Crans Montana Forum do të mbahet në Kosovë. Është rast shumë i mirë i Kosovës, që të jetë nikoqire e forumit të radhës të Crans Montana, që do të mbahet në Prishtinë.
Kisha takim produktiv me Presidentin e Forumit Crans Montana, z. Pierre Emannuel Quirin.
Sipas idesë dhe propozimit tim jemi dakorduar për organizimin e Forumit prestigjioz botëror Crans Montana në Kosovë gjatë këtij viti.
Prishtinë, 15 janar 2019 –Shtrëngim duarsh me Presidentin e Forumit Crans Montana, z.Pierre Emannuele Quirin. Takimi me të u zhvillua në zyrat e MPJ-së në Prishtinë.
“Kam nderin që sot keni vizituar Kosovën dhe keni shprehur vullnetin që të dëgjoni nga afër për zhvillimet këtu në vend e po ashtu edhe të arriturat tona drejt konsolidimit të shtetit tonë me shumë sfida përpara”
Kosova do të jetë nikoqire e kësaj ngjarje të madhe të nivelit ndërkombëtar.
Ky forum i ka dhënë hapësirë të respektuar Kosovës në të kaluarën dhe është një nga ngjarjet ku Kosova mund të promovohet dhe fuqizohet në aspektin ndërkombëtar, meqë pjesëmarrësit janë vendimmarrës të rëndësishëm të botës.
Jashtëzakonisht i lumtur dhe krenar për shtrirjen graduale të përfaqësimit të Republikës së Kosovës në botë. Edhe në një kryeqytet të fuqishëm botërorë, Lisbona, arritëm që të ngritim flamurin e Republikës së Kosovës në oborrin e Ambasadës më 12 mars 2019.
Zyrat e Ambasadës u funksionalizuan në fillim të marsit.
Hapja dhe zyrtarizimi i ambasadës tonë në Portugali u kurorëzua sot me prezentimin e letrave kredenciale nga ambasadori ynë Ylber Kryeziu.
Lisbonë, 10 janar 2019 – Ambasadori Kryeziu dorëzoi letrat kredenciale tek Presidenti i vendit Sh.T.Z Marcelo Rebelo de Sousa, më datë 10 janar 2019.
Ambasadori Kryeziu dorëzoi letrat kredenciale tek Presidenti i vendit Sh.T.Z Marcelo Rebelo de Sousa, më datë 10 janar 2019.
Portugalia është shtet i rëndësishëm dhe me histori të pasur ndikimi në pjesë të ndryshme të botës.
Mbështetja e shtetit portugez në vazhdimësi ka qenë e fuqishme për vendin tonë, andaj këtë partneritet tash e tutje do ta thellojmë edhe më shumë.
Lisbonë, 10 janar 2019 – Ambasadori Kryeziu pasi dorëzoi letrat kredenciale tek Presidenti i vendit Sh.T.Z Marcelo Rebelo de Sousa, i’u dha mundësia të zhvillonte një takim me presidentin Rebelo de Sousa.
RRETH MARRËDHËNIEVE
Kosova dhe Portugalia gëzojnë marrëdhënie miqësore dhe vitet e fundit, këto marrëdhënie kanë hyrë në një fazë të re dhe të avancuar.
Me hapjen e Ambasadës në Portugali, Kosova ka bërë hapin e madh drejtë vendosjes së një partnetiteti të veçantë me Republikën e Portugalisë, duke shprehur kështu interesin e saj politiko-diplomatik për thllim të marrëdhënieve dypalëshe dhe për të hapur një kapitull i ri të lidhjeve mes dy popujve tanë.
Lisbonë, 10 janar 2019 – Ambasadori Kryeziu dorëzoi letrat kredenciale tek Presidenti i vendit Sh.T.Z Marcelo Rebelo de Sousa, më datë 10 janar 2019.
Pikënisje e këtyre marrëdhënieve të mira është padyshim fakti që Portugalia është një ndër vendet e para që kanë njohur Kosovën shtet të pavarur dhe sovran.
Portugalia ka kryesuar Presidencën e BE katër herë radhazi në momente me ndjeshmëri historike për Kosovën dhe sidomos në 2007 gjatë fazës finale të negociatave në Vjenë për statusin e Kosovës ku ajo u perpoq te kontribuoje dhe koordinoje ne veprime të përgjithsme dhe koherente me shtetet e tjera të BE-së.
Lidhjet mes dy popujve tanë u krijuan fillimisht përmes Forcave te Armatosura te Portugalisë të cilët kanë shërbyer në Kosovë. Rreth 7000 ushtarë portugezë, përfshirë një numër të konsideruar punonjësish në misionet europiane dhe ato ndërkombëtare, kanë shërbyer në vendin tonë për dy dekada.
Lisbonë, 10 janar 2019 – Ambasadori Kryeziu duke respektuar garden shtetrore të Portugalisë në oborrin presidencial para se të dorëzoi letrat kredenciale tek Presidenti i vendit Sh.T.Z Marcelo Rebelo de Sousa.
Ky numër i madh dinamik po afirmon gjithnjë e më tepër lidhjet dhe marrëdhëniet dypalëshe duke u shëndërruar kështu në një urë ndërnjerëzote, kulturore dhe ekonomike bashkëpunimi. Keto janë, njëherësh, edhe themelet e marrëdhënieve tona të së ardhmës.
Populli i Kosovës i është mirënjohës popullit të Portugalisë për njohjen dhe përkrahjen e jashtëzakonshme dhënë Kosovës për dekada me radhë, të cilat kanë kontribuar shumë në përparimin e qëllimeve tona parësore në rrugën e integrimeve Euro-Atlantike, forcimin e paqes dhe stabilitetit rajonal.
