Aleanca Kosova e Re

Author: Liridon Llapashtica

  • Në kuadër të vizitave në disa shtete të kontinentit të Afrikës, takova kryeministrin e Kenyas, Raila Odinga

    Në kuadër të vizitave në disa shtete të kontinentit të Afrikës, takova kryeministrin e Kenyas, Raila Odinga

    Kenya, 10 tetor 2012

    Në kuadër të vizitave në disa shtete të kontinentit të Afrikës, zëvendëskryeministri I Kosovës, z.Behgjet Pacolli ka vizituar Kenyan, ku është pritur nga kryeministri i këtij shteti z.Raila Odinga.

    Zëvendëskryeministri Pacolli informoi kryeministrin Odinga me proceset politike në Kosovë, me theks të veqantë për proceset e përmbyllura suksesshëm, përmbushjen e plotë të pakos së Ahtisarit, që rezultoi me përmbylljen e suksesshme të pavarësisë së mbikqyrur.

    Në këtë kontekst, zëvendëskryeministri Pacolli, tha se njohja e shtetit të Kosovës nga të gjitha shtetet e botës, është vendim që respekton plotësisht të drejtën ndërkombëtare dhe vullnetin e qytetarëve të Republikës së Kosovës.

    Në anën tjetër, kryeministri Odinga, i konfirmoi zëvendëskryeministrit Pacolli se shteti i tij është duke e trajtuar me seriozitet njohjen e Kosovës, dhe në këtë drejtim rezultati do të bëhet public në të ardhmen e afërt.

  • Me kryeministrin Thaçi, takuam zv/presidentin e Burundit, Therence Sinunguruza

    Me kryeministrin Thaçi, takuam zv/presidentin e Burundit, Therence Sinunguruza

    E premte, 28 shtator, 2012, Nju Jork – Kryeministri i Republikës së Kosovës, Hashim Thaçi, i shoqëruar nga Zëvendës Kryeministri Pacolli kanë takuar Zëvendës Presidentin e Burundit, Therence Sinunguruza, i cili ishte i shoqëruar nga Ministri i Jashtëm i Burundit, me të cilët kanë biseduar për shumë çështje.

    Gjatë takimit, Kryeministri Thaçi njoftoi Zëvendës Presidentin Sinunguruza në lidhje me zhvillimet e fundit në Republikën e Kosovës duke përfshirë reformat politike, ekonomike, si dhe veçanërisht me procesin e suksesshëm të përmbylljes së mbikëqyrjes së pavarësisë.  

    Kryeministri gjithashtu theksoi se Republika e Kosovës ka marrëdhënie të shkëlqyera me të gjitha vendet fqinje, përveç Serbisë, me të cilin shtet Kosova është e përkushtuar ti normalizojë raportet për të jetuar në një fqinjësi të mirë si dy shtete sovrane dhe të pavarura.

    Sipas kryeministrit Thaçi – “Republika e Kosovës ka për qëllim dhe vizion integrimin në BE, NATO, si dhe gjithashtu edhe në Organizatën e Kombeve të Bashkuara, prandaj është e përkushtuar që të punojë dhe të ndërmarrë të gjithë hapat e duhur që të përmbush këtë vizion” theksoi Kryeministri Thaçi.

    Kryeministri Thaçi kërkoi nga Zëvendës Presidenti njohjen e shpejtë të Republikës së Kosovës nga shteti i Burundit, si hap të nevojshëm për fillimin e ndërtimit të raporteve diplomatike ndërmjet dy vendeve. Ndërsa Zëvendës Presidenti Sinunguruza së bashku me Ministrin e Jashtëm të Burudnit ftuan Zëvendës Kryeministrin Pacolli në një vizitë zyrtare në Burundi ku do të diskutohej për ndërtimin e marrëdhënieve bilaterale në mes të dy shteteve.  

  • Në vazhdim të qëndrimit në Nju Jork, takova presidentin e Ganës, John Dramani Mahama

    Në vazhdim të qëndrimit në Nju Jork, takova presidentin e Ganës, John Dramani Mahama

    Nju Jork, 28 shtator 2012

    Në vazhdim të qëndrimit në Nju Jork, zëvendëskryemninistri Behgjet Pacolli ka takuar presidentin e Ganës John Dramani Mahama

    Gjatë këtij takimi, zëvendëskryeministri Pacolli falenderoi presidentin Mahama për vazhdimin e mbështetjes për Republikën e Ksovës.

    Zëvendëskryeministri Pacolli, ka vlerësuar se raportet miqësore të Kosovës me Ganën, janë të një rëndësie të veqantë. Sipas tij, Kosova është e përkushtuar që të thellojë bashkëpunimin ndërshtetëror me këtë shtet të fuqishëm afrikan.

    Në anën tjetër, edhe presidenti Mahama, tha se shteti I tij do të vazhdojë fuqishëm të qëndroj në krah të Republikës së Kosovës, dhe të japë kontributin në shtimin e njohjeve të reja.

