Aleanca Kosova e Re

Author: Liridon Llapashtica

  • I ftuar nderi nga në mbrëmjen gala të organizuar nga OKB, “South to South”

    I ftuar nderi nga në mbrëmjen gala të organizuar nga OKB, “South to South”

    Nju Jork, 24 shtator 2012

    Në vazhdim të qëndrimit të tij në Nju Jork të SHBA-ve, zëvendëskryeministri i parë i Qeverisë së Kosovës, z.Behgjet Pacolli ka marrë pjesë në mbrëmjen gala të organizuar nga OKB, “South to South”.

    Në këtë eveniment, kanë marrë pjesë më shumë se 100 përfaqësues të lartë nga shtete të ndryshme të botës, ndërsa fjalën kryesore e ka mbajtur sekretari I përgjithshëm I OKB-së, z.Ban Ki Moon.

    Zëvendëskryeministri Pacolli I cili ishte i ftuar nderi në këtë ceremoni gala, gjatë fjalës së sekretarit të përgjithshëm të OKB-së, u nderua me një vend në lozhën e nderit në mesin e dhjetëra presidentëve dhe kryeministrave.

    Gjatë kësaj ceremonie, zëvendëskryeministri Pacolli shfrytëzoi rastin për të zhvilluar takime të drejtpërdrejta me udhëheqës shtetesh, si, me ministrin e punëve të jashtme të Cejlonit, Sudanit të Jugut, Mozambikut etj.

    Gjithashtu, zëvendëskryeministri Behgjet Pacolli dha edhe një intervistë direkte me televizionin amerikan CNBC ku foli gjerësisht për proceset e rëndësishme nëpër të cilat po kalon Republika e Kosovës, pas përfundimit të pavarësisë së mbikqyrur. Pacolli ritheksoi edhe njëherë përkushtimin e institucioneve të Republikës së Kosovës, për të ecur përpara në afirmimin dhe konsolidimin e shtetësisë së vendit tonë në arenën ndërkombëtare.

    Sipas agjendës, zvkryeministri Pacolli sot(e hënë) vazhdon takimet e parapara me kryeministrin e Antigua Barbudas dhe Lesothos.

  • Delegacioni i Kosovës takon Sekretarin e Përgjithshëm të Kombeve të Bashkuara, Ban Ki Moon

    Delegacioni i Kosovës takon Sekretarin e Përgjithshëm të Kombeve të Bashkuara, Ban Ki Moon

    Nju Jork, 23 shtator 2012

    Në kuadër të vizitës në Nju Jork, ku është duke përcjellë punimet e Asamblesë së Përgjithshme Kryeministri i Republikës së Kosovës, Hashim Thaçi, sot u prit në selinë e Kombeve të Bashkuara nga Sekretari i Përgjithshëm i Kombeve të Bashkuara, Ban Ki Moon.

    Delegacioni i Republikës së Kosovës, përbehej edhe nga Presidentja e Republikës së Kosovës, Atifete Jahjaga, Zëvendëskryeministri Behgjet Pacolli, Ministri i Punëve të Jashtme, Enver Hoxhaj, Ministrja e Integrimeve Evropiane, Vlora Çitaku, si dhe Ambasadori i Konsullatës së Republikës së Kosovës në Nju Jork, Bekim Sejdiu.

  • Gjatë qëndrimit në New York takova edhe përfaqësuesen e Singaporit në OKB

    Gjatë qëndrimit në New York takova edhe përfaqësuesen e Singaporit në OKB

    Nju Jork, 22 shtator 2012

    Në kuadër të angazhimeve shtetërore për lobim për shtimin e njohjeve të reja për Republikën e Kosovës, zëvendëskryeministri Behgjet Pacolli, i shoqëruar nga konsullja e nderit e Kosovës në Tajlandë, Mom Luang Rajadarasri, ka takuar konsullen e Singaporit në Nju-Jork, Yuin-Lyn NG.

    Gjatë këtij takimi, zëvendëskryeministri Pacolli informoi konsullen Lyn me zhvillimet aktuale politike në Kosovë, dhe proceset nëpër të cilat po kalon vendi ynë, veçanërisht në dhjetëvjeçarin e fundit të pasluftës.