Sot, Portugalia vazhdon të jetë zë i rëndësishëm i mbështetjes dhe te pa rezervē të proceseve demokratike dhe reformuese të vendin tonë në rrugën e integrimeve Euro-Arlantike, liberalizimit të vizave dhe forcimit të pozitës së Kosovës në kuadrin e marrëdhënieve shumëpalëshe dhe integrim të plotë në sistemin ndërkombëtar.
Lisbonë, 10 janar 2019 – Ambasadori Kryeziu duke respektuar garden shtetrore të Portugalisë në oborrin presidencial para se të dorëzoi letrat kredenciale tek Presidenti i vendit Sh.T.Z Marcelo Rebelo de Sousa.
Në këto dy vitet e fundit, përtej sfidave në përballjen me pndeminë, në marrëdhëniet me Portugalinë ka patur risi të dukshme; kjo pasi dialogut politik, tashmë në nivel të shkëlqyeshëm, po i shtohen vlera të rëndësishme si interesi për shkëmbime ekonomiko-tregëtare dhe investime, rritja e turizmit, bashkëpunimit në arsim dhe shkëmbime kulturore.
Në Portugali jeton një numër i vogël i komunitetit kosovar i cili është i integruar kretësisht në shoqërinë portugeze dhe i cili jeton identitetin e tij të dyfishtë si pasuri dhe vlerë e shtuar në marrëdhëniet kulturore dhe historike mes dy vendeve tona.
Ztr. Ylber Kryeziu u dekretua si Ambasador i parë i Republikës së Kosovës në Republikën e Portugalisë.
Unë kalova dy ditë në Gjermani javën e parë të vitit 2019.
Ditën e mërkurë (9 janar 2019) e kalova në qytetin e Frankfurtit, ku vizita ime më solli në kontakt me njerëz të ndryshëm.
Nga Frankfurti zgjodha trenin për të udhëtuar drejt Berlinit, ku nesër (10 janar 2019) do të zhvillojë vizitën zyrtare në Republikën Federale të Gjermanisë.
Frankfurt, 9 janar 2019 – Në tren duke udhëtuar në drejtim të Berlinit. Këto udhëtime me tren të japin mundësi të konsultoja të gjitha dokumentet që kisha me vete e që bisedonim në takim.
Arsyeja kryesore që po udhëtoja drejt Berlinit ishte takimi me homologun tim gjerman, Heiko Mass, me të cilin do të diskutojmë shumë çështje të interesit të përbashkët. Mbështetja gjermane për vendin tonë është kruciale në konsolidimin e shtetit dhe mbylljen e procesit të normalizimit të raporteve me Serbinë.
Pritja ishte organizuar sipas protokollit të shtetit gjerman. Ishte nder, respekt dhe mikëpritje e pashembullt nga homologu gjerman, Maas.
Ministri i Jashtëm Federal Heiko Maas (L), SPD, takohet me Behgjet Pacollin, ministër i Jashtëm i Kosovës, në Berlin, 10 janar 2019.
Takimi ishte shumë miqësor, konstruktiv dhe pëmbajtësor. Gjermania është dëshmuar si partner strategjik dhe aleat i palëkundur i Kosovës nëpër të gjitha fazat e shtet-ndërtimit.
Është partneri i fuqishëm tregtar me vendin tonë, por ne presim dhe thërrasim për investime edhe më të mëdha gjermane në Kosovë, që do të ndihmonin në zhvillimin e gjithmbarshëm të vendit dhe krijimin e vendeve të reja të punës për shtetasit tanë.
Gjermania mbështet fuqishëm normalizimin e marëdhënieve Kosovë-Serbi, proces i cili nënkupton epilog të njohjes reciproke dhe anëtarësim të Kosovës në OKB.
Pas takimit bilateral mes dy delegacioneve dolëm në konferenc për media. Për atë se çfarë kemi deklaruar ka prezantuar edhe webfaqja e Bundestagut gjerman. I është dhënë rëndësi dialogur Kosovë – Serbi.
Berlin, 10 janar 2019–Takim me homologun gjerman, Heiko Maas, gjatë vizitës zyrtare në Gjermani.
Kosova dhe Serbia duhet të pajtohen
Rruga drejt BE- së çon përmes pajtimit dhe reformave reale. Ministri i Jashtëm Maas i ka premtuar homologut të tij kosovar mbështetje në këtë drejtim.
Ministri i Jashtëm Maas priti të enjten (10 janar) në Berlin homologun e tij nga Kosova Behgjet Pacolli.
Vizita zyrtare e Zv/kryeministrit të parë z.Behgjet Pacolli në Republikën Federale të Gjermanisë.
“I bëjmë thirrje Kosovës dhe Serbisë që të kthehen në një dialog konstruktiv”, tha Maas pas bisedës. Sipas ministrit të Jashtëm, fakti që të dyja vendet zhvillojnë marrëdhënie normale me njëra-tjetrën është një nga kushtet më të rëndësishme për afrimin me BE- në.
Marrëdhëniet me Serbinë në fokus
Kohët e fundit ka pasur pengesa në marrëdhëniet ndërmjet Kosovës dhe Serbisë. Serbia ka bërë fushatë kundër pranimit të vendit fqinj në Interpol, ndërsa Kosova ka vendosur një tarifë 100 për qind të importit për produktet serbe.
“Kemi biseduar edhe për faktin se këtu në Gjermani kemi patjetër shqetësime për përdorimin e tarifave ndëshkuese”, theksoi Maas pas takimit me Pacollin.
Berlin, 10 janar 2019 – Gjatë konferencës për media me homologun tim gjerman Heiko Mass.
