Me rastin e festave të fundvitit kam organizuar në Hotelin Swiss Diamond pritje për gazetarë.
I kam falënderuar gazetarët për punën e bërë gjatë vitit 2018, për kontributin e jashtëzakonshëm me prezantimin e gjithë procesit që Republika e Kosovës e ka kaluar me sukses të plotë.
“Ka qenë një vit i suksesit për shtetin tonë, për qytetarët. Ju falënderoj juve përfaqësuesit e gjitha mediave për prezantimin korrekt të punës së qeverisë, e po ashtu ju falënderoj edhe për vërejtjet dhe kritikat”
Prishtinë, 19 dhjetor 2018 – Me rastin e pritjes së gazetarëve për festat e fundvitit si shenjë respekti për punën dhe angazhimin e tyre.
U shpreh duke shtuar se : “nëse ndokush meriton vlerësimin më të lartë gjatë këtij viti për gjitha angazhimet, ju jeni nga ata që meritoni këtë vlerësim më të lartë për klimën e krijuar të shprehjes së lirë, mediave të lira”.
Ritheksova përkushtimin e përhershëm të Ministrisë së Punëve të Jashtme për partneritet të vazhdueshëm për kultivimin e medias së lirë në Kosovë.
Rrugëtimi i Forcës së Sigurisë së Kosovës simbolizon ecjen dhe zhvillimin e shtetit tonë. Një proces me hapa të gjatë dhe të mundimshëm, por gjithmonë i orientuar drejt arritjes së një qëllimi të qartë, në dobi të qytetarëve të të gjitha komuniteteve në vendin tonë.
Për qytetarët dhe institucionet, Forca e Sigurisë de fakto ka qenë gjithmonë Ushtria e Kosovës.
Por, nga ky muaj, me mandatin e ri, vajzat dhe djemtë tanë, me dinjitet e krenari edhe do ta mbrojnë Republikën e Kosovës, duke kontribuar gjithnjë në ndërtimin dhe ruajtjen e stabilitetit rajonal dhe më gjerë.
Prishtinë, 2011 – Parakalimi në tepihun e kuq para Gardës Ceremoniale të FSK-së, kur mu bë pritja sa isha president i Republikës së Kosovës.
Sot, nesër dhe përgjithmonë, Forcën e Sigurisë së Kosovës dhe ushtarët tanë, i tërë populli ynë do t’i shikojë me respekt, me nderim dhe krenari.
USHTRIA E KOSOVËS buron nga populli liridashës e paqedashës i Kosovës dhe i përket të gjithë qytetarëve të saj, pa dallim. Ajo do të jetë garantuese e paqes dhe stabilitetit në Rajon me synimin për të qenë pjesë e NATOs dhe t’i kontribuoj qëllimeve madhore të kësaj aleance kudo në Botë.
Themelet e kësaj Ushtrie janë të vendosura thellë në luftën e pastër dhe të shenjtë të USHTRISË ÇLIRIMTARE TË KOSOVËS. Kosova do të jetë përgjithmonë mirënjohëse vendeve që po mbështesin formimin e USHTRISË sonë. Kliko linkun: https://fb.watch/n2rOcDLOnL/
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Personalisht në cilësinë e Zëvendëskryeministrit të parë të Kosovës, me ftesë të shtetit të IOWA-së, isha i nderar me respektin që më bëri Dhoma e Përfaqësuesve të shtetit të Iowa-së në Shtetet e Bashkuara të Amerikës dhe Komandanti i Gardës Kombëtare të Iowa-s, Gjenerali Orr gjatë vizitës time zyrtare të këtij shteti.
Me gjeneralin Orr kemi biseduar për procedurat si të vijmë deri tek ushtria e Kosovës.
Gjeneral Major Tim Orr, gjeneral i Gardës Kombëtare të Iowa-s, shtrëngon dorën me mysafirin Zëvendëskryeministri i parë i Kosovës Behgjet Pacolli, në të majtë, pasi mbajti fjalimin e tij vjetor për Kushtetutën e Gardës Kombëtare të Iowa-s në një seancë të përbashkët të Dhomës së Iowa-s dhe Senatit, të enjten, 11 janar 2018, në Des Moines, Iowa.
