Së bashku me delegacionin shtetëror të Republikës së Kosovës, Presidentin, Thaçi, Kryeparlamentarin Veseli, Kryeministrin Haradinaj dhe Zëvendëskryeministrin Limaj në takim me Përfaqësuesen e Lartë të BE-së për Politikë të Jashtme dhe Siguri, Federica Mogherini.
Edhe njëher dëshmuam se institucionet e Kosovës janë unike për dialogun me Serbinë.
Normalizimi i raporteve në mes të dy vendeve është proces, i cili duhet të përmbyllet me njohje reciproke dhe si i tillë është shumë i rëndësishëm për tërë Ballkanin Perëndimor.
Pas kthimit nga Samiti i Berlinit që u organizua në Londër i jam kthyer aktivitetit në zyrat e Ministrisë së Punëve të Jashtme.
Takimet i fillova duke pritur në Kabinetin tim, Zëvendës presidentin e Fondacionit Heritage me seli në Uashington D.C., z. Dr James Carafano.
E njoftova përfaqësuesin e njërit prej think tank-ëve më me ndikim në D.C. me zhvillimet e gjithmbarshme në Kosovë dhe përparimet e shënuara deri më tash. Gjatë takimit, diskutuam në lidhje me mundësitë e rritjes së bashkëpunimit në të ardhmen.
U njoftova, gjithashtu me lajmin e mirë se Kosova vazhdon të renditet relativisht lartë në ranglistën botërore të Indeksit për Liritë Ekonomike dhe në vendin e dytë në rajon, pas Maqedonisë.
Prishtinë, 16 korrik 2018 – Me Zëvendëspresidentin e Fondacionit Heritage me seli në Uashington D. C., James Carafano.
Kjo është dëshmi serioze për krijimin e sigurisë tek investitorët botërorë, që të investojnë kapitalin e tyre në vendin tonë dhe të krijojmë mundësi të reja. Ne, duhet të punojmë edhe më shumë që të renditemi në top vendet e para.
Prishtinë, 14 korrik 2018 – Kam zhvilluar takim me Ambasadoren e Greqisë në Republikën e Kosovës, Chryssoula Aliferi.Prishtinë, 13 korrik 2018 – Kam zhvilluar takim me Shefen e Zyrës së BE-së në Republikën e Kosovës, Nataliya Apostolova.
Humanizmi është virtyt i shqiptarëve. Sot i ndava mirënjohje humanistit, mikut dhe vëllaut tim, Halil Kastratit. Jo vetëm për shumën që ka ndarë, por edhe për çdo lot gëzimi që ka ndarë.
Prishtinë, 17 korrik 2018 – Duke i dhënë mirënjohje humanistit Halil Kastrati.Prishtinë, 17 korrik 2018 – Zhvillova një takim pune me Lordin Tariq Ahmad, Ministër i shtetit për Commonwealth dhe Kombe të Bashkuara i Mbretërisë së Bashkuar.
Gjatë vizitës zyrtare në Mbretërinë e Bashkuar, Kryeministri i Republikës së Kosovës, Ramush Haradinaj, ka zhvilluar takim bilateral me Kancelaren e Gjermanisë, Angela Merkel.
Në takimin ndërmjet Kryeministri Haradinaj dhe Kancelares Merkel është biseduar për marrëdhëniet bilaterale ndërmjet dy shteteve, për mundësitë e thellimit të bashkëpunimit me shtetin Gjerman, për proceset e përgjithshme në Kosovë, për përmbushjen e obligimeve të Kosovës në raport me BE-në, si dhe për procesin e finalizimit të dialogut me Serbinë.
Kryeministri Haradinaj, vlerësoi rolin e jashtëzakonshëm të Gjermanisë në proceset jetike të shtetndërtimit të Kosovës.
“Partneriteti strategjik ndërmjet Kosovës dhe Gjermanisë është i një rëndësie të veçantë, duke njohur rolin dhe kontributin e Gjermanisë edhe në procesin e Berlinit për vendet e Ballkanit Perëndimor, e cila i ka hapur rrugë Kosovës që të trajtohet në mënyrë të barabartë me vendet tjera të rajonit. Kosova është e përkushtuar që ta avancojë këtë partneritet. Parku Inovativ dhe Trajnues në Prizren është një dëshmi e radhës, që vendi ynë është i përkushtuar për prezencën ekonomike, krahas asaj politike”, tha kryeministri Haradinaj.
