Së bashku me Ambasadorin e Mbretërisë së Belgjikës, në Kosovë, Francois Bontemps, kam nënshkruar instrumentet e ratifikimit të Marrëveshjes për “Sigurime Sociale” nga dy vendet tona.
Me këtë kemi forcuar kornizën ligjore dhe siguruam të drejtën e qytetarit tonë në 2 vende.
“Marrëveshja e lartpërmendur, përveç rëndësisë së përmbajtjes së saj, po ashtu do të lidhet me një shtet mik të Republikës së Kosovës, me qëllim të promovimit dhe thellimit të mëtejmë të marrëdhënieve dypalëshe dhe bashkëpunimin reciprok në fushën e sigurimeve sociale”
Me këtë Marrëveshje, do t’i mundësohet shtetasve të dy shteteve, e drejta e tyre në pensionet kontribut-paguese (duke përfshirë dhe pensionet e kursimeve individuale – trusti pensional), pensionet familjare dhe pensionet invalidore të punës.
Me këtë Marrëveshje, shtetasve kosovarë të cilët kanë punuar një kohë të gjatë në Belgjikë iu mundësohet që pas arritjes së moshës së pensionimit, të kenë të drejtë që këtë pension ta marrin në Kosovë.
Prishtinë, 8 mars 2019 – Gjatë konferencës për media me Ambasadorin e Belgjikës në Kosovë, Francois Bontemps.
Gjithashtu, shtetasve kosovarë do t’i mundësohet e drejta për t’i bashkuar periudhat e kontributeve (stazhit të punës), në mënyrë që të realizojnë pensionin, në rastet kur nuk është e mundur që të plotësojnë kushtet ligjore për pensionim qoftë në Kosovë apo në Belgjikë.
Në anën tjetër, personat të cilët banojnë në Belgjikë dhe plotësojnë kushtet për përfitim të ndonjërit pension sipas legjislacionit të zbatueshëm, pala kosovare është e obliguar që ta transferojë pagesën e pensionit nga Kosova në Belgjikë.
Prishtinë, 8 mars 2019 – Me këtë Marrveshje të nënshkruar kemi forcuar kornizën ligjore dhe siguruam të drejtën e qytetarit tonë në 2 vende.
Sipas marrëveshjes, çdo shtetas (kosovar apo belg), ka të drejtë të aplikojë në ndonjërin prej dy vendeve në këto lloje të përfitimeve.
Kjo marrëveshje ishte nënshkruar më 20 shkurt 2018 në Bruksel, ndërsa pas nënshkrimit dhe shkëmbimit të instrumenteve të ratifikimit ajo hyn në fuqi më 1 Qershor, 2019.
Në aspektin bilateral Kosova dhe Belgjika janë përqendruar në rritjen e bashkëpunimit politik, ekonomik dhe sigurisë, ndërsa në atë multilateral, Belgjika vazhdon ta mbështes Kosovën në të gjitha organizatat ndërkombëtare.
Prishtinë, 8 mars 2019 – Ambasadorin Bontemps e njoftova edhe me librin e botuar nga MPJ, e që tregon vendimin mbi ligjshmërinë e Pavarsisë së Kosovës nga Gjykata Ndërkombëtare e Drejtësisë (GJND).
Republika e Kosovës ka pranuar mbështetje të madhe nga Belgjika, sidomos në Organizatën Botërore të Doganave (OBD); në avancimin e statusit në Frankofoni, ndërsa vazhdon të përkrahë fuqishëm vendin tonë edhe për anëtarësimin në Interpol dhe agjendën evropiane.
Mbretëria e Belgjikës kishte qenë njëri ndër shtetet e para, që e kishte njohur Kosovën si shtet të pavarur dhe sovran, më 24 shkurt 2008.
Ambasadorën jo-rezidente të Panamasë në vendin tonë, Anabella Guardia de Rubinoff, e informova për të gjitha proceset e rëndësishme, që po kalon vendi si në nivel vendor ashtu edhe atë ndërkombëtar.
Kosova dhe Panamaja kanë arritur, që të ndërtojnë marrëdhënie të shkëlyeshme. Në vazhdim, diskutuam edhe mbi situatën në Venezuelë.
E ritheksova qëndrimin tonë të palëkundur se Kosova ka njohur, z. Guaido, dhe legjitimitetin e tij si të vetmin përfaqësues të qytetarëve në Venezuelë në përputhje me qëndrimet e aleatëve tanë dhe atyre të Lima Group.
Vlerësuam bashkërisht se dy shtetet tona kanë potencial të thellimit të raporteve bilaterale në shumë fusha të interesit të përbashkët.
Jam vërtetë i lumtur, që me ftesën time sot po e viziton vendin tonë në një vizitë zyrtare disa ditore, homologu dhe miku im nga Republika e Maltës, Carmelo Abela. Zhvilluam një takim shumë të këndshëm dhe shkëmbyem pikëpamjet mbi shumë çështje të interesit të përbashkët.
Dy vendet tona gëzojnë një partneritet të qëndrueshëm dhe një miqësi të fortë.
Prishtinë, 6 mars 2019 – Pritja sipas protokolit të shtetit homologut tim nga Malta, Carmelo Abela.
Republika e Maltës vazhdon të qëndrojë përkrah Kosovës në rrugëtimin tonë evropian, duke qenë ndër shtetet më mbështetëse në BE, si për liberalizim të vizave ashtu edhe për integrimin e Kosovës në BE.
Malta ka qenë dhe vazhdon të jetë e zëshme në mbështetje të Kosovës në çdo organizatë ndërkombëtare dhe është zëri ynë edhe aty, ku ne nuk mund të jemi ende. Dy vendet tona gëzojnë një partneritet të qëndrueshëm dhe një miqësi të fortë.
Prishtinë, 6 mars 2019 – Takim bilateral me homologun tim nga Malta, Carmelo Abela. Dy vendet tona gëzojnë një partneritet të qëndrueshëm dhe një miqësi të fortë.
Jam i lumtur, që shkëmbyem Notën zyrtare, për të vazhduar Kornizën e Bashkëpunimit në mes të dy MPJ-ve edhe për dy vite të tjera, për të thelluar më tej marrëdhëniet tona përmes konsultimeve politike, shkëmbimit të ekspertizave në integrimin evropian; përmes iniciativave kulturore, që dy popujt tanë ta njohin më mirë njëri tjetrin; trajnimin e diplomatëve të rinj; aktivitete në promovim të investimeve të tregtisë etj.