Rruga e gjatë deri sa e bëm Ushtrinë e Kosovës
Në vitin 1998 – 1999 ishin Ushtarët e Ushtrisë Çlirimtare të Kosovës, që luftuan me forcat barbare serbe. Pas luftës ata dorëzuan armët dhe u transformuan në Trupat Mbrojtëse të Kosovës.
Prishtinë, 2011 – Me bacën Rifat Jashari, kryeministrin Hashim Thaçi, unë si president i Republikës, duke parakaluar para armatimit të FSK-së, në kazermen Adem Jashari.
Pas shpalljes së pavarsisë së Republikës së Kosovës në vitin 2008 u krijua Forca e Sigurisë së Kosovës (FSK), e cila ka 2500 ushtarë aktiv dhe 800 ushtarë rezervë.
Forca e Sigurisë së Kosovës, nuk i pëlqen Beogradit dhe qe disa vite ka bërë presion pjestarëve të komunitetit serb të largohen. Për ta bërë Forcën e Sigurisë së Kosovës ushtri, duhen ndryshime kushtetuese, por pa voten e serbëve nuk mund të ndryshohet kushtetuta.
Prishtinë, 2011 – Në kazermen “Adem Jashari” mu dha fjala si Komandant Suprem i FSK-së, deri sa ushtroja postin e presidentit të Republikës së Kosovës.
Mbështetësit kryesor të Kosovës – Shtetet e Bashkuara të Amerikës, dhe vendet më të fuqishme në NATO kanë thënë se pa ndryshime kushtetuese nuk ka ushtri.
NATO doli me qëndrim se nëse një gjë e till bëhet pa ndryshimin e kushtetutës atëher raportet me FSK-në do të dëmtohen. Ky është një historik i shkurtër se si erdhëm deri në ditën e formimit të Ushtrisë së Kosovës.
Përkundër paralajmrimeve ne si qeveri e Kosovës, vendosëm për të miratuar 3 ligje që kishin për qëllim transformimin e FSK-së në Forca të Aramatosura. Ligjet pastaj u përcollën për votim në parlament.
Seanca u thirr për datën 14 dhjetor 2018, kur deputetët e Kuvendit të Kosovës do të miratonin përfundimisht tri ligjet, me të cilat mundësohet transformimi i Forcës së Sigurisë së Kosovës në Ushtri të Kosovës.
Ndonëse emri i FSK-së nuk pësoi ndryshime për shkak të pamundësive për ndryshime kushtetuese, ligjet e miratuara vlerësohet se i japin FSK-së kapacitete ushtarake gjatë një procesi transformimi brenda disa viteve.
Prishtinë, 2018 – Me 13 dhjetor ushtarët e Forcës së Sigurisë së Kosovës në kazermen “Adem Jashari” duke demostruar profesnionalizëm.
Bëhet fjalë për Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.
Të gjithë atë ditë ishim unik, seanca filloi me një minutë heshtje për të nderuar, të gjithë ata që u vranë dhe sakrifikuan duke dhënë kontributin e tyre për lirinë dhe pavarësinë e Kosovës.
Votimi u përcjellë me duartrokitje të gjata në Kuvend.
I kapluar nga emocionet kryetari i Kuvendit, Kadri Veseli, tha se me këtë votim po fillon një epokë e re për shtetin e Kosovës.
“Nga ky moment, zyrtarisht e kemi Ushtrinë e Kosovës. Në sallë kemi kadetët e Forcës së Sigurisë së Kosovës që nga ky çast janë ushtarë të Kosovës, të cilëve ua urojmë Ushtrinë e Kosovës”, ka thënë Veseli.
Vendimi për formimin e Ushtrisë së Kosovës po përcillej me një atmosferë festive në sheshet e Prishtinës.
Sheshet e kryeqytetit ishin mbushur me flamuj të Shteteve të Bashkuara të Amerikës, Britanisë së Madhe, Gjermanisë, Francës, Italisë dhe shteteve tjera, të cilat Kosova i konsideron si vende që e kanë ndihmuar në vazhdimësi atë.