Duke falënderuar Kancelaren Merkel për mbështetjen e fuqishme të saj dhe të shtetit gjerman, Kryeministri Haradinaj tha se Qeveria e Kosovës me përkushtim dhe vendosmëri të lartë është duke luftuar krimin e organizuar dhe korrupsionin, duke e fuqizuar sundimin e rendit dhe ligjit, duke i dhënë prioritet zhvillimit ekonomik, agjendës së reformave evropiane dhe normalizimit të plotë të marrëdhënieve me fqinjët.
“Lidershipi juaj ka qenë vendimtar për shumë procese nëpër të cilat po kalon Ballkani Perëndimor, andaj kërkojmë mbështetjen Tuaj që edhe në këtë fazë të rëndësishme të procesit të integrimeve evropiane, liberalizimit të vizave, të jeni zë i fuqishëm për të ardhmen prosperuese të Kosovës”, tha Kryeministri Haradinaj.
Kancelarja gjermane Angela Merkel, tha se Gjermania përmes procesit të Berlinit do të luaj rolin e saj edhe më tutje që Kosova të jetë e barabartë dhe të jetë kontribuuese në stabilitetin politik jo vetëm të saj, por edhe të rajonit.
Në takimin e kryeministrit Haradinaj me Kancelaren Merkel, i pranishëm ishte edhe zëvendëskryeministri dhe ministër i Jashtëm, Behgjet Pacolli.
Me ftesë të qeverisë britanike, u mbajt në Londër në kuadrin e Procesit të Berlinit, Samiti i përfaqësuesve të vendeve të Ballkanit Perendimor, në të cilën morën pjesë përveç kryeministres së Britanisë së Madhe, Thereza May, edhe Kancelarja e Gjermanise Angela Merkel dhe disa udhëheqës të tjerë të vendeve të BE.
Samiti u mblodh në një periudhë problematike për qeverinë e Madhërise se saj Theraza May, por kjo nuk pengoi suksesin e tij.
Londër, 9 korrik 2018 –Gjatë Samitit të Londrës kam takuar Alan Duncan, Ministër i shtetit për Evropë dhe Amerikë si dhe anëtar i Parlamentit në Mbretërinë e Bashkuar.
Së pari, qeveria e Britanisë së Madhe përcaktoi si objektiv kryesor të bashkepunimit të saj me këto vende në kuadrin e këtij procesi:
– Ndihmen e saj per te luftuar trafiqet dhe krimin e organizuar, duke vendosur kështu gishtin direkt në problemin më madhor dhe më përcaktues për të ardhmen e këtyre popujve; krimin e organizuar të lidhur me pushtetin, drogën dhe trafiqet e tjera kriminale. Në këtë kontekst kryeministrja e Britanisë së Madhe njoftoi se qeveria e saj do të
– dyfishojë fondet, pra nga 40 në 80 milionë dollarë ndihma për luftën e krimit dhe trafiqeve kriminale për vendet e Ballkanit Perendimor.
Dhe së fundi, me rëndësi shumë të madhe, vendimi i përbashkët i Britanisë se Madhe, Austrisë dhe Norvegjisë për të ngritur dhe financuar
– Observatorin Balkanik të Krimit të Organizuar!
Londër, 9 korrik 2018 – Gjatë fjalë sime në Samitin e “Procesit të Berlinit”.
Në adresimin e tim si Zëvendëskryeministër dhe Ministër i Jashtëm, në sesionet e tjera të diskutimeve të ministrave të Punëve të Jashtme të vendeve të Ballkanit Perëndimor kam prezantuar prioritetet dhe të arriturat e Qeverisë së Kosovës.
Po ashtu, vlerësova lartë kontributin që ka dhënë iniciativa e vendeve të Ballkanit Perëndimor tani më e njohur si “Procesi i Berlinit” në përshpejtimin e krijimit të kushteve infrastrukturore për zhvillim ekonomik si dhe në paqësimin e mëtutjeshëm të rajonit përmes bashkëpunimit konstruktiv.
Gjatë pjesës fillestare të takimit të Ministrave të Punëve të Jashtme të vendeve të Ballkanit Perëndimor, isha pjesë në panelin diskutues me shoqërinë civile, gjatë të cilit diskutuam lidhur me përmirësimin e perspektivës së rinisë në vendet e Ballkanit Perëndimor.
