Durrës – Thumanë, 5 dhjetor 2019 –
Në mes të përgatitjeve për fillimin e punimeve ndërtimore që finansohën nga ana jonë, isha në vendet e prekura nga tërmeti dhe vizitova familjet e pastrehë në Fushë-Kruje dhe Thumanë.
Në mbrëmje isha në Krujë dhe vizitova dy kampet ku ishin strehuar të pastrehët. Erdhi edhe Kryeministri Rama.
Durimi dhe kurajoja që mbretëronte te të gjithë ishte mbresëlënëse. Zoti qoftë me ta!
Prishtinë, 5 dhjetor 2019 –
Deklaratë e turpshme dhe e neveritshme e mohimit të masakrës së Reçakut nga Presidenti serb Vuçiç. Ai akt ishte një krim i rëndë kundër njerëzimit nga policia dhe ushtria serbe. Komandanti i njësisë që kreu masakrën e Reçakut Goran Radosavljević mbrohet nga miku i tij Vuçiç.
Që nga viti 2009, Radosavljevic është anëtar i Partisë Progresive Serbe. Ai është në Bordin Ekzekutiv të Partisë së Vuçiçit dhe është mbrojtur politikisht nga Vuçiç dhe rrethi politik që ata mbështesin që mbron të dyshuarit e nivelit të lartë për krime lufte në Kosovë.
Radosavljeviç ishte në krye të policisë dhe operacionit ushtarak në Racak më 15 janar 1999. Përveç kësaj, njësitë që ai komandonte janë përgjegjës për vrasjen e dhjetëra civilëve shqiptarë në masakrën e Qyshkut dhe janë implikuar edhe në masakrën e të burgosurve në Dubravë .
Radosavljeviç ishte përgjegjës për “operacionet e pastrimit” dhe gjatë komandës së tij të qendrës stërvitore Petrovo Selo, zyrtarë të lartë të MPB-së mbikëqyrën së paku 75 trupa që ishin transportuar në kamionë frigoriferikë për në Petrovo Selo.
Politika e mohimit të krimeve të luftës nga
Serbia dhe Presidenti i tyre Vuçiç duhet të dënohen gjerësisht dhe të mos pranohen si realitet. Komuniteti ndërkombëtar duhet të dalë kundër mohimit të masakrës së Reçakut. Ky është një akt kundër viktimave dhe shkon kundër pajtimit.
Prishtinë, 4 dhjetor 2019 –
Ne jemi unik si kurrë më parë, sepse të bashkuar s’ka tërmet që na ligështon!
Sot, jemi të gjithë të nderuar nga Presidenti shqiptar Ilir Meta, me ndarjen e dekoratave për njësitet e kërkim shpëtimit të Kosovës që shërbyen për t’i dalë në ndihmë Shqipërisë pas tërmetit tragjik.
Këtë nder na e krijoi Ushtria jonë, e cila me profesionalizëm e në heshtje, pa mburrje e vet-reklamë kreu misionin e saj të shenjtë kushtetues dhe patriotik, që ia ka besuar populli i Kosovës!
Me gatishmërinë tonë, duke vënë në funksion të gjithë mekanizmat shtetëror ndaj vëllezërve dhe motrave andej kufirit, morëm një mesazh historik, se ne shqiptarët nuk jemi më në dimrin e vetmisë së madhe.
Jemi rritur vetë dhe kemi shumë miq që na duan.
Krenar me Forcën tonë!
Prishtinë, 2 dhjetor 2019 –
Kam pritur në takim Ambasadoret e vendeve të Quintit dhe të Bashkimit Evropian në Kosovë. Në këtë takim kam diskutuar për prioritet e politikës së jashtme të Kosovës dhe veçmas përkushtimin tonë për koordinim të ngushtë me të gjitha shtetet partnere në agjendën ndërkombëtare.
