Aleanca Kosova e Re

Tag: Sllovenia

  • Në margiinat e Forumit të Bled-it, takime shumë të rëndësishme me homologët e shteteve mike

    Në margiinat e Forumit të Bled-it, takime shumë të rëndësishme me homologët e shteteve mike

    Bled – Slloveni, 3 shtator 2019 –

    Me mjegullen mbi liqe, qiellin e ngrysur dhe temperaturat e ulëta dukej sikur vjeshta kishte ardhur më herët në Bled por shiu që ra vetëm sa ja shtoi bukurinë qytetit mes bjeshkëve.

    Punimet zyrtare në sallën e festivaleve në Bled filluan me këtë atmosferë.

    Diskutimet dhe shkëmbimet mbi bashkëpunimin rajonal, sigurinë e kontinentit dhe anëtarësimin e Ballkanit Perëndimor në Bashkimin Evropian ishin tema në Forumin Strategjik të Bledit të Sllovenisë.

    Ditën e hënë e fillova me panelin e Liderëve në të cilin ndër të tjerash thashë se i gjithë rajoni duhet të bëhet pjesë e BE-së dhe NATO-s ashtu që gjenerata e ardhshme të mos përjetojë vështirësitë që kemi përjetuar ne, ndërkohë duhet të ketë njohje reciproke, respektim të të drejtave të pakicave kombëtare dhe të ketë ballafaqim me të kaluarën.

    Bled – Slloveni, 3 shtator 2019 – Momenti kur kam marr fjalën para të pranishmëve në Forumin e Bledit.

    Folësi kryesor ishte homologu finlandez Pekka Haavisto, kurse folësit tjerë ishin znj. Majlinda Bregu, Sekretare e Përgjithshme, Këshilli i Bashkëpunimit Rajonal (RCC), Bosnje dhe Hercegovinë, Igor Crnadak, Ministër i Punëve të Jashtme të Bosnjës dhe Hercegovinës, Ivica Daçiq, Zëvendëskryeministër i Parë dhe Ministër i Punëve të Jashtme të Serbisë, Dr. Srđan Darmanoviq, Ministër i Punëve të Jashtme të Malit të Zi, Nikolla Dimitrov, Ministër i Punëve të Jashtme të Maqedonisë së Veriut, Dr. Vedran Džihić, Hulumtues i Lartë/Ligjërues i lartë, Instituti Austriak për Çështjet Ndërkombëtare, Universiteti i Vjenës, Austri.

    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Diskutim me Mathew Palmer gjatë Forumit në Bled.

    Në panel ishte edhe z. Matthew A. Palmer, Zëvendës Ndihmës Sekretari, Byroja e Çështjeve Evropiane dhe Euroaziatike, Departamenti i Shtetit i SHBA-së, Péter Szijjártó, Ministër i Punëve të Jashtme dhe Tregtisë i Hungarisë.

    Dëgjuesit kryesorë:

    • Znj. Nina Kodelja, Zëvendës Sekretarja e Përgjithshme, Iniciativa e Evropës Qendrore – Sekretariati Ekzekutiv, Slloveni
    • Prof John O’Brennan, Jean Monnet Profesor i Integrimit Evropian, Universiteti Maynooth, Irlandë

    Moderator: z. Goran Svilanović, ish-ministër i Punëve të Jashtme të Serbisë.

    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Pas vitesh ëndrrash të pezulluara, a është e mundur të kuptosh se BE-ja nuk ka shkop magjik për të tundur dhe se ndryshimi nuk ka gjasa të vijë nga jashtë; rajoni duhet ta bëjë vetë. A është rajoni gati për ndryshim?

    Fjalimin tim gjatë takimit në Bled e fillova me dy fjalët kyçe të këtij paneli,

    • Evropianizimi dhe

    • Demokratizimi

    Potencova se Ilustrimin tonë të synimeve, ne ia kemi hedhur vetvetes, si anëtare të ardhshme të BE-së dhe NATO-s, por është përgjegjësia e përbashkët, nga ana tjetër, që tregon rrugën e vetme përpara në përmbushjen e objektivave.