  • Ministrit të Jashtëm Lubinda, i kërkova njohjen e shpejtë të Republikës së Kosovës nga Zambia

    Ministrit të Jashtëm Lubinda, i kërkova njohjen e shpejtë të Republikës së Kosovës nga Zambia

    New York, 27 shtator 2012

    Në vazhdim të qëndrimit në Nju Jork, zëvendëskryeministri i parë i Qeverisë së Republikës së Kosovës, z.Behgjet Pacolli ka takuar ministrin e punëve të jashtme të Zambisë z. Given Lubinda.

    Zëvendëskryeministri Pacolli njoftoi ministrin Lubinda me proceset politike nëpër të cilat ka kaluar Kosova veqanërisht pas shpalljes së pavarësisë me 2008.

    Gjithashtu, zëvendëskryeministri Pacolli njoftoi ministrin Lubinda edhe me vendimin e GJND-së dhe përfundimin e suksesshëm të pavarësisë së mbikqyrur.

    Në këtë kontekst, zëvendëskryeministri Pacolli, kërkoi nga ministri Lubinda njohjen e shpejtë të Republikës së Kosovës.

    Në anën tjetër, ministry Lubinda tha se shteti I tij, nuk ka ndonjë arsye për të mos e njohur Republikën e Kosovës. Zoti Lubinda, ftoi zëvendëskryeministrin pacolli në një vizitë zyrtare në shtetin e tij, gjatë muajit tetor.

  • Presidenti i Beninit, Yayi Boni, premtoi se do të vazhdoj të angazhohet te shtet tjera afrikane që të njohin Kosovën

    Presidenti i Beninit, Yayi Boni, premtoi se do të vazhdoj të angazhohet te shtet tjera afrikane që të njohin Kosovën

    New York, 27 shtator 2012

    Në vazhdim të qëndrimit në Nju Jork, zëvendëskryemninistri Behgjet Pacolli ka takuar presidentin e Beninit, z.Yayi Boni, njëherësh kryesues i Unionit Afrikan.

    Gjatë bisedës shumë miqësore, zëvendëskryeministri Pacolli falenderoi presidentin Boni për angazhimin e tij personal dhe të shtetit të tij në drejtim të njohjeve të reja për Republikën e Kosovës.

    Në këtë kontekst, zëvendëskryeministri Pacolli, mori premtimin nga presidenti Boni për vazhdim të përkrahjes deri në përmbylljen e procesit të njohjes së Kosovës nga të gjitha vendet afrikane.

    Sipas agjendës, zëvendëskryeministri Pacolli do të zhvillojë takime me delegacionet e Ganës, Domenicas, Lesothos etj.

  • Insistova për njohjen nga ministri i punëve të jashtme të Seychelles, Jean-Paul Adam

    Insistova për njohjen nga ministri i punëve të jashtme të Seychelles, Jean-Paul Adam

    New York, 27 shtator 2012

    Në vazhdim të aktiviteteve lobuese në Nju Jork, zëvendëskryeministri i parë i Qeverisë së Kosovës, z.Behgjet Pacolli ka takuar ministrin e punëve të jashtme të Seychelles, z. Jean-Paul ADAM.

    Gjatë këtij takimi, zëvendëskryeministri Pacolli informoi ministrin Adam me zhvillimet aktuale politike në Kosovë, për procesin e përfundimit të suksesshëm të pavarësisë së mbikqyrur dhe procesin e njhjeve të Republikës së Kosovës.

    Në këtë kontekst, zëvendëskryeministri Pacolli kërkoi nga ministry Adam njohjen sa më të shpejtë të Republikës së Kosovës, dhe fillimin e ndërtimit të marëdhënieve diplomatike ndërmjet të dyja vendeve.

    Në anën tjetër, kryeministri Spencer, ka thënë se vendi I tij nuk është kundër pavarësisë së Kosovës, ndërkaq njohja formale do të ndodhë shumë shpejt.

    Zëvendëskryeministri Pacolli njoftoi ministrin Adam, se në kuadër të turneut të tij të ardhshëm në shtetet afrikane, në muajin tetor, do të zhvillojë edhe një vizitë në shtetin e Seychelles.

  • Në vazhdim të aktiviteteve lobuese takova kryeministrin e Antigua Barbudas, Baldwin Spencer

    Në vazhdim të aktiviteteve lobuese takova kryeministrin e Antigua Barbudas, Baldwin Spencer

    New York, 27 shtator 2012

    Në vazhdim të aktiviteteve lobuese për shtimin e njohjeve të reja për Kosovën, zv/kryeministri Pacolli ka takuar kryeministrin e Antigua Barbudas, Baldwin Spencer, të cilin e informoi hollësisht me zhvillimet aktuale politike në Kosovë, për procesin e përfundimit të suksesshëm të pavarësisë së mbikëqyrur dhe respektimin e plotë të planit të presidentit Ahtisari.

    Pacolli kërkoi nga kryeministri Spencer njohjen sa më të shpejtë të Kosovës, si hap me rëndësi drejt fillimit të ndërtimit të marrëdhënieve ndërshtetërore. Në anën tjetër, kryeministri Spencer, ka thënë se njohja e Kosovës, është në agjendën e shtetit të tij.

