Sot kisha kënaqësinë të hapë punimet e Konferencës së Pestë të Ambasadorëve të Republikës së Kosovës.
Së bashku me Presidentin z. Hashim Thaçi, Kryetarin e Kuvendit z. Kadri Veseli dhe Kryeministrin z. Ramush Haradinaj, dhe pjesëmarrjen e lidershipit më të lartë vendor, parlamentarëve, ministrave, ekspertëve me nam të huaj e vendorë, Ambasadorëve të Republikës së Kosovës të akredituar jashtë dhe Korit diplomatik të akredituar në Kosovë u reflektua mbi të gjitha temat e interesit nacional të vendit dhe drejtimin e Politikës së Jashtme.
Në adresimet tona ne i përgëzuam diplomatët e Kosovës për punën dhe përkushtimin e treguar deri më tani. Po ashtu ne i inkurajuam që të japin maksimumin e tyre, në shtyerjën përpara të proceseve dhe prioriteteve strategjike si, afirmimi ndërkombëtar, anëtarësimi në organizata ndërkombëtare, tërheqja e investimeve të huaja dhe promovimi i vlerave dhe pasurive të Kosovës.
Gjithashtu theksuam rëndësinë e dialogut në lidhje me Marrëveshjen Gjithëpërfshirëse, dhe faktin se njohja reciproke është e paevitueshme.
Prishtinë, 6 shtator, 2018 – Si nikoqir kam hapur zyrtarisht Konferencën e Pestë të Ambasadorëve, që vlerësohet ndër ngjarjet më të rëndësishme në Kosovë mbi politikën e jashtme.
Për dy ditë radhazi Konferenca e Pestë e Ambasadorëve, që konsiderohet si ngjarja më e rëndësishme vendore ku diskutohet dhe shpaloset vizioni dhe strategjia mbi Politikën e Jashtme.
Kosova po zhvillon një diplomaci proaktive, e cila me gjithë vështirësitë dhe pengesat e pamëshirërshme të krijuara nga kundërshtarët e shtetit të ri po jep rezultate të prekshme.
Falenderova stafin e Ministrisë për organizimin profesional të konferencës, Ambasadorët tanë që morën pjesë dhe dhanë kontributin e tyre si dhe të gjithë panelistët dhe mysafirët e tjerë.
Prishtinë, 6 shtator 2018 – “Fotografi familjare” nga Konferenca e Pestë e Ambasadorëve.
Kam ndarë edhe mirënjohje për disa ambasadorë dhe diplomatë të shquar.
Prishtinë, 6 shtator 2018 – Mirënjohje për ambasadorin e Kosovës z.Rexhep Boja, ai nga vitit 2012 deri në vitin 2018 ishte ambasador i Kosovës në Arabinë Saudite.Prishtinë, 6 shtator 2018 – Fotografi e përbashkët me stafin e ministrisë që u ndan mirënjohje për punën e tyre në këtë dikaster.
Kroacia është një nga shtetet që ka qëndruar krah Kosovës në momente të vështira. Por ajo tani vazhdon të qëndrojë pranë edhe tani në rrugën e saj drejtë integrimit në strukturat euro-atlantike.
Ministrja e Jashtme kroate, Marija Pejҫinoviҫ-Buriҫ, është njëra nga ato zonjat që ka treguar interesim të shtyjnë përpara bashkëpunimin në fushën e politikës së jashtme, në fushën e mbrojtjes midis dy ministrive dhe sidomos në fushën e ekonomisë dhe tregtisë.
Dubrovnik, 1 shtator 2018 – Pritje e ngroht dhe miqësore në ditën e parë të Forumit të Dubrovnikut nga homologia ime kroate, ministrjae Jashtme, Marija Pejҫinoviҫ-Buriҫ. Dubrovnik, 1 shtator 2018 – Pritje e ngroht dhe miqësore në ditën e parë të Forumit të Dubrovnikut nga homologia ime kroate, ministrjae Jashtme, Marija Pejҫinoviҫ-Buriҫ.
Gjatë paraqitjes sime në Forumin e Dubrovnikut, ku kam folur për vendosmërinë e Kosovës për dialogun mbi normalizimin e marrëdhënieve me Serbinë.
Në fjalën time gjatë panelit ku mora pjesë në forumin e Dubrovnikut, shpalosa vendosmërinë e Republikës së Kosovës pêr dialogun e normalizimit raporteve me Serbinë.