Gjermania mbështet perspektivën e BE-së
Në të njëjtën kohë, ministri i Jashtëm theksoi mbështetjen e Gjermanisë për ambiciet e BE-së të Kosovës dhe shteteve fqinje. “Ne qëndrojmë pranë perspektivës së BE-së të vendeve të Ballkanit Perëndimor”, tha Maas.
Megjithatë, mbështetja është e lidhur me kushte të qarta. Parakushtet më të rëndësishme për Kosovën përfshijnë, për shembull, përparimin në luftën kundër krimit të organizuar dhe korrupsionit.
Berlin, 10 janar 2019 – Gjatë konferencës për media me homologun tim gjerman Heiko Mass. Gjermania mbështet fuqishëm normalizimin e marëdhënieve Kosovë-Serbi, proces i cili nënkupton epilog të njohjes reciproke dhe anëtarësim të Kosovës në OKB.
Ndihmoni me reformën dhe pajtimin
Ashtu si shumica e shteteve të tjera të Ballkanit Perëndimor, Kosova është ende shumë larg përmbushjes së standardeve të BE-së . Prandaj Gjermania po ofron mbështetje aktive.
Qeveria federale jo vetëm që mbështet projektet për rritje më të madhe ekonomike dhe infrastrukturë më të mirë, por gjithashtu i kushton vëmendje të veçantë një procesi të ndershëm pajtimi në rajon.
Për shembull , së bashku me partnerët e saj në BE , Gjermania po mbështet organizatën e saj rinore për rajonin e Ballkanit Perëndimor, e cila i bashkon të rinjtë përtej kufijve.
Ministri i Jashtëm Federal Heiko Maas (L), SPD, takohet me Behgjet Pacollin, ministër i Jashtëm i Kosovës, në Berlin, 10 janar 2019.
Me rastin e festave të fundvitit, si Zëvendëskryeministër dhe ministër i Jashtëm, organizova të premten në mbrëmje një pritje për korin diplomatik të akredituar në Kosovë, duke vendosur për herë të parë traditën e pritjes të Ambasadorëve të akredituar në Kosovë.
Po ashtu, në darkë i ftova edhe krerët e shtetit, si presidentin Hashim Thaçi, kryeministrin Ramush Haradinaj, si dhe kabinetin qeveritarë.
“Ju miqtë tanë të shumtë na keni ndihmuar në çdo hap. Ne jemi një shtet i krijuar nga fillimi. Themelet janë ndërtuar të forta. E gjitha kjo është një eksperiencë unike për të gjithë. Për ne kosovarët, por dhe për miqtë tanë ndërkombëtarë. Ne kemi ulur në nivel zero konfliktualitetin ndëretnik. Ne gjatë vitit të kaluar treguam se i zgjidhim krizat politike me qetësi si çdo vend demokratik. Koha e përplasjeve të ashpra duket se mori fund”
Prishtinë, 19 dhjetor 2018 – Me rastin e darkës që shtrova për korin diplomatik të akredituar në Republikën e Kosovës dhe për krerët e institucioneve të Republikës së Kosovës.
Vazhdova prezantimin duke vlerësuar se, së bashku me krerët e Institucioneve të vendit kemi punuar në vazhdimësi për ta shndërruar Kosovën në një histori suksesi dhe duke i kontribuar sigurisë globale.
“Si drejtues i diplomacisë në afro 3 muaj, së bashku me Presidentin, me Kryeministrin, me Kryetarin e Parlamentit dhe akterë të tjerë, me miqtë e Kosovës, ne jemi angazhuar që ta shndërrojmë Kosovën në një histori suksesi global. Ne po e afirmojmë unin tonë ndërkombëtar. Ne po e pohojmë njësinë tonë brenda një territori me kufij të caktuar. Ne po i kontribuojmë sigurisë globale. Ne nuk mund të jemi një vrimë e zezë e pavendosmërisë së askujt”,
Para të pranishmëve thash se procesi i integrimit ndërkombëtarë të Kosovës mund ndoshta të vonojë pak por, askush nuk mund ta ndalë atë, duke kërkuar për mbështetjen e anëtarësimit të Kosovës në OKB.
Potencova se Kosova ka bërë rreshtimin me perëndimin dhe kjo nuk ndryshon në jetë të jetëve.
Prishtinë, 19 dhjetor 2018 – Me rastin e darkës që shtrova për korin diplomatik të akredituar në Republikën e Kosovës dhe për krerët e institucioneve të Republikës së Kosovës.
” Ne na duhet integrimi ndërkombëtar, dhe nuk çojmë kurrfarë peshe në përplasjet botërore. Ne na duhet vëmendja globale për lajme të mira dhe jo për lajme negative. Ndaj do ju lutesha të nderuar miq ndërkombëtarë, të kapërceni diferencat e vogla, të mëdha, mes jush; na ndihmoni në mënyrë afatgjatë, kompaktë, dhe me vizion, na mbështesni për hyrjen në OKB”
Në fund, ai ka shprehur besimin se viti 2019 do jetë vit i veprave të mëdha infrastrukturore, i zhvillimit më të madh ekonomik, konsolidimit të shtetit, i afirmimit të shtetësisë dhe diplomacisë kosovare.
Në këtë pritje morën pjesë, ambasadori i ShBA-ve, ai britanik, gjerman, italian, turk dhe ambasadorë të vendeve të tjera.
Në ndërkohë, mysafirë të pritjes ishin edhe presidenti Thaçi, kryeministri Haradinaj, ish-presidenti Sejdiu, anëtarë të kabinetit qeveritar, personalitete tjera nga biznesi, dhe përfaqësues nga mediet.
