Prishtinë, 7 mars 2019 –
Ambasadorën jo-rezidente të Panamasë në vendin tonë, Anabella Guardia de Rubinoff, e informova për të gjitha proceset e rëndësishme, që po kalon vendi si në nivel vendor ashtu edhe atë ndërkombëtar.
Kosova dhe Panamaja kanë arritur, që të ndërtojnë marrëdhënie të shkëlyeshme. Në vazhdim, diskutuam edhe mbi situatën në Venezuelë.
E ritheksova qëndrimin tonë të palëkundur se Kosova ka njohur, z. Guaido, dhe legjitimitetin e tij si të vetmin përfaqësues të qytetarëve në Venezuelë në përputhje me qëndrimet e aleatëve tanë dhe atyre të Lima Group.
Vlerësuam bashkërisht se dy shtetet tona kanë potencial të thellimit të raporteve bilaterale në shumë fusha të interesit të përbashkët.