Ceremoni festive në FSK
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Aty, morëm pjesë ne krerët më të lartë të shtetit të Kosovës.
Pas vendimit të Kuvendit, një ceremoni ku është prezantuar Forca e Sigurisë së Kosovës, u mbajt në kazermën “Adem Jashari”, në Prishtinë.
Presidenti Thaçi mori fjalën dhe falënderoi partnerët ndërkombëtarë, Shtetet e Bashkuara të Amerikës dhe të gjitha vendet e NATO-s. Ndërkaq, kryeministri Ramush Haradinaj, tha se Kosova po hyn e fundit në rreshtin e ushtrive të paqes në botë.
Propaganda kishte filluar në Beograd
Përderisa në Prishtinë, 14 dhjetori cilësohej si ditë historike, në Beograd kishte shqetësime. Këtë e dinim, ishte e pritur.
E para doli me qëndrime kryeministrja e Serbisë, Ana Brnabiq, ajo të premten tha se për të është “një ditë e rëndë”, porse Serbia do ta vazhdojë rrugën e paqes. “Për mua kjo është ditë e rëndë. Nuk është ditë që i kontribuon bashkëpunimit në rajon”, ka thënë Brnabiq për mediat serbe.
Një atmosferë ndryshe me Prishtinën dhe qytetet tjera të banuara nga popullata shumicë shqiptare, mbizotëronte në pjesën veriore të Kosovës, të banuar me popullatë serbe.
Dora e zgjatur e politikës së Vuçiqit kishte mbushur sheshet e Mitrovicës Veriore me flamuj të Serbisë. Direktivat i ishin dhënë edhe deputetëve të Listës Serbe që të bojkotonin seancën, duke kundërshtuar kështu vendimin për Ushtrinë.
Nga veriu i Kosovës, ku jetojnë popullata shumicë serbe, u dërguan porosi se Forca e Sigurisë së Kosovës nuk ka të drejtë të shkojnë atje.
Goran Rakiq, kryetar i Listës Serbe, thirri konferencë për media duke thënë që vendimi i autoritete të Prishtinës është i papranueshëm për serbët dhe se nuk ka asnjë fuqi.
Mitrovica e Veriut dhe Prishtina, në ditën kur pritet formimi i Ushtrisë së Kosovës.
Si zëvendëskryeministër i parë dhe minister i Punëve të Jashtme të Republikës së Kosovës, fillova ti kundërpërgjigjem propagandës së Beogradit.
Mobilizova ekipen time dhe në vazhdimësi kemi informuar shumicën e vendeve dhe institucioneve të botës, për hapin historik të Republikës së Kosovës, tranzicionin e Forcës së Sigurisë së Kosovës, në një ushtri bashkohore, sikurse të gjitha ushtritë e vendeve demokratike.
Të njëjtat shtete i kam informuar se tranzicioni nga Forca në Ushtri, është proces i kujdesshëm, transparent, e demokratik, përmes të cilit do të përfitojë jo vetëm Republika e Kosovës, por edhe siguria dhe stabiliteti në nivel rajonal, evropian dhe global.
Në esencë mesazhi i përcjellë nga ana ime në të gjitha adresat relevante diplomatike kudo në botë, nënvizonte që Republika e Kosovës synon t’i shërbejë dhe të jetë pjesëmarrëse aktive në nisma, zhvillime dhe projekte të sigurisë dhe stabilitetit në rajon dhe më gjerë.
Sigurisht se deri sot Serbia ka bërë një fushatë të egër dhe primitive kundër këtij momenti historik, dhe komunikimi im me të gjitha vendet, institucionet dhe adresat tjera diplomatike, mes tjerash, ka pasur si qëllim që të degradojë narracionin e rremë të Serbisë.
Dhe koha po tregon se i’a kam arritur. E vërteta është një dhe e vetme, Ushtria është forcë e Republikës dhe qytetarëve dhe e cila reflekton karakterin kushtetues e divers të vendit.
E njëjta ka qenë, është, dhe do të vazhdojë bashkëpunimin e ngushtë strategjik me NATO-n, si ombrellë dhe hisedare e sigurisë në rajon.