Me rastin e festave të fundvitit kam organizuar në Hotelin Swiss Diamond pritje për gazetarë.
I kam falënderuar gazetarët për punën e bërë gjatë vitit 2018, për kontributin e jashtëzakonshëm me prezantimin e gjithë procesit që Republika e Kosovës e ka kaluar me sukses të plotë.
“Ka qenë një vit i suksesit për shtetin tonë, për qytetarët. Ju falënderoj juve përfaqësuesit e gjitha mediave për prezantimin korrekt të punës së qeverisë, e po ashtu ju falënderoj edhe për vërejtjet dhe kritikat”
Prishtinë, 19 dhjetor 2018 – Me rastin e pritjes së gazetarëve për festat e fundvitit si shenjë respekti për punën dhe angazhimin e tyre.
U shpreh duke shtuar se : “nëse ndokush meriton vlerësimin më të lartë gjatë këtij viti për gjitha angazhimet, ju jeni nga ata që meritoni këtë vlerësim më të lartë për klimën e krijuar të shprehjes së lirë, mediave të lira”.
Ritheksova përkushtimin e përhershëm të Ministrisë së Punëve të Jashtme për partneritet të vazhdueshëm për kultivimin e medias së lirë në Kosovë.
Në shtëpin time kam pritur takim të rregullt pune, Ambasadorin jo-rezident të Japonisë në Kosovë, z. Kiyoshi Koinuma. Qëllimi i këtij takimi ishte se vitin e ardhshëm shënohet 10 vjetori i marrëdhënieve diplomatike dhe organizohet Forum Ekonomik Kosovë-Japoni.
Në kuadër të këtij takimi është diskutuar në lidhje me zhvillimet e fundit politike në vend, ndërkohë që vëmendje e posaçme i është kushtuar avancimit të marrëdhënieve dy-palëshe në mes dy vendeve.
Për qëllimin e njëjtë, të dy diskutuam në lidhje me organizimin e ceremonisë për shënimin e dhjetë vjetorit të marrëdhënieve diplomatike në mes dy vendeve në fillim të vitit të ardhshëm dhe po ashtu organizimin e një Forumi Ekonomik në mes dy vendeve, që pritet të mbahet në gjashtë mujorin e parë të vitit 2019.
Prishtinë, 18 dhjetor 2018 – Takim pune me Ambasadorin jorezident të Japonisë në Republikën e Kosovës, Kiyoshi Koinuma.
Në fjalimin tim në takimin e MSA në Bruksel, sikurse në shumë sqarime që i kam bërë BE-së në të kaluarën, theksova se askush nuk reagonte kur Serbia e BeH shkelnin CEFTA-n, se Serbia duhet të ndalohet nga BE në keqpërdorimin e dialogut, dhe obstrukcionet e saj kunder Republilës së Kosovës.
Ka mbaruar koha për qasje asimetrike dhe standarde të dyfishta ndaj Republikës së Kosovës. Është koha për korrektësi dhe penalizim të Serbisë nga ana e BE, këtë e kërkova me ngulm.
Përfaqësueses së Lartë Mogherini, z. Danielsson, dhe përfaqësuesve të shteteve anëtare të BE-së, i’u bëra me dije se Republika e Kosovës mirëpret Këshillin e Tretë të Stabilizim Asociimit ndërmjet Kosovës dhe BE-së, me qëllim të rishikimit të progresit dhe sfidave në rrugën tonë europiane.
Përkundër neglizhencës dhe mungesës së qartësisë për perspektivën tonë europiane nga ana e BE-së, Republika e Kosovës është fuqimisht e vendosur për anëtarësimin në BE si prioritet i lartë i saj, gjersa vazhdon të punojë pandërprerë për të arritur zbatimin e plotë të MSA-së, dhe të respektojë obligimet e kontratës sonë të përbashkët.
Bruksel, 16 dhjetor 2018 – Në fjalimin tim në takimin e MSA në Bruksel.
“Me bindje të plotë mund të them se nuk ka vend në Europë më të përkushtuar ndaj idealeve të Bashkimit Europian se sa Kosova. Vlerat tona janë vlerat tuaja, shpresat tona për fëmijët tanë janë të njëjta me shpresat tuaja për fëmijët tuaj”
Kosova është shoqëri dinamike, që ka rini edhe më dinamike. Ata nuk i gëzojnë liritë që për ju janë normale. Ata nuk mund të udhëtojnë lirshëm, nuk mund të tregtojnë lirshëm, nuk mund të luajnë lirshëm dhe nuk mund të jenë pjesëmarrës të plotë dhe të barabartë në komunitetin e kombeve të lira.
Në takimin e MSA në Bruksel, së bashku me kryeministrin Ramush Haradinaj, ministrin e drejtësisë, Abelard Tahiri dhe antarë tjerë të kabinetit qeveritarë.
Përkundër këtij fakti fatkeq, ata thyejnë barriera, edhe pa pasur viza, duke arritur rezultate të nivelit botëror në sport, muzikë, arsim, inovacion. Dhe kjo shumë lehtë mund të ketë qenë arritje e Europës.
Edhe pse Kosova zbatoi të gjitha 95 kriteret e paracaktuara, siç është konfirmuar nga Komisioni në muajin maj, përgjigja që marrim nga BE, është gjysmake dhe e pashpresë.
Bruksel, 16 dhjetor 2018 – Gjatë adresimit tim para zyrtarëve të lartë të BE-së.
Edhe përkundër angazhimit të plotë në Agjendën e Reformës Europiane(ERA), dhe reformave të fuqishme të ndërmarra për të fuqizuar sundimin e ligjit dhe institucionet e tij, Kosova ndjehet e tradhtuar dhe e zhgënjyer nga BE.