Dubrovnik, 1 shtator 2018 – Në kuadër të Forumit të Dubrovnikut takim bilateral me homologen kroate, ministren e Jashtme, Marija Pejҫinoviҫ-Buriҫ.
Kosova dhe Kroacia tashmë kanë rreth 30 marrëveshje të lidhura, janë të interesuara të shtyjnë përpara bashkëpunimin në fushën e politikës së jashtme, në fushën e mbrojtjes midis dy ministrive dhe sidomos në fushën e ekonomisë dhe tregtisë.
“Në kontekstin rajonal shteti ynë e ka bërë të qartë që është vizion jo vetëm i përfaqësuesve politik por i gjithë qytetarëve të Kosovës, që Kosova të anëtarësohet në strukturat euro-atlantike. Natyrisht që ne asnjëherë nuk kemi shikuar diku tjetër. Prandaj ndihmën dhe përkrahjen e Kroacisë e vlerësojmë shumë, në radhë të parë sepse si shtet i rajonit tonë tashmë është anëtare e Bashkimit Evropian dhe mund të mësojmë shumë nga eksperienca e këtij shteti e në radhë të dytë si anëtar i NATO-s, e kupton drejtë se sa e rëndësishme është që edhe Kosova të jetë aty ku e ka vendin”,
Përmbyllja e këtij procesi që duhet të nënkuptojë njohjen e plotë të shtetit tonë dhe anëtarësimin në OKB hap perspektivën integruese dhe zhvillimore të gjithë vendeve të Ballkanit perendimor.
Theksova se idetë e ndarjes janë shumë të rrezikshme dhe prodhojnë destabilitet të regjionit tonë.
Dubrovnik, 1 shtator 2018 – Gjatë paraqitjes sime në Forumin e Dubrovnikut, ku kam folur për vendosmërinë e Kosovës për dialogun mbi normalizimin e marrëdhënieve me Serbinë.
Në kuadër të pjesëmarrjes në Forumin e Dubrovnikut kam takuar Ministrin e Jashtëm të Maltës, Varmelo Abela, me të cilin kam diskutuar mbi çështje të interesit të përbashkët në mes dy vendeve.
Në këtë takim bilateral fillimisht është diskutuar mbi çështje të interesit të përbashkët në mes dy vendeve.
I kërkova homologut tim mbështetje në procesin e anëtarësimit të vendit në Organizata Ndërkombëtare, me theks të veçantë anëtarësimin në INTERPOL.
Dubrovnik, 1 shtator 2018 – Në kuadër të pjesëmarrjes në Forumin e Dubrovnikut kam takuar Ministrin e Jashtëm të Maltës, Varmelo Abela, me të cilin kam diskutuar mbi çështje të interesit të përbashkët në mes dy vendeve.
“Malta të vazhdojë përkrahjen ndaj Kosovës si në rrafshin politik, ashtu edhe në zhvillimin e përgjithshëm përmes bartjes së përvojave të mira nga vendi i tyre”
Ministri Abela më siguroi se vendi i tij si deri më tani do të vazhdojë të përkrahë Kosovën në rrugëtimin e saj, ndërsa në referencë të kërkesës për INTERPOL, ai tha se Malta do të marrë përsipër të diskutojë me disa vende mike, të cilat nuk e kanë njohur Kosovën dhe do të kërkojë votën e tyre në favor të Kosovës.
Në fund të këtij takimi, ftova homologun nga Malta që të vizitojë Kosovën.
Dubrovnik, 1 shtator 2018 – Në kuadër të pjesëmarrjes në Forumin e Dubrovnikut kam takuar Ministrin e Jashtëm të Maltës, Varmelo Abela, në fund të këtij takimi, ftova homologun nga Malta që të vizitojë Kosovën.
Në takimet bilaterale, gjatë punimeve të Forumit të Dubrovnikut, kam takuar homologun hungarez, Peter Szijarto.
Kam falenderuar pë përkrahjen e deritanishme për Kosovën dhe kam kërkuar vazhdimin e përkrahjes për anëtarësimin e Kosovës në INTERPOL, procesin e liberalizimit të vizave si dhe në rrugën e mëtutjeshme të Kosovës drejt integrimeve evropiane.
Dubrovnik, 1 shtator 2018 – Ministri hungarez më ka siguruar se Kosova do të vazhdojë ta ketë përkrahjen e Hungarisë aty ku kemi nevojë.
Gjatë këtij takimi, Ministri hungarez u interesua edhe për rrjedhën e dialogut në mes Kosovës dhe Serbisë dhe kërkoi që zgjidhja që do të arrihet të jetë stabilizuese për rajonin dhe se Hungaria do të përkrahë zgjidhjen që arrihet në mes të dy palëve negociuese.