Në fakt, përderisa vendet tjera kanë ndjekur rrugëtimin e hyrjes në NATO, ne kemi përparësinë që ta kemi NATO-n brenda në Kosovë. Tashmë nga sot, rrugëtimi ynë strategjik mori një tjetër hov!
Ushtria është atributi unik i shtetit tonë të ri.
Hezitime në NATO dhe përkrahje nga SHBA-ja
Transformimi i kësaj ushtrie nuk arriti të sigurojë mbështetjen e plotë të NATO-s, ishim në dijeni për këtë fakt. I pari që reagoi ishte Sekretari i Përgjithshëm i NATO-s, Jens Stoltenberg, i cili doli me qëndrim se ky transformim po ndodh në një “kohë të papërshtatshme” dhe i tërhoqi vërejtjen Prishtinës se nëse do të ndërmarrë hapin e transformimit “do të përballet me pasoja”.
Por, ne në Prishtinë deklaratat e tilla i pamë si reflektim i qëndrimeve të disa vendeve anëtare të NATO-s, të cilat nuk na njohin pavarësinë e Kosovës.
Ne kishim siguruarmbështetjen e nevojshme të NATO-s dhe Shteteve të Bashkuara të Amerikës për transformimin e Forcës së Sigurisë së Kosovës në kapacitete ushtarake.
Qytetarët e duartrokasin qëndrimin e SHBA-së për FSK-në
Për dallim nga NATO, e cila ka në përbërje të vet shumë shtete, Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Qeveria Amerikane përmes ambasadorit të saj në Kosovë, Philip Kosnett na dha mbështetje se votimi për transformimin e Forcës së Sigurisë së Kosovës është historik për Kosovën.
Një javë më parë FSK-në e kishim pajisur me 24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
Si ministër i jashtëm në çdo takim me zyrtarë të shteteve të ndrysme që takoja u zotova se transformimi i FSK-së do të bëhet në koordinim me NATO-n dhe shtetet që Kosova i konsideron si aleate, duke veçuar sidomos Shtetet e Bashkuara të Amerikës.
24 automjete ushtarake të tipit “Humvee”, të cilat erdhën pikërisht nga Shtetet e Bashkuara të Amerikës.
FSK nuk e zëvendëson KFOR-in
Forca e Sigurisë së Kosovës do të nisë rrugën drejt shndërrimit në ushtri,rolin dhe mandatin mbrojtës në Kosovë do të vazhdojë ta ketë forca paqeruajtëse dhe shumëkombëshe e KFOR-it.
“Prezenca e NATO-s në shtetin tonë do të jetë gjithmonë e mirëpritur. Ne duam t’i bashkohemi NATO-s, duam të punojmë me ju. Me tranzicionin, FSK-ja është e gatshme të shërbejë me ju, me forcat e juaja të armatosura gjithkund në botë”.
Forca e Sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës.
Kjo Forcë, është ngritur nën mbikëqyrjen e NATO-s, por misioni dhe kapacitetet e saj, nuk përkuan me ambicien e institucioneve, që Kosova ta ketë ushtrinë e saj.
Mbi 100 partnerë u mblodhën në Paris për të ndërtuar momentum, për të përmirësuar veprimet aktuale dhe për të premtuar mbështetje për një zgjidhje të qëndrueshme për t’i dhënë fund vuajtjeve të shkaktuara nga armët e vogla të paligjshme dhe armët e lehta (SALW) në Ballkanin Perëndimor dhe në Evropë në përgjithësi.
Në konferencen franko-gjermane të luftës kundër trafikut të armëve te zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekje.
Krimi e trafiku nuk njohin kufinj, ndaj lufta kundër tyre duhet të jetë ndërkufitare dhe e bashkërenduar. Bashkë me ministrin e brendshëm paraqitëm plane konkrete për bashkëbiseduesit tanë – kolegët nga rajoni, institucionet franceze dhe gjermane dhe organizatat ndërkombëtare të pranishme.
Paris, 11 dhjetor 2018 – Në konferencën franko-gjermane të luftës kundër trafikut të armëve të zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekjeje.
Republika e Kosovës me të gjitha kapacitetet shtetërore është e përkushtuar që ti kontribuojë sigurisë dhe paqes në rajon dhe më gjerë.