    Thash se jem plotësisht dakord se përgjegjësia është kryesisht mbi shpatullat e rajonit. Por potencova se kur BE-ja nuk arrin të sigurojë një perspektivë të qartë për integrimin ose madje as të përmbushë premtime shumë specifike pasi të përmbushen të gjitha kërkesat, ngarkesa mbi supet tona bëhet më e rëndë. Thash se BE ka shumë për të ofruar.

    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët.

    Historia e BE-së dhe e Ballkanit Perëndimor nuk duhet të jetë një prej mundësive të humbura, rrethanave të ndryshueshme dhe të pafavorshme, cikleve të vazhdueshme zgjedhore dhe premtimeve të thyera. Marrëdhëniet midis rajonit dhe BE-së nuk duhet të frenohen ose të lëvizin në qarqe ndërsa bota po ecën përpara.

    Pas vitesh ëndrrash të pezulluara, a është e mundur të kuptosh se BE-ja nuk ka shkop magjik për të tundur dhe se ndryshimi nuk ka gjasa të vijë nga jashtë; rajoni duhet ta bëjë vetë. A është rajoni gati për ndryshim?

    Përgjegjësia qëndron kryesisht mbi supet e rajonit, pasi përparimi në integrimin në BE nuk sjell automatikisht europianizimin e shoqërisë dhe vlerave, as nuk siguron automatikisht standardet më të larta demokratike.

    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Diskutim me Mathew Palmer gjatë Forumit në Bled.

    A janë vendet gati të kryejnë reformat e nevojshme dhe të ndryshojnë paradigmat e vazhdueshme që nuk janë në përputhje me perceptimin e BE-së për sundimin e ligjit, demokracinë apo zhvillimin e qëndrueshëm politik dhe ekonomik?

    A janë gati elitat politike të lehtësojnë ndryshimin dhe, në thelb, a është BE gati të ndihmojë në rivendosjen e premtimit për një të nesërme më të mirë për rajonin?

    A është koha për të pranuar se procesi i zgjerimit është me të meta dhe se integrimi i Ballkanit Perëndimor në BE ka nevojë për erë të re në velat e tij, duke përfshirë rivendosjen e besimit midis rajonit, qytetarëve të tij dhe projektit evropian?

    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Zëvendëskryeministër i Parë dhe Ministër i Punëve të Jashtme të Kosovës, Behgjet Pacolli.
    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Pas vitesh ëndrrash të pezulluara, a është e mundur të kuptosh se BE-ja nuk ka shkop magjik për të tundur dhe se ndryshimi nuk ka gjasa të vijë nga jashtë; rajoni duhet ta bëjë vetë. A është rajoni gati për ndryshim?
    Bled, Hotel Rikli Balance. Paneli me titull Ballkani Perëndimor – rruga drejt Evropës dhe demokracisë dhe përgjegjësia e përbashkët. Shtrëngim duarsh me znj. Majlinda Bregu, Sekretare e Përgjithshme, Këshilli i Bashkëpunimit Rajonal (RCC), Bosnje dhe Hercegovinë.

    Pasdite, fillova takimet bilaterale. I fillova me të Dërguarin e Posaçëm Amerikan për Ballkanin Perëndimor, Matthew Palmer, pasi që marrëdhëniet e Kosovës me ShBA-në janë ekzistenciale dhe strategjike.

    Unë e përgëzova z.Palmer për emërimin e tij dhe si një mik i vjetër i Kosovës në këtë pozicion të ri, do të vazhdojë të na mbështesë në të gjitha nivelet.

    Ne e shohim dialogun si një proces të rëndësishëm që ka një mundësi për të mbyllur kapitullin e errët midis Kosovës dhe Serbisë. 

    Normalizimi i marrëdhënieve me njohje të ndërsjellë është qëllimi i vetëm, asgjë me pak, dhe vlerësojmë pozicionin e fuqishëm të Uashingtonit për ketë synim. Kosova mund të llogarisë si gjithmonë në ShBA, por edhe ShBA duhet të llogarisë tek ne, si partnerë të përkushtuar dhe të besueshëm.