Dubrovnik, 1 shtator 2018 – Në takimet bilaterale, gjatë punimeve të Forumit të Dubrovnikut, kam takuar homologun hungarez, Peter Szijarto.
NË TAKIM ME ZËVENDËSNDIHMËSSEKRETARIN E SHTETIT, MATTHEW PALMER
Kosova është me fat që në etapat më të rëndësishme të saj ishte ndihmuar dhe mbështetur nga Shtetet e Bashkuara të Amerikës, përkrahje kjo e cila po vazhdon edhe në ditët e sotme në të gjitha fushat.
Si institucione të Kosovës jemi të përkushtuara të thellojmë bashkëpunimin me SHBA-të.
Së bashku me Kryeministrin Haradinaj, në takim me Zëvendësndihmëssekretarin e shtetit, Matthew Palmer, gjatë Forumit të Dubrovnikut.
Dubrovnik, 1 shtator 2018 – Së bashku me Kryeministrin Haradinaj, në takim me Zëvendësndihmëssekretarin e shtetit, Matthew Palmer.
Roli i SHBA në rrugëtimin tonë është keucial dhe i pazëvendësueshëm në secilin aspekt. Mbështetja e SHBA në secilin hap që bën Kosova është e palëkundur. SHBA ngelen aleati më i madh në rrugëtimin tonë si vend i lirë dhe i pavarur.
“Kosova dhe Polonia janë të gatshme të forcojnë marrëdhëniet dypalëshe. Unë do vizitoj Prishtinën dhe ju jeni të mirëpritur në Varshavë”, me këto fjalë e hapi biseden tonë miku dhe homologu im polak, Jacek Kaputoviç.
“Në rastin më të parë dua të vij në Varshavë për vendosjen e marrëdhënieve diplomatike dhe të forcojmë bashkëpunimin ekonomik. Ju jeni partnerët më të mirë për ne, sepse na kuptoni shumë mirë”, i’a ktheva unë duke shtrënguar duart me mikun tim polak.
Dubrovnik, 1 shtator 2018 – Në takim me homologun tim polak, Jacek Kaputoviç.
e falënderoi homologun e tij për mbështetjen e Polonisë për Kosovën në procesin e integrimit europian.
Gjatë takimit miqësor u diskutua edhe për zhvillimet rajonale.
Kaputoviç interesohej shumë edhe për bisedimet Kosovë – Serbi, andaj më pyeti se si e shoh përfundimin e tyre, thash “Kosova është shtet i pavarur, i gjithë pranuar dhe Serbia fqinji i saj. Dialogu përfundimtar po bazohet pikërisht mbi këto premisa, sepse ne duam të ndërtojmë të ardhmen e sigurt të fëmijëve tanë”.
Dubrovnik, 1 shtator 2018 -“Fotografi familjare” nga pjesëmarrësit e Forumit të Dubrovnikut.
Kam marrë pjesë në takimin joformal të ministrave të jashtëm të BE-së dhe Ballkanit Perëndimor, me temën “Infrastruktura kritike dhe digjitalizimi”, të organizuar nga Austria, kryesuese e radhës e Presidencës së BE-së.
Siguria energjetike e Kosovës mbështetet në Termocentralet, funksionaliteti i të cilave varet nga rrjedha konstante e ujit për të ftohur gjeneratorët. Prandaj, kërkova me ngulm zbatimin e plotë të Marrëveshjes së Energjisë midis Kosovës dhe Serbisë, pasi që është me rëndësi vitale.
Vjenë, 31 gusht 2018 – Pjesmarrës në takimin joformal të ministrave të jashtëm të BE-së dhe Ballkanit Perëndimor.
Këtë e kërkova gjatë adresimit tim para Ministrave të Jashtëm të BE-së dhe Ballkanit Perëndimor, të cilët po marrin pjesë në takimin joformal në Vjenë, me temën “Infrastruktura kritike dhe Digjitalizimi”.
Në vazhdim, referova në lidhje me kërcënimet në rritje të karakterit hibrid, për të cilat vlerësova se bashkëpunimi është i domosdoshëm.
Përshëndeta nismat, si synimi për të nisur anketat e kërcënimeve hibride me vendet e Ballkanit Perëndimor, që na lejojnë të shqyrtojmë se si aplikohen kërcënimet në vende të veçanta, si dhe në rajonin tonë.