    “Ne sapo kemi përmbyllur procesin e pavarësisë së mbikëqyrur, që nënkupton që në përpikëri kemi respektuar zotimet para faktorit ndërkombëtar. Kemi respektuar plotësisht pakon e të të dërguarit të OKB-së, Marti Ahtisari, dhe i kemi treguar botës demokratike, se Kosova është e përkushtuar seriozisht të avancojë përpara”, ka thënë Pacolli.

    Nga ana tjetër, konsullja Lyn është shprehur se shteti që përfaqëson ajo, ka përcjellë në vazhdimësi zhvillimet politike rreth Kosovës. Ajo ka shtuar se Singapori do të studiojë në mënyrë të detajizuar vendimin rreth njohjes së Kosovës.

  • Takova përfaqësuesin e përherhshëm të Madagaskarit në OKB, Zina Andrianarivelo-Razafy

    Takova përfaqësuesin e përherhshëm të Madagaskarit në OKB, Zina Andrianarivelo-Razafy

    Nju Jork, 21 shtator 2012

    Në vazhdim të qëndrimit të tij në Nju Jork, zëvendëskryeministri i parë i Qeverisë së Republikës së Kosovës, z.Behgjet Pacolli ka takuar përfaqësuesin e përherhshëm të Madagaskarit në OKB, z. Zina Andrianarivelo-Razafy.

    Zëvendëskryeministri Pacolli, njoftoi përfaqësuesin e Madagaskarit, me proceset në të cilat ka kaluar Kosova, që nga periudha e fillimit të viteve 90-ta, dhe evoluimproceseve të cilat rezultuan me shpalljen e pavarësisë me 2008.

    “Ne jemi ballafaquar me gjenocid, që Serbia ka ushtruar ndaj nesh. Në Kosovë, shteti serb përveq krimeve të rënda që ka kryer, gjithashtu ka dhunuar gratë dhe vajzat tona, deri në momentin e intervenimit të botës demokratike. Kosova konform udhëzimeve të bashkësisë ndërkombëtare, ka ardhur deri tek shpallja e pavarësisë. Gjithashtu, konform planit të të dërguarit të OKB-së, z.Ahtisari ne kemi shpallur pavarësinë duke garantuar respektim të plotë të të drejtave të minoriteve. Vendimin tonë për shpalljen e pavarësisë, edhe GJND-ja e vlerësoi se Kosova se nuk ka rënë ndesh me të drejtën ndërkombëtare”, ka thënë zëvendëskryeministri Pacolli.

    Në anën tjetër përfaqësuesi i përhershëm i Madagaskarit z. Zina Andrianarivelo-Razafy, i konfirmoi zëvendëskryeministrit Pacolli se do të përpilojë një raport të studiuar mirë, që ndërlidhet me procesin e njohjes së Kosovës, dhe të njëjtin do ta përcjellë në kryeqytetin e shtetit të tij.

    z. Zina Andrianarivelo-Razafy, dhe zëvendëskryeministri Pacolli u dakorduan edhe për takimin me presidentin e Madagaskarit që do të zhvillohët në ditët e ardhshme në Nju Jork.

  • Me kryeministrin Thaçi takuam sekretaren amerikane të Shtetit, Hillary Clinton

    Me kryeministrin Thaçi takuam sekretaren amerikane të Shtetit, Hillary Clinton

    Nju Jork, 20 shtator 2011

    Në kuadër të aktivitetit diplomatik në SHBA, delegacioni i Kosovës, i përbërë nga Kryeministri i Republikës së Kosovës, Hashim Thaçi, Behgjet Pacolli u pritën nga Sekretarja e shtetit, Hillari Klinton.

    Sekretarja Klinton e përgëzoi delegacionin e Kosovës për angazhimin e vazhdueshëm për të ndërtuar dhe konsoliduar demokracinë dhe shtetin e Kosovës. Ajo i inkurajoi liderët e Kosovës për aktivitetet diplomatike, të cilat i vlerësoi si jashtëzakonisht efektive.