    Bled, Hotel Rikli Balance. Me të Dërguarin e Posaçëm Amerikan për Ballkanin Perëndimor, Matthew Palmer, pasi që marrëdhëniet e Kosovës me ShBA-në janë ekzistenciale dhe strategjike.
    Bled, Hotel Rikli Balance. Me të Dërguarin e Posaçëm Amerikan për Ballkanin Perëndimor, Matthew Palmer, dhe zonjën nga ekipi i tij. Marrëdhëniet e Kosovës me ShBA-në janë ekzistenciale dhe strategjike.
    Bled, Hotel Rikli Balance. Me të Dërguarin e Posaçëm Amerikan për Ballkanin Perëndimor, Matthew Palmer, zhvilluam takim bilateral.

    Pas darkës së shtruar nga miku dhe homologu turk, Mevlut Cavusoglu, të martën e 3 shtatorit pranë liqenit të bukur të Bledit, i vazhdova takime bilaterale.

    Turqia do të vazhdojë të ndihmojë forcimin ndërkombëtar të Kosovës. Këtë e rikonfirmoj homologu turk, Mevlut Cavusoglu. 

    Cavusoglu na uroi sukses gjatë kryesimit të Kosovës në Procesin e Bashkëpunimit të Evropës Juglindore (SEECP). Procesi i Bashkëpunimit të Evropës Juglindore (SEECP) ka startuar në vitin 1996 në Sofje me synim të fuqizimit të bashkëpunimit dhe mirëbesimit rajonal. 

    Bled, Hotel Rikli Balance. Me miku dhe homologu turk, Mevlut Cavusoglu. Turqia do të vazhdojë të ndihmojë forcimin ndërkombëtar të Kosovës.
    Bled, Hotel Rikli Balance. Me miku dhe homologu turk, Mevlut Cavusoglum darkë pune, në Slloveni, në margjinat e Forumit të 14-të Strategjik të Bledit. 
    Bled, Hotel Rikli Balance. Me miku dhe homologu turk, Mevlut Cavusoglu. Turqia do të vazhdojë të ndihmojë forcimin ndërkombëtar të Kosovës.

    Takim jashtëzakonisht i shkëlqyeshëm ashtu sikurse janë edhe marrëdhëniet e mira e tradicionale të Kosovës dhe Slovenisë, ishte me ministrin e Punëve të Jashtme të Sllovenisë, z.Miro Cerar.

    Në marrgjinat e Forumit të 14-të Strategjik të Bled-it, i shpreha mirënjohje ministrit Cerar për mbështetjen e vazhdueshme që Sllovenia i ka dhënë Kosovës në Bashkimin Evropian, NATO dhe kudo që shteti slloven është i pranishme në organizatat ndërkombëtare.  

    Bled, Hotel Rikli Balance. Në marrgjinat e Forumit të 14-të Strategjik të Bled-it, i shpreha mirënjohje ministrit Cerar për mbështetjen e vazhdueshme që Sllovenia i ka dhënë Kosovës në Bashkimin Evropian.
    Bled, Hotel Rikli Balance. Në marrgjinat e Forumit të 14-të Strategjik të Bled-it, i shpreha mirënjohje ministrit Cerar për mbështetjen e vazhdueshme që Sllovenia i ka dhënë Kosovës në Bashkimin Evropian, NATO dhe kudo që shteti slloven është i pranishme në organizatat ndërkombëtare.  
  • Nikoqir i homologut tim nga Sllovenia

    Nikoqir i homologut tim nga Sllovenia

    Prishtinë, 13 mars 2018

    Sot isha nikoqir i takimit me Zëvendëskryeministrin dhe Ministrin e Punëve të Jashtme të Republikës së Sllovenisë në Kosovë, Karl Erjavec.

    I shpreha mirënjohje të thellë për mbështetjen konsistente dhe gjithëpërfshirëse sllovene.