Në konferencen franko – gjermane u tha se numri i madh i vlerësuar i armëve të zjarrit ilegale në Ballkanin Perëndimor përbën një kërcënim për sigurinë e rajonit dhe të Bashkimit Evropian, për shkak të tregtisë së paligjshme, trafikimit dhe keqpërdorimit të tyre, veçanërisht nga krimi i organizuar dhe grupet terroriste.
Prandaj, qeveritë e Francës dhe Gjermanisë thirrën takimin e parë ndërkombëtar të nivelit të lartë në Paris më 11 dhjetor 2018.
Veprimtaria kishte për qëllim rritjen e vendosmërisë politike për të rritur më tej sigurinë dhe sigurinë për çdo qytetar evropian dhe gjenerimin e angazhimeve për të luftuar rreziqet e paraqitura nga mbajtja, trafikimi dhe keqpërdorimi i paligjshëm i armëve të zjarrit.
Paris, 11 dhjetor 2018– Në takim me Ministrin e Jashtëm të Francës, Jean-Yves Le Drian, gjatë punimeve të konferencës franko-gjermane të luftës kundër trafikut të armëve të zjarrit në Ballkanin Perëndimor.
Konferenca u hap nga Jean-Yves Le Drian, Ministër Francez për Evropën dhe Punët e Jashtme dhe Heiko Maas, Ministri Federal i Punëve të Jashtme gjermane. Të dy ministrat theksuan rëndësinë e rritjes së punës tashmë në vazhdim për kontrollin e armëve në Ballkanin Perëndimor dhe përgëzuan partnerët për miratimin e Udhërrëfyesit.
Në të njëjtën kohë, Gerd Trogemann, Menaxher i Qendrës Rajonale të PNUD-it në Stamboll, theksoi se si tejkalimi i ndryshimeve të lidhura me kontrollin e AVL-ve kontribuon në Qëllimin 16 që promovon shoqëri të drejta, paqësore dhe gjithëpërfshirëse, që qëndron në qendër të agjendës globale për zhvillim të qëndrueshëm.
Paris, 12 dhjetor 2018 – Shtrëngim duarsh me homologun gjerman Heiko Maas.
Takimi ndërkombëtar i nivelit të lartë mblodhi së bashku mbi 100 pjesëmarrës duke përfshirë ministra ose zëvendësministra të Punëve të Jashtme dhe të Brendshme nga Ballkani Perëndimor, përfaqësues të qeverive nga Evropa, Amerika e Veriut dhe organizata ndërkombëtare dhe rajonale të angazhuara në kontrollin e armëve, përfshirë Kombet e Bashkuara.
Ministrat e Brendshëm nga Ballkani Perëndimor prezantuan prioritetet e përcaktuara në Planet e Veprimit për zbatimin e Udhërrëfyesit, ndërsa organizatat ndërkombëtare informuan për mbështetjen e tyre të planifikuar për këto plane veprimi, duke filluar nga menaxhimi i stoqeve deri te forcimi i reagimit të drejtësisë penale ndaj keqpërdorimit të armëve të zjarrit dhe integrimit. gjinore në politikat e sigurisë.
Në raundin e dytë tê diskutimeve, gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Paris, 11 dhjetor 2018 – Gjatë drekës, pata rastin që të bashkëbisedoj me ministrin e jashtëm francez Le Drian, me të cilin u pajtuam që bashkëpunimi i ngushtë të vazhdojë në të gjitha fushat.
Në fushën e sigurisë dhe bashkëpunimit ekonomik do të kemi nisma të reja, ku Franca do të jetë edhe në të ardhmen mbështetëse e Kosovës.
Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Paris, 11 dhjetor 2018 – Ministri i jashtëm Le Drian, konfirmoi vizitën në Prishtinë në mars të 2019, për të konkretizuar nisma të prekshme bashkëpunimi.
Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
Gjermania duhet të tregojë lidershipin e vet dhe të shtyjë përpara procesin e liberalizimit të vizave për Kosovën, pas përmbushjes së secilit kriter të vendosur.
Kjo ishte edhe tema me të cilën biseduam në Paris me ministrin e jashtëm të Gjermanisë.