Londër, 9 korrik 2018 – Gjatë fjalë sime në Samitin e “Procesit të Berlinit”.
Ndaj pyetjeve të drejtuara nga përfaqësues të organizatave të ndryshme rinore nga Ballkani Perëndimor, u përgjigja duke theksuar rëndësinë e forcimit të rinisë në vetvete dhe rëndësinë e bashkëpunimit të rinisë me institucionet qeveritare në adresimin e shqetësimeve të tyre drejt përmirësimit të perspektivës përmes krijimit të kushteve më të mira për edukim, punësim, etj.
Gjithashtu shpreha kënaqësinë për dinamikën pozitive të rinisë kosovare dhe kontributin e saj në ndërtimin e vendit dhe lidhjeve të mëtutjeshme me njerëzit e rajonit dhe më gjerë.
“Përmes kreativitetit të saj, rinia kosovare duhet të vazhdoj të ndjek rrugën e saj dinamike dhe të mbaj gjallë shpresën dhe guximin për ndryshime pozitive. Ardhmëria është e tyre”
Kurse në sesionin e pasditës u diskutua për bashkëpunimin e përgjithshëm rajonal dhe çështjet bilaterale. Ministri i jashtëm serb Ivica Daçiq, me të marr fjalën fillojë me lajmet e rrejshme siç din ai të bënte se ka tërheqje njohjesh për Kosovën.
Reagova menjëher duke demantuar Daçiqin the delegacionin propagandues serb që ishin pjesmarrës në samit.
Londër, 9 korrik 2018 – Fytyra e ngrrysur dhe dëshprimi i minisrit Daçiq, pasi demantova me fakte dhe argumente shpifjet e tij se disa shtete kanë tërhequr njohjet ndaj Republikës së Kosovës.
“Nuk kemi marre asnjë notë verbale për tërheqje njohjesh. Procesi për njohjet do të vazhdojë”
Madje për deklaratat shpifëse u pyeta nga paneli se a po gënjen ministri Daçiq, se ka tërheqje njohjesh për Kosovën, duke qeshur konfirmova se ai këtë punë di të bëj më së miri.
Daçiqi tha se Papua Guiena e Re është vendi i gjashtë që e ka bërë tërheqjen e njohjes së pavarësisë së Kosovës, çka më detyroi menjëher të demantoja, duke shtuar se janë ‘Letra të falsifikuara’.
Delegacioni kosovar ishte pjesë e pritjes së dhënë prej Shkëlqesisë së tij Princit Charles @ClarenceHouse për pjesëmarrësit e #WBSummitLondon.
Londër, 9 korrik 2018 – I lumtur të marrë pjesë në pritjen e organizuar nga Princi Mbretëror Charles, dhe shtrëngim duarsh në shenj mirënjohje dhe falënderimi çfarë ka bërë Britania e Madhe për Kosovën. Londër, 9 korrik 2018 – Më dëshiroi mirëseardhje në pritjen e organizuar Princi Mbretëror Charles, dhe gjatë shtrëngimit të duarve mes miqësh tha se ndjehet krenar për atë se çfarë ka kontribuar familja Mbretërore për Kosovën.
Në margjina të Samitit të Londrës, kam zhvilluar takime të shumta më përfaqësues të niveleve të larta nga shtete të ndryshme, që po marrin pjesë në këtë ngjarje.
Takova përfaqësuesin Special të Kryeministres britanike për parandalimin e dhunës seksuale në konflikte njëherit Ministër i Shtetit për Komonuelth dhe Kombe të Bashkuara, Lordin Ahmad.
Mikun britanik e njoftova në lidhje me adresimin e çështjes së trajtimit të dhunës seksuale gjatë luftës në Kosovë, duke e falënderuar për përkrahjen e madhe dhe konkrete, që Mbretëria e Bashkuar, nëpërmjet Ambasadën britanike në Prishtinë ka dhënë në sensibilizimin e kësaj çështje dhe për realizimin e të drejtave ligjore.
Londër, 9 korrik 2018 – Shtrengim duarsh me Lordin Ahmad.
Ne, të gjithë jemi të vetëdijshëm, që dhuna seksuale nga focat serbe gjatë luftës së fundit në Kosovë është një prej plagëve më të mëdha, që vazhdon të rëndojë një pjesë të konsiderueshme të shoqërisë kosovare edhe sot e kësaj dite.