Njerëzit tanë sprovohen përtej asaj që është e arsyeshme dhe e drejtë. Koha nuk është miku ynë. Duhet të shohim progres konkret.
Të nderuara shtete anëtare të BE-së, kjo është thirrja ime për ju:
Duhet të përshpejtojmë dhe konkretizojmë proceset e integrimit. Caku përfundimtar i rrugëtimit është i qartë – por ende, nuk është i prekshëm për ne.
Kemi nevojë për një sinjal të qartë nga ju se i respektoni arritjet tona dhe se kemi mbështetjen tuaj, në mënyrë aktive, veçanërsiht në realizimin e lëvizjës së lirë për qytetarët e Kosovës.
Megjithatë, njëzet vjet pas luftës, dhjetë vjet pas pavarësisë, dhe pesë vjet pas Marrëveshjes së Brukselit, realiteti është se, përparimi drejt normalizimit të marrëdhënieve ndërmjet Kosovës dhe Serbisë ka qenë minimal, dhe në fakt tani ka dalur krejtësisht nga binarët, veçanërisht me diskutimin publik mbi idenë fatale të korrigjimit të kufirit dhe shkëmbimit të territorit; Ka dëmtuar seriozisht kredibilitetin e ndërmjetësuesit, dhe ka dëmtuar arritjet që kemi bërë në dialogun e ndërmjetësuar nga BE për më shumë se 7 vjet.
Bruksel, 16 dhjetor 2018 – Në takimin e MSA në Bruksel, së bashku me kryeministrin Ramush Haradinaj, ministrin e drejtësisë, Abelard Tahiri dhe antarë tjerë të kabinetit qeveritarë.
Marrëveshja përfundimtare synon të sjellë paqe afatgjatë dhe të sigurojë të ardhme prosperuese europiane për të dy shtetet. Përfshirja e Shteteve të Bashkuara në udhëheqjen e dialogut është kyç, përderisa BE-ja ofron garanci, për të mbushur hendekun e mundshëm midis dy vendeve. Le të jemi të sinqertë, të hapur dhe të drejtpërdrejt në këtë mision.
Të nderuara shtete anëtare,
Jemi shumë mirënjohës për ndihmën tuaj përgjatë dekadave. Ju erdhët për të na ndihmuar në kohë të vështira. Ju na ndihmuat të ndërtojmë atë që kemi sot.
Por tani ka ardhur koha për të ecur përpara me vendosmëri dhe me shpejtësi – si partnerë. Dhe ne duhet të veprojmë tani!
Ju faleminderit për organizimin e Këshillit të Tretë të MSA-së ndërmjet Bashkimit Europian dhe Kosovës. Kosova pret që në javët dhe muajt e ardhshëm të thellojmë dhe forcojmë marrëdhënien tonë kontraktuale.
Rrugëtimi i Forcës së Sigurisë së Kosovës simbolizon ecjen dhe zhvillimin e shtetit tonë. Një proces me hapa të gjatë dhe të mundimshëm, por gjithmonë i orientuar drejt arritjes së një qëllimi të qartë, në dobi të qytetarëve të të gjitha komuniteteve në vendin tonë.
Për qytetarët dhe institucionet, Forca e Sigurisë de fakto ka qenë gjithmonë Ushtria e Kosovës.
Por, nga ky muaj, me mandatin e ri, vajzat dhe djemtë tanë, me dinjitet e krenari edhe do ta mbrojnë Republikën e Kosovës, duke kontribuar gjithnjë në ndërtimin dhe ruajtjen e stabilitetit rajonal dhe më gjerë.
Prishtinë, 2011 – Parakalimi në tepihun e kuq para Gardës Ceremoniale të FSK-së, kur mu bë pritja sa isha president i Republikës së Kosovës.
Sot, nesër dhe përgjithmonë, Forcën e Sigurisë së Kosovës dhe ushtarët tanë, i tërë populli ynë do t’i shikojë me respekt, me nderim dhe krenari.
USHTRIA E KOSOVËS buron nga populli liridashës e paqedashës i Kosovës dhe i përket të gjithë qytetarëve të saj, pa dallim. Ajo do të jetë garantuese e paqes dhe stabilitetit në Rajon me synimin për të qenë pjesë e NATOs dhe t’i kontribuoj qëllimeve madhore të kësaj aleance kudo në Botë.
Themelet e kësaj Ushtrie janë të vendosura thellë në luftën e pastër dhe të shenjtë të USHTRISË ÇLIRIMTARE TË KOSOVËS. Kosova do të jetë përgjithmonë mirënjohëse vendeve që po mbështesin formimin e USHTRISË sonë. Kliko linkun: https://fb.watch/n2rOcDLOnL/
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Personalisht në cilësinë e Zëvendëskryeministrit të parë të Kosovës, me ftesë të shtetit të IOWA-së, isha i nderar me respektin që më bëri Dhoma e Përfaqësuesve të shtetit të Iowa-së në Shtetet e Bashkuara të Amerikës dhe Komandanti i Gardës Kombëtare të Iowa-s, Gjenerali Orr gjatë vizitës time zyrtare të këtij shteti.
Me gjeneralin Orr kemi biseduar për procedurat si të vijmë deri tek ushtria e Kosovës.
Gjeneral Major Tim Orr, gjeneral i Gardës Kombëtare të Iowa-s, shtrëngon dorën me mysafirin Zëvendëskryeministri i parë i Kosovës Behgjet Pacolli, në të majtë, pasi mbajti fjalimin e tij vjetor për Kushtetutën e Gardës Kombëtare të Iowa-s në një seancë të përbashkët të Dhomës së Iowa-s dhe Senatit, të enjten, 11 janar 2018, në Des Moines, Iowa.
