Presidenti Pacolli në Irak: Nis projekti gjigant “Boulevard Mosul”, investim mbi 400 milionë euro

June 16, 2026 Lajme 0

Erbil, Irak – 15 qershor 2026 – Në kuadër të një vizite zyrtare dhe miqësore në Irak dhe në Rajonin e Kurdistanit, Presidenti Behgjet Pacolli, njëherit themelues i MABETEX HOLDING, ka zhvilluar takime të nivelit të lartë me autoritetet lokale dhe përfaqësues të rëndësishëm të sektorit të investimeve, duke shënuar një hap të ri në zgjerimin e bashkëpunimit ekonomik ndërkombëtar.

Gjatë vizitës, Presidenti Pacolli u prit nga Kryeministri i Rajonit të Kurdistanit, Masrour Barzani, ku u diskutuan projektet e zhvillimit urban dhe investimet strategjike që synojnë transformimin e qyteteve kryesore të rajonit.

**Erbil, 15 qershor 2026 –** z. Behgjet Pacolli dhe Kryeministri i Kurdistanit, Dr. Masrour Barzani,, takimi u zhvillua në një atmosferë miqësore dhe respekti të ndërsjellë, duke reflektuar marrëdhëniet e mira ndërmjet dy liderëve dhe popujve që ata përfaqësojnë.

Në qendër të vizitës ishte prezantimi dhe nisja e projektit madhor “Boulevard Mosul”, një zhvillim urban modern i realizuar në bashkëpunim me kompanitë ndërkombëtare të grupit Mabetex Group, në partneritet me Almounif Holding dhe platformën zhvilluese MPC (Multi Projects Company).

Sipas prezantimeve të projektit të publikuara nga grupi implementues, “Boulevard Mosul” përfaqëson një masterplan të integruar urban që synon krijimin e një qyteti modern brenda qytetit, duke përfshirë zona rezidenciale, komerciale dhe rekreative të standardeve ndërkombëtare.

**Erbil, 15 qershor 2026 –** **Nënshkrimi i Memorandumit të Mirëkuptimit** midis **Al-Manif Al-Kabda (Irak)**, **MPC Group**, **Mabetex Group** dhe kompanisë amerikane **Mabetex Veritas**, duke shënuar një hap të rëndësishëm në forcimin e bashkëpunimit ndërkombëtar në fushën e investimeve dhe zhvillimit të projekteve strategjike.

Projekti parasheh ndërtimin e rreth 2,500 njësive banimi moderne, qendra tregtare të integruara (Shopping Center), hapësira edukative dhe sportive, si dhe infrastrukturë të plotë urbane që synon të ndryshojë standardin e jetesës në Mosul.

Një komponent i veçantë i zhvillimit është edhe ndërtimi i Swiss Diamond Boutique Hotel me 250 dhoma, i konceptuar si pjesë e ofertës turistike dhe biznesore të qytetit.

Në prezantimet e bëra nga përfaqësuesit e MPC dhe partnerët e projektit, u theksua se “Boulevard Mosul” është një nga projektet më të mëdha private të zhvillimit urban në rajon, me një vlerë investimi që tejkalon 400 milionë euro dhe me ndikim të drejtpërdrejtë në krijimin e mijëra vendeve të reja të punës.

**Erbil, 15 qershor 2026 –**Themeluesi i MABETEX GROUP, Presidenti Behgjet Pacolli, me nivelin me të lart të investitorëve të projektit **“Boulevard Mosul”**, kjo prani e dalluar afirmon se Erbil është bërë një destinacion tërheqës për investime ndërkombëtare.

Presidenti Pacolli vlerësoi bashkëpunimin me partnerët lokalë dhe ndërkombëtarë, duke theksuar rëndësinë e projekteve që sjellin zhvillim afatgjatë dhe transformim urban në qytete me potencial të madh si Mosuli.

Vizita dhe nënshkrimi i marrëveshjes shihen si një hap i rëndësishëm në thellimin e bashkëpunimit ekonomik ndërkombëtar dhe në forcimin e rolit të investimeve private në rindërtimin dhe modernizimin e Irakut.