shtete kanë marrëdhënie të shkëlqyera.
Miqësia jonë është e fortë dhe këtë vit hapëm Ambasadën tonë në Tajlandë për të forcuar më tej këto marrëdhënie. Kryeministrit tajlandez i shpreha gatishmërinë për të vizituar Bangkokin për të vazhduar bisedimet.
Miqësia jonë është tradicionalisht e fortë me Kroacinë. Takim i shkëlqyeshëm me Ministrin kroat i Punëve të Jashtme dhe i Çështjeve Evropiane Gordan Grlić Radman.
Ne jemi në të njëjtën linjë për çështje që kanë të bëjnë me të ardhmen Euro-Atlantike të Ballkanit dhe stabilitetin afatgjatë në rajonin tonë.
Ditën e tretë të qendrimit në New York e fillova duke kryesuar Konferencen e Procesit të Bashkëpunimit të Evropës Juglindore (SEECP).
Kjo ishte historike për mua dhe Kosovën, pasi për herë të parë në histori, Kosova ka marrë Kryesinë e Procesit të Bashkëpunimit të Evropës Juglindore (SEECP).
Ky është një hap i madh për Kosovën për të treguar lidership rajonal. Moment krenarie për Kosovën për të udhëhequr për një vit organizatën më të madhe dhe më të rëndësishme politike në rajonin tonë që bashkon Shqipërinë, BiH, Kroacinë, Slloveninë, Malin e Zi, Serbinë, Rumaninë, Greqinë, Turqinë, Maqedoninë e Veriut, Moldavinë.
Pas takimi të 3 shtatorit në Bled të Sllovenisë, bisedën e vazhduam në New York me të dërguarin e Posaçëm të Sekretarit Amerikan të Shtetit për Ballkanin H.E.Matthew Palmer.
Me Palmer shkëmbyem idetë për marrëdhëniet e shkëlqyera midis Kosovës dhe SHBA dhe angazhimit të vazhdueshëm të SHBA-vë për Kosovën.
Jam i përkushtuar që të angazhohem me ShBA në çështjet strategjike të Kosovës, përfshirë normalizimin e marrëdhënieve me Serbinë. Angazhimi i SHBA-së është garancë dhe besim i shtuar për Kosovën dhe proceset euroatlantike.
Kosova është e palëkundur në fuqizimin e partneritetit bilateral dhe strategjik, si dhe thellimin e miqësisë së përhershme me ShBA-në. Rikthimi në tavolinën e dialogut pa kushte dhe me afat dhe kornizë të qartë, për normalizimin e marrëdhënieve ndërmjet Kosovës dhe Serbisë, është rruga e vetme që dy shtetet i përafron me strukturat euro-atlantike.
Caktimi i Zëvendësndihmës Sekretarit, Matthew Palmer, si i dërguari i posacëm për këtë temë, nga Departamenti i Shtetit, është sinjal i mbështetjes së vazhdueshme për Kosovën nga ShBA-ja.
Interesimi i madh ishte edhe i mediave.
Washington, 17 korrik 2019 –
Rrugës për në Washington për të marrë pjesë me ftesë të Sekretarit Amerikan të Shtetit Mike Pompeo në Ministerialin e dytë për liritë fetare.
Mozaiku i Kosovës si një shtet i ri, multietnik dhe multi-fetar pasqyron një shembull konkret të ndērtimit të konceptit të avancuar të harmonisë nder-fetare të kultivuat me shekuj.
Do të mbaj shumë diskutime me zyrtarët amerikan dhe shumë vende të tjera për të shtyer prioritetet diplomatike të Kosovës.
Janë të ftuar më më shumë se 1,000 shoqëri civile dhe udhëheqës fetarë, dhe më shumë se 100 delegacione të huaja, mundësi e mirë të takojë zyrtarë nga e gjithë bota.
Ditën e parë të Ministerialit e hapi Sekretari Pompeo, i cili priti në takimin e dytë ministror për avancimin e lirisë fetare në Uashington më 16-18 korrik. Sekretari riafirmoi angazhimet ndërkombëtare për të promovuar lirinë fetare për të gjithë dhe për t’u fokusuar në rezultate konkrete që prodhojnë ndryshime të qëndrueshme dhe pozitive.
