Vizitova Emiratet e Bashkuara Arabe. U prita nga ministri i Jashtëm dhe i Bashkëpunimit Ndërkombëtar i Emirateve të Bashkuara Arabe, Lartmadhëria e Tij, Sheikh Abdullah bin Zayed Al Nahyan.
Në kuadër të këtij takimi, ndër të tjera, u pajtuam për hapjen e Ambasadës së Republikës së Kosovës, e cila ndodhi pak kohë më vonë.
E falënderova për përkrahjen e vazhdueshme, që ata kanë bërë dhe po e bëjnë për Kosovën, jo vetëm në njohje, por edhe duke e përkrahur fuqishëm anëtarësimin e saj në Organizatat Ndërkombëtare.
AL AIN, 8 janar 2018 (WAM) – Ministri i Punëve të Jashtme dhe Bashkëpunimit Ndërkombëtar, H.H. Sheikh Abdullah bin Zayed Al Nahyan, priti sot Behgjet Pacollin, zëvendëskryeministër i parë dhe ministër i Punëve të Jashtme të Kosovës.
Në funksion të kësaj, diskutuam edhe mbi sinkronizmin e punëve të përbashkëta për anëtarësimin e Kosovës në INTERPOL, ku samiti i radhës i kësaj Organizate do të mbahet në Abu Dhabi.
Mora premtimin për shtimin e angazhimit të tij edhe personal në çështjet, që ndërlidhen me forcimin e subjektivitetit dhe integrimit të mëtutjeshëm ndërkombëtarë të Kosovës.
AL AIN, 8 janar 2018 (WAM) – Ministri i Punëve të Jashtme dhe Bashkëpunimit Ndërkombëtar, H.H. Sheikh Abdullah bin Zayed Al Nahyan, priti sot Behgjet Pacollin, zëvendëskryeministër i parë dhe ministër i Punëve të Jashtme të Kosovës.
Hapja e Ambasadës së Republikës së Kosovës në EBA, ishte temë tjetër diskutimi në aspektin politik dy-palësh dhe u dakorduam, që Ministria e Jashtme e Kosovës t’i fillojë procedurat e hapjes së Ambasadës së Kosovës në Abu Dhabi që nga java e ardhshme.
Në lidhje me çështjet e intensifikimit të bashkëpunimit ekonomik në mes dy vendeve, i bëra thirrje investitorëve potencial nga EBA për të investuar në Kosovë, gjë e cila është mirëpritur dhe vlerësuar nga bashkëbiseduesi.
Abu Dhabi, 7 janar 2018 – Bashkëbisedim me homologun tim Sheikh Abdullah bin Zayed Al Nahyan.
NË KONFERENCËN, “THE NEW NEXUS – DIPLOMACY, SECURITY AND DIGITAL NATION STATE”
Isha një ndër folësit kryesor për sfidat e ndërtimit të shtetit dhe nderlikimet/vështirësitë në diplomaci, në kuader të konferencës “The New Nexus – Diplomacy, Security and Digital Nation State” që u mbajt në Abu Dhabi.
Po ashtu gjatë ditës pata edhe një takim shumë miqësor me Sheikh Nahyan bin Mubarak Al Nahyan, Ministër i Shtetit për Tolerancë, me të cilin biseduam për shumë qështje dhe për paqën dhe tolerancën ndernjerëzore.
Abu Dhabi, 7 janar 2017 – Në konferencën e organizuar nga Instituti Ndërkombëtar për Diplomacinë Kulturore (IICD), me temën “The New Nexus – Diplomacy, Security and Digital Nation State”, ku unë isha ndër folësit kryesor.Abu Dhabi, 8 janar 2018 – Gjatë prezantimit tim për sfidat e ndërtimit të shtetit dhe ndërlikimet/vështirësitë në diplomaci, në kuadër të konferencës “The New Nexus – Diplomacy, Security and Digital Nation State” në Abu Dhabi.Abu Dhabi, 8 janar 2018 – Vizita ime në Emirate ishte prezantuar në shumë media nacionale.Abu Dhabi, 8 janar 2018 – Takim me Sheikh Nahyan bin Mubarak Al Nahyan, ministër i Sportit, Kulturës dhe Rinisë.