Vjenë, 31 gusht 2018 – Pjesmarrës në takimin joformal të ministrave të jashtëm të BE-së dhe Ballkanit Perëndimor.
Në margjina të këtij aktiviteti, të organizuar nga Austria, si kryesuese e radhës së Presidencës së BE-së, zhvillova njё sёrё takimesh me homolog nga BE-ja dhe rajoni.
Vjenë, 31 gusht 2018 – Pjesmarrës në takimin joformal të ministrave të jashtëm të BE-së dhe Ballkanit Perëndimor.Vjenë, 31 gusht 2018 – Gjatë adresimit para ministrave të jashtëm të BE-së dhe Ballkanit Perëndimor në Vjenë kam theksuar se zbatimi i plotë i Marrëveshjes së Energjisë midis Kosovës dhe Serbisë është me rëndësi vitale.Vjenë, 31 gusht 2018 – Me ftesë të eurodeputetit LukasMandl kam mbajtur ligjëratë mbi zhvillimet aktuale në Kosovë në “Shtëpinë e Unionit Evropian në Vjenë”, ku kam paraqitur një bilanc dhjetëvjeçar të zhvillimeve të përgjithshme në vend.
Jam nderuar nga Universiteti “Bodhi Sastra” në Bangkok të Tajlandës. U ndjeva krenar dhe i emocionuar me ekspozenë 45 minutëshe të rektorit të Universitetit, i cili me fjalët më të zgjedhura përshkruante Kosovën dhe përpjekjet e popullit tonë për të jetuar i lirë dhe i barabartë.
Titullin Doctor Honoris Causa, mu dha duke u bazuar në vendimin e tyre në aktivitetin tim humanitar në arenën ndërkombëtare. Unë jam krenar për respektin që tregoi ky komision për mua.
Unë, dhe njerëzit e mirë të Kosovës, jemi mirënjohës për miqtë dhe mbështetësit e vendit tonë.
Bangkok, 28 gusht 2018 – Jam nderuar nga Universiteti “Bodhi Sastra” në Bangkok të Tajlandës.
Bangkok, 28 gusht 2018 –Fjala ime para të pranishmëve në Universitetin “Bodhi Sastra” në Bangkok të Tajlandës. Bangkok, 28 gusht 2018 – Jam nderuar nga Universiteti “Bodhi Sastra” në Bangkok të Tajlandës.
Bangkok, 28 gusht 2018 – Jam nderuar nga Universiteti “Bodhi Sastra” në Bangkok të Tajlandës.
Prita në takim të rregullt pune ambasadorin e Republikës së Çekisë në Kosovë, Ivo Šilhavý.
Në kuadër të këtij takimi, me ambasadorin çek, Šilhavý, diskutuam zhvillimet e gjithmbarshme politike në Kosovë, rajon dhe më gjerë, ndërkohë që vëmendje e posaçme i është kushtuar edhe përkushtimit dhe vullnetit të dyanshëm ndër-shtetëror për thellimin dhe zgjerimin e mëtejmë të marrëdhënieve bilaterale.
Mbështetja e mëtutjeshme e Republikës së Çekisë drejt proceseve të integrimit në strukturat euro-atlantike; liberalizimit të vizave; integrimit dhe anëtarësimit të vendit në Organizata Ndërkombëtarë ishin disa nga temat tjera të bashkëbisedimit, për të cilat Ministri i Jashtëm Pacolli ka vlerësuar se përkrahja e Republikës së Çekisë është tejet e rëndësishme.
Prishtinë, 8 gusht 2018 – Në takim me Ambasadorin e Çekisë në Kosovë, Ivo Šilhavý.
Në Ministrinë e Punëve të jashtme sot, prita presidentit e Këshillit kombëtar të boshnjakëve të Sanxhakut z. Sulejman Uglianin.
E falenderova për ftesën që pranova para disa ditësh dhe i shpreha keqardhjen që për arsye të njohura nuk munda të marr pjesë. Me z.Uglianin biseduam për gjendjen e komunitetit boshnjak në Sanxhak dhe i shpreha mbështetjen në kërkesat e tyre për avansim të të drejtave konform standarteve tanimë të avansuara ndërkombëtare.
Ju falenderova Dr.Uglaninit për qëndrimin e tij ndaj Kosovës duke nënvizuar se zëri i Kosovës do të jetë gjithnjë e më i theksuar në avansimin e pozitës së Sanxhakut.
Prishtinë, 31 korrik 2018 – Foto e përbashkët me Sulejman Uglianin.