Një gamë e gjerë palësh të interesuara u mblodhën për të diskutuar sfidat, për të identifikuar mënyra konkrete për të luftuar persekutimin dhe diskriminimin fetar dhe për të siguruar respekt më të madh për lirinë e fesë ose besimit.
Ministeriali i 2019-ës ishte ngjarja më e madhe e lirisë fetare e këtij lloji në botë. Me më shumë se 1,000 shoqëri civile dhe udhëheqës fetarë, dhe më shumë se 100 delegacione të huaja të ftuar, mbledhja e këtij viti shënoi herën e parë që një Sekretar Shteti të mblidhte ministrore radhazi për të njëjtën çështje të të drejtave të njeriut.
Ministeriali inaugurues i vitit të kaluar ishte i pari që u fokusua vetëm në të drejtën e patjetërsueshme të njeriut për lirinë fetare.
Në fjalimin tim në Ministerialin mbi liritë fetare të thirur nga Sektetari Amerikan i Shtetit paraqita mozaikun multietnik dhe multi-fetar të Kosovës. Liria fetare është një parim që ka rëndësi për ne, për shkak të historisë sonë, trashëgimisë sonë dhe të ardhmes sonë.
Në rrugëtimin tonë përpara ne duhet të shohim përsëri në traditën tonë të gjatë të bashkëjetesës paqësore midis feve të ndryshme, ne, myslimanët, katolikët, ortodoksët, protestantët, hebrenjtë dhe shumë komunitete të tjera jetojmë së bashku në harmoni dhe bashkëjetesë.
Kushtetuta e Kosovës promovon praktikimin e pakufizuar të besimit dhe i jep trajtim të barabartë të gjitha feve në Kosovë dhe pasuesve të tyre. Ne kemi përfshirë instrumentet e Kombeve të Bashkuara dhe të Këshillit të Evropës si pjesë e sistemit tonë ligjor.
Aktualisht Parlamenti ynë është duke punuar për të miratuar një ligj modern mbi liritë dhe të drejtat fetare që i imponon këto instrumente ndërkombëtare dhe parimet tona kushtetuese në legjislacionin kombëtar. Kosova po krijon mekanizma institucionalë që do të forcojnë angazhimin e Qeverisë me të gjitha bashkësitë fetare në Kosovë.
Kosova është një shembull në rajon dhe më gjerë në lidhje me tolerancën ndërfetare dhe bashkëjetesën e religjioneve. Ne do të promovojmë këtë vlerë dhe trashëgiminë e Kosovës dhe jemi të lumtur ta ndajmë atë në mbarë botën.
Ne do të vazhdojmë të punojmë me qeverinë Amerikane për të adresuar rëndësinë e lirive fetare dhe për të marrë iniciativa të përbashkëta me partnerët tanë.
Dita e tretë filloi me fjalimin kryesor të Sekretarit Pompeo dhe Thirrjen për Veprim dhe seancën plenare hapëse. Më vonë atë mëngjes, zëvendëspresidenti Michael R. Pence mbërriti në Departamentin e Shtetit dhe mbajti komente.
Dy seanca të tjera plenare rrethuan drekën për krerët e delegacioneve në dhomën e Benjamin Franklin, ku ushtrues detyre i shefit të shtabit të Shtëpisë së Bardhë Mick Mulvaney dhe pastori Andrew Brunson të dy dhanë vërejtje.
Pas seancës së tretë plenare, ambasadori Brownback drejtoi fjalët përmbyllëse të ministrit dhe një konferencë përmbyllëse për shtyp.
Në Washington, në margjinat e ministerialit mbi liritë fetare, kisha një diskutim të shkëlqyeshem me ministrin e jashtëm të Izraelit, Israel Katz mbi marrëdhëniet midis Kosovës dhe Izraelit dhe bashkëpunimin konkret që dy vendet tona mund të kenë.
Ne do të eksplorojmë fusha me interes të ndërsjellë në dobi të vendeve tona dhe lidhjeve tradicionale.