Paris, 11 dhjetor 2018 – Në raundin e dytë tê diskutimeve, gjatë drekës, takova dhe bisedova edhe me homologun tim gjerman, Heiko Maas, me të cilin u dakorduam për një vizitë timen në Berlin në ditët e ardhshme.
Unë kam udhëtuar në Afrikë rregullisht për më shumë se dy dekada. Sa herë që shkoj, mahnitem nga numri i madh i të rinjve që shoh – kudo, nga qytetet më të mëdha deri në fshatrat më të largëta.
Të shohësh Afrikën me sytë e rinisë së saj është të shohësh një kontinent të mbushur me potencial dhe mundësi.
Udhëtimi i radhës ishte në shtetin e Gambias. Në orët e hershme të mëngjesit arrita në kryeqytetin Banjul, si ndalesë e parë e një mini turneu lobues në kontinentin afrikan.
Në Aeroportin e kryeqytetit Banjul u prita nga homologu im, ministri i jashtëm Mamadou Tangara. Kliko linkun për të parë videon: https://fb.watch/n1kl-EAMSw/
Në Gambia, vizitën bilaterale e fillova me takimin me presidentin e këtij shteti Adama Barrow i cili dha një mbështetje të fortë për Kosovën dhe integrimin e saj në bashkësinë ndërkombëtare.
Ai më siguroi se Gambia do të mbetet një aleat i palekundur diplomatik i Kosovës në Afrikë dhe më gjerë. E kam ftuar atë të vizitojë Kosovën dhe do të shqyrtojmë disa fusha të mundshme të bashkëpunimit.
Banjul, 5 dhjetor 2018 – Në takim me Presidentin e Gambisë, Adama Barrow.
Me Ministrin e Punëve të Jashtme Gambian Mamadou Tangara, i cili ishte Ministër i Jashtëm që e njohu Kosovën vite më parë, ne diskutuam për hapat konkretë të bashkëpunimit.
Ne kemi nënshkruar tre marrëveshje që do të thellojnë marrëdhëniet politike dhe diplomatike midis Kosovës dhe Gambia dhe do të rrisin lidhjet e popujve me popujt.
Banjul, 5 dhjetor 2018 – Me homologun tim, Ministrin e Punëve të Jashtme të Gambisë, Mamadou Tangara, pas nënshkrimit të marrëveshjes për thellimin e marrëdhënieve politike dhe diplomatike në mes të Republikës së Kosovës dhe Gambisë.
Gambia do ta mbështesë Kosovën në të gjitha qëllimet diplomatike dhe Ministri i Jashtëm Tangara do të vizitojë Kosovën së shpejti për të thelluar lidhjet tona.
Ne synojmë të forcojmë praninë e mëtejshme diplomatike të Kosovës në Afrikë dhe shumë rajone të tjera, dhe miqtë si Gambia qëndrojnë pranë Kosovës për të mbështetur përpjekjen tonë legjitime për t’u bërë anëtare e barabartë e bashkësisë ndërkombëtare.
Banjul, 5 dhjetor 2018 – Me homologun tim, Ministrin e Punëve të Jashtme të Gambisë, Mamadou Tangara, pas nënshkrimit të marrëveshjes për thellimin e marrëdhënieve politike dhe diplomatike në mes të Republikës së Kosovës dhe Gambisë.
Pas vizitës në Gambia kam vazhduar vizitën në Kongo Brazzaville. Udhëtimet në shtetet afrikane më frymëzojnë pasi që gjashtëdhjetë përqind e afrikanëve janë nën moshën 25 vjeç. Mosha mesatare është 19 vjeç. (Për krahasim, në Amerikën e Veriut është 35.) Dhe numri i të rinjve në Afrikë pritet të rritet në dekadat e ardhshme.
Gjëja tjetër që më godet gjithmonë gjatë udhëtimeve të mia në Afrikë është optimizmi i shfrenuar i këtij brezi të ri.
Edhe përballë disa sfidave të vështira shëndetësore dhe zhvillimit, shumica e të rinjve që takoj kanë një këndvështrim pozitiv për të ardhmen.