Prishtinë, 6 mars 2019 – Takim me homologun tim nga Malta, Carmelo Abela në zyren time të MPJ-së.
Ministri Abela në konferencën e përbashkët për media pas takimit me Pacollin tha se marrëdhëniet diplomatike ndërmjet Maltës dhe Kosovës zyrtarisht u vendosën në shtator të vitit 2011, ndërsa Malta e njohu Kosovën në gusht të vitit 2008, të njëjtin vit kur shpalli pavarësinë.
Abela tha se Malta do të vazhdojë ta mbështesë Kosovën në procesin e anëtarësimit në organizatat ndërkombëtare, si INETRPOL, UNESCO dhe të tjerat, në mënyrë që të garantojë ruajtjen e paqes, sigurisë dhe stabilitetit rajonal global.
Ai tha se edhe pse Kosova i plotësoi 95 kriteret e kërkuara për liberalizimin e vizave, ka vende brenda Bashkimit Evropian që për arsye politike kundërshtojnë heqjen e vizave për qytetarët e Kosovës.
Prishtinë, 6 mars 2019 – Në Konference për media së bashku me homologun maltes Abela.
“Ne do të vazhdojmë të mbështesim liberalizimin e vizave për Kosovën. Ne votuam në Komitetin LIBE në Parlamentin Evropian, por e di se, nga ana tjetër, disa anëtarë të BE-së, për disa arsye politike, ende janë kundër liberalizimit të vizave. Ne duhet të vazhdojmë dialogun në këtë drejtim”, tha Abela.
Unë deklarova para gazetarëve se edhe në takimin e sotëm u konfirmua se Kosova mund të llogarisë në mbështetjen e pakufizuar të Maltës në të gjitha fushat.
“Biseduam për vizita, shkëmbim pikëpamjesh dhe përvojash. Në të ardhmen e afërt do të kemi viza elektronike dhe ata që vijnë në Kosovë, do të bëjmë të mundur aplikimin në mënyrë elektronike për vizat dhe Malta ka përvojë në këtë drejtim, me sistem të avancuar dhe kemi rënë dakord që një delegacioni i yni të shkojë në Maltë dhe të shoh se si funksionon”
Jam shumë i lumtur, gjithashtu, që e finalizuam edhe Marrëveshjen dypalëshe për Eliminimin e Taksave të Dyfishta. Kjo Marrëveshje do të ndihmojë drejtpërdrejt në hapjen e rrugëve për shkëmbimet tregtare midis Kosovës dhe Maltës.
Prishtinë, 6 mars 2019 – Jam shumë i lumtur, gjithashtu, që e finalizuam edhe Marrëveshjen dypalëshe për Eliminimin e Taksave të Dyfishta. Kjo Marrëveshje do të ndihmojë drejtpërdrejt në hapjen e rrugëve për shkëmbimet tregtare midis Kosovës dhe Maltës.
Ministri i Jashtëm Pacolli: Kosova dhe Kolumbia kanë vendosur marrëdhënie diplomatike, do të shkëmbehen Ambasadorët
Sot kam mirëpritur një letër të pranuar nga homologu im nga Republika e Kolumbias, Carlos Holmes Trujillo García, nëpërmjet së cilës jam njoftohet mbi Dekretin për vendosjen e marrëdhënieve diplomatike në mes dy shteteve, veprim ky, që mundëson komunikimin e përhershëm të nivelit më të lartë në mes dy vendeve me shkëmbimin edhe të Ambasadorëve.
Kjo letër pason pas një takimi, që kam zhvilluar me ministrin e jashtëm të Kolumbias, Carlos Holmes Trujillo García, në pjesën e parë të muajit shkurt në Uashington D.C.
Pas takimit me ministrin e jashtëm të Kolumbisë, Carlos Holmes Trujillo García, muajin e kaluar, Kosova dhe Kolumbia kanë vendosur marrëdhënie diplomatike nëpërmjet shkëmbimit të Ambasadorëve. Kosova do të hapë Ambasadën e saj me qëndrim në Bogota dhe Kolumbia do të emërojë Ambasador jo-rezident nga Italia.
Nëpërmjet hapjes së Ambasadës rezidente në Bogota, Republika e Kosovës synon mbulimin dhe përfaqësimin jo-rezident diplomatik edhe në shtete të tjera në atë kontinent.
Me ftesë të autoriteteve të shtetit nikoqir, Emirateve të Bashkuara Arabe, kam qëndruar në Abu Dhabi, për të marrë pjesë dhe përfaqësuar vendin në sesionin e 46-të të Këshillit të Ministrave të Jashtëm të Organizatës për Bashkëpunim Islamik, që do të zhvillojë punimet më datën 1 dhe 2 mars, 2019.
Në sesionin e titulluar: “50 vjet të Bashkëpunimit Islamik: Udhërrëfyesi për Prosperitet dhe Zhvillim”, pritet të ketë përfaqësues nga 26 shtete anëtare dhe nga pesë shtetë vëzhguese.
Gjate punimeve të këtij Sesionit do të takoj homologët nga kontinente të ndryshme ku do të loboj fuqishëm per thellimin e bashkëpunimit dypalësh, përkrahjes për njohie dhe antarësimit në organizata ndërkombëtare.
Ditën e parë të samitit kam takuar Ministrat e Jashtëm të EBA, Rumanisë, Somalisë, Afganistanit, Libisë, dhe do të takoj delegacione të tjera. I falënderova të gjitha këto vende për përkrahjen që e kanë dhënë dhe vazhdojnë të japin për Kosovën.
Deklarata ime për mediumin ndërkombëtar FORSAN NEWS rreth pjesmarrjes sime në Organizatën për Bashkëpunim Islamik.
Në Abu Dhabi, në samitin e OBI-së, takime me përfaqësues nga Arabia Saudite, Jordania dhe Turqia
E mrekullueshme ta takosh një mik të mirësi Ministri i Punëve të Jashtme dhe Bashkëpunimit Ndërkombëtar të Emirateve të Bashkuara Arabe, Sheikh Abdullah bin Zayed Al Nahyan dhe për të diskutuar me të marrëdhëniet e shkëlqyera që gëzojnë Kosova dhe Emiratet e Bashkuara Arabe.
Ne do të forcojmë partneritetin tonë në ekonomi dhe tregti përmes projekteve konkrete që do të ishin të dobishme për dy vendet tona.