Me Ambasadorën Jashtëzakonshme dhe Fuqiplotë të Kroacisë në Kosovë, Marija Kapitanoviq, takimet janë gjithëherë të shkëlqyeshme. Sepse të tilla janë edhe marrëdhëniet në mes dy vendeve dhe popujve tanë.
Si dy shtete mike dhe partnere që po synojmë ta legalizojnë edhe Partneritetin Strategjik, nivel ky më i lartë i mundshëm i marrëdhënieve bilateale në mes dy vendeve.
Rruga e integrimit Euro-Atlantik e Kroacisë vërtetë duhet të jetë model për ne. Duhet të shfrytëzojmë të gjitha ato potenciale edhe të bashkëpunimit ekonomik, që nuk janë shfrytëzuar deri më tash. Shpresoj ta vizitojë së shpejti edhe Kroacinë.
Prishtinë, 6 janar 2018 – Takim me Ambasadoren e Kroacisë në Kosovë, Maria Kapitanoviҫ.
Në vazhdim të takime të rregullta me përfaqësuesit e Korit Diplomatik të akredituar në Kosovë kisha kënaqësinë të jem nikoqir i takimit me Ambasadorin britanik në Kosovë, Ruairi O’Connell.
Përgatitjet e vendit tonë për shënimin e vitit jubilar të dhjetë-vjetorit të Pavarësisë së Kosovës, qëllimi i përbashkët për rritjen e numrit të njohjeve, anëtarësimi dhe integrimi i vendit tonë në Organizata Rajonale, Evropiane dhe Ndërkombëtare janë çështje, që ne i shtjellojmë pothuajse në çdo takim.
Prishtinë, 6 janar 2018 – Takim me Ambasadorin Mbretërisë së Bashkuar, Ruari O’Conel.
Roli i Mbretërisë së Bashkuar në themelimin e shtetit të Kosovës, qoftë në kuadër të veprimit të saj si shtet anëtarë i Kuintit, qoftë në nivelin dy-palësh ka qenë vendimtar dhe i tillë do të mbetet edhe në vazhdimin e procesit të konsolidimit të mëtejmë të shtetit tonë si në planin e jashtëm, ashtu edhe atë të brendshëm.
Gjatë ditës, ndër takimet e shumta zhvillova një takim të ngrohtë dhe miqësor me Ambasadorin e Francës në Kosovë, Didier Chabert. Diskutuam mbi marrëdhëniet e shkëlqyera midis dy vendeve, bashkëpunimin e ngushtë në fushën e njohjeve të Kosovës, në zona të ndryshme gjeografike ku Franca ka ndikim të veçantë dhe mbarëvatjen e përgatitjeve për 10 vjetorin e Pavarësisë së Kosovës.
Vlerësova kontributin e Francës në gjitha proceset më të rëndësishme të shtetësisë së Kosovës dhe e njoftova mysafirin me pikëpamjet e mia për zhvillimet e fundit politike në Kosovë, të cilat u vlerësuan mjaft nga bashkëbiseduesi.
Numri një i diplomacisë franceze në Kosovë, më informoi me vullnetin e palëkundur dhe përkushtimin konsistent të vendit të tij dhe të Perëndimit në përgjithësi, për ta mbështetur Kosovën edhe në këtë fazë të zhvillimit të saj.
Prishtinë, 6 janar 2018 – Takim me Ambasadorin francez në Kosovë, Didijer Chaber.
Në frymën e kësaj, ai më dorëzoi, gjithashtu një letër të ministres franceze për Çështje Europiane, Nathalie Loiseau, e cila më kishte falënderuar për takimin konstruktiv, që kishim gjatë vizitës time në Paris dhe për shkëmbimin e hapur të pikëpamjeve në kuadër të këtij takimi. Në përgjigje të ftesës time, ministrja Loiseau shprehte, gjithashtu dëshirën e delegacionit francez për të marrë pjesë në festimet e dhjetëvjetorit të Pavarësisë së Kosovës.