    Sekretarja amerikane e shtetit, Hillari Klinton tha se SHBA-ja e mbështet fuqimisht sovranitetin dhe integritetin territorial të Kosovës dhe shtrirjen e autoritetit të Kosovës në gjithë territorin e saj. Sekretarja amerikane e Shtetit tha se bashkëpunimi me Bashkimin Evropian dhe misionin e tij në Kosovë për rendin dhe ligjin, EULEX, është i një rëndësie të veçantë dhe kjo shënon një përparim pozitiv dhe i inkurajoi autoritetet e Kosovës që të vazhdojnë të punojnë ngushtë me këtë mision. Ajo tha se është me rëndësi marrëdhënia e afërt me Bashkimin Evropian.

    Në New York në takim me sekretaren e shtetit të Amerikës, znj. Hillary Clinton.

    Zonja Clinton tha se SHBA-ja do të vazhdojë angazhimin e saj për ndihmë Kosovës në rrugën e saj drejt integrimeve evropiane.

    Sekretarja amerikane e Shtetit tha se dialogu me Serbinë është e vetmja rrugë përpara dhe përshëndeti përkushtimin e Kosovës për këtë proces. Ajo tha se SHBA-ja po vazhdon t’i inkurajojë shtetet e tjera që të njohin pavarësinë e Kosovës.

    Sekretarja amerikane e Shtetit e inkurajoi thellimin e reformave të brendshme në Kosovë dhe i dha përkrahje liderëve të Kosovës në luftën kundër korrupsionit dhe krimit të organizuar.

    Gjatë takimit, kryeminsitri Thaçi dhe Presidentja Jahjaga e falënderuan Sekretaren Clinton për mbështetjen dhe kontributin e vazhdueshëm që SHBA-së po e japin në procesin e shtetndërtimit në Kosovë dhe për konsolidimit të mëtejshëm të shtetit të Kosovës në arenën ndërkombëtare.

  • Në Nju Jork takova përfaqësuesin e përhershëm të mbretërisë së Bhutanit në OKB, Lhatu Wangchuk

    Në Nju Jork takova përfaqësuesin e përhershëm të mbretërisë së Bhutanit në OKB, Lhatu Wangchuk

    New York, 20 shtator 2012

    Zëvendëskryeministri i parë i Qeverisë së Republikës së Kosovës, z.Behgjet Pacolli është duke qëndruar në Nju Jork të SHBA, për ti përcjellur nga afër punimet e Asamblesë së Përgjithshme të OKB-së.

    Në ditën e parë të qëndrimit në Nju Jork, zëvendëskryeministri Behgjet Pacolli i shoqëruar nga konsullja e nderit e Republikës së Kosovës në Tajlandë, princesha Mom Luang Rajadarasi, është takuar me përfaqësuesin e përhershëm të Mbretërisë së Bhutanit në OKB, z.Lhatu Wangchuk.

    Zëvendëskryeministri Pacolli, njoftoi përfaqësuesin e Bhutanit, me proceset në të cilat ka kaluar Kosova, veqanërisht pas shpalljes së pavarësisë me 2008.

    “Ne jemi një vend që kemi kaluar nëpër një periudhë të vështirë, praktikisht Serbia ka ushtruar gjenocid ndaj nesh në periudhën e viteve 90-ta. Pas intervenimit të NATO-s, Kosova konform udhëzimeve të bashkësisë ndërkombëtare, ka ardhur deri tek shpallja e pavarësisë. Gjithashtu, konform planit të të dërguarit të OKB-së, z.Ahtisari ne kemi shpallur pavarësinë duke garantuar respektim të plotë të të drejtave të minoriteve. Edhe GJND-ja vlerësoi se Kosova me shpalljen e pavarësisë nuk ka rënë ndesh me të drejtën ndërkombëtare”, ka thënë zëvendëskryeministri Pacolli, duke ripërsëritur kërkesën për njohjen e Republikës së Kosovës.

    Në anën tjetër përfaqësuesi i përhershëm i mbretërisë së Bhutanit, z. Wangchuk, I konfirmoi zëvendëskryeministrit Pacolli që shteti i tij është duke e studiuar qështjen e Kosovës. 