Andaj, kërkova vazhdimin e përkrahjes së mëtutjeshme të shtetit britanik për senzibilimin e opinionit ndërkombëtar lidhur me këto krime brutale të forcave serbe me qëllimin e parandalimit të tyre në të ardhmen kudo në botë si dhe në nxitjen e ballafaqimit me drejtësinë të kryerësve të këtyre krimeve të rënda.
Shpreha përkushtimin e Republikës së Kosovës për të qenë pjesë e nismave ndërkombëtare për parandalimin e dhunës seksuale në konflikte dhe luftëra.
Bashkë me kryeministrin Haradinaj kam zhvilluar takim tepër të rëndësishëm me Kancelaren gjermane Angela Merkel
Bashkëpunimi i bazuar në besim është i domosdoshëm në rrugëtimin e Kosovës për zhvillim ekonomik, integrime evropiane dhe në fushën e sigurisë.
Gjermania vazhdon të jetë një ndër partnerët kryesorë të Kosovës dhe përkrahja e tyre është jetike në arritjen e objektivave tona të përbashkëta.
Londër, 10 korrik 2018 – Bashkë me kryeministrin Haradinaj kam zhvilluar takim tepër të rëndësishëm me Kancelaren gjermane Angela Merkel.Londër, 10 korrik 2018 – Gjatë Samitit të Londrës kam zhvilluar takim miqësor me baroneshën Chatherine Ashton.
Unë kam qenë në Itali këtë javë, duke mësuar për punën inovative që po ndodh këtu në shëndetësi, ndryshime klimatike dhe fusha të tjera thelbësore.
Në një kohë kur bota ka kaq shumë sfida, është frymëzuese të vizitosh një vend dinamik dhe krijues si Italia.
Edhe vizita në Romë erdhi në vazhdën e udhëtimeve nëpër kryeqytetet evropiane dhe me qëllim të faktorizimit ndërkombëtar të Kosovës.
Një moment kryesor i udhëtimit tim ishte takimi i së premtes me Presidentin Italian, Sergio Mattarella. Ai më priti në pallatin Quirinale, selia e Presidencës në Romë.
Mattarella ishte bujar me kohën e tij, ndërsa folëm se vetëm me zhvillimin ekonomik, investime nga jashtë dhe krijimin e mundësive sa më të shpejta për lirinë e lëvizjes së njerëzve, kapitalit dhe të mallrave mposhten tensionet politike dhe ndër-etnike.
Romë, 6 korrik 2018 –Në takim me Presidentin Italina, Sergio Mattarella.
Presidenti Mattarella më siguroi se ai do të përdorë autoritetin e tij institucional edhe tek homologët e tij, që të ndihmojë Kosovën dhe rajonin drejt proceseve të integrimeve euro-atlantike.
“Italia me gjithë fuqinë e saj do të mbështet paqësimin e rajonit, për një përfundim të suksesshëm të dialogut në mes të Kosovës dhe Serbisë. Shteti italian do të përkrahë çdo iniciativë, që çon në zgjidhjen e drejtë dhe marrëveshjen përfundimtare në mes Kosovës dhe Serbisë”, ka thënë Mattarella.
Romë, 6 korrik 2018 – Takim me Presidentin e Konfederatës së Përgjithshme të Industrisë italiane, Vincenzo Boccia.
Gjatë vizitës në Itali, jam takuar edhe me Presidentin e Konfederatës së Përgjithshme të Industrisë italiane, Vincenzo Boccia, si dhe personalitete të tjera si ish-kryeministrin e Italisë dhe ish ministrin e jashtëm Massimo Dalema, me ministrat tjerë të jashtëm me Angelino Alfano dhe Giulio Terzi, me drejtues të organizatave të ndërmarrësisë, në Romë dhe në Bari të Italisë.
Romë, 7 korrik 2018 – Takim me ish-Ministrin e Jashtëm të Italisë, Masimo D’Alema.
Synimi i krejt takimeve për ta faktorizuar Kosovën politikisht dhe ekonomikisht në dritën e zhvillimeve të ardhshme dhe burimeve natyrore dhe njerëzore që disponon.
Kosova është e madhe nëse ka miq të mëdhenj dhe sfidat para nesh do duken më të lehta bashkë me ta!
Romë, 7 korrik 2018 – Takim me ish-Ministrin e Jashtëm të Italisë, Angelino Alfano.Romë, 7 korrik 2018 – Takim me ish-Ministrin e Jashtëm të Italisë, Giulio Terzi.