Në fund të këtij takimi, Ambasadori Chabert shprehu edhe brengën e Francës si shtet mik, partner dhe mbështetës i fuqishëm i Kosovës për lëvizjet e brendshme në Republikën e Kosovës gjatë ditëve të fundit.
Në 100 ditët e para të mandatit qeverisës kam bërë mbi 100 mijë kilometra rrugë në të gjitha anët e botës. 95 % të lëvizjeve të mia janë bërë me aeroplanin tim privat, pa e shpenzuar buxhetin e Republikës së Kosovës.
Në fakt, aeroplani im, përveç në shërbimin tim dhe të stafit tim, ka qenë në shërbim edhe të institucioneve të Republikës së Kosovës, shumë herë edhe të miqve të Kosovës.
Paralelisht me vizitat që ishin publike, realizova një sërë vizitash të tjera që nuk ishin bërë publike. Në pjesën e parë të muajit nëntor vizitova Republikën e Zambisë, Ugandës si dhe Republikën e Madagaskarit.
Vizitova Republikën e Malit, Afrikën e Jugut, Zimbabvesë, Republikën e Kongos dhe Republikën Federale të Nigerisë. Në të gjitha këto shtete jam takuar me udhëheqësit më të lartë.
Afrikë e Jugut, 21 dhjetor 2017 – Takim me Presidentin e Afrikës së Jugut, Jakob Zuma.Kongo Brazzeville, 22 dhjetor 2017 – Gjatë takimit me Presidentin e Republikës së Kongos, Sh. T. Denis Sassou Nguesso.
Republika e Kosovës dhe Republika e Sllovenisë do të thellojnë edhe më shumë bashkëpunimin ekonomik në mes dy vendeve dhe për këtë qëllim do të mbahet një Forum Ekonomik brenda tre muajve të ardhshëm.
Nga shteti mik dhe partner slloven do të kemi mbështetjen e plotë në përshpejtimin e procesit të liberalizimit të vizave për qytetarët e Kosovës dhe për anëtarësimin e plotë në Organizatat Ndërkombëtare, veçanërisht në Këshillin e Evropës, Interpol dhe UNESCO.
Me qëllimin e thellimit dhe intensifikimit të mëtejmë të Bashkëpunimit Ekonomik në mes të dyja vendeve do të themelohet edhe një Komision për Bashkëpunim Ekonomik në nivel Ministrash.
Lubjanë, 19 dhjetor 2017 – Gjatë takimit me Presidentin slloven Borut Pahor.
Me rastin e festave të fundvitit kam organizuar pritje për korin diplomatik të akredituar në Kosovë, duke vendosur për herë të parë traditën e pritjes për ambasadorët e akredituar në Kosovë.
Ky ishte fjalimi im që ju adresova të pranishmëve në pritjen e organizuar me rastin e festave të fundvitit:
I nderuar z. President,
I nderuar Kryetar i Kuvendit
I nderuar Kryeministër,
Shkëlqesi Ambasadorë,
Të nderuar drejtues partish, subjektesh ekonomike, mediatike,
Miq të ftuar,
Pasi gjatë gjithë vitit që po mbyllet, kemi qenë pjesë e debatit publik, e dialektikës demokratike, e diplomacisë, sot jemi mbledhur për të uruar qetësisht dhe gëzueshëm njeri tjetrin për festat e fundvitit.
Kosova është një kopsht i perëndisë, mu në qendër të Europës, i pasur për nga bukuritë natyrore, për nga rinia, për nga diversiteti fetar dhe etnik, për festat e shumta, por dhe për miqtë e shumtë që kemi.
Festat janë rast i mirë që të shprehim mirënjohjen tonë për miqtë.