Kam siguruar ambasadorët se në mesin e prioriteteve kryesore është vendosmëria për të përdorur politikën e jashtme të Kosovës jo vetëm për të zgjeruar dhe ushtruar sovranitetin por edhe për qëllime të politikës së brendshme sikurse janë rritja e investimeve të huaja direkte në Kosovë.
Unë shpreha protestën dhe shqetësimin tonë për fushatën e ndyrë diplomatike dhe propagandistike të Serbisë. E bëra shumë të qartë se njohja e Kosovës dhe anëtarësimi i saj në organizata ndërkombëtare është faktori më i rëndësishëm për normalizimin e marrëdhënieve me Serbinë.
Kjo është një vijë e kuqe për Kosovën dhe për Serbinë më mirë që më shpejt sesa më vonë të pranojnë realitetin për të mirë të së ardhmes së saj dhe të të gjithë rajonit.
Dusseldorf, 29 nëntor 2019 –
I Iumtur që në Dusseldorf kemi përuruar Konsullatën e Përgjithshme të Kosovës me qëllim forcimin e marrëdhënieve të Kosovës me Gjermaninë, ofrimin e shërbimeve më të mira dhe efektive konsullore për diasporën tonë që jeton në zonën përreth Dusseldorfit në NRW dhe të promovojë marrëdhënie ekonomike dhe tregtare me ekonominë më të madhe në Evropë.
Jam i lumtur që gjatë mandatit tim rrjeti diplomatik dhe konsullor i Kosovës është zgjeruar dhe ne jemi më afër diasporës sonë.
Objekti i Konsullatës së Përgjithshme të Republikës së Kosovës është gati, funksional dhe me kapacitet të plota të punës për tu përgjigjur kërkesave të shtetasve tanë.
Bashkatdhetarët tanë me banim në Landin e Nordrhein-Westfalhen (NRW), nga data 25 Nëntor 2019 munden ti drejtohen Konsullatës së Përgjithshme në Dusseldorf për tu pajisur me dokumentacionin e nevojshëm.
Thumane – Durrës, 28 Nëntor 2019 –
Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri. Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.
Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë #1milion Euro për rindërtimin e zonave të prekura nga tërmeti. Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt.
Kjo është më e pakta që unë dhe familja ime mund të bëjmë për Shqipërinë tonë të dashur. Mbështetja ime për vëllazerit tonë do të jetë e vazhdueshme dhe shpresoj së shpejti ata të kthehen në normalitet.
Unë pres po ashtu që në menyrë të organizuar të pranoj edhe qindra familje këtu në Prishtinë.
Prishtinë, 28 nëntor 2019 –
Kosova përgjatë këtyre njëmbëdhjetë viteve shtet u identifikua në botë me shumë figura të sportit, kulturës e shkencës, si ambasadorët më të mirë të saj.
Por, puna e Trajnerit të Xhudos, z.Driton Kuka, dhe kampiones Olimpike të Xhudos, znj.Majlinda Kelmendi, që kanë bërë për imazhin e Kosovës është e paarritshme nga të tjerët.
Për këtë kontribut sot në këtë ditë të veçantë për kombin tonë nderova të dy me titullin “Ambasador të Vullnetit të Mirë të Kosovës”.
Titulli që iu dha Kukës dhe Kelmendit, duhet të inkurajojë të gjithë sportistët kosovarë, të cilët duhet ta konsiderojnë rrugën e tyre si një mundësi të promovimit të vlerave të sportit, kulturës, dhe trashëgimisë tonë.
Trajner i Xhudos, Driton Kuka, ka falënderuar ministrin Pacolli, duke potencuar se Majlinda është Xhudistja më e mirë në botë.
Kurse kampionia Olimpike e Xhudos, Majlinda Kelmendi tha se është krenar që përmes sportit ka rritur ta përfaqësoj Kosovën denjësisht.