    Në këtë kontekst, z. Wangchok ka thënë se për grumbullimin e sa më shumë informative është shumë i mirëseardhur edhe takimi që do të zhvillohet në ditët e ardhshme ndërmjet zëvendëskryeministrit Pacolli dhe ministrit të punëve të jashtme të Bhutanit, që  udhëheq delegacionin e këtij shteti gjatë samitit në OKB.

    Sipas agjendës, zëvendëskryeministri Pacolli  gjatë qëndrimit në Nju Jork do të zhvillojë dhjetëra takime me përfaqësues shtetesh që ende nuk na kanë njohur.

  • Zëvendëskryeministri Pacolli ka takuar Presidentin e Irakut z.Jalal Talabani

    Zëvendëskryeministri Pacolli ka takuar Presidentin e Irakut z.Jalal Talabani

    Berlin, 14 shtator 2012

    Në kuadër të angazhimit diplomatik për shtimin e numrit të njohjeve për Republikën e Kosovës, zëvendëskryeministri i parë i Qeverisë së Republikës së Kosovës, z.Behgjet Pacolli, ka takuar në Berlin, presidentin e Irakut, z.Jalal Talabani.

    Në një takim të gjatë dhe miqësor, zëvendëskryeministri Pacolli dhe presidenti Talabani, diskutuan për proceset politike nëpër të cilat po kalojnë dy vendet. Zëvendëskryeministri Pacolli prezentoi para presidentit Talabani, arritjet e Republikës së Kosovës që nga shpallja e pavarësisë me 27 shkurt 2008, që kulmuan me përmbylljen e pavarësisë së mbikqyrur.

    Gjithashtu, zëvendëskryeministri Pacolli shprehu besimin e tij që Kosova dhe Iraku në një periudhë të shpejtë, të ndërtojnë marëdhënie diplomatike, dhe të shkëmbejnë përvojat e ndërtimit të demokracisë dhe stabilitetit.

    Në këtë kontekst, zëvendëskryeministri Behgjet Pacolli, kërkoi zyrtarisht edhe njëherë nga presidenti Talabani njohjen e Republikës së Kosovës si shtet të pavarur dhe sovran.

    Në anën tjetër, presidenti Talabani, ka shprehur kënaqësinë e tij për takimin me zëvendëskryeministrin Behgjet Pacolli. Z.Talabani ka thënë se interesimi i Republikës së Kosovës për të krijuar miqësi me shetin e tij është për tu vlerësuar.

    Gjithashtu, presidenti Talabani, ka ftuar zëvendëskryeministrin Pacolli në vizitë zyrtare në Irak për të diskutuar më gjerësisht për hapat e mëtutjeshëm, për krijimin e raporteve ndërshtetërore.

  • E shoqërova ministrin ganez, Muhammad Mumuni për vizitë në familjen e ish presidentit Rugova

    E shoqërova ministrin ganez, Muhammad Mumuni për vizitë në familjen e ish presidentit Rugova

    Prishtinë, 11 shtator 2012

    Në kuadër të vizitës zyrtare në Kosovë, delegacioni i Republikës së Ganës, i udhëhequr nga ministri i punëve të jashtme të Ganës, z.Muhamad Mumuni, i shoqëruar nga zëvendëskryeministri i parë i Qeverisë së Kosovës, z.Behgjet Pacolli kanë zhvilluar një vizitë në familjen e presidentit historik të Kosovës, dr.Ibrahim Rugova.

    Ne vizitën që Ministri i Jashtëm i Ganës, z.Mumuni bëri tek familja Rugova, u diskutua për sfidat që ka kaluar vendi ynë për të ardhur deri te përfundimi i pavarësisë së mbikqyrur.

    Në një atmosferë shumë të ngrohtë familjare dhe në një pritje shumë miqësore, Familja e Presidentit Historik të Kosovës, Ibrahim Rugova, falenderoj Ministrin e Jashtëm të Ganës për njohjen e Kosovës nga ky shtet, duke e njoftuar z. Mumuni, gjerësisht me veprimtarinë e Presidentit Rugova dhe vizionin e tij të hershëm për Liri dhe pavarësi të vendit tonë.