Kosova është një krijesë e një lufte të fortë për pavarësi të popullit të saj, por kjo dihet se nuk mjafton. Ne jemi krijuar dhe si pasojë e vetëdijes legjitimiste të perëndimit për të mos lejuar që mu në zemër të Europës, të ndodhte asgjësimi i një populli të tërë.
Ju miqtë tanë të shumtë na keni ndihmuar në çdo hap. Ne jemi një shtet i krijuar nga fillimi. Themelet janë ndërtuar të forta. E gjitha kjo është një eksperiencë unike për të gjithë. Për ne kosovarët, por dhe për miqtë tanë ndërkombëtarë.
Prishtinë, 15 dhjetor 2017 – Presidenti Thaçi, Kryeministri Haradinaj dhe përfaqësues të korit diplomatik të akredituar në Kosovë në pritjen e organizuar për fundvit nga MPJ-ja.
Ne kemi ulur në nivel zero konfliktualitetin ndëretnik. Ne gjatë vitit të kaluar treguam se i zgjidhim krizat politike me qetësi si çdo vend demokratik. Koha e përplasjeve të ashpra duket se mori fund.
Si drejtues i diplomacisë në afro 3 muaj, së bashku me Presidentin, me Kryeministrin, me Kryetarin e Parlamentit dhe akterë të tjerë, me miqtë e Kosovës, ne jemi angazhuar që ta shndërrojmë Kosovën në një histori suksesi global. Ne po e afirmojmë unin tonë ndërkombëtar. Ne po e pohojmë njësinë tonë brenda një territori me kufij të caktuar. Ne po i kontribuojmë sigurisë globale. Ne nuk mund të jemi një vrimë e zezë e pavendosmërisë së askujt.
Ndaj dua ta potencoj: në këtë pjesë të territorit të Europës, të nderuar miq, gjendet shteti ynë, Kosova dhe nuk gjendet asnjë shtet tjetër. Këtu nuk ka boshllëk shtetëror, boshllëk autoriteti, por ka sovranitet të Kosovës. Këtu janë gjurmët e hershme të ekzistencës së të parëve tanë, historisë sonë, objektet tona të kultit së bashku me ato të komunitetit serb. Askush nuk mund ta ndalë përfundimisht integrimin tonë ndërkombëtar. Mund ta vonojë pak, por kurrë ta ndalë.
Kosova është shtet i vogël, por me gjithë atributet e një shteti normal. Këtu në këtë sallë janë vendimmarrësit kryesorë të shtetit tonë, dhe nëpërmjet tyre ndieni përditë pulsin e një shteti, ngjyrat shumëetnike të tij. Me ne janë përfaqësuesit e vendeve mike që na asistojnë, sepse ne jemi vend i pasur me miq.
Ne e kemi bërë rreshtimin tonë me perëndimin dhe kjo nuk ndryshon në jetë të jetëve.
Prishtinë, 15 dhjetor 2017 – Ambasadori amerikan në Kosovë, Greg Delawie, gjatë pritjes së organizuar për festat e fundvitit.
Na besoni ndërkohë, ne nuk duam të jemi temë konfrontimi apo shkëmbimi diplomatik e fuqive të mëdha. Ne na duhet integrimi ndërkombëtar, dhe nuk cojmë kurrfarë peshe në përplasjet botërore. Ne na duhet vëmendja globale për lajme të mira dhe jo për lajme negative.
Ndaj do ju lutesha të nderuar miq ndërkombëtarë, të kapërceni diferencat e vogla, të mëdha, mes jush; na ndihmoni në mënyrë afatgjatë, kompaktë, dhe me vizion, na mbështesni për hyrjen në OKB.
Ju nuk e keni mbështetur krijimin, zhvillimin e shtetit tonë, për të na lënë përjetësisht në kufij të paqartësisë… Mos e toleroni paqartësinë që zgjat. Na i falni gabimet, ne jemi të vegjël, vetëm dhjetë vjet shtet.