“Për mua sot është dit e veçantë, falënderoj Pacollin për mirënjohjen jam krenare që përmes sportit që po e bëj kam arrit me përfaqësua Kosovën, do të bëjë ende për vendim tim”, tha ajo.
Thumane – Durrës, 27 nëntor 2019 –
Mbërrita sot në zonat e prekura të tërmetit në Shqipëri që la shumë të vdekur dhe të plagosur ndërsa shkatëroj shumë shtëpi dhe banesa.
Në Thumane vizitova komunitetet e prekura. Unë shpreha mbështetjen institucionale dhe private(ne koordinim me autoritetet perkatese aty) për qytetarët e Thumanes dhe të Shqipërisë. Kjo është situata më tragjike në 20 vjet për të gjithë kombin shqiptar dhe unë do të qëndroj në mbështetje me ata.
Vlerësova ndihmën e ushtarëve të Kosovës dhe të zjarrefikësve që po japin gjithqka nga profesionalizmi i tyre. Jam shumë krenar për ndihmën dhe solidaritetin nga Kosova në Shqipëri në orët e fundit. Solidariteti dhe mbështetja masive tregon lidhjet e vëllazërore.
Ne duhet të vazhdojmë dhe të sigurohemi që të gjitha familjet e prekura do të kenë së shpejti një çati për t’u rikthyer jetës normale. Ky është një mision kombëtar tani.
Në Durrës vizitova zonën e prekur nga tërmeti shkatërrues. Takova gjithashtu kryeministrin Edi Rama dhe i shpreha atij në emër të popullit të Kosovës ngushëllimet për vdekjen e civilëve.
Unë e sigurova atë për mbështetjen institucionale dhe atë të qytetarëve të Kosovës. Do të punojmë ngushtë në kapacitete institucionale për të ndihmuar komunitetin.
Ishte një nder i madh kur shihja sot ushtarët e Forcave të Sigurisë së Kosovës që ofronin ndihmë shpëtimi në zonat e prekura nga tërmeti shkatërrues në Shqipëri.
FSK-ja është një ushtri profesionale dhe e përkushtuar për të ofruar mbrojtje dhe ndihme për njerëzit në Kosovë dhe jashtë saj.
FSK-ja si forcë është e gatshme të jetë anëtare e NATO-s dhe ka arritur standardet më të larta të NATO-s që e bëjnë atë të gatshëm për misione ndërkombëtare. Djema ju e keni bërë krenar tërë kombin.
Tiranë, 25 nëntor 2019 –
Shqiptarët jetojnë të ndarë në disa shtete të Ballkanit Perëndimor. Ata janë një popullsi që e ka tejkaluar shifrën prej 7.5 milionë banorësh, duke u renditur ndër tre popujt më të mëdhenj të këtij rajoni.
Rritja e popullsisë shqiptare vazhdon të jetë ndër më të lartat në Europën e sotme. Në këtë frymë u mblodhëm në Tiranë ku u propozua unifikimi i politikës së jashtme Kosovë-Shqipëri.
Ministria për Evropën dhe Punët e Jashtme e Shqipërisë kësaj radhe ishte organizatore e konferencës mbarëkombëtare me temë “Roli i Shqipërisë në promovimin e interesave kombëtare të shqiptarëve në hapësirën e Ballkanit Perëndimor”.
Të pranishëm në këtë konferencë ishin zyrtarë, akademikë, përfaqësues të shoqërisë civile nga Shqipëria, Maqedonia e Veriut, Kosova, Mali i Zi dhe Lugina e Preshevës, ndërsa kishte si objektiv krijimin e një platforme të përbashkët bashkëpunimi në nivel mbarëkombëtar.
Unë argumentova qartë për një integrim shumë më të fortë në sferën shqiptare. Ne duhet të punojmë ngushtë për të unifikuar ekonomitë tona dhe për të thelluar integrimin në të gjitha sferat që do të forcojnë pozicionin tonë si dy shtete në rajon dhe më gjerë.