Dr.Ugljanini më njoftoi se si në komunën e Tutinit në Sanxhak, rrugëve dhe shesheve u janë dhënë emrat e shqiptarëve të shquar si Nëna Tereze, Naim Frashëri, Shaban Polluzha, Nexhip Draga, Ferat Draga, Aqif Blyta, Adem Demaçi, Ibrahim Rugova, Rexhep Qosja, Fehmi Agani etj.
Dr. Uglanini ka mbaruar shkollën fillore në Mitrovicë, të mesmen në Prishtinë kurse fakultetin dhe specializimin në Sarajevë”.
Prishtinë, 31 korrik 2018 – Shkëmbim dhuratash me z.Sulejman Uglianin.
Lufta kundër terrorizmit në botë është e mbushur me heronj të vërtetë. Për mendimin tim, sekretari i shtetit amerikan Mike Pompeo është sigurisht një prej tyre.
Kur vizitova Uashingtonin në korrik, pata rastin të takohesha me të. Ai është një shef i lartë i popullit amerikan, sekretari i shtetit është një nga udhëheqësit tradicionalë më të respektuar të vendit të tij dhe ai ka përdorur zërin e tij për të inkurajuar burrështetas të shumtë botërorë që të përqafojnë luftën kundër terrorizmit si një strategji për të parandaluar vdekjen e mijëra njerëzve të pafajshëm në botë.
Udhëheqësit tradicionalë mund të luajnë një rol të rëndësishëm në zgjerimin e mesazhit për sfidat, për të identifikuar mënyra konkrete për të luftuar persekutimin dhe diskriminimin fetar dhe për të siguruar respekt më të madh për lirinë e fesë apo besimit dhe sekretari i shtetit Pompeo po e tregon rrugën.
Kur pash ftesën që më erdhi nga Sekretari amerikan i Shtetit, Mike Pompeo, shkova në Uashington DC për një ngjarje të Ministerialit të parë për Avancimin e Lirive Fetare në botë, duke nderuar sekretarin e shtetit Popeo dhe burrështetas të tjerë të jashtëzakonshëm që po punojnë për ndryshime pozitive në mbarë botën.
Ishte e mrekullueshme të takoje kaq shumë burra e gra të guximshëm dhe të dëgjoja se përkushtimi amerikan për Kosovën është i palëkundur.
Ministeriali rikonfirmojë angazhimin ndërkombëtar për të nxitur lirinë fetare për të gjithë dhe do të përqëndrohet në rezultate të prekshme që sjellin ndryshim të qëndrueshëm dhe pozitiv.
Uashington D. C., 26 korrik 2018 – Momente nga fjala e sekretarit të shtetit, Pompeo gjatë Ministerialit të parë për avancimin e lirive fetare në botë,
Aktorë nga një gamë e gjerë fushash, përfshirë përfaqësues të lartë qeveritarë, përfaqësues të organizatave ndërkombëtare, udhëheqës fetarë dhe aktivistë të shoqërisë civile, ishin mblidhur ku diskutuam për sfidat, për të identifikuar mënyra konkrete për të luftuar persekutimin dhe diskriminimin fetar dhe për të siguruar respekt më të madh për lirinë e fesë apo besimit.
Sekretari Pompeo e hapi takimin për të shprehur mbështetjen amerikane për këtë iniciativë të rëndësishme.
“Pavarësisht dallimeve të shumta midis nesh, të gjithë biem dakord për pluralizëm fetar. Dhe të gjithë biem dakord për të luftuar, në mënyrë që çdo njeri të jetë i lirë për të besuar, i lirë për për t’u bashkuar, dhe për të mësuar parimet e besimit – dhe se besimi nuk duhet të jetë fakultativ – është një detyrim moral që kjo gjë të lejohet”, tha Sekretari i Shtetit Mike Pompeo në Ministerialin për Përparimin e Lirisë Fetare.
Uashington D. C., 26 korrik 2018 – Gjatë qëndrimit në Uashington, kënaqësi ta takoj Sekretarin e Shtetit Mike Pompeo. Kosova është me fat që në rrugëtimin e saj nuk është vetëm.
Unë paraqita gjendjen në Kosovë dhe atë që kemi bërë në mbrojtje të lirive fetare si një nga vendet më të përparuara në Evropë dhe më gjerë.
M’u kërkua të paraqitesha përpara të pranishmëve dhe mora fjalën duke shtuar se liria fetare është një parim që ka rëndësi për popullin e Kosovës, për shkak të historisë, trashëgimisë dhe të ardhmes.