Rruga e gjatë deri sa e bëm Ushtrinë e Kosovës
Në vitin 1998 – 1999 ishin Ushtarët e Ushtrisë Çlirimtare të Kosovës, që luftuan me forcat barbare serbe. Pas luftës ata dorëzuan armët dhe u transformuan në Trupat Mbrojtëse të Kosovës.
Prishtinë, 2011 – Me bacën Rifat Jashari, kryeministrin Hashim Thaçi, unë si president i Republikës, duke parakaluar para armatimit të FSK-së, në kazermen Adem Jashari.
Pas shpalljes së pavarsisë së Republikës së Kosovës në vitin 2008 u krijua Forca e Sigurisë së Kosovës (FSK), e cila ka 2500 ushtarë aktiv dhe 800 ushtarë rezervë.
Forca e Sigurisë së Kosovës, nuk i pëlqen Beogradit dhe qe disa vite ka bërë presion pjestarëve të komunitetit serb të largohen. Për ta bërë Forcën e Sigurisë së Kosovës ushtri, duhen ndryshime kushtetuese, por pa voten e serbëve nuk mund të ndryshohet kushtetuta.
Prishtinë, 2011 – Në kazermen “Adem Jashari” mu dha fjala si Komandant Suprem i FSK-së, deri sa ushtroja postin e presidentit të Republikës së Kosovës.
Mbështetësit kryesor të Kosovës – Shtetet e Bashkuara të Amerikës, dhe vendet më të fuqishme në NATO kanë thënë se pa ndryshime kushtetuese nuk ka ushtri.
NATO doli me qëndrim se nëse një gjë e till bëhet pa ndryshimin e kushtetutës atëher raportet me FSK-në do të dëmtohen. Ky është një historik i shkurtër se si erdhëm deri në ditën e formimit të Ushtrisë së Kosovës.
Përkundër paralajmrimeve ne si qeveri e Kosovës, vendosëm për të miratuar 3 ligje që kishin për qëllim transformimin e FSK-së në Forca të Aramatosura. Ligjet pastaj u përcollën për votim në parlament.
Seanca u thirr për datën 14 dhjetor 2018, kur deputetët e Kuvendit të Kosovës do të miratonin përfundimisht tri ligjet, me të cilat mundësohet transformimi i Forcës së Sigurisë së Kosovës në Ushtri të Kosovës.
Ndonëse emri i FSK-së nuk pësoi ndryshime për shkak të pamundësive për ndryshime kushtetuese, ligjet e miratuara vlerësohet se i japin FSK-së kapacitete ushtarake gjatë një procesi transformimi brenda disa viteve.
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Bëhet fjalë për Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.
Të gjithë atë ditë ishim unik, seanca filloi me një minutë heshtje për të nderuar, të gjithë ata që u vranë dhe sakrifikuan duke dhënë kontributin e tyre për lirinë dhe pavarësinë e Kosovës.
Votimi u përcjellë me duartrokitje të gjata në Kuvend.
I kapluar nga emocionet kryetari i Kuvendit, Kadri Veseli, tha se me këtë votim po fillon një epokë e re për shtetin e Kosovës.
“Nga ky moment, zyrtarisht e kemi Ushtrinë e Kosovës. Në sallë kemi kadetët e Forcës së Sigurisë së Kosovës që nga ky çast janë ushtarë të Kosovës, të cilëve ua urojmë Ushtrinë e Kosovës”, ka thënë Veseli.
Vendimi për formimin e Ushtrisë së Kosovës po përcillej me një atmosferë festive në sheshet e Prishtinës.
Sheshet e kryeqytetit ishin mbushur me flamuj të Shteteve të Bashkuara të Amerikës, Britanisë së Madhe, Gjermanisë, Francës, Italisë dhe shteteve tjera, të cilat Kosova i konsideron si vende që e kanë ndihmuar në vazhdimësi atë.
Ceremoni festive në FSK
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Aty, morëm pjesë ne krerët më të lartë të shtetit të Kosovës.
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Presidenti Thaçi mori fjalën dhe falënderoi partnerët ndërkombëtarë, Shtetet e Bashkuara të Amerikës dhe të gjitha vendet e NATO-s. Ndërkaq, kryeministri Ramush Haradinaj, tha se Kosova po hyn e fundit në rreshtin e ushtrive të paqes në botë.
Propaganda kishte filluar në Beograd
Përderisa në Prishtinë, 14 dhjetori cilësohej si ditë historike, në Beograd kishte shqetësime. Këtë e dinim, ishte e pritur.
E para doli me qëndrime kryeministrja e Serbisë, Ana Brnabiq, ajo të premten tha se për të është “një ditë e rëndë”, porse Serbia do ta vazhdojë rrugën e paqes. “Për mua kjo është ditë e rëndë. Nuk është ditë që i kontribuon bashkëpunimit në rajon”, ka thënë Brnabiq për mediat serbe.
Një atmosferë ndryshe me Prishtinën dhe qytetet tjera të banuara nga popullata shumicë shqiptare, mbizotëronte në pjesën veriore të Kosovës, të banuar me popullatë serbe.
Dora e zgjatur e politikës së Vuçiqit kishte mbushur sheshet e Mitrovicës Veriore me flamuj të Serbisë. Direktivat i ishin dhënë edhe deputetëve të Listës Serbe që të bojkotonin seancën, duke kundërshtuar kështu vendimin për Ushtrinë.