Abu Dhabi, 1 mars 2019 – Gjatë takimit me Ministrinei Punëve të Jashtme dhe Bashkëpunimit Ndërkombëtar të Emirateve të Bashkuara Arabe, Sheikh Abdullah bin Zayed Al Nahyan.
Shkëmbim i mirë me Ministrin e Jashtëm të Rumanisë, Teodor Melescanu në anën e OIC Abu Dhabi mbi përparësitë e First Romanian Presidency of the Council of the EU-2019 dhe perspektivën evropiane të Ballkanit Perëndimor.
Abu Dhabi, 1 mars 2019 – Gjatë takimit me Ministrin e Jashtëm i Rumanisë, Teodor Melescanu.
Kur shpallëm pavarsinë e shtetit, Afganistani ishte vendi i parë prej nga na erdhi njohja zyrtare. Andaj, është gjithmonë kënaqësi të bisedosh me mikun e mirë të Ministrisë së Punëve të Jashtme të Afghanistanit, Salahuddin Rabbani dhe të diskutosh për marrëdhëniet e mira mes Kosoves dhe Afghanistanit.
Së shpejti duhen ndërmarrë hapa konkretë për ta forcuar atë.
Abu Dhabi, 1 mars 2019 – Gjatë takimit me ministrin e Jashtëm të Afganistanit, Salahuddin Rabbani.
Shkëmbim i mirë me Ministrinë e Punëve të Jashtme të Somalisë me Ministrin Ahmed Isse Awad. Ne kemi marrëdhënie të mira dhe e mbështesin njëri – tjetrin në fazën ndërkombëtare.
Ne do të punojmë për të forcuar shkëmbimin dypalësh.
Abu Dhabi, 1 mars 2019 – Gjatë takimit me ministrin e Jashtëm të Somalisë, z. Ahmed Isse Awad.
Kam pasur një takim të frytshëm me Zëvendësministrin e Jashtëm të Turqisë z.Sedat Önal për marrëdhëniet tradicionale të shkëlqyera dhe mbështetjen e vazhdueshme qe Turkia po i jep agjendës Euro Atlantike dhe Globale të Kosovës.
Ne do të zgjerojmë më tej bashkëpunimin e ngushtë dypalësh në të gjitha sferat me interes reciprok.
Abu Dhabi, 1 mars 2019 – Gjatë takimit me Zëvendësministrin e Jashtëm të Turqisë, z.Sedat Önal.
Bukur të takohem me mikun tim të mirë Ministrin e Jashtëm Togoles z.Robert Dussey. Togo gjithmonë qëndronte me Kosovën dhe ne e vlerësojmë këtë miqësi të sinqertë.
Ne do të bëjmë bashkëpunim konkret në fusha të dobishme për vendet tona.
Abu Dhabi, 1 mars 2019 – Gjatë takimit meMinistrin e Jashtëm të Togo-s, z.Robert Dussey.
Një diskutim i shkëlqyeshëm me Adel Al-Jubeir, Ministrin e KSAmofaEN të Shtetit për Punët e Jashtme. Ne kemi marrëdhënie të shkëlqyera dhe ASK është një partner i besueshëm i Kosovës në qëllimin tonë për t’u bërë një anëtar i plotë dhe i barabartë i bashkësisë ndërkombëtare.
Ne do të forcojmë partneritetin tonë.
Abu Dhabi, 1 mars 2019 – Gjatë takimit meMinistrin e Shtetit për Punë të Jashtme të Arabisë Saudite,z. Abel Al-Jubeir.
Diskutim i shkëlqyeshëm mbi partneritetin tonë të shkëlqyeshëm me Jordanin, Ministri i Punëve të Jashtme Ayman Safadi. Kosova & Jordanoa gëzojnë lidhje të shkëlqyera dhe tradicionale dhe ne do të punojmë ngushtë për të forcuar marrëdhëniet në ekonomi, tregti, kulturë dhe siguri.
Mezi pres ta vizitoj Jordanin së shpejti. Jordania është një aleat i fortë.
Abu Dhabi, 1 mars 2019 – Gjatë takimit meMinistrin e Punëve të Jashtme i Jordanisë, Z.Ayman Safadi.
Lobim intenziv në OBI, takime me homologët nga Kuvajti, Gambia, Bangladeshi, EBA dhe Afganistani
Në ditën e dytë të vazhdimit të punimeve të sesionit të 46-të të Këshillit të Ministrave të Jashtëm të Organizatës për Bashkëpunim Islamik, që po i zhvillon punimet në Emiratet e Bashkuara Arabe, kam vazhduar lobimin intenziv edhe në orët e paraditës, me takimet dypalëshe, që kam zhvilluar me ministrin e jashtëm të Bangladeshit, Abdul Momen, me Zëvendëskryeministrin dhe ministrin e jashtëm të Kuvajtit, Sheikh Sabah Al Khaled Al Ahmad Al Sabah, ministrin e jashtëm të Gambisë, Mamadou Tangara, atë të Afganistanit, Salahuddin Rabbani si dhe Ministrin e Punëve të Jashtme dhe Bashkëpunimit Ndërkombëtar të Emirateve të Bashkuara Arabe, Sheikh Abdullah bin Zayed Al Nahyan.
Në të gjitha këto takime, kemi diskutuar për vazhdimin e thellimit të bashkëpunimit në mes dy vendeve, përderisa kemi kërkuar mbështetjen e mëtutjeshme për forcimin e subjektivitetit ndërkombëtarë dhe integrimin e plotë të shtetit tonë në Organizatat Ndërkombëtare.
Hapja e Ambasadave të Republikës së Kosovës në Kuvajt e Bangladesh dhe emërimi i një Ambasadori jo-rezident në Afganistan ka qenë njëra nga temat e diskutimeve, ndërsa në takimet e ndara, që i kam zhvilluar me homologët nga Kuvajti, Bangladeshi dhe Afganistani si dëshmi e përkushtimit dhe zotimit të vendit tonë për avancimin e mëtutjeshëm të bashkëpunimit dy-palësh në të gjitha fushat e interesit të përbashkët.
Në takimin me homologun nga Emiratet e Bashkuara Arabe, numri dy i Qeverisë, Pacolli, ka diskutuar mbi bashkëpunimin për promovimin e investimeve dhe tregtisë si dhe pjesëmarrjen dhe përfaqësimin e Kosovës në ExpoDubai 2020, ndërsa gjatë bashkëbisedimit me ministrin e jashtëm të Gambisë, ai e ka ftuar këtë të fundit, që ta vizitojë së shpejti vendin tonë.