“Në rrugëtimin tonë përpara ne duhet të shohim përsëri në traditën tonë të gjatë të bashkëjetesës paqësore midis feve të ndryshme, ne, myslimanët, katolikët, ortodoksët, protestantët, hebrenjtë dhe shumë komunitete të tjera jetojmë së bashku në harmoni dhe bashkëjetesë”
Potencova se Kushtetuta e Kosovës promovon praktikimin e pakufizuar të besimit dhe i jep trajtim të barabartë të gjitha feve në Kosovë dhe pasuesve të tyre.
Uashington D. C., 26 korrik 2018 – Në mesin e të gjithë këtyre flamujve ishte edhe ai i Kosovës në Ministerialin e parë për avancimin e lirive fetare në botë, . Jemi me fat që kemi miqësi të thell me shtetin amerikan.
Ne kemi përfshirë instrumentet e Kombeve të Bashkuara dhe të Këshillit të Evropës si pjesë e sistemit tonë ligjor. Aktualisht Parlamenti i Kosovës është duke punuar për të miratuar një ligj modern mbi liritë dhe të drejtat fetare që i imponon këto instrumente ndërkombëtare dhe parimet tona kushtetuese në legjislacionin kombëtar.
Kosova po krijon mekanizma institucionalë që do të forcojnë angazhimin e Qeverisë me të gjitha bashkësitë fetare në Kosovë. Vendi ynë është një shembull në rajon dhe më gjerë në lidhje me tolerancën ndërfetare dhe bashkëjetesën e religjioneve.
Potencova gjatë fjalës sime se ne do të promovojmë këtë vlerë dhe trashëgiminë e Kosovës dhe jemi të lumtur ta ndajmë atë në mbarë botën.
Ne do të vazhdojmë të punojmë me qeverinë Amerikane për të adresuar rëndësinë e lirive fetare dhe për të marrë iniciativa të përbashkëta me partnerët tanë.
Uashington D. C., 26 korrik 2018 – Në mesin e të gjithë këtyre të ftuarve, isha edhe unë me ftesë zyrtare nga sekretari i shtetit Mike Pompeo, në Ministerialin e parë për avancimin e lirive fetare në botë, Miqësinë me shtetin amerikanë duhet të kultivojmë dhe ta ruajmë. Uashington D. C., 26 korrik 2018 – Në mesin e të gjithë këtyre të ftuarve, isha edhe unë me ftesë zyrtare nga sekretari i shtetit Mike Pompeo, në Ministerialin e parë për avancimin e lirive fetare në botë ku morën pjesë mbi 84 vende të botës. Kosova u trajtua ne çdo aspekt me privilegj të madh.Uashington D. C., 27 korrik 2018 – Së bashku me homologun tim nga Shqipëria, Ditmir Bushati, në konferencën ministeriale për liritë fetare në Uashington D. C., ku morën pjesë mbi 84 vende të botës.
Nikki Haley, ambasadorja e SHBA në OKB është mbështetësja e madhe e Kosovës, e cila përballet me të gjithë ata që sulmojnë të ardhmen e shtetit tonë.
Diskutimet e saj për Kosovën në Këshillin e Sigurimit na bëjnë krenar për miqësinë dhe lidhjet historike me SHBA-në.
E falënderova për atë se çfarë bën për Republikën tonë, e ftova për vizitë në Prishtinë.
Uashington D. C., 27 korrik – Gjatë takimit me Ambasadoren e ShBA-së në OKB, Nikki Haley.
Gjatë vizitës në Uashington jam pritur në takim nga Ndihmës-Sekretari amerikan i Shtetit për Evropë dhe Euro-Azi, Wess Mitchell, në Departamentin Amerikan të Shtetit.
Shtetet e Bashkuara e kanë dëshmuar mbështetjen e tyre të fuqishme, të vendosur dhe të vazhdueshme nëpër periudhat më të vështira për vendin dhe popullin shqiptarë të Kosovës dhe do të qëndrojnë prapa Kosovës dhe popullit të saj nëpër secilin proces të shtet-ndërtimit.
Ky ishte njëri nga mesashet kryesore, që mora nga takimi që kisha sot me Ndihmës-Sekretarin e Shtetit për Evropë dhe Euro-Azi, z. Wess Mitchell, në Departamentin Amerikan të Shtetit.