Nga veriu i Kosovës, ku jetojnë popullata shumicë serbe, u dërguan porosi se Forca e Sigurisë së Kosovës nuk ka të drejtë të shkojnë atje.
Goran Rakiq, kryetar i Listës Serbe, thirri konferencë për media duke thënë që vendimi i autoritete të Prishtinës është i papranueshëm për serbët dhe se nuk ka asnjë fuqi.
Mitrovica e Veriut dhe Prishtina, në ditën kur pritet formimi i Ushtrisë së Kosovës.
Si zëvendëskryeministër i parë dhe minister i Punëve të Jashtme të Republikës së Kosovës, fillova ti kundërpërgjigjem propagandës së Beogradit.
Mobilizova ekipen time dhe në vazhdimësi kemi informuar shumicën e vendeve dhe institucioneve të botës, për hapin historik të Republikës së Kosovës, tranzicionin e Forcës së Sigurisë së Kosovës, në një ushtri bashkohore, sikurse të gjitha ushtritë e vendeve demokratike.
Të njëjtat shtete i kam informuar se tranzicioni nga Forca në Ushtri, është proces i kujdesshëm, transparent, e demokratik, përmes të cilit do të përfitojë jo vetëm Republika e Kosovës, por edhe siguria dhe stabiliteti në nivel rajonal, evropian dhe global.
Në esencë mesazhi i përcjellë nga ana ime në të gjitha adresat relevante diplomatike kudo në botë, nënvizonte që Republika e Kosovës synon t’i shërbejë dhe të jetë pjesëmarrëse aktive në nisma, zhvillime dhe projekte të sigurisë dhe stabilitetit në rajon dhe më gjerë.
Sigurisht se deri sot Serbia ka bërë një fushatë të egër dhe primitive kundër këtij momenti historik, dhe komunikimi im me të gjitha vendet, institucionet dhe adresat tjera diplomatike, mes tjerash, ka pasur si qëllim që të degradojë narracionin e rremë të Serbisë.
Dhe koha po tregon se i’a kam arritur. E vërteta është një dhe e vetme, Ushtria është forcë e Republikës dhe qytetarëve dhe e cila reflekton karakterin kushtetues e divers të vendit.
E njëjta ka qenë, është, dhe do të vazhdojë bashkëpunimin e ngushtë strategjik me NATO-n, si ombrellë dhe hisedare e sigurisë në rajon.
Në fakt, përderisa vendet tjera kanë ndjekur rrugëtimin e hyrjes në NATO, ne kemi përparësinë që ta kemi NATO-n brenda në Kosovë. Tashmë nga sot, rrugëtimi ynë strategjik mori një tjetër hov!
Ushtria është atributi unik i shtetit tonë të ri.
Hezitime në NATO dhe përkrahje nga SHBA-ja
Transformimi i kësaj ushtrie nuk arriti të sigurojë mbështetjen e plotë të NATO-s, ishim në dijeni për këtë fakt. I pari që reagoi ishte Sekretari i Përgjithshëm i NATO-s, Jens Stoltenberg, i cili doli me qëndrim se ky transformim po ndodh në një “kohë të papërshtatshme” dhe i tërhoqi vërejtjen Prishtinës se nëse do të ndërmarrë hapin e transformimit “do të përballet me pasoja”.
Por, ne në Prishtinë deklaratat e tilla i pamë si reflektim i qëndrimeve të disa vendeve anëtare të NATO-s, të cilat nuk na njohin pavarësinë e Kosovës.
Ne kishim siguruarmbështetjen e nevojshme të NATO-s dhe Shteteve të Bashkuara të Amerikës për transformimin e Forcës së Sigurisë së Kosovës në kapacitete ushtarake.
Qytetarët e duartrokasin qëndrimin e SHBA-së për FSK-në
Për dallim nga NATO, e cila ka në përbërje të vet shumë shtete, Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Një javë më parë FSK-në e kishim pajisur me 24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
Si ministër i jashtëm në çdo takim me zyrtarë të shteteve të ndrysme që takoja u zotova se transformimi i FSK-së do të bëhet në koordinim me NATO-n dhe shtetet që Kosova i konsideron si aleate, duke veçuar sidomos Shtetet e Bashkuara të Amerikës.
24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
FSK nuk e zëvendëson KFOR-in
Forca e Sigurisë së Kosovës do të nisë rrugën drejt shndërrimit në ushtri,rolin dhe mandatin mbrojtës në Kosovë do të vazhdojë ta ketë forca paqeruajtëse dhe shumëkombëshe e KFOR-it.
“Prezenca e NATO-s në shtetin tonë do të jetë gjithmonë e mirëpritur. Ne duam t’i bashkohemi NATO-s, duam të punojmë me ju. Me tranzicionin, FSK-ja është e gatshme të shërbejë me ju, me forcat e juaja të armatosura gjithkund në botë”.
Forca e Sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës.
Kjo Forcë, është ngritur nën mbikëqyrjen e NATO-s, por misioni dhe kapacitetet e saj, nuk përkuan me ambicien e institucioneve, që Kosova ta ketë ushtrinë e saj.
Duke vizituar shpesh shtetet afrikane kam filluar të mësojë edhe disa përshendetje. “Vipi WaKenya! që në shqip i bie (Përshëndetje Kenias!), ishte fjala që e thash po sa zbrita në Nairobi.
Ua them gjithmonë, gëzohem që jam në Kenia, një komb me të cilin kemi një miqësi të thellë dhe shpresojë të jetë e gjatë.
“Mezi prita të takohem me zyrtarë e lartë të këtij shteti për të diskutuar interesat tona të përbashkëta dhe për të afirmuar partneritetin tonë strategjik”, thash menjëherë pas mbërritjes në Nairobi.