Abu Dhabi, 1 mars 2019 – Gjatë takimit me Ministrinei Punëve të Jashtme dhe Bashkëpunimit Ndërkombëtar të Emirateve të Bashkuara Arabe, Sheikh Abdullah bin Zayed Al Nahyan.
Një takim i shkëlqyeshëm me Ministrin e Punëve të Jashtme dhe Bashkëpunimit Ndërkombëtar të Emirateve të Bashkuara Arabe, Sheikh Abdullah bin Zayed Al Nahyan, ne biseduampër marrëdhëniet e shkëlqyera që gëzojnë dy vendet tona.
Kosova & Emiratet e Bashkuara Arabe do të zgjerojnë bashkëpunimin duke promovuar investime, shkëmbim tregtie, gjithashtu kemi biseduar për pjesëmarrjen e Kosovës në Expo Dubai. Emiratet e Bashkuara Arabe janë një partner i fortë i Kosovës.
Abu Dhabi, 2 mars 2019 – Gjatë takimit meZëvendëskryeministri dhe Ministrin e Jashtëm të Kuvajtit, z.Sheikh Sabah Al Khaled Al Ahmad Al Sabah.
Diskutim i shkëlqyeshëm me Zëvendëskryeministrin dhe Ministrin e jashtëm te Kuvajtit, Z.Sheikh Sabah Al Khaled Al Ahmad Al Sabah, mbi miqësinë tradicionale midis Kosovës dhe Kuvajtit dhe eksplorimin e zonave që afrojnë vendet tona.
Kosova do të hapë Ambasadën e saj në Kuvajt për të forcuar lidhjet ekonomike dhe tregtare.
Abu Dhabi, 2 mars 2019 – Gjatë takimit meMinistrin e Jashtëm të Gambisë, Tangara.
Mirë për të parë mikun tim Mamadou Tangara, Ministër i Jashtëm i Gambia. Që nga vizita ime e fundit në Banjul, dy qeveritë tona kanë shkëmbyer intensifikuar.
Ne do të punojmë së bashku për të forcuar axhendën dypalëshe dhe shumëpalëshe. Tangara do të vizitojë Kosovën së shpejti për të forcuar lidhjet tona.
Abu Dhabi, 2 mars 2019 – Gjatë takimit meMinistrin e Jashtëm të Afganistanit, z.Salahuddin Rabbani.Abu Dhabi, 2 mars 2019 – Gjatë takimit me Ministrin e Jashtëm të Afganistanit, z.Salahuddin Rabbani.
Diskutim i mirë me Ministrin e Jashtëm të Afganistanit z.Salahuddin Rabbani mbi bashkëpunimin dypalësh dhe shumëpalësh. Afganistani ka qenë ndër të parat që ka njohur Kosovën dhe mbështetur agjendën tonë të IO’s.
Ne do të emërojmë një Ambasador jo-rezident së shpejti në Kabul dhe do të eksplorojmë fushat e bashkëpunimit.
Vazhdon lobimi intenziv në OBI, takime me Ministrat e Jashtëm të Maldiveve, Omanit, Gabonit dhe Sierra Leone-s
Gjatë qendrimit ne Abu – Dhabi kemi vazhduar me agjendën e ngjeshur dhe lobimin intenziv nëpërmjet takimit të dhjetëra homologëve të tij, që po marrin pjesë dhe përfaqësojnë vendet e tyre në sesionin e 46-të të Këshillit të Ministrave të Jashtëm të OBI-it, dhe e cila po i zhvilon punimet në kryeqytetin e Emirateve të Bashkuara Arabe, Abu Dhabi.
Kemi vazhduar takimet bilaterale me ministrin e Jashtëm të Maldiveve, Abdullah Shahid, atë të Omanit, Yusuf bin Alawi bin Abdullah, Gabonit, Kambogo Abdu Razzaq Guy dhe Sierra Leone-s, Dr. Alie Kabba kanë qenë aktivitetet e tjera të pasditës së sotme në margjina të punimeve të ditës së dytë të sesionit të 46-të të Këshillit të Ministrave të Jashtëm të OBI-it.
Në të gjitha këto takime, kam falënderuar shefat e diplomacive të këtyre shteteve për mbështetjen, që i kanë dhënë vendit tonë në proceset e shtet-ndërtimit, kemi shkëmbyer pikëpamjet për shikimin e mundësive të thellimit dhe zgjerimit të mëtejmë të bashkëpunimit me shtetet njohëse, përderisa kemi kërkuar përkrahje për agjendën multilaterale të Kosovës, shpeshtim të kontakteve të drejtpërdrejta dhe ndërtim të partneriteteve të reja edhe me shtetet jo-njohëse.
Abu Dhabi, 2 mars 2019 – Gjatë takimit meMinistrin e Ministrin e Jashtëm të Ugandës.
Gjithmonë kënaqësi për të biseduar me Ministrin e Jashtëm të Ugandës dhe ish-Presidentin e UNGA-s Sam Kutesa për marrëdhëniet midis Kosovës dhe Ugandës dhe potencialit për të vendosur lidhje të ngushta dhe dinamike në shumë sfera me interes të ndërsjellë.
Abu Dhabi, 2 mars 2019 – Gjatë takimit me Ministrin e Jashtëm të Maldiveve, z.Abdullah Shahid.
Takim i shkëlqyeshëm me Ministrin e Jashtëm të Maldiveve Z.Abdullah Shahid për marrëdhëniet e shkëlqyera që gëzojnë Kosova dhe Maldivet.
Ne festojmë 10 vjetorin e njohjes së Kosovës nga Maldivet dhe do të ndërmarrim aktivitete për të festuar këtë miqësi.
Abu Dhabi, 2 mars 2019 – Gjatë takimit me Ministrin e Jashtëm të Omanit, z.Yusuf bin Alawi bin Abdullah.
E shkëlqyeshme gjithmonë për të biseduar me Ministrin e Jashtëm te Omanit, Z.Yusuf bin Alawi bin Abdullahpër bashkëpunimin e Kosovës me Omanin dhe potencialin që ne duhet të zgjerojmë në ekonomi, tregti dhe turizëm.
Mirënjohës Omanit për mbështetjen që i është dhënë agjendës shumëpalëshe të Kosovës.