Gjithmonë kënaqësi për të shkëmbyer mendime me Ministrin e Punëve të Jashtme të Polonise, Jacek Czaputowicz, për zhvillimet në Evropë dhe BB6 dhe bashkëpunimin tonë dypalësh.
Ne gjithashtu rishikuam rezultatet e Samitit tëPoznanit dhe shprehu mirënjohjen tonë për mbështetjen e fortë polake ndaj perspektivës së BE-së për Kosovën.
Takim shumë i rëndësishëm me Ndihmës sekretarin amerikan të shtetit Philip Reeker.
Aleanca jonë me SHBA është jashtëzakonisht e rëndësishme për të ardhmen euroatlantike. Përkushtimi amerikan për Kosovën është i palëkundër. Kosova është me fat që në rrugëtimin e vet ec përkrah shtetit më të fuqishëm dhe më demokratik të botës.
Në Washington është çdo herë kënaqësi për të shkëmbyer mendime me Sen Ron Johnson mbi zhvillimet në Kosovë dhe Western Balkans dhe angazhimin e Shteteve të Bashkuara në rajonin tonë për të trajtuar kërcënimet dhe për të ecur përpara me çështje kyçe thelbësore për stabilitetin rajonal dhe prosperitetin.
Gjithmonë i kënaqur kur e pashë mikun tim Kryetarin Rudy Giuliani dhe flasim për partneritetin Kosovë –United States dhe mënyrën se si të rritet më shumë kjo miqësi e palëkundur.
Kryetari Giuliani është një mbështetës dhe mik i fortë i Kosovës në SHBA.
Kosova dhe Antigua & Barbuda kanë vendosur sot marrëdhëniet diplomatike në Uashingtonit. Ky është një hap i madh për Kosovën në forcimin e pozitës tonë diplomatike në rajonin e Karaibeve.
Sot zhvillova një telefonatë me Ministrin e Punëve të Jashtme të Antigua dhe Barbuda Chet Greene dhe e falënderova atë për këtë kapitull të ri në marrëdhëniet tona dypalëshe dhe e sigurova për gatishmërinë tonë për të punuar ngushtë në çështje të rëndësishme për dy vendet tona.
Marrëveshjet u nënshkruan në Uashington DC nga ambasadori i Antigua dhe Barbuda, Sir Ronald Sanders dhe ambasadorja e Republikës së Kosovës, Vlora Çitaku.
Duke komentuar dy marrëveshjet, Sir Ronald tha se “ato janë në përputhje me politikat e administratës së Gaston Browne për të mbajtur marrëdhënie miqësore dhe bashkëpunuese me sa më shumë vende të jetë e mundur dhe për të hequr kërkesat për viza për turizmin, biznesin dhe investimet”.
Ambasadori Sanders vuri në dukje se me këtë heqje të fundit të kërkesave për viza, pasaporta e Antigua dhe Barbuda “vazhdon vlerësimin e saj të lartë si një nga më të fortat dhe më të pranueshmet në botë”.
Në ceremoninë e nënshkrimit, dy ambasadorët shprehën pikëpamjen e përbashkët se ndërlidhja globale në telekomunikacion dhe transport ofron mundësi reale për tregti, investime dhe turizëm, të cilat do të ndiqen me vrull.
Prishtinë, 6 korrik –
Mengjesin e sotëm, pata nderin ta kaloj së bashku me mikun e madh të Kosovës, kongresmenin Eliot Engell. Kontributi i Engel per vendin tonë është i njohur nga secili qytetar i Kosovës.
Kongresmeni Engel edhe sot nga pozicioni i udhëheqësit të komitetit për politikë të jashtme në kongresin e SHBA, ndihmon fuqizimin dhe zhvillimin e vendit tonë.
Faleminderit kongresman Engel.
Prishtinë, 12 mars 2019 –
Takim me një delegacion të bizneseve amerikane, të cilat kanë shprehur interesim për eksplorimin e ekosistemit të Teknologjisë Informative dhe të Inovacionit në Kosovë, duke mos përjashtuar mundësitë tjera të investimeve dhe bashkëpunimit ekonomik.