    Gjithashtu, familja e presidentit Rugova shprehu respektin veqentë për qeverinë dhe popullin e Ganës, duke vlerësuar lartë vendimin e këtij shteti për të zhvilluar marëdhënie diplomatike dhe miqësore me vendin tonë.

    “I nderuar ministër, shteti ynë dhe kjo shtëpi e ish presidentit Rugova është e hapur për ju dhe për gjithë miqtë e Kosovës, të cilët të gatshëm të zgjasin dorën e bashkëpunimit me venndin tonë, duke na ndihmuar që të bëjmë hapa më tutje drejt integrimit në familjen e vendeve demokratike. Vendimi juaj për ta njohur pavarësinë e Kosovës, respekton sakrificën e popullit tonë dhe nderon vizionin pacifist të presidentit Rugova”, ka thënë Fana Rugova, bashkëshortja e ish presidentit Rugova.

    Në anën tjetër, ministri i punëve të jashtme të Ganës, z.Mumuni, ka vlerësuar lart figurën e ish presidentit Rugova, vizionin e tij paqësor për të realizuar të drejtat e poopullit të tij për liri dhe pavarësi. Në këtë kontekst, ministri Mumuni, ka thënë se ndërmjet presidentit Rugova dhe presidentit historik të Ganës ka ngjashmëri të madhe, për shkak se të dy kanë si doktrinë, vizionin paqësor dhe liridashës të Gandit të madh.

    Familja e presidentit Rugova, kanë vlerësuar gjithashtu edhe angazhimin e zëvendëskryeministrit Behgjet Pacolli në lobimin për shtimin e numrit të njohjeve për pavarësinë e Kosovës. Sipas bashkëshortes së presidentit Rugova, zëvendëskryeministri Pacolli është duke e vazhduar rrugën e ish presidentit Rugova, në krijimin dhe thellimin e marëdhënieve miqësore me sa më shumë shtete të botës.

    Ministri Mumuni i shoqëruar nga zëvendëskryeministri Pacolli kanë bërë homazhe gjithashtu edhe tek varri i ish presidentit Rugova.

     Po gjatë ditës së sotme, ministri i punëve të jashtme të Ganës, z.Mumuni ka marrë pjesë në konferencën ndërkombëtare për përmbylljen e pavarësisë së mbikqyrur, që është duke u mbajtur në Prishtinë. Ministri Mumuni, me këtë rast ka mbajtur një fjalë përshëndetëse, duke vlerësuar lartë punën e institucioneve të Kosovë për të arritur deri tek vendimi për përmbylljen e pavarësisë së mbikqyrur.

  • Kam pritur në takim ministrin e punëve të Jashtme të Shqipërisë, Edmond Panariti

    Kam pritur në takim ministrin e punëve të Jashtme të Shqipërisë, Edmond Panariti

    Prishtinë, 26 korrik 2012

    Zëvendëskryeministri i parë i Qeverisë së Kosovës, z.Behgjet Pacolli ka pritur në një takim ministrin e punëve të jashtme të Shqipërisë, z.Edmond Panariti.

    Gjatë këtij takimi, zëvendëskryeministri Pacolli ka informuar ministrin Panariti me proceset politike nëpër të cilat është duke kaluar Kosova, me theks të veqantë procesin e përmbylljes së pavarësisë së mbikqyrur.

    ’’Kosova është duke shënuar progres në konsolidimin si shtet’’, ka thënë Pacolli. Gjithashtu, Pacolli ka informnuar ministrin Panariti edhe për arsyet e vendimit të ministrisë së Tregtisë për taksën prej 35 përqind për importin e çimentos. Zoti Pacolli ka thënë se një vendim i tillë nuk është drejtuar në asnjë mënyrë kundër askujt, e veqanërisht nuk është drejtuar kundër eksportit të Shqipërisë. 

    “Masat e ndërmarra për çimenton nuk janë të drejtuara kundër eksportit të Shqipërisë, por janë masa që janë ndërmarrë për mbrojtjen e tregut nga monopoli që ishte në krijim e sipër si rezultat i qmimeve `dumping`. Ky vendim ka mbrojtur punën e mëse 500 punëtorëve, dhe i ka sjellë buxhetit të Kosovës të hyra të konsiderueshme. Jana masa mbrojtëse që janë ndërmarrë për të mbrojtur prodhuesin vendor, dhe për të stimuluar investimet“ ka thënë Pacolli.