Abu Dhabi, 2 mars 2019 – Gjatë takimit me Ministrin e Jashtëm të Bangladeshit z.Abdul Momen.
I Kënaqur të shoh Ministrin e Jashtëm të Bangladeshit z.Abdul Momen dhe të flasë për marrëdhëniet e shkëlqyera që gëzojnë vendet tona.
Hapja e Ambasadës së Kosovës në Dhaka është një gur i ri në partneritetin tonë dhe ne presim bashkëpunim konkret në shumë fusha. E ftova të vizitojë Kosovën.
Abu Dhabi, 2 mars 2019 – Gjatë takimit me Ministrin e Jashtëm të Gabonit, z.Kambogo Abdu Razzaq Guy.
Shkëmbim i shkëlqyeshëm me Ministrin e Jashtëm të Gabonit z.Kambogo Abdu Razzaq Guy. Kosova dhe Gaboni do të intensifikojnë shkëmbimin politik dhe do të ndërmarrin hapa për të rritur marrëdhëniet ekonomike dhe tregtare.
Së shpejti do të zhvillojmë raundin e parë të konsultimeve politike.
DEKLARATË
ABU DHABI, 2 MARS 2019
Ministri i Jashtëm Pacolli: Mirënjohës OBI-it dhe shteteve anëtare për aprovimin e Rezolutës, që bën thirrje për njohje të Kosovës, presim njohje edhe nga 19 shtetet tjera anëtare
E kam mirëpritur dhe përshendetur aprovimin me unanimitet të plotë të Rezolutës për Kosovën nga 57 shtetet anëtare të Organiztës për Bashkëpunim Islamik – OBI-it, në sesionin e 46-të të Këshillit të Ministrave të Jashtëm, në kryeqytetin e Emirateve të Bashkuara Arabe, Abu Dhabi. Mirënjohës OBI-it dhe shteteve anëtare për miratimin me unanimitet të Rezolutës, duke thirrur mbi shtetet e saj anëtare, që ta njohin Kosovën dhe mbështesin anëtarësimin e saj në Organizata Ndërkombëtare. Kosova do të vazhdojë angazhimin e saj me OBI-in dhe do të rris edhe më tej lidhjet, pas aprovimit të kësaj Rezolute.
Tashmë 38 shtete anëtare të OBI-it e njohin Republikën e Kosovës. Ne, presim që edhe 19 shtetet anëtare të kësaj Organizate, të cilat ende nuk e kanë marrë këtë vendim ta bëjnë këtë së shpejti. Rezoluta bën thirrje pikërisht për këtë dhe presim lëvizje të reja në këtë drejtim. Gjatë pjesëmarrjes dhe përfaqësimit të Kosovës në sesionin e 46-të të Këshillit të Ministrave të Jashtëm, në Abu Dhabi, kam takuar shumicën e homologëve të tij nga 57 shtetet anëtare, që morën pjesë në këtë takim dhe që vijnë nga katër kontinente të ndryshme të botës.
Mirënjohës OBI-të dhe shteteve anëtare për aprovimin e Rezolutës, që bën thirrje për njohje të Kosovës, presim njohje edhe nga 19 shtetet tjera anëtare.
Si udhëheqës i politikës së jashtme dhe diplomacisë së Republikës së Kosovës, po ju drejtohem me këtë letër vullnetmire. Jam thellësisht i bindur, që thellë-thellë, edhe nëse nuk i afirmoni publikisht, ju do t’i mirëkuptoni, si frymën ashtu edhe mesazhet konstruktive të kësaj letre të hapur. Askush nuk mundë të pretendojë se ju nuk e njihni fare mirë historinë politike të disa vendeve në rajon. Është temë tjetër se si i qaseni ju asaj aktualisht.
Institucionet e Republikës së Kosovës, janë vendosmërisht të përkushtuara, që t’i zbatojnë dhe afirmojnë të drejtat qytetare dhe kushtetuese të komunitetit serb në Kosovë. Kjo vlen kudo që jeton ky komunitet, në jug, lindje, veri apo perëndim të Republikës së Kosovës.
Përpos për serbët, ne veprojmë kështu edhe për të gjitha komunitetet që jetojnë në shtetin tonë të ri. Ndryshe nuk ka se si të jetë. Kosova renditet tek kombet dhe shtetet që u ngritën dhe që qëndrojnë mbi themelet e lirisë.
I nderuar z.President,
Sot ishim dëshmitar të një takimi mes Jush dhe disa serbëve të Republikës së kosovës. Jemi të tronditur me faktin, që në vend se ky takim të ishte rutinor, mos të them konstruktiv e paqedashës, Ju pohoni se këtij takimi do t’i referoheni në komunikime e biseda të nivelit të lartë ndërkombëtar, madje edhe ne Kinë. Nuk e kuptojmë logjikën e “mureve kineze” mes dy vendeve tona, e cila është edhe në kundërshtim me çasjen evropiane e cila po investon në konektivitet në këto hapesira.
Serbia, dhe ju si President i saj, nuk do të duhej të synonit, t’i ktheni serbët e Republikës së Kosovës në murin ndarës, ku përplasen mospajtimet tona ndër-shtetërore. Ju jeni në dijeni, se për dallim prej Serbise, Republika e Kosovës e ka paraparë me Kushtetutë që bashkëpunimi ndër-shtetëror mes të dyja vendeve tona të mund të lehtësohet edhe përmes komunikimit serb.Ju po ashtu e dini, që kjo nuk mund të ndodhë në dëm të karakterit Sovran dhe unitar të Republikës së Kosovës.
Askush mbi faqe të dheut nuk mundë të mohojë faktin që serbët e Republikës së Kosovës jetojnë në një ambient të sigurtë dhe sipas një rendi juridik e institucional, ku të drejtat dhe mundësitë në dobi dhe favor të tyre, flasin asimetrikisht. Mohimi i fakteve nga ana juaj paraqet mëkat, përderisa t’u kërkohet serbëve t’i refuzojnë ato, përbëjnë mëkat e vuajtje bashkë. Është koha që Serbia t’i lejoje serbët të bëjnë jetën e tyre të lirë nga ndërhyrjet e saj.
Nuk mund të mos ua them, që mesazhet me të cilat i drejtoheni serbëve në vizitë në Serbi, dhe përmes tyre bashkëqytetarëve serb në Republikësn e Kosovës, ndonëse të projektuara të targetojnë rrugëtimin ndërkombëtar të vendit tonë, ngarkojnë negativisht dhe dëmtojnë vetëm komunitetin serb, asgjë më shumë. Kosova dhe shtetësia e saj, si Brenda ashtu edhe ndërkombëtarisht, nuk dëmtohen nga mesazhe të tilla përqarëse.