Delegacioni i kryesuar nga konsullja e Kosovës në SHBA, Teuta Sahatqija, Ani Zeldan, kryeshef ekzekutiv i “Quantum Media Group”, themeluesja e “Partners in Digital Health”, Tory Cenaj, avokati Nelson Happy dhe gazetari nga “The Washington Diplomat”, Larry Luxner, u interesuan rreth klimës së të bërit biznes në Kosovë dhe rreth projekteve në sektorin e TIK dhe atë të energjisë.
Biseduam për një sërë temash, ku ua shpjegova potencialin që Kosova ka për zhvillim dhe hapësirën qe u ofrohet bizneseve të huaja për investime, si dhe folëm për sistemin e taksave që është shumë i avancuar.
Ndër të tjera, e potencova faktin qe Kosova vazhdon të mbetet një nga vendet në të cilin bizneset ruse dhe kineze nuk kanë arritur të hyjnë, e kjo i jep avantazh qysh në start bizneseve Perëndimore.
I informova se Kosova ka një sistem fiskal shumë të favorshëm për biznese, është një qendër lidhëse në Evropë dhe se Banka Botërore e ka cilësuar si vendin e dytë në rajon në raportin e të bërit biznes.
“Kosova ka një sistem fiskal shumë të favorshëm për biznese, është vendi me borxhin më të vogël publik përshtatur GDP-së, është urë lidhëse me vendet e Evropës dhe ka qasje në tri porte detare, atë të Selanikut, Durrësit dhe të Malit të Zi. Në raportin e të bërit biznes Kosova radhitet e 40-ta në botë dhe e dyta në rajon”
Sektori i TIK-ut, është i vetmi sektor në Kosovë i cili ka bilanc tregtar pozitiv dhe është sektor i cili u ka mundësuar të rinjve të vendit të punojnë për vendet e Bashkimit Evropian dhe më gjerë, është sektor në të cilin ka projekte të ndryshme dhe nga i cili gjenerojnë vende pune.
“Sektori i teknologjisë informative është sektor i cili ka bilanc tregtar pozitiv dhe është sektor në të cilin kompanitë vendase kryejnë shërbime ‘outsource’ për kompanitë në Evropë, SH.B.A. dhe më gjerë dhe është sektor në të cilin truri nuk ikën nga vendi. “Projekti Kosovo Digital Economy”, (KODE), në të cilin projekt me ndihmën e Bankës Botërore do të investohen 25 milionë euro për shtrirjen e infrastrukturës së rrjetit të internetit në 96% të territorit të Kosovës me synim të veçantë në zonat rurale”
Poashtu, u fokusuam tek potenciali njerëzor që Kosova ofron, me një rini të shkolluar dhe të gatshme për tregun e punës, gjë për të cilën delegacioni i bizneseve amerikane e vlerësoi si një elemet kyq për këdo që dëshiron të investojë në Kosovë.
Prishtinë, 12 mars 2018
Shtetet e Bashkuara të Amerikës kanë qenë gjithherë pranë nesh në ditët më të vështira për popullin dhe në proceset më të rëndësishme për vendin.
Sot ishte ditë me fat për Kosovën sepse Demarkacioni pothuajse është çështje e mbyllur. Ishte ditë me fat sepse kishim mysafirë edhe Ndihmës-Sekretarin e Shtetit amerikan për Evropë dhe Euro-Azi, Wes Mitchel.
Thellësisht mirënjohës për mbështetjen gjithëpërfshirëse dhe të palëkundur amerikane. Krenar, që populli i Kosovës në veçanti dhe shqiptarët në përgjithësi janë populli më pro-amerikan në botë.
Aleat dhe partner të përhershëm strategjik.
Prishtinë, 12 mars 2018
Kryeministri i Republikës së Kosovës, Ramush Haradinaj, priti në takim Ndihmës Sekretarin e Shtetit të SHBA-ve për Çështje Evropiane dhe Evroaziatike, Wess Mitchell, i cili po qëndron për vizitë zyrtare në Kosovë.