Uashington D. C., 27 korrik 2018 – Gjatë vizitës sime në ShBA jam pritur në takim nga Ndihmës-Sekretari amerikan i Shtetit për Evropë dhe Euro-Azi, Wess Mitchell, në Departamentin Amerikan të Shtetit.Uashington D. C., 26 korrik 2018 – Një takim me Ministrin e Punëve të Jashtme të Omanit, Yusuf Bin Alawi.Uashington, 26 korrik 2018 – Takim me Kongresmenin amerikan Eliot Engel.
Kryeministri Ramush Haradinaj, me ekipen e tij të kabinetit të qeverisë i prita në vizitë në kabinetin e MPJ-së, me të cilin diskuam për aktivitetet dhe sfidat e politikës së jashtme të Republikës së Kosovës.
Konsolidimi i diplomacisë së Kosovës në botë, politika parimore krahas organizatave ndërkombëtare, marrëdhëniet bilaterale e multilaterale, integrimet euro-atlantike si dhe njohjet e reja ishin në fokus të diskutimit.
Prishtinë, 23 korrik 2018 – Në konference për media me Kryeministrin Ramush Haradinaj, me të cilin diskutuam për aktivitetet dhe sfidat e politikës së jashtme të Republikës së Kosovës.
Gjatë kësaj vizite pune, kryeministrin e njoftova me sfidat me të cilat ballafaqohet Kosova në planin diplomatik, veçanërisht me betejen rreth njohjeve që janë target nga oponentët tanë.
Në temat e politikës së jashtme jemi unikë dhe me qeverisjen stabile e zbatuese garantohet imazhi i mirë dhe përfaqësimi i denjë i Kosovës kudo.
Prishtinë, 23 korrik 2018 – Kryeministri Ramush Haradinaj, me ekipen e tij të kabinetit të qeverisë i prita në vizitë në kabinetin e MPJ-së, me të cilin diskuam për aktivitetet dhe sfidat e politikës së jashtme të Republikës së Kosovës.
Kryeministri i Republikës së Kosovës, ka zhvilluar një vizite pune në Ministrinë e Punëve të Jashtme, ku është pritur nga zëvendëskryeministri/njëherësh ministër i Punëve të Jashtme, Behgjet Pacolli, me bashkëpunëtorë.
Me këtë rast, kryeministri Haradinaj ka ofruar mbështetjen e tij për projektet dhe planet konkrete të Ministrisë së Punëve të Jashtme, duke thënë se së bashku me zëvendëskryeministrin/njëherësh ministrin e Punëve të Jashtme, z.Pacolli, kanë punuar shumë rreth politikës së jashtme të Kosovës, duke e konsideruar politikën e jashtme temë mjaft të rëndësishme për Kosovën.
“Kemi filluar punën si Kosovë në planin e jashtëm të sfiduar në planin politik, të sigurisë, por edhe në atë ekonomik. Beteja diplomatike për Kosovën është bart edhe te shumë vende të largëta rreth njohjeve. Poashtu, kemi vështirësi të tjera edhe në regjion dhe në integrimet euroatlantike, pra, jemi shumë të sfiduar në planin e jashtëm”, tha kryeministri Haradinaj dhe shtoi se përkundër faktit që janë të sfiduar, Ministria e Punëve të Jashtme dhe ministri Pacolli, kanë bërë punë të mrekullueshme dhe nuk kanë lejuar prapësimin e pozicionit të Kosovës në planin diplomatik, edhe në ato vende të largëta ku ka qenë një target i oponentëve tanë.
Sipas protokollit të Republikësm duke i uruar mirëseardhje kryeministrit Haradinaj në Ministrin e Punëve të Jashtme.
Më tej, kryeministri Haradinaj tha se kanë plane dhe projekte konkrete dhe sa herë që ka lajme pozitive do t’i bëjnë të njohura për publikun, siç ishte lajmi për rekomandimin pozitiv për liberalizimin e vizave, duke i siguruar të gjithë qytetarët e Kosovës, se në planin e jashtëm politika e Kosovës është unike.
Nga ana e tij, zëvendëskryeministri/njëherësh ministër i Punëve të Jashtme, Behgjet Pacolli, duke e cilësuar shumë të rëndësishme vizitën e parë të kryeministrit Haradinaj, për të dhe Ministrinë të cilën ai e udhëheq, e informoi kryeministrin për të gjitha punët që janë bërë gjatë kësaj periudhe, si dhe për angazhimet e diplomacisë kosovare në çështjen e lobimit për shtimin e njohjeve të reja, rregulloren e re të MPJ-së, bashkëpunimet bilaterale, multilaterale dhe rajonale, integrimet euroatlantike, anëtarësimin e Kosovës në Këshillin e Evropës, në UNESCO, INTERPOL si dhe sfida tjera me të cilat është duke u përballur kjo ministri.