PREZANTIMI I LIBRIT AUTOBIOGRAFIK, BOTUAR NË ITALISHT, PARA NJË MASE PREJ 1000 VETA
Duke folur para 1000 vetave në një shesh italian për librin tim autobiografik, botuar në italisht, në qytetin Polignano al Mare.
Historia ime njerëzore, me dhimbjet dhe sukseset, nuk njeh kufi, ndaj dhe u prit ngrohtësisht dhe me duartrokitje, udhëhequr nga një gazetar i shquar i televizionit kombëtar italian.
Polignano al Mare, 8 korrik 2018 – Duke folur para 1000 vetave në një shesh italian për librin tim autobiografik, botuar në italisht.
Kam takuar koordinatoren e re të Ekipit të Kombeve të Bashkuara në Kosovë Ulirka Richardsonin, me të cilën diskutuam mbi format e bashkëpunimit.
Duke e vlerësuar rëndësinë e mbështetjes së UNDP-së, e sigurova znj. Richardson se do të bashkëpunojë ngushtë me UNDP-në dhe mekanizmat e tjerë ndërkombëtarë në Kosovë, me qëllim të realizimit të programeve zhvillimore, të cilat do të ndikojnë drejtpërdrejt në rritjen e mirëqenies sociale të qytetarëve.
Edhe znj. Richardson, pohoi se misioni që ajo udhëheq, do të vazhdojë t’i ofrojë edhe më tej përkrahje Kosovës, nëpërmjet programeve të shumta zhvillimore në kuadër të UNDP-së.
Para ardhjes në Kosovë, znj. Richardson ishte koordinatore e përhershme e OKB-së dhe përfaqësuese e përhershme e UNDP-së, UNICEF-it dhe UNFPA-së në Kepin e Gjelbër (Amerika Latine – Cabo Verde) që nga marsi i vitit 2013.
Më parë, ajo shërbeu si përfaqësuese e UNDP-së në Gabon dhe zëvendës përfaqësuese e përhershme në Turqi (2007- 2012) dhe Kubë (2004-2007).
Interesimi i saj për çështje ndërkombëtare filloi me Këshillin Suedez të Emigracionit në vitin 1993 dhe jeta e saj profesionale në fushën e zhvillimit përfshin punën me vullnetarët e OKB-së, ku ajo zhvilloi një program këshillues global për çështje gjinore, me Bankën Afrikane të Zhvillimit në Bregun e Fildishtë dhe përfaqësinë suedeze në Guinea Bisao.
Ajo ka të kryera studimet pasuniversitare në fushën e ekonomisë së zhvillimit në Universitetin e Göteborgut dhe psikologjisë sociale në Universitetin e Lundit, në Suedi.
Kam pritur në takim Ambasadorin e ri jo-rezident të Pakistanit në Kosovë, Muhammad Syrus Sajjad Qazi.
Me të gjatë takimit kemi diskutuar për shkëmbimet tregtare dhe mundësinë e thellimit të bashkëpunimit tregtar në mes të dy vendeve. Theksuam se raportet e shkëlqyeshme dy palëshe dhe rëndësia e thellimit të bashkëpunimit në mes të dy shteteve dhe popujve tanë janë të interesit të veçant.
“Ne, jemi mirënjohës për ndihmën e vazhdueshme të Pakistanit dhënë Kosovës, përfshirë krijimin e një Komisioni të Përbashkët Ministror (Joint Ministerial Commission), për t’i dhënë peshë më të madhe çështjes së shkëmbimeve tregtare në mes të dy shteteve”
Prishtinë, 2 korrik 2018 – Shkëmbim dhuratash me Ambasadorin e ri jorezident të Pakistanit në Kosovë, Muhammad Syrus Sajjad Qazi. Prishtinë, 2 korrik 2018 – Në takim me Ambasadorin e ri jorezident të Pakistanit në Kosovë, Muhammad Syrus Sajjad Qazi, ku diskutohet për shkëmbimet tregtare dhe për mundësinë e thellimit të bashkëpunimit tregtar në mes të dy vendeve.
Përkundër përpjekjeve të ashpra të Serbisë dhe Rusisë për ta penguar pjesëmarrjen, Republika e Kosovës ka marrë pjesë në sesionin e 132-të të Këshillit të Organizatës Botërore të Doganave – OBD-së, e cila mbahet në Bruksel me pjesëmarrje nga 182 shtete anëtare.