  • Në New York me kryeministrin Thaçi takuam zv/presidentin e Sudanit Jugor, Riek Machar Teny

    Në New York me kryeministrin Thaçi takuam zv/presidentin e Sudanit Jugor, Riek Machar Teny

    E mërkurë, 26 shtator, 2012, Nju Jork – Kryeministri i Republikës së Kosovës, Hashim Thaçi, i shoqëruar nga Zëvendës Kryeministri Pacolli si dhe Ministri i Punëve të Jashtme z. Enver Hoxhaj kanë takuar Zëvendës Presidentin e Sudanit Jugor, Dr Riek Machar Teny, me të cilin kanë biseduar për shumë çështje.

    Gjatë takimit, Kryeministri Thaçi njoftoi Zëvendës Presidentin Teny në lidhje me zhvillimet e fundit në Republikën e Kosovës duke përfshirë reformat politike, ekonomike, si dhe veçanërisht me procesin e suksesshëm të përmbylljes së mbikëqyrjes së pavarësisë.

    Sipas kryeministrit Thaçi – “Republika e Kosovës ka për qëllim dhe vizion integrimin në BE, NATO, si dhe gjithashtu edhe në Organizatën e Kombeve të Bashkuara, prandaj është e përkushtuar që të punojë dhe të ndërmarrë të gjithë hapat e duhur që të përmbush këtë vizion” theksoi Kryeministri Thaçi.

    Kryeministri Thaçi kërkoi nga Zëvendës Presidenti njohjen e shpejtë të Republikës së Kosovës nga shteti i Sudanit Jugor, si hap të nevojshëm për fillimin e ndërtimit të raporteve diplomatike ndërmjet dy vendeve. Ndërsa Zëvendës Presidenti i Sudanit Jugor z. Teny, gjatë takimit ftoi Kryeministrin e Republikës së Kosovës z. Thaçi për një vizitë shtetërore në Sudanin Jugor, ku do të diskutohej për ndërtimin e marrëdhënieve bilaterale në mes të dy shteteve.

  • Lobimin me kryeministrin Thaçi e vazhduam duke kërkuar njohjen e shtetit të Kosovës edhe nga Tanzania

    Lobimin me kryeministrin Thaçi e vazhduam duke kërkuar njohjen e shtetit të Kosovës edhe nga Tanzania

    Nju Jork, 25 shtator 2012

    Në vazhdim të qëndrimit në Nju Jork, kryeministri i Republikës së Kosovës, Hashim Thaçi, bashkë me zëvendëskryeministrin Behgjet Pacolli kanë takuar ministrin e Punëve të Jashtme të Tanzanisë, Bernard Membe.

    Kryeministri Thaçi njoftoi ministrin Membe edhe njëherë me proceset politike nëpër të cilat ka kaluar Kosova, veçanërisht me procesin e përmbylljes së pavarësisë.

    Sipas kryeministrit Thaçi, Kosova tashmë është shtet i konsoliduar që ka transmetuar seriozitet tek bashkësia ndërkombëtare.

    Thaçi e Pacolli i këkuan edhe nëjherë ministrit Membe njohjen e shpejtë të Republikës së Kosovës nga Tanzania, si hap të nevojshëm për fillimin e ndërtimit të raporteve diplomatike ndërmjet dy vendeve.

    Në këtë kontekst, kryeministri Thaçi nëpërmjet ministrit, z.Bernard Membe i përcolli ftesën Presidentit të Tanzanisë Yakaya Kikwete për një vizitë zyrtare në Republikën e Kosovës.

  • Me kryeministrin Thaçi në New York takuam presidentin e Guinesë Ekuatoriale, Teodoro Obiang

    Me kryeministrin Thaçi në New York takuam presidentin e Guinesë Ekuatoriale, Teodoro Obiang

    Nju Jork, 25 shtator 2012–

    Në vazhdim të vizitës zyrtare në Nju Jork, kryeministri i Republikës së Kosovës, Hashim Thaçi, i shoqëruar nga zëvendëskryeministri Behgjet Pacolli kanë takuar Presidentin e Guinesë Ekuatoriale z. Teodoro Obiang Nguema Mbasogo.

    Kryeministri Thaçi njoftoi Presidentin Mbasogo me proceset politike nëpër të cilat ka kaluar Kosova në rrugëtimin e saj të shtetndërtimit, veçanërisht me procesin e përmbylljes së pavarësisë.

    “Kosova tashmë është shtet i konsoliduar, demokratik që ka transmetuar seriozitet tek bashkësia ndërkombëtare, si dhe konsiderohet faktor i rëndësishëm i paqes dhe stabilitetit në rajon” tha kryeministrit Thaçi.

    Kryeministri Thaçi si dhe Zëvendës Kryeministri Pacolli i kërkuan Presidentit Mbasogo njohjen e shpejtë të Republikës së Kosovës nga Guinea Ekuatoriale, si hap të nevojshëm për fillimin e ndërtimit të raporteve diplomatike ndërmjet dy vendeve.