    Sllovenia ka qenë zëri më i fuqishëm për Kosovën dhe shqiptarët e Kosovës edhe atëherë kur ne kemi jetuar në kohë të vështira dhe nën kulmin e përbashkët.

    Prishtinë, 13 mars 2018 – Takime mes dy delegacioneve Kosovë – Slloveni në ambientet e MPJ-së.

    U sigurova se Sllovenia do shtojë angazhimin dhe përkushtimin e saj edhe më të madh për mbështetjen e Kosovës për anëtarësim në Organizatat Ndërkombëtare, rrugëtimin tonë euro-atlantik, liberalizimin e shpejtë të vizave për qytetarët e Kosovës dhe për rritjen e mëtejme të investimeve dhe krijimin e vendeve të reja të punës për shtetasit tanë në shumë sektorë tjerë, ku potencialet janë të pashfrytëzuara.

    Prishtinë, 13 mars 2018 – Momente nga konferenca për media me homologun slloven Erjavec.

    Po atë ditë u zhvillua edhe Forumi Ekonomik që kisha organizuar në mes dy vendeve me pjesëmarrjen e 40 bizneseve të sektorëve të ndryshm nga të dyja anët.

    Në praninë e zëvendëskryeministrit dhe Ministrit të Punëve të Jashtme, Karl Erjavec dhe dhjetëra bizneseve si nga Kosova ashtu edhe nga Sllovenia, sot në Prishtinë nënshkruam Protokollin i sesionit të parë në kuadër të Forumit Ekonomik Kosovë-Slloveni.

    Prishtinë, 13 mars 2018 – Gjatë fjalës sime në Forumin Ekonomik i propozova miqve dhe partnerëve tanë slloven, që të kemi një Zonë Ekonomike vetëm sllovene.

    I propozova miqve dhe partnerëve tanë slloven, që të kemi një Zonë Ekonomike vetëm sllovene.

    Nga Investimet e Huaja Direkte zhvillohet Kosova, përfiton ekonomia, krijohen vende të reja pune dhe përmirësojmë standardin e jetesës së qytetarëve tanë.

    Prishtinë, 13 mars 2018 – Takimi ku ishte nënshkruar protokolli i sesionit të parë në kuadër të Forumit Ekonomik Kosovë – Slloveni.

    Safet Gërxhaliu, kryetar i OEK, tha se duke marrë parasysh eksportet e Sllovenisë që janë afro 30 miliardë euro duhet të avancojmë më shumë këtë bashkëpunim.

    “Në aspektin ekonomik Sllovenia nga ish hapësira e Ballkanit Perëndimor me sukses e ka kaluar transpozicionit dhe tani është pjesë e fuqizimit në kuadër të familjes evropiane”.

    Ante Millovoj, nga Oda Sllovene ka theksuar se biznesi slloven është i interesuar të ndihmojë atë kosovar. Ai tha se modeli profesional slloven duhet të ofrojë zgjidhje edhe në shtetin e Kosovës.

    “Jemi të interesuar të heqim mosbilancin në mardhënie ekonomike. Dua të veçoj bashkpunimin për reciklimin e mbetjeve dhe fabrika për pastrimin e tokës. Biznesi slloven është i hapur për iniciativa me Kosovën. Modeli jonë profesional dhe arsimor mund të ofroj zgjedhje të duhur për interes dy palësh”, shtoi ai.

    Prishtinë, 13 mars 2018 – Takimi ku ishte nënshkruar protokolli i sesionit të parë në kuadër të Forumit Ekonomik Kosovë – Slloveni.

    Zëvendëskryeministri dhe Ministri i Punëve të Jashtme, Behgjet Pacolli tha se është shqetësuese fakti që 110 milionë euro janë importuar  më 2017, ndërsa vetëm 1 për qind e asaj janë eksportuar.

    “Kemi një mosbalancim marramendës tregtar. Vitin e kaluar kemi importuar 110 milionë euro e kemi eksportuar 1 për qind të asaj dhe ne nuk jemi aspak të nervozuar, ne me kënaqësi i konsumojmë prodhimet sllovene”.