Ky ishte sesioni i 4-të i OBD-së, në të cilin Kosova po merr pjesë si anëtare, që nga janari i vitit 2017.
Në kuadër të këtij sesioni është ri-zgjedhur Sekretar i Përgjithshëm i OBD-së, Kunio Mikuriya; është diskutuar rishikimi i Konventës së Kyotos; ndërtimi i kapaciteteve; programeve për lehtësim të tregtisë që do t’i ofrohen shteteve anëtare dhe çështje të tjera të rëndësishme në fushëveprimin doganor.
“Gjatë punimeve të sesionit, Republika e Kosovës ka ushtruar të drejtat e saj sikurse të gjitha vendet e tjera anëtare, duke marrë fjalën, ushtruar të drejtën e votës dhe duke u konfirmuar nga Këshilli buxheti për kontributet financiare të Kosovës”
Ndërkaq, mediat serbe të dëshpruara gjatë gjithë ditës kanë raportuar se “është penguar anëtarësimi i Kosovës në OBD”.
Por e vërteta është krejt ndryshe pasi që fotografitë nga ambientet ku po mbahet sesioni në Bruksel, ku paraqitet flamuri i Kosovës, tregon dështimin e Serbisë dhe Rusisë për të penguar pjesëmarrjen e Kosovës.
Bruksel, 30 qershor 2018 – Përkundër përpjekjeve të ashpra të Serbisë dhe Rusisë për ta penguar pjesëmarrjen, Republika e Kosovës ka marrë pjesë në sesionin e 132-të të Këshillit të Organizatës Botërore të Doganave – OBD-së, e cila mbahet në Bruksel dhe bëhet anëtare me të drejta të plota dhe të barabarta.Bruksel, 30 qershor 2018 – Lista zyrtare në Bruksel që konfirmon se Republika e Kosovës po merr pjesë në sesionin e 132-të të Këshillit të Organizatës Botërore të Doganave – OBD-së, si anëtare me të drejta të plota dhe të barabarta.
Kam pritur në takim Ambasadorin e Kanadasë në Kroaci, i cili është Ambasador jo-rezident edhe në Republikën e Kosovës, Daniel Maksymiuk.
Synimet e përbashkëta institucionale për thellimin e marrëdhënieve në mes dy shteteve në të gjitha fushat e interesit të përbashkët, rritja e mbështetjes kanadeze për anëtarësimin e vendit në struktura Euro-Atlantike dhe Organizata Ndërkombëtare si dhe investimet potenciale kanadeze në Kosovë, në veçanti në sektorin minerar ishin disa nga temat e diskutimit të këtij takimi.
“Përkrahja kanadeze për Kosovën ka qenë gjithmonë e pazëvendësueshme. Nga ndërhyrja e NATO-s, strehimi i refugjatëve kosovarë, kontributi në ruajtjen e paqes e deri tek shtet-ndërtimi dhe integrimi i vendit në strukturat ndërkombëtare. Tani është koha që t’i japim sinergji të reja bashkëpunimit dhe partneritetit në mes dy vendeve, në veçanti në fushën e investimeve ekonomike dhe krijimit të vendeve të reja të punës”,
Prishtinë, 29 qershor 2018 – Në takim me Ambasadorin jorezident të Kanadasë në Republikën e Kosovës, Daniel Maksymiuk.
Sapo u ktheva nga vizita ime në Afrikë dhe mezi pres të kthehem përsëri.
Më pëlqen të vizitoj kontinentin Afrikan sepse çdo udhëtim është një mundësi e jashtëzakonshme për të mësuar. Gjatë udhëtimeve të mia javën e kaluar në Monrovia të Liberisë, takova disa njerëz të mrekullueshëm, duke përfshirë udhëheqës politikë, si presidentin George Weah, Zëvendësministrin e Punëve të Jashtme të këtij shteti, Eliaia Shoniyin.
Takimi me presidentin e Liberise z.George Weah, ishte vërtetë i përzemërt dhe në frymën e miqësisë dhe bashkëpunimit të ngushtë ndërmjet të dyja vendeve.
Ndër të tjera, me presidentin Weah u dakorduam për hapjen e ambasadës së Liberisë në Prishtinë ndërsa, bashkpunimin tonë ndërshtetëror do ta ngrisim në nivelin më të lartë.