“Në vendet tona kërkohet modesti, vetëm me modesti mund të jemi më afër problemeve, qytetarëve, afër kërkesave të kombit. Modesti prej Shqipërisë do të thotë koordinim pa zhurmë. Ne duhet të jemi bashkë dhe të harmonizojmë interesat kombëtare. Të ngrihemi mbi akuzat që na i frymëzon padituria dhe axhenda e vobektë partiake, interesat partiake, lokaliste, rajonale dhe lojërat për zgjedhjet e radhës”
Sipas asaj që thash, elita politike e Shqipërisë “duhet të na ndihmojë të jemi bashkë dhe se kur jemi bashkë jemi më të ditur dhe më të fortë”.
“Mënyra e vetme që ne të fitojmë paqen me Serbinë është zhvillimi ynë i përbashkët me strategji të përbashkët, forcimi i marrëdhënieve me perëndimin dhe jo dobësimi i marrëdhënieve me ta. Elita politike e Shqipërisë duhet të na ndihmojë të jemi bashkë”
Në fjalën e tij në konferencë ministri në detyrë për Evropën dhe Punët e Jashtme i Shqipërisë, Gent Cakaj, tha se kjo mbledhje e faktorëve politik shqiptarë nga gjithë rajoni mund të jetë e vonuar, por sipas tij, kurrsesi nuk mund të konsiderohet e padobishme.
“Takime të kësaj natyre janë të nevojshme gjithmonë, jo vetëm se jemi pak ditë para festës së pavarësisë, por edhe sepse ndryshimi i rrethanave politike në rajon, Evropë e më gjerë kërkon një rivlerësim të kujdesshëm politik dhe një gjykimi kritik nga faktori shqiptar në Ballkanin Perëndimor. Bashkërendimi i qëndrimeve politike sot nuk është vetëm një detyrim historik dhe kombëtar, por dhe një interesim që duhet të shfaqet nga ana jonë nga pikëpamja politike dhe strategjike në përgjithësi”
Sipas tij, Shqipëria si shteti qendror dhe më i madh i shqiptarëve duhet të ketë një rol më të madh në angazhimet e saj në rajon.
“Shqipëria këtë rol nuk mund ta luajë as me një diktat nga lart e as të njëanshëm pa konsultime, por këtë duhet ta bëjë në bashkëpunim të ngushtë me ju dhe në koordinim të vazhdueshëm me faktorin shqiptar në përgjithësi. Kjo mbledhje i shërben rritjes së komunikimit mes nesh, bashkërendimit të qëndrimeve politike, thellimit të diskutimeve dhe marrëdhënieve institucionale”
Monako, 28 tetor 2019 –
Kur kishin mbetur vetëm 24 orë përpara hapjes së Konferencës së 36-të Ministrore të Frankofonisë dhe përgatitjet përfundimtare po bëheshin në Forumin Grimaldi në Monako, unë arrita atje.
Në Monako gjithmon shkoj me dëshirë të madhe pasi që Kosova e ka gëzuar gjithnjë përkrahjen e Prinicipatës, sidomos për anëtarësime në organizata ndërkombëtare dhe në forume sportive.
Veprimtaria dyditore do të mbledhë së bashku përfaqësues nga 88 shtetet anëtare dhe qeveritë e Organizatës Ndërkombëtare të Frankofonisë (IOF) në Principatë. Kosova u bashkua në vitin 2014 si një shtet vëzhgues dhe vitin e kaluar e ngritem statusin e Kosovës në Shtet Anëtar i Asocuar.
Ky është një rezultat i angazhimit të fuqishëm të Kosovës në Frankofoni dhe me shtetet e saj anëtare. Momente krenarie dhe mburrje kur sheh se në mesin e gjithë flamujve të shteteve pjesmarrëse ishte edhe ai i Kosovës.