President i nderuar,
Politika e instrumentalizmit të qytetarëve serbë, nga Serbia zyrtare, në funksion të shfrytëzimit të tyre të vahdueshëm në procesin e dialogut për Marrëvëshjen gjithëpërfshirëse, ligjërisht obliguese për të dy shtetet, ndërkombëtarisht e afirmuar si paqësore, nuk mund të jetë as premtuese as e qëndrueshme.
Politika dhe qasja instrumentalizuese si kjo në lidhje me takimin që keni zhvilluar sot, përpos që prodhon kundërefekte në teren, ajo po ashtu po deformon profilin paqedashës të cilin ju po provoni ta ndërtoni e ta plasoni me zell, kudo në komunitetin ndërkombëtar.
Jam i bindur qe pajtoheni me mua nëse ju them, se ju nuk mund të shiheni njëkohësisht si njeri paqësor në SHBA dhe Evropë, ndërsa si planprishës e paqeprishës në rajon.Është paradoksale, për të mos thënë cinike, që ju të derdhni lotë krokodili në forume të nivelit të lartë evropiane, në lidhje me përkushtimin tuaj për arritjen e Marrëveshjes Gjithëpërfshirëse, përderisa në anën tjetër në Serbi plasoni mesazhe tensioni dhe pasigurie për qytetarët serbë që jetojnë në Republikën e Kosovës. Ky ështe pozicionimi më i keq i mundshëm, jo vetëm në raport me serbët e Republikës së Kosovës, por edhe në raport me procesin e dialogut për Marrëveshjen Gjithëpërfshirëse.
I nderuar z.Vuçiq,
Më lejoni të ofroj një përmbyllje ekspeditive të kësaj letre të hapur, sepse sikur në këto mesazhe, ne do të fokusohemi të jemi ekspeditiv në secilin proces.
Qytetarët e Republikës së Kosovës janë përballur me vuajtje e sakrifica, deri në atë nivel, për të cilin deri më sot, asnjë përfaqësues i lartë i Serbisë nuk ka gjetur kurajon që ta pranojë, e të mos flasim për pranimin e përgjegjësisë shtetërore të vendit tuaj, të cilën ju e fshihni pas narracioneve jo të vërteta për të kaluarën dhe të tashmen e shtetit të Kosovës dhe shteteve tjera në Ballkan. Qindra masakra, dhjetra mijëra të vrarë dhe dhjetëra mijëra gra të dhunuara pranë fëmijëve dhe familjarëve të tyre.
Nuk mund të mos ua them, që Marrëveshja Gjithëpërfshirëse është një stad kthese drejt një paqeje të qëndrueshme dhe gjithëpërfshirëse, e ku nënkuptohet një process ku ju dhe vendi juaj, e pranoni përgjegjësinë, jepni llogari për krimet e kryera, dhe aktivisht përfshiheni në ndërtimin e një kapitulli të ri të marrëdhënieve mes dy vendeve dhe popujve tanë.
Ndryshe nga pohimet tuaja fiktive, ne kemi ndërtuar një Ushtri paqësore e multietnike, FSK-në e cila mishëron vlerat e NATO-s, dhe e cila do të rrugëtojë bashkë me të.Duke qenë e kufizuar me vende anëtare të kësaj organizate, dhe me Kosovën e cila do të jetë anëtare e saj në të ardhsmen, Serbia do të kufizohet me paqe dhe stabilitet.
Secili vëzhgues rasti i zhvillimeve në rajon, e lëre më një President sikurse jeni ju, është në dijeni që për Marrëveshjen Gjithëpërfshirëse mes dy shteteve tona, nuk ka alternativë.
Serbia ka pasur shumë liderë të cilët e kanë ditur që historia i ka rezervuar Kosovës atributet e shtetësisë, ndërkombëtarisht, por asnjeri nga ta nuk ka pasur kurajon që këtë ta pranojë publiksht këtë fakt. Rrjedhimisht Marrëveshja Gjithëpërfshirëse do të ndodhë, sepse ikja nga ajo nuka ka alternativë.
Uroj që ju të shiheni si Presidenti i Parëi Serbisë, i cili merr guximin të përballet me të vërtetën, njohjen e Republikës së Kosovës, dhe që nuk ikën nga kjo e vërtetë me takime të improvizuara sikurse ky i fundit mes jush dhe disa serbëve të Kosovës në vizitë tek ju në Beograd. Kontriboni paqës zoteri President i Serbisë!
Në takim me shefen e EULEX-it diskutuam se transformimi të këtij minsioni në Kosovë. Theksuam se tranferimi i EULEX-it, në pjesën veriore të Kosovës është një problematikë.
Dy palët u pajtuam se arritja e marrëveshjes është e vetmja zgjidhje mes Kosovës dhe Serbisë.
Zj. Papadopoulou ritheksoi se ”EULEX-i është i gatshëm ta mbështesë Kosovën në rrugën e saj drejt integrimit evropian si dhe në trajtimin e mëtejmë të sfidave të sundimit të ligjit”, tha zj. Papadopoulou.
Ajo po ashtu nënvizoi që institucionet kosovare vazhdojnë të përfitojnë nga mbështetja e vazhdueshme e EULEX-it për autoritetet gjyqësore dhe agjencitë për zbatimin e ligjit në mënyrë që të mundësohet një bartje sa më e lehtë e pronësisë dhe përgjegjësisë gjatë mandatit aktual të EULEX-it.
Pas takimit dypalësh që kam zhvilluar në ambientet e Ministrisë së Punëve të Jashtme me Ministren e Shtetit për Punë të Jashtme të Japonisë, znjsh. Toshiko Abe, kemi nënshkruar një Marrëveshje dypalëshe në mes dy vendeve, nëpërmjet së cilës, Republika e Kosovës do të përfitojë një grant me vlerë prej 250 milion jen japonez.
Qeveria japoneze nëpërmjet ofrimit të këtij granti synon promovimin e zhvillimit ekonomik dhe social të vendit tonë nëpërmjet programeve të ndryshme, që ndërlidhen me këto fusha.