Nairobi, 12 dhjetor 2018 – Gjatë takimit me presidentin e Kenias, Uhuru Kenyatta.
Udhëtimi do të pasohet nga vizita në Mozambik, Lesoto dhe Swaziland dhe do të përfundojë të shtunën.
Më 15 Dhjetor 2018, pas përfundimit të takimeve në Mozambik, kam vazhduar vizitat dhe takimet në shtetin e Lesotos dhe Swazilandit (Eswuatini).
Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed. Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.Mbabane,15 dhjetor 2018 – Takim me Ministren e Jashtme të Swazilandes (Eswuatini), Amina Mohamed.
Mbi 100 partnerë u mblodhën në Paris për të ndërtuar momentum, për të përmirësuar veprimet aktuale dhe për të premtuar mbështetje për një zgjidhje të qëndrueshme për t’i dhënë fund vuajtjeve të shkaktuara nga armët e vogla të paligjshme dhe armët e lehta (SALW) në Ballkanin Perëndimor dhe në Evropë në përgjithësi.
Në konferencen franko-gjermane të luftës kundër trafikut të armëve te zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekje.
Krimi e trafiku nuk njohin kufinj, ndaj lufta kundër tyre duhet të jetë ndërkufitare dhe e bashkërenduar. Bashkë me ministrin e brendshëm paraqitëm plane konkrete për bashkëbiseduesit tanë – kolegët nga rajoni, institucionet franceze dhe gjermane dhe organizatat ndërkombëtare të pranishme.
Paris, 11 dhjetor 2018 – Në konferencën franko-gjermane të luftës kundër trafikut të armëve të zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekjeje.
Republika e Kosovës me të gjitha kapacitetet shtetërore është e përkushtuar që ti kontribuojë sigurisë dhe paqes në rajon dhe më gjerë.
Në konferencen franko – gjermane u tha se numri i madh i vlerësuar i armëve të zjarrit ilegale në Ballkanin Perëndimor përbën një kërcënim për sigurinë e rajonit dhe të Bashkimit Evropian, për shkak të tregtisë së paligjshme, trafikimit dhe keqpërdorimit të tyre, veçanërisht nga krimi i organizuar dhe grupet terroriste.
Prandaj, qeveritë e Francës dhe Gjermanisë thirrën takimin e parë ndërkombëtar të nivelit të lartë në Paris më 11 dhjetor 2018.
Veprimtaria kishte për qëllim rritjen e vendosmërisë politike për të rritur më tej sigurinë dhe sigurinë për çdo qytetar evropian dhe gjenerimin e angazhimeve për të luftuar rreziqet e paraqitura nga mbajtja, trafikimi dhe keqpërdorimi i paligjshëm i armëve të zjarrit.
Paris, 11 dhjetor 2018– Në takim me Ministrin e Jashtëm të Francës, Jean-Yves Le Drian, gjatë punimeve të konferencës franko-gjermane të luftës kundër trafikut të armëve të zjarrit në Ballkanin Perëndimor.
Konferenca u hap nga Jean-Yves Le Drian, Ministër Francez për Evropën dhe Punët e Jashtme dhe Heiko Maas, Ministri Federal i Punëve të Jashtme gjermane. Të dy ministrat theksuan rëndësinë e rritjes së punës tashmë në vazhdim për kontrollin e armëve në Ballkanin Perëndimor dhe përgëzuan partnerët për miratimin e Udhërrëfyesit.
Në të njëjtën kohë, Gerd Trogemann, Menaxher i Qendrës Rajonale të PNUD-it në Stamboll, theksoi se si tejkalimi i ndryshimeve të lidhura me kontrollin e AVL-ve kontribuon në Qëllimin 16 që promovon shoqëri të drejta, paqësore dhe gjithëpërfshirëse, që qëndron në qendër të agjendës globale për zhvillim të qëndrueshëm.
Paris, 12 dhjetor 2018 – Shtrëngim duarsh me homologun gjerman Heiko Maas.
Takimi ndërkombëtar i nivelit të lartë mblodhi së bashku mbi 100 pjesëmarrës duke përfshirë ministra ose zëvendësministra të Punëve të Jashtme dhe të Brendshme nga Ballkani Perëndimor, përfaqësues të qeverive nga Evropa, Amerika e Veriut dhe organizata ndërkombëtare dhe rajonale të angazhuara në kontrollin e armëve, përfshirë Kombet e Bashkuara.
Ministrat e Brendshëm nga Ballkani Perëndimor prezantuan prioritetet e përcaktuara në Planet e Veprimit për zbatimin e Udhërrëfyesit, ndërsa organizatat ndërkombëtare informuan për mbështetjen e tyre të planifikuar për këto plane veprimi, duke filluar nga menaxhimi i stoqeve deri te forcimi i reagimit të drejtësisë penale ndaj keqpërdorimit të armëve të zjarrit dhe integrimit. gjinore në politikat e sigurisë.
Në raundin e dytë tê diskutimeve, gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Paris, 11 dhjetor 2018 – Gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Në fushën e sigurisë dhe bashkëpunimit ekonomik do të kemi nisma të reja, ku Franca do të jetë edhe në të ardhmen mbështetëse e Kosovës.
Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Paris, 11 dhjetor 2018 – Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
Gjermania duhet të tregojë lidershipin e vet dhe të shtyjë përpara procesin e liberalizimit të vizave për Kosovën, pas përmbushjes së secilit kriter të vendosur.
Kjo ishte edhe tema me të cilën biseduam në Paris me ministrin e jashtëm të Gjermanisë.
Paris, 11 dhjetor 2018 – Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