Presidenti Weah theksoi qartë se Liberia si njëri ndër shtetet e para që e ka njohur Kosovën do të jetë fuqishëm në mbështetje të anëtarësimit të vendit tonë në organizata të rëndësishme botërore.
Liberi, 27 qershor 2018 – Në takim me Presidentin e Liberisë, George Weah.
Weah, i cili ka qenë dikur edhe fitues i Topit të artë të Evropës sa ka qenë lojtar i Milanit, u shpreh i gatshëm që bashkë me ekipin kombëtar të Liberisë të zhvillojë një ndeshje miqësore me përfaqësuesen e Kosovës në futboll.
Presidenti Weah i cili është edhe mik i vjetêr i imi, pranoi me kënaqësi ftesën për të vizituar Republikën e Kosovës.
Monrovia – Liberi, 27 qershor 2018 – Kam zhvilluar takim me Zëvendësministrin e Punëve të Jashtme të këtij shteti, Eliaia Shoniyin.
Në këto takime u rikonfirmua njohja e Republikës së Kosovës nga Liberia, pas spekulimeve nga ana e Serbisë. Në Monrovia të Liberisê, bëri jehonë lajmi për forcimin e marëdhënieve diplomatike ndërmjet dy vendeve tona.
Lajmet “fake” të Serbisë ashtu siç kam thënë nuk mund të na pengojnë në sukseset tona. Vizita ime në Liberi do të kulmojë me forcimin e marëdhënieve me këtë vend.
Monrovia, 27 qershor 2018 – Në Monrovia të Liberisë ka bërë jehonë lajmi për forcimin e marrëdhënieve diplomatike ndërmjet Kosovës dhe Liberisë.Monrovia, 27 qershor 2018 – Në Monrovia të Liberisë ka bërë jehonë lajmi për forcimin e marrëdhënieve diplomatike ndërmjet Kosovës dhe Liberisë. Gazetat atje shkruanin dhe demantonin lajmet fake që Daçiq servonte në mediat propagandistike të Beogradit. Monrovia – Liberi, 27 qershor 2018 – Rikonfirmim i njohjes së Republikës së Kosovës nga Liberia, pas spekulimeve nga ana e Serbisë.
Ky është udhërrëfyesi i politikbërjes sê Ivica Daçiqit dhe qeverisë së Serbisë. Lexojeni se nga cila doktrinë udhëhiqen ata karshi Kosovës dhe lajmeve që i prodhojnë nëpër mediat që i kontrollojnë në Serbi.
“Rrena është interes kombëtar serb…Rrena është spektër i patriotizmit serb dhe dëshmi e inteligjencës sonë të lindur…Rrejmë në mënyrë kreative, me mençuri, inventivë…Rrena është në vetë qenien e serbëve…Në këtë vend, çdo rrenë në fund bëhet e vërtetë…Serbët shumë herë në histori i ka shpëtuar rrena…”, ka thënë ai që njihet si “Babai i Kombit serb”, Dobrica Qosiq.
Dobrica Ćosić, “otac srpske nacije”:
-„… Laž je vid srpskog patriotizma i potvrda naše urođene inteligencije. Lažemo stvaralački, maštovito, inventivno.“
-„Laž je srpski državni interes.“
-„Laž je u samom biću Srbina“.
-„U ovoj zemlji svaka laž na kraju postaje istina.“
-„Srbe je toliko puta u istoriji spašavala laž…“
Monrovia – Liberi, 27 qershor 2018 – Rikonfirmim i njohjes së Republikës së Kosovës nga Liberia, pas spekulimeve nga ana e Serbisë.
Ndihem mirë që vetëm një ditë pas vizitës time ne Monrovia të Liberisë, mora notën verbale më të cilën ky shtet përgjigjet në favor të Kosovës për akreditimin e Ambasadorit tonë jorezident ( Ramadan Gashin nga Senegali) në këtë shtet.
Marrëdhëniet me Liberinë vetëm do të thellohen si në rastin e dy shtetëve tjera për të cilat Sebia pretendonte se kanë tërhjekë njohjët për Kosovën.
Monrovia – Liberi, 27 qershor 2018 – Rikonfirmim i njohjes së Republikës së Kosovës nga Liberia, edhe me Notën Verbale pas spekulimeve nga ana e Serbisë për tërheqje të njohjes nga ky shtet.