Të nderuar miq dhe të ftuar,
Unë besoj se 2018 do jetë vit i veprave të mëdha infrastrukturore, i zhvillimit më të të madh ekonomik, konsolidimit të shtetit, i afirmimit të shtetësisë sonë, të diplomacisë sonë. Kjo qeveri dinamike po injekton energji të reja në sistemin tonë shtetëror; Ne po çelim hapësirë të re për jetën e rinisë tonë.
Ne do të jemi bashkë gjithnjë.
Gëzuar festat e fundvitit, gëzuar vitin e ri!
Prishtinë, 15 dhjetor 2017 – Fjala ime para të pranishmëve me rastin e festave të fundvitit
Asnjë vend në rajon nuk mund ta ndalë apo shtyj anëtarësimin e Kosovës në NATO. Procesi i integrimeve evropiane për Kosovën është i pakthyeshëm. Këto i ka thash në takimin e ministrave të jashtëm të vendeve anëtare të Kartës së Adriatikut që është zhvilluar në Shkup.
Unë i jam përgjigjur edhe kolegut nga Bosnja dhe Hercegovina – një prej vendeve të ‘kundërshton anëtarësimin” e Kosovës. “Kjo po ndodhe sepse Serbia dëshiron kështu? Duket se gaboheni dhe nuk duhet të qëndroni prapa Serbisë”, i bëra me dije ministrit të jashtëm të Bosnjës.
“Çka do të bëni ju kur Serbia ta shfuqizojë veton për anëtarësim në OBK? A nuk mendoni se kjo nuk është e gabueshme, të ndiqet rruga e Serbisë dhe të ktheheni kundër nesh, qoftë edhe nëse jemi afër? Sugjerova Bosnjën që të tregohet me e mençur.
Shkup, 12 dhjetor 2017 – Në takimin e vendeve të Kartës së Adriatikut (A5), kryesuese e së cilës ishte Republika e Maqedonisë.Shkup, 12 dhjetor 2017 – Foto e përbashkët me ministrat pjesëmarrës të Kartës së Adriatikut.
TAKIM ME ZËVENDËSNDIHMËSSEKRETARIN E SHTETIT TË SHBA-SË, METTHEW PALLMER
Kosova mund të llogarisë si gjithmonë në ShBA, por edhe ShBA duhet të llogarisë tek ne, si partnerë të përkushtuar dhe të besueshëm.
Në margiinat të takimit të Kartës së Adriatikut, pata një takim me të Dërguarin te Posaçëm Amerikan për Ballkanin Perëndimor, Matthew Palmer.
Unë e përgëzova z.Palmer për emërimin e tij dhe si një mik i vjetër i Kosovës në këtë pozicion të ri, do të vazhdojë të na mbështesë në të gjitha nivelet. Ne e shohim dialogun si një proces të rëndësishëm që ka një mundësi për të mbyllur kapitullin e errët midis Kosovës dhe Serbisë.
Normalizimi i marrëdhënieve me njohje të ndërsjellë është qëllimi i vetëm, asgjë me pak, dhe vlerësojmë pozicionin e fuqishëm të Uashingtonit për ketë synim.
Shkup, 12 dhjetor 2017 – Në margjina të takimit të Kartës së Adriatikut, takova Zëvendësndihmëssekretarin e shtetit të ShBA-së, Metthew Pallmer, mbështetës i madh i rajonit tonë.
Procesi i Integrimit tonë ndërkombëtarë si në Organizatën e Kombeve të Bashkuara (OKB) dhe ato respektive po lëvizë në dy shina të ndërlidhura fuqishëm me njëra tjetrën: negociatat në Bruksel dhe njohjet dy-palëshe. Aq të ndërlidhura janë sa Serbia për të rritur pazarin në negociatat e Brukselit në dhjetëvjetorin e pavarësisë sonë, investohet në të ashtuquajturin revokim të njohjeve (rasti i Surinamit dhe Guinea Bissaut). Besoj se pas marrjes së njohjes sonë nga Madagaskari, janë bërë pak qesharakë dhe janë tërhequr.