    “Inkurajoj bizneset sllovene që ta konsiderojnë tregun kosovarë jo vetëm për të plasu produktet por edhe për fuqinë puntore e cila është shumë proaktive”, shtoi Pacolli.

    Ministri i Punëve të Jashtme të Sllovenisë, Karl Erlavec, tha se edhe marrëdhëniet politike luajnë rol në zhvillim të bashkëpunimit ekonomik.

    “Një kohë shumë të madhe ja kemi dedikuar bashkëpunimit ekonomik. Mua më duket diplomacia ekonomike si parakusht për marrëdhënie të mira miqësore politike. Unë jam i bindur se marrëdhëniet politike do të thotë se duhet edhe një bazament i duhur për zhvillim ekonomik”, ka thënë Erlavec.

    Në fund ai shtoi se Sllovenia mbetet mbështetëse e madhe e Kosovëss në rrugën e saj evropiane.

    Më pas u nënshkrua protokoll i bashkëpunimit në mes Kosovës dhe Sllovenisë. Guner Ureya, drejtor i departamentit për diplomaci ekonomike në MPJ e Kosovës dhe nga MPJ e Sllovenisë, Alenka Suhadolnik, nënshkruan marrëveshjen.

  • Vizita ime në Lubjanë, takimi me presidentin dhe homologun slloven

    Vizita ime në Lubjanë, takimi me presidentin dhe homologun slloven

    Lubjanë, 19 dhjetor 2017

    Republika e Kosovës dhe Republika e Sllovenisë do të thellojnë edhe më shumë bashkëpunimin ekonomik në mes dy vendeve dhe për këtë qëllim do të mbahet një Forum Ekonomik brenda tre muajve të ardhshëm.

    Nga shteti mik dhe partner slloven do të kemi mbështetjen e plotë në përshpejtimin e procesit të liberalizimit të vizave për qytetarët e Kosovës dhe për anëtarësimin e plotë në Organizatat Ndërkombëtare, veçanërisht në Këshillin e Evropës, Interpol dhe UNESCO.

    https://fb.watch/mIftmKifgC/

    Me qëllimin e thellimit dhe intensifikimit të mëtejmë të Bashkëpunimit Ekonomik në mes të dyja vendeve do të themelohet edhe një Komision për Bashkëpunim Ekonomik në nivel Ministrash.

    Lubjanë, 19 dhjetor 2017 – Gjatë takimit me Presidentin slloven Borut Pahor.
  • Takime me shefat e zyrave diplomatike të akredituar në Prishtinë

    Takime me shefat e zyrave diplomatike të akredituar në Prishtinë

    Prishtinë, 21 nëntor 2017 –

    Ditën e fillova duke pritur në takim Shefen e Zyrës Ndërlidhëse të Greqisë në Kosovë, Konstantina Athanassiadou. Shefes së Zyrës Ndërlidhëse të Greqisë në Kosovë, i konfirmova se e vlerësojmë mbështetjen që Athina ka dhënë dhe po jep në ndërtimin e perspektives euroatlantike të Kosovës.

    I rikonfirmova se dy vendet trajtojnë reciprokisht relacionet me respekt dhe përkushtim të madh. Në takim u diskutua edhe për projektet e reja bilaterale ndërmjet dy vendeve, sidomos në organizimin e konferencave të përbashkëta ekonomike.

    Prishtinë, 21 nëntor 2017 – Takim me Shefen e Zyrës Ndërlidhëse të Greqisë në Kosovë, Konstantina Athanassiadou.

    Takimi i radhës që zhvillova gjatë ditës ishte me të ngarkuarin me Punë të Arabisë Saudite në Tiranë, që mbulon shtetin tonë, Fayez Almeyat.

    Vlerësim për qeverinë e re, gatishmëri për mbështetje të gjithanshme dhe të palëkundur ndaj Kosovës, pranova nga Almeyat.