Nga ana e saj, Ministrja Abe, duke vlerësuar marrëdhëniet shumë të mira në mes dy vendeve dhe dy popujve ka theksoi që Qeveria japoneze dëshiron, që ato të zhvillohen edhe më shumë në të ardhmen.
Prishtinë, 21 shkurt 2019 – Gjatë takimit me Ministren e Shtetit për Punë të Jashtme të Japonisë, Abe.
Në jetë kam firmosur shumë dokumenta, kontrata dhe marrëveshje. Por asnjë, nuk vlenë më shumë se nënshkrimi i deklaratës së pavarësisë. Është ndër dhuratat më të bukur nga Përendia!
Prishtinë, 17 shkurt 2008 – Moment historik. Në Kuvendin e Kosovës duke nënshkruar deklaraten e Pavarsisë së Kosovës.
Sot kur shënojmë 11 vjetorin e deklaratës së Pavarsisë, themelimit të shtetit, që për të shumë sakrifikuan, shumë nga familjarët tanë, atdhetarët tanë, ranë te muri i robërisë, te muri i pushtimit, për ta rrënuar këtë murë për të jetuar të lirë sikur popujt e tjerë të botës.
Kjo ditë për popullin tonë është begati nga Zoti i madh. Shtetin duhet ta vendosim në binarë të begatisë, duhet të kalohet kriza e vlersimit nga shumëkush.
Prishtinë, 17 shkurt 2019 – Logo për 11 vjetorin e Pavarsisë së Kosovës.
Njerëzit sot kanë pak gatishmëri për të vlerësuar atë çfarë është arritur. Prandaj shohim ankesa që vijnë nga shtresa të ndryshme të shoqërisë.
Vlerësimi i begatisë është garanc për shfrytëzimin e duhur të saj por edhe për ruajten e saj. Andaj, ta ruajmë e vlersojmë shtetin tonë të cilin e ndërtuam si rezultat i sakrificës së shumë gjeneratave që lirinë dhe vlerat humane i kishin bazament.
Shteti ynë do të forcohet dhe do ti shërbejë paqes dhe sigurisë së qytetarëve të vet dhe botës përgjithësisht. Shpallja e Pavarësisë së Kosovës para njëmbëdhjetë vjetëve ishte akti historik më sublim që institucionalizoi përpjekjet tona për liri. Për këtë të arritur të gjithë qytetarët tanë janë meritorë.
Prishtinë, 17 shkurt 2019 – Ngritja e flamurit të Kosovës në oborrin e institucioneve vitale të shtetit, presidencës, kuvendit dhe qeverisë.
I falënderojmë të gjithë miqtë tanë, në krye me Shtetet e Bashkuara të Amerikës, që kontribuan për lirinë dhe pavarësinë e Kosovës. U jemi mirënjohës përjetë!
Në mëngjes ditën e filluam duke mbajtur mbledhje të Qeverisë së Kosovës.
Prishtinë, 17 shkurt 2019 – Mbledhja e Qeverisë së Kosovës me rastin e ceremonisë së 11 vjetorit të Pavarësisë së Republikës së Kosovës.
Pas mbledhjes së qeverisë aktiviteti ynë kalojë në sheshin “Ibrahim Rugova”, ku gjendet e statuja e ish – presidentit historik. Së bashku me Presidentin Thaçi dhe kryeministrin Haradinaj, duke nderuar figuren e presidentit Rugova, vendosë, kurora lulesh tek shtatorja e tij.
Prishtinë, 17 shkurt 2019 – Së bashku me Presidentin Thaçi dhe kryeministrin Haradinaj me rastin e ceremonisë së 11 vjetorit të Pavarësisë së Republikës së Kosovës. Duke nderuar figuren e presidentit historik, Ibrahim Rugova.
Nga aty vazhduam në sallën e Kuvendit të Kosovës, aty ku para 11 viteve i’u dha vula Republikës së Kosovës. Në atë mbledhje ku morën pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur.
Prishtinë, 17 shkurt 2019 – Gjatë intonimit të himnit në Kuvendin e Kosovës me rastin e ceremonisë së 11 vjetorit të Pavarësisë së Republikës së Kosovës.Prishtinë, 17 shkurt 2019 – Gjatë intonimit të himnit në Kuvendin e Kosovës me rastin e ceremonisë së 11 vjetorit të Pavarësisë së Republikës së Kosovës.
Foto nga parakalimi i Ushtrisë, me rastin e 11 vjetorit të ditës së Pavarësisë
Pas një dekade shtet dhe dy dekadave liri, Republika e Kosovës e festoi 11 vjetorin e shtetësisë me ushtrinë e saj. Parakalimi i sotëm i tyre ishte me plot krenari dhe dinjitet.
Prishtinë, 17 shkurt 2019 – Foto nga parakalimi i Ushtrisë së Kosovës, me rastin e 11 vjetorit të ditës së Pavarsisë
Emblema e dinjitetit dhe krenarisë sonë, ushtria e Republikës së Kosovës, në parakalimin e parë historik. Euro-atlantike në përbërje, globale në synimet për paqe, ushtria jonë është vlera më e qëndrueshme e Shtetit të Kosovës.
Prishtinë, 17 shkurt 2019 – Duke nderuar parakalimin e Ushtrisë së Kosovës, me rastin e 11 vjetorit të ditës së Pavarsisë.Prishtinë, 17 shkurt 2019 – Ecje në sheshin Skenderbe së bashku me bacin Rifat Jashari dhe kryeministrin Haradinaj, me rastin e 11 vjetorit të ditës së Pavarsisë.
Homazhe në Prekazin historik në 11 vjetorin e Pavarësisë së Republikës së Kosovës
Dita e pavarësisë është reflektim i përpjekjeve dhe sakrificës së shumë gjeneratave, të cilët dhanë gjithçka për të qenë të lirë dhe të pavarur. Nder dhe respekt të përjetshëm për të gjithë të rënët dhe ata që kontribuan nëpër vite për këtë ditë!
Në Prekaz, aty ku buron liria, nderimi është i përhershëm për Jasharajt dhe Kryekomandantin Adem Jashari, të cilët ndryshuan rrjedhën e historisë sonë të re. Komandant, në 11-vjetorin e Pavarësisë, Forca jonë është në rresht me ushtritë e paqes!