Në fokus të bisedës ishin zhvillimet politike në vend, mbështetja që SHBA-të po japin në ndërtimin dhe konsolidimin e Kosovës, si dhe thellimi i bashkëpunimit ndërmjet dy vendeve.
Kryeministri Haradinaj falënderoi Ndihmës Sekretarin Mitchell për ndihmën e pakursyer të SHBA-ve, duke theksuar nevojën për mbështetje të mëtejme në të gjitha proceset integruese të Kosovës, por edhe në zhvillimin ekonomik dhe në forcimin e sundimit të ligjit.
“Mbështetja që SHBA-të i kanë dhënë dhe po i japin Kosovës në të gjitha proceset e shtetndërtimit dhe tani në rrugën e saj euroatlantike, është jetike për Republikën e Kosovës. Ne jemi mirënjohës për gjithë atë që Shtetet e Bashkuara të Amerikës kanë bërë dhe po bëjnë për Kosovën, e po ashtu të gjithë ne jemi të përkushtuar për miqësi të përhershme me SHBA-të”, tha kryeministri Haradinaj.
Më tej, kryeministri Haradinaj tha se Qeveria që ai drejton është e fokusuar në zbatim dhe prioritet e ka zhvillimin ekonomik të vendit.
Në këtë takim, po ashtu u bisedua për krijimin e ushtrisë së Kosovës përmes një procesi kushtetues dhe ligjor, si dhe për dialogun me Serbinë, për të cilin kryeministri tha se duhet të përmbyllet me njohje reciproke.
Ndihmës Sekretari i Shtetit të SHBA-ve për Çështje Evropiane dhe Evroaziatike, Wess Mitchell, rikonfirmoi mbështetjen e Shteteve të Bashkuara ndaj Kosovës në të gjitha fushat, duke inkurajuar që të punohet më shumë në forcimin e sundimit të ligjit, por edhe në rritjen ekonomike.
Në takim të pranishëm ishin zëvendëskryeministri dhe ministri i Jashtëm, Behgjet Pacolli, zëvendëskryeministrat Enver Hoxhaj dhe Dalibor Jevtiq, zëvendës ambasadorja amerikane në Kosovë, Colleen Hyland dhe ambasadorja e Kosovës në SHBA, Vlora Çitaku.
Prishtinë 12 shtator 2017
Në ditët e para pas pranimit të detyrës zyrtare kam pritur në takime të ndara të kortezisë ambasadorët e shteteve të huaja të akredituara në Kosovë.
Në takimet me ta kam shprehur përkushtimin dhe angazhimin e fuqishëm të Qeverisë së re për rritjen e dinamikës në politikën e jashtme nëpërmjet udhëheqjes së një diplomacie proaktive.
Kurse në takim me ambasadorin e Shteteve të Bashkuara të Amerikës në Kosovë, Greg Delawie, diskutuam pozicionin aktual dhe prioritetet e politikës së jashtme të Kosovës.
Ndër të tjera kërkova edhe bashkëpunim të ngushtë me përfaqësuesit e SHBA-së për konsolidimin e shtetësisë së Kosovës.
Mbështetja e SHBA-së në proceset e shtetndërtimit, është e rëndësisë së madhe që Kosova të shënojë sukses.
Prishtinë, 11 shtator 2017
Kryeministri i Republikës së Kosovës Ramush Haradinaj i shoqëruar nga zëvendëskryeministri Behgjet Pacolli, sonte në Sheshin “Skënderbeu” në kryeqytet kanë ndezur qirinj në përkujtim të viktimave të sulmit të 11 shtatorit 2001, në Qendrën Botërore Tregtare në New York.
“Duke qenë thellësisht falënderues për atë çfarë Qeveria e ShBA-së dhe populli bujarë amerikan ka bërë për lirinë e Kosovës, pavarësinë dhe shtendërtimin, populli i Kosovës dhe Qeveria e tij, do të mbështesë gjithnjë dhe pa hezitim SHBA-në, në luftën kundër terrorizmit global dhe do të qëndrojë paluhatshëm përkrah popullit amerikan në ditë të vështira, por edhe në gëzime e festa”, ka thënë kryeministri Haradinaj me këtë rast.