Me prezantuesen Maïtena Biraben që vepron si zonja e ceremonive, H.E. Serge Telle, Ministri i Shtetit, do të nisë konferencën e nivelit të lartë, së bashku me H.E. Louise Mushikiwabo, Sekretarja e Përgjithshme e IOF, dhe H.E. Zohrab Mnatsakanyan, Ministri armen i Punëve të Jashtme dhe President i Konferencës së 36-të Ministrore të IOF.
Përveç fjalimeve zyrtare, temë kryesore e ceremonisë së hapjes do të jenë të rinjtë, të cilët janë shtylla unifikuese e botës frëngjishtfolëse.
Prandaj, procedurat do të shfaqin interluda artistike me mirësjellje të Little Singers of Monaco, kërcimtarë nga Akademia e Kërcimit Princess Grace dhe një mesazh të dorëzuar nga studentët nga kampusi Sciences-Po në Menton.
Ekipet në Forumin Grimaldi, të cilët, duhet thënë, janë mësuar mirë të trajtojnë ngjarje të mëdha ndërkombëtare (takimet e IOC, UNEP, Interpol, etj.), kanë punuar fort që nga e enjtja e 25 tetorit, nën mbikëqyrjen e Ministrisë së Punëve të Jashtme dhe Bashkëpunimit, për konceptin e ngjarjes dhe për ngritjen e hapësirave që do të përdoren për seancat e ndryshme.
Salle Prince Pierre, i cili do të presë ceremoninë e hapjes, është transformuar për të paraqitur një pamje të madhe dhe të animuar të Principatës gjatë një dite të tërë.
Në ditën e dytë të Konferencës së 36-të të Ministrave të Punëve të Jashtme të Frankofonisë në Monaco kam zhvilluar shumë takime bilaterale.
Qëllimi ishte të vazhdojë angazhimin timë për të kundërshtuar agresionin diplomatik dhe propagandistik serb dhe t’i shpjegojmë botës mënyrën e ndyrë që Serbia po përdor kundër Kosovës.
Iu drejtova Konferencës së Ministrave të Punëve të Jashtme të Frankofonisë ku prezantova arritjet e Kosovës dhe angazhimin tonë për misionin e Frankofonisë. Theksova nevojën që bashkësia ndërkombëtare të vazhdojë të mbështesë Kosovën në nivelin gkobal si kontributi më i rëndësishëm për paqen dhe stabilitetin në rajon dhe si njohje të rolit konstruktiv që luan Kosova.
Ne do të vazhdojmë të angazhohemi me të gjitha vendet në mënyrë miqësore dhe bashkëpunuese dhe i bëj thirrje të gjithëve ta njohin Kosovën si një shtet të pavarur dhe të na mbështesin në përpjekjen tonë për anëtarësim në organizata ndërkombëtare.
Takim i shkëlqyeshëm me Chancel Sekode Ndeugbay, Ministrin e Republikës së Afrikës Qendrore Delegat për Frankofoninë.
Ne rikonfirmuam marrëdhëniet e forta ndërmjet Kosovës dhe Republikës së Afrikës Qëndrore dhe angazhimi tonë për të çuar më tej miqësinë dhe partneritetin tonë në fushat me interes të ndërsjellë.
Diskutim i shkëlqyeshëm në Monako me Ministrin e Jashtëm të Chadit z.Mahamat Zene Cherif. Dy vendet tona kanë një miqësi dhe partneritet të fortë që daton prej shumë vitesh.
Chadi ka mbështetur vazhdimisht Kosovën dhe ne do të punojmë së bashku për të thelluar më tej miqësinë tonë.
Shkëmbim i mirë me Ministrin e Jashtëm të Monakos z.Laurent Anselmi për lidhjen e shkëlqyeshme ndërmjet Kosovës dhe Monakos dhe mbështetjes së tyre të vazhdueshme për anëtarësimin e Kosovës në organizatat ndërkombëtare.
Ne do të punojmë së bashku për të eksploruar lidhjet ekonomike dhe tregtare.