    Në këtë drejtim, Pacolli ka vlerësuar lartë sjelljen e shtetit shqiptar, i cili ka respektuar qëllimet e mira të këtij vendimi.

    Në këtë kontekst, Pacolli ka ripërsëritur qëndrimin e tij, që tregjet shqiptare të integrohen në mënyrë që në të ardhmen të evitohen rreziqe të cilat aktualisht sfidojnë ekonomitë e të dyja vendeve.

    “Rasti i Cimentos tregon sesa te domosdoshme jane takimet bilaterale periodike, ku te diskutohet per ceshtje te tilla. Ka ardhur koha e nje konference te madhe kombetare, per te sinkronizuar politikat ekonomike, tregetare, kah hapesira e perbashket ekonomike“, ka theksuar Pacolli.

    Pacolli ka shprehur falenderimin e tij për qeverinë dhe shtetin shqiptar, për angazhimin e vazhdueshëm në përkrahjen e shtetit të Kosovës, për të marrë njohje të reja. Pacolli ka kërkuar nga ministri Panariti, që të ketë koordinim edhe në të ardhmen, veqanërisht në prag të sesionit vjetor të Asamblesë së Përgjithshme të OKB-së.

    Panariti: Pacolli figurë e respektuar te të gjithë shqiptarët

    Në anën tjetër, ministri i punëve të Jashtme të Shqipërisë, Edmond Panariti, ka thënë se MPJ e Shqipërisë dhe gjithë Qeveria shqiptare janë në mbështetje të parezervë të proceseve politike nëpër të cilat është duke kaluar Kosova. Ministri Panariti, ka thënë se shteti shqiptar, do të vazhdojë fuqishëm të mbështesë ushtrimin e sovranitetit të Kosovës në të gjitha pjesët e territorit.

    Gjithashtu, Panariti ka thënë se Republika e Shqipërisë, do të vazhdojë të luajë rolin e vet në lobimin për njohjet e reja për shtetin e Kosovës.

    Në këtë kontekst, Panariti ka vlerësuar punën e zëvendëskryeministrit Pacolli, veqanërisht në thyerjen e “akullit“ tek vendet afrikane.

    Ministri Panariti ka thënë se zëvendëskryeministri i Kosovës, z.Behgjet Pacolli është figurë e respektuar tek të gjithë shqiptarët.

  • Telegram ngushëllimi me rastin e vdekjes së Presidentit të Ganës, John Atta Mills

    Telegram ngushëllimi me rastin e vdekjes së Presidentit të Ganës, John Atta Mills

    Në telegram thuhet:

    Shkëlqesi

    Me pikëllim të thellë, morëm lajmin për vdekjen e presidentit të Ganës, z.John Atta Mills.

    Populli i Kosovës, Qeveria jonë dhe të gjitha institucionet e shtetit tonë, ndajnë bashkë me Ju dhe popullin tuaj, dhimbjen për këtë humbje të madhe.

    Presidenti Mills, do të mbetet gjithmonë figurë e respektuar edhe në vendin tonë. Falë objektivitetit të tij, urtësisë së tij, dhe largpamësisë së tij, shteti i Ganës, u rreshtua përkrah shteteve demokratike të botës, që njohën Republikën e Kosovës si shtet të pavarur dhe Sovran.

    Presidenti Mills, ishte nga ata burrështetas që përkrahu në vazhdimësi të drejtat historike të qytetarëve të Kosovës për të ndërtuar shtet demokratik.

    Shkëlqesi

    Emri i presidentit Mills, do të mbetet i paharruar në historinë e shtetit të Kosovës.

    Andaj, më lejoni që edhe njëherë t’iu shpreh ngushëllimet më të sinqerta në emrin tim personal dhe në emër të Qeverisë së Republikës së Kosovës

    Behgjet Pacolli
    Zëvendëskryeministër i parë i Qeverisë së Republikës së Kosovës