Gjatë konferencës për media së bahsku me kryeministrin Haradinaj.
Poashtu, zëvendëskryeministri/njëherësh ministër i Punëve të Jashtme, Behgjet Pacolli, e ka informuar kryeministrin Haradinaj, rreth procesit të bashkëpunimit të Evropës Juglindore, kryesimin e së cilës vitin tjetër do ta marrë Republika e Kosovës.
Gjatë konferencës, kryeministri Haradinaj dhe zëvendëskryeministri/ministri, Pacolli i janë përgjigjur interesimit të mediave për tema të ndryshme.
Kosova ka një traditë të marrëdhënieve të mira reciproke me Maqedoninë. Duke u nisur nga këto premisa organizova sipas protokollit të shtetit pritjen e homologut tim nga Republika e Maqedonisë.
Për ministrin e Punëve të Jashtme, Nikolla Dimitrov, ishte vizita e tij e parë zyrtare në Kosovë prej kur kishte marrë këtë përgjegjësi.
Në takimin mes delegacioneve tona me theks të veçantë, diskutuam për prioritet ngritjes së bashkëpunimit ekonomik, turizmit, bashkëpunimit doganor, aspekteve të shëndetësisë, si dhe mundësive të reja për zhvillimin e dy Republikave.
Kurse gjatë konferencës për media Dimitrov, komentoi masat e ndërmarra nga Qeveria e Kosovës për të vendosur një doganë prej 30 për qind për importet e produkteve bujqësore nga Maqedonia, theksoi se “ky problem duhet të zgjidhet me bisedime dhe jo me inate dhe kundërmasa ndaj Kosovës”.
Prishtinë, 20 korrik 2018 – Për ministrin e Punëve të Jashtme, Nikolla Dimitrov, ishte vizita e tij e parë zyrtare në Kosovë prej kur kishte marrë këtë përgjegjësi.
“Një masë nuk mund të jetë e mirë për Kosovën në qoftë se nuk është e mirë edhe për mikun më të afërt dhe ne duhet të gjejmë një zgjidhje. Kjo është një masë e përkohshme por kemi detyrime ligjore me Marrëveshjen e CEFTA-s, e cila parasheh procedura por më e rëndësishme se detyrimet ligjore është se politika e re evropiane në Ballkan na detyron që të kuptojmë cilat janë problemet që përballet partneri ynë i Kosovës dhe ta zgjidhim këtë çështje”,
Dimitrov tha se politika tjetër e Ballkanit është që të vendosen kundërmasa por se siç vazhdoi ai, problemi duhet të zgjidhet me dialog të përshpejtuar.
Unë potencova se Kosova ka një traditë të marrëdhënieve të mira reciproke me Maqedoninë.
Prishtinë, 20 korrik 2018 – Gjatë konferencës për media Dimitrov, komentoi masat e ndërmarra nga Qeveria e Kosovës për të vendosur një doganë prej 30 për qind për importet e produkteve bujqësore nga Maqedonia
Duke falënderuar homologun Dimitrov për mbështetjen e dhënë për Kosovën në çdo takim bilateral dhe multilateral, njoftova se janë 21 marrëveshje të nënshkruara në mes dy shteteve ku edhe katër nisma janë në pritje që të shndërrohen në marrëveshje dhe memorandume ministeriale.
Po ashtu, urova homologun për punën e shkëlqyer në zgjidhjen e problemit të emrit të Maqedonisë me Greqinë, çështje kjo që e ka rënduar integrimin e mëtutjeshëm të Maqedonisë për 26 vite.
“Ky veprim ka krijuar një atmosferë të favorshme në rajon. Për Kosovën është një arritje e madhe po ashtu sepse Kosovës i jepet një mundësi që të ketë ndjenja se jeton në një zonë më të sigurtë. E dini se çështja e emrit të Maqedonisë ishte kusht i parevokueshëm për integrimin e Maqedonisë në NATO dhe integrimi i Maqedonisë në NATO do të thotë një komoditet për Kosovën, që ta ndiej veten në një zonë të NATO-s dhe më të sigurtë”
Prishtinë, 20 korrik 2018 – Në takim me homologun tim nga Republika e Maqedonisë, Ministrin e Punëve të Jashtme, Nikolla Dimitrov, në vizitën e tij të parë zyrtare në Kosovë si Ministër i Jashtëm.