    Vlerësova si shumë të rëndësishme ndihmën saudite në gjithë fushat, duke filluar me njohjen e hershme, që përcaktoi një fluks tjetër njohjesh të Kosovës prej vendeve të tjera arabe dhe islamike. Arabia Saudite do të shtojë numrin e studentëve kosovarë në degë të tjera si mjekësia, inxhinieria, etj, veç degëve teologjike.

    Prishtinë, 21 nëntor 2017 – Takim me Shefin e misionit të Ambasadës së Arabisë Saudite, Fayez Almeyat.

    Kërkova, që të firmosen marrëveshje të reja bashkëpunimi, të vendoset reciprociteti në lëvizjen e lirë të qytetarëve të të dyja vendeve dhe angazhimin e shtuar të Arabisë Saudite si vend mik për shtimin e njohjeve tek vendet që ajo ka ndikim.

    Takimi me Shefin e Zyrës sllovake në Prishtinë, Lubomir Batar

    Ngritja e nivelit të përfaqësimit diplomatik në mes Kosovës dhe Sllovakisë dhe rritja e bashkëpunimit ekonomik dhe Odave Ekonomike nga të dyja vendet respektive ishin disa nga çështjet që diskutova me shefin e Zyrës së Sllovakisë në Kosovë, Lubomir Batar.

    Prishtinë, 21 nëntor 2017 – Takimi me Shefin e Zyrës sllovake në Prishtinë, Lubomir Batar.

    Me Batar kemi ndarë të njëjtin mendim se marrëdhëniet midis dy vendeve  janë shumë të mira, duke vlerësuar se megjithëkëtë ende ka hapësirë për intensifikimin e bashkëpunimit intensiv ekonomik dhe shfrytëzimin e mundësive të reja që ofrojnë tregjet në këto dy vende.

    TAKIM ME AMBASADORIN JOREZIDENT TË JAPONISË NË KOSOVË, KIYOSHI KOINUMA

    Ambasadorin Koinuma e njoftova me ecurinë e themelimit të Parkut të Biznesit Japonez, i cili do t’i ofrojë bizneseve japoneze kushte të favorshme për investime në Kosovë.

    Në kuadrin e thellimit të bashkëpunimit ekonomik, Ambasadori Koinuma më njoftoi për iniciativën e Kryeministrit japonez, z.Shinzo Abe, për mbështetjen e zhvillimit ekonomik të Ballkanit Perëndimor, dhe në këtë kuadër Ambasada japoneze në Vjenë do të organizojë forumin ekonomik për promovimin e investimeve në Kosovë në fillim të muajit tetor.

    Prishtinë, 21 nëntor 2017 – Takim me Ambasadorin jorezident të Japonisë në Kosovë, Kiyoshi Koinuma.

    U diskutua edhe tema e dialogut me Serbinë, për të cilën Japonia është e interesuar që të mbarojë sa më parë, dhe njëherit përkrahë fuqishëm anëtarësimin e Republikës së Kosovës në mekanizmat ndërkombëtar.

  • Takim me Ambasadorin e Sllovenisë në Kosovë, Bojan Bertoncelj

    Takim me Ambasadorin e Sllovenisë në Kosovë, Bojan Bertoncelj

    Prishtinë, 14 shtator 2017

    Gjatë këtij takimi, janë ri-konfirmuar marrëdhëniet e shkëlqyeshme në mes dy vendeve dhe dy popujve, me zotime dhe përkushtime të reja për forcimin e mëtejmë të këtyre marrëdhënieve në fusha të interesit të përbashkët.

    Veç ri-theksimit të mbështetjes sw fuqishme sllovene ndaj anëtarësimit të plotë të Republikës së Kosovës në Komunitetin Ndërkombëtarë, avancimit të agjendës euro-atlantike; një vëmendje e posaçme i është kushtuar zgjerimit dhe thellimit të bashkëpunimit ekonomik në mes dy vendeve respektive nëpërmjet organizimit të Forumeve Ekonomike në të dyja vendet.

    Nevoja për përshpejtimin e procesit të liberalizimit të vizave për qytetarët e Republikës së Kosovës ka qenë një temë tjetër, e cila është diskutuar gjithashtu.