Tash unë mendoj se duhet të fokusohemi tek fuqizimi i pozitës sonë në negociatat e Brukselit (stabilitet politik i brendshëm, ekspertizë ndërkombëtare, etj), duke mos lejuar:
a) As ndarje të Kosovës,
b) As kapërcim të Planit Ahtisaari,
dhe as c) konfrontim të botës në blloqe në lidhje me çështjen e anëtarësimit të Kosovës në OKB…
Kosova do duhet të ishte histori suksesi ndërkombëtare: e çliruar nga ndërhyrja e NATO-s, me asistencë perëndimore dhe të Bashkimit Europian në shtet-ndërtim, në rimëkëmbje ekonomike, me rini të mrekullueshme, me pasuri natyrore, në qendër të Europës do duhej të ishte e anëtarësuar tashmë.
Prishtinë, 8 dhjetor 2019 – Gjatë fjalës sime në “Forum 2015”
Më vjen keq, që në raportin tuaj nuk përfshihet puna e madhe lobuese kundrejt shteteve të tjera jashtë europiane, që ka dhënë rezultate të jashtëzakonshme. Ndoshta pse kjo punë, ku unë si kryetar i një partie shpesh në opozitë apo si ndërmarrës me profil ndërkombëtar, kam njëlloj protagonizmi.
Nuk ka patur publicitet sepse ajo shpesh nuk është përkrahur mjerisht nga institucionet përgjegjëse. Unë e di që njohjet janë një sport shumë i shtrenjtë. I papërballueshëm për shtete të vogla si yni. Të qenit prej meje një ndërmarrës me profil të lartë ndërkombëtar, më ka lehtësuar punën-unë njihem globalisht, por dhe më ka thjeshtuar çështjen e shpenzimeve në dëm të familjes, por ka fituar Kosova.
Kam çarë atje ku fuqitë e mëdha nuk kanë mundur të arrijnë sukses, pse investimi i tyre ka sjellë rezistencë më të madhe, apo pazar më të madh në shtete të caktuara: na falni borxhet e 50 vjetëve, apo na shpërbleni.
Unë nuk jam diplomat profesionist, por kjo s’do të thotë se nuk kam arritur suksese. A e dini për shembull se aktualisht në Prishtinë, vijnë delegacione të pafundme nga Nigeria, Gana, Uganda, etj ? Unë po përpiqem të fuqizoj marrëdhëniet ekonomike midis dy vendeve. Nigeria është një vend shumë i madh në Afrikë, i cili ofron oportunitete të jashtëzakonshme për disa prej ndërmarrësve tanë. Afrika sot është kontinenti i të ardhmes së ekonomisë botërore. Ja pse atje ka gjithmonë udhëtime, të ndërmarrësve të mëdhenj botërorë.
Dhe unë nuk e kam parë lobimin thjesht si sigurim të njohjes. Shumë prej atyre që lexojnë lajmet për lobimin, mendojnë se lobimi është thjesht marrje e një trofeje- nota verbale dhe kaq. Kjo është dritëshkurtër. Nesër një vend që të ka dhënë një notë verbale, dhe ti s’ke marrë asnjë kontakt tjetër, mund dhe të mos votojë pro teje për anëtarësimin në OKB”.
Unë po bëj diçka shumë të madhe në lobimin tim. Unë po bëj atë që një studiues e ka quajtur « nation branding ». Unë po krijoj markën e Kosovës në botë. A mund të imagjinonte dikush se Kosova, ndërmarrësit e saj, të rinjtë e saj mund të vendosin një lidhje të caktuar biznesi, me një vend afrikan? Këtë unë bëra në Nigeri para disa vitesh, dhe mora shumë kritika qesharake brenda Kosovës.