Prekaz, 17 shkurt 2019 – Homazhe në Prekazin historik së bashku me Presidentin Thaçi dhe kryeministrin Haradinaj. Vendosë kurora lulesh tek varri i komandantit legjendar Adem Jashari. Prekaz, 17 shkurt 2019 – Homazhe në Prekazin historik së bashku me Presidentin Thaçi dhe kryeministrin Haradinaj.Prekaz, 17 shkurt 2019 – Homazhe në Prekazin historik së bashku me Presidentin Thaçi dhe kryeministrin Haradinaj.
Plagët e luftës së fundit nuk mund të mbyllën dhe nuk mund të ketë paqe të qëndrueshme pa ndriçimin e plotë të të vërtetës së luftës në Kosovë. Homazhe edhe tek Obelisku i të Pagjeturve, me presidentin Thaçi dhe kryeministrin Haradinaj.
Prishtinë, 17 shkurt 2019 – Të pagjeturit – zëri i munguar i Kosovës në Ditën e Pavarësisë. Homazhe tek Obelisku i të Pagjeturve, me presidentin Thaçi dhe kryeministrin Haradinaj.
Momente nga pritja shtetërore me rastin e 11 vjetorit të Pavarësisë së Republikës së Kosovës.
Prishtinë, 17 shkurt 2019 – Momente nga pritja shtetërore me rastin e 11 vjetorit të Pavarësisë.
Shpallja e Pavarësisë
Më 17 shkurt të vitit 2008 Kuvendi i Republikës së Kosovës shpalli Deklaratën e Pavarësisë së Kosovës. Në një mbledhje ku morën pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur.
Ligjshmëria e Shpalljes së Pavarësisë së Kosovës për një kohë ka qenë temë e diskutueshme. Serbia duke kundërshtuar kërkonte vlerësimin e vlefshmërisë ndërkombëtare dhe mbështetje për pozicionin e saj, gjoja se Deklarata e Pavarësisë së Kosovës ishte e paligjshme. Në vazhdën e kësaj ecurie, në tetor të vitit 2008, Serbia kërkoi një opinion këshillues nga Gjykata Ndërkombëtare e Drejtësisë. Më 22 korrik 2010, Gjykata konstatoi se Deklarata e Kosovës për Pavarësi, nuk ka shkelur të drejtën ndërkombëtare.
Njohjet
Deri tani 115 entitete sovrane, nga të cilët 112 nga 193 shtete anëtare të OKB kanë njohur formalisht Republikën e Kosovës dhe 3 shtete që nuk janë anëtare të OKB. Shumica e vendeve të Bashkimit Evropian gjithashtu e kanë njohur Kosovën (23 nga 28). Njëzetekatër (24) anëtarë të NATO-s nga njëzetetetë (28) gjithsej e kanë njohur Kosovën.
Prishtinë, 17 shkurt 2019 – Së bashku me mikun tim Walker nga pritja shtetërore me rastin e 11 vjetorit të Pavarësisë.
Komunikatë për media me rastin e 11 vjetorit të Pavarsisë
Kosova do të shtrijë dhe përforcojë rrjetin diplomatik në disa kontinente, Ambasadat në Tajlandë, Bangladesh janë hapur, kurse në Kolumbi dhe Ganë hapen së shpejti
Prishtinë, 19 shkurt 2019 – Në vitin e njëmbëdhjetë të ekzistencës së saj si shtet i pavarur, sovran dhe i mirë integruar në komunitetin ndërkombëtarë të shteteve, Republika e Kosovës do të vazhdojë të shtrijë dhe përforcojë edhe më shumë rrjetin e saj diplomatik në disa kontinente. Mbretëria e Tajlandës, Republika Popullore e Bangladeshit, Republika e Kolumbia-s dhe Republika e Ganës janë disa nga shtetet, ku pritet të hapen dhe funksionalizohen Ambasadat e reja të Republikës së Kosovës brenda këtij viti kalendarik.
Nëpërmjet këtyre Misioneve të reja Diplomatike, Ministria e Punëve të Jashtme e Republikës së Kosovës synon të mbulojë edhe disa shtete të tjera nëpërmjet akreditimeve jo-rezidente, me qëllimin e zgjerimit të bashkëpunimit dhe vendosjes së partneriteteve sipas interesave të përbashkëta. Ministria e Punëve të Jashtme tashmë ka ndërmarrë të gjitha masat dhe veprimet për procedurat respektive, që ndërlidhen me hapjen dhe funksionalizimin e plotë të këtyre Ambasadave.
Kryeministri i Republikës së Kosovës, Ramush Haradinaj, gjatë pjesëmarrjes në Konferencën e 55-të Sigurisë e cila po i zhvillon punimet e saj në Munich të Gjermanisë, konferenca më e madhe e sigurisë në botë, sot u takua me presidentin e Malit të Zi, Milo Gjukanoviq.
Kryeministri Haradinaj e ka njoftuar presidentin Gjukanoviq për progresin e Kosovës, prioritetet e Qeverisë së Kosovës, për forcimin e sundimit të rendit dhe ligjit, zhvillimin ekonomik, orientimin euroatlantik të Kosovës, si dhe për rëndësinë e anëtarësimit të Kosovës në organizata ndërkombëtare.
Në këtë takim, kryeministri Haradinaj ka vlerësuar raportet e mira bilaterale ndërmjet dy vendeve, dhe ka shprehur gatishmërinë e Qeverisë së Kosovës që bashkëpunimi të thellohet edhe më tutje në interes të të dy shteteve dhe popujve tanë.
Kryeministri Haradinaj tha se institucionet e Kosovës janë duke punuar me përkushtim në ndërtimin e raporteve të mira bilaterale me të gjitha vendet e rajonit, duke potencuar perspektivën evropiane të vendeve të Ballkanit Perëndimor.
Gjatë takimit, është biseduar edhe për dialogun ndërmjet Republikës së Kosovës dhe Serbisë, për të cilën kryeministri Haradinaj tha se Kosova është e gatshme për arritjen e marrëveshjes finale ligjore obligative me Serbinë, që do të thotë njohje reciproke.
Ndërsa, presidenti i Malit të Zi, Milo Gjukanoviq, vlerësoi se është më interes të Kosovës dhe Malit të Zi, thellimi i bashkëpunimit në fushat e interesit të përbashkët që ndikojnë në zhvillimin ekonomik dhe rritjen e mirëqenies së popujve të dy vendeve dhe shprehu përkrahjen e plotë për rrugën euro-atlantike të Kosovës.
Në këtë takim i pranishëm ishte edhe Zëvendëskryeministri, njëherësh ministër i Punëve të Jashtme, Behgjet Pacolli.