Nga forcimi i marrëdhënieve ekonomike, apo në fusha të tjera- edhe vota pro nesër, në OKB, është e sigurt. Këto janë disa pjesë të fjalimit tim të sotshëm me të cilin ju adresova konferencës së Forumit 2015 me titull: mungesë angazhimi, vëzhgim në spektrin e politikave të vendeve të Bashkimit Europian kundrejt Kosovës.
“Nga përvoja ime jetësore, kudo që kam shkuar dhe kam parë ndonjë shenjë apo gjurmë të Kosovës kjo më ka prekur shumë. Imagjinoni fuqinë që ka një fotografi apo thënie e bukur. Në veçanti për atë që Ju e keni në zemër. Atë që ju e doni e jeni i lidhur. Atë që shpirti Juaj e do. Kjo është fuqia e Diplomacisë Publike. Kjo është fuqia e PR-it.
Këto fotografi dhe shkrime janë bërë për njerëzit që e duan Kosovën. Për të gjithë ata që janë sonte këtu. Të tjerët që nuk janë, por do t’i shohin. Gjithandej në botë, ku Kosova ka miq.
Aty ku janë njerëzit e Kosovës. Holle të tjera të Institucioneve me rëndësi dhe ndikim”, kështu i thashë sonte kryeredaktorëve, gazetarëve, artistëve dhe profesionistëve të tjerë të gjitha fushave, që ishin të pranishëm në ceremoninë e shpalljes së fituesve të çmimit për fotografitë dhe shkrimet më të mira në promovimin e Kosovën gjatë vitit 2017.
Ne këtë projekt ne e nisëm menjëherë pasi që pranova detyrën time zyrtare dhe nuk u ndalëm për asnjë moment. Secili kontribut dhe angazhim sado i vogël që Ju keni dhënë deri më tash me të vërtetë ka qenë me vlerë të madhe për ne. Pranuam shumë thirrje: nga kryeredaktorë e gazetarë, fotografë e artistë e shumë njerëz të vullnetit të mirë.
Prishtinë, 7 dhjetor 2017 – Duke folur para kryeredaktorëve, gazetarëve, artistëve dhe profesionistëve të tjerë të gjitha fushave, që ishin të pranishëm në ceremoninë e shpalljes së fituesve të çmimit për fotografitë dhe shkrimet më të mira në promovimin e Kosovën gjatë vitit 2017.
Ne përfunduam edhe ueb-faqen e re kosovoabc.com, që e prezantuam sot. Diçka që i ka munguar vendit tonë dhe e cila do të përmbajë informata të azhurnuara dhe fotografi në kategorinë e atraksioneve turistike natyrore, muzikës, sportit, filmit, historisë, ekonomisë, marrëdhënieve ndërkombëtare, sistemit politik, kuzhinës tradicionale dhe intervistave me ndërkombëtarët, që jetojnë apo kanë investuar në vendin tonë.
Themeluam faqen e re në Wikipedia. Jemi në themelim e sipër të Grupit të Përdorimit në Wikimedia. Kemi nisur bisedimet për jetësimin e idesë tonë të projektit të jashtëzakonshëm Virtual Kosovo.
Kosovës ia kemi borxh që t’ia prezantojmë më së miri bukuritë e saj natyrore, ashtu siç i ka falur Zoti. T’I promovojmë trashëgiminë e pasur, ashtu siç u ndërtua nëpër shekuj. Kulturën, ashtu siç ditën ta ruajnë e zhvillojnë shumë breza. Sportin që na bëri krenar të gjithë. Dhe, yjet tona të muzikës që i adhuron dhe i dëgjon e gjithë bota.
E kam informuar Braathun për zhvillimet e gjithëmbarshme politike në Kosovë, të arriturat e deritanishme, si dhe për objektivat dhe synimet e Qeverisë së Republikës për vitin 2018.
Ndërsa, Braathu, më njoftoi në lidhje me planet dhe aktivitetet e këtij misioni në Kosovë për vitin e ardhshëm, si dhe për prioritetet e shtetit italian, i cili do të jetë kryesues i OSBE-së gjatë vitit 2018.