Kjo ndjesi më përcjelli edhe para takimit me presidentin e Kongo Brazzeville, Denis Sassou Nguesso.
Kongo Brazzeville, 5 dhjetor 2018 – Takim me presidentin Denis Sassou Nguesso.
Mora rrugën drejt qytetit bredetar Malazez, Budva, atje ku do e përfaqësojë Republikën e Kosovës në takimin e ministrave të jashtëm të Ballkanit perendimor WB6.
Tema kyqe e këtij Ministeriali ishte Integrimi Evropian i rajonit tonë dhe shtyrja përpara e procesit të Berlinit. Në takime jo formale para se të fillonim zyrtarisht me liderët e Shqipërisë, Malit të Zi, Maqedonisë, diskutuam se si procesi i pajtimit është kyç për të ardhmen e Ballkanit Perendimor.
Thash se takimi i Ministrave të Jashtëm të Ballkanit Perëndimor erdhi në një moment të rëndësishëm për rajonin, por edhe për BE-në.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi.
Homologve nga Ballkani u thash se është me rëndësi të sigurojmë vazhdimësinë e aktiviteteve të mëparshme rajonale, si dhe të kontribuojmë në rritjen e bashkëpunimit reciprok, si mjet për garantimin e stabilitetit dhe ndërlidhshmërisë në rajon.
Por takimi i të premtës që po zhvillohej në Budva, nuk kaloi pa tensione e përplasje. Sigurisht, tensionet si gjithnjë erdhen edhe kësaj radhe nga përfaqësuesit e Serbisë dhe Bosnjë Hercegovinës.
Gjithçka nisi pasi kërkova një ndryshim në deklaratën e përbashkët të ministrave të vendeve të Ballkanit Perëndimor. Insistimi dhe kërkesa që këmbngulja ka konsistuar në respektin e ndërsjellë për Kosovën në zbatimin e marrëveshjes së tregtisë së lirë CEFTA.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi, i jam përgjigjur homologut tim boshnjak lidhur me taksën 100 % për produktet serbe dhe boshnjake në Kosovë, duke kritikuar pozicionin e tij si dhe duke e akuzuar Bosnje dhe Hercegovinën se po shërben si marionetë e Beogradit.
Hipokrizia ishte kur fjalën e mori ministri i Jashtëm i Bosnjës dhe Hercegovinës Igor Crnadak.
Crnadak filloi me kritika për Kosovën, se ne kishim vendosur taksën 100% për produktet nga Serbia dhe Bosnjë dhe Hercegovina.
Si përgjigje ia ktheva Crnadak, duke i thënë se Bosnja dhe Hercegovina ka shkelur në vazhdimësi marrëveshjet si dhe frymën e bashkëpunimit rajonal.
“Dëgjo Igor, ne ju respektojmë juve. Por ju e keni ofenduar vendin tim. Ndonëse ne ju respektojmë juve, ne e respektojmë Bosnjën. Ma thuaj sa kamionë i lejoni ju të hyjnë në Bosnjë? Asnjë! A e respektoni dokumentacionin tonë, i cili shoqëron mallin nga Kosova në Bosnjë? Jo, ju nuk i pranoni, nuk i respektoni!”.
Budvë, 30 nëntor 2018 – Gjatë punimeve të Ministrealit të Vendeve të Ballkanit Perëndimor në Mal të Zi, homologëve duke ua bërë të qartë kërkesën time dhe pse po insistoja.
Vazhdova duke i’a shpalosur realitetin se: “A i njihni ju vulat tona? Jo nuk i njihni vulat tona. A munden kamionët tonë të vijnë në Bosnje dhe Hercegovinë me tabela të Kosovës? Jo ata nuk mund të vijnë”.
“Deri tani ne kemi bërë mjaftueshëm. Ne i pranojmë mallrat tuaja ne e pranojmë dokumentacionin tuaj, ne i pranojmë vulat tuaja. Ne i pranojmë kamionët tuaj ne i pranojmë pasaportat tuaja, ne kemi pranuar të gjitha këto”.
I thash se ju duhet ta respektoni faktin se Kosova është shtet i pavarur dhe i pranuar nga dy të tretat e shteteve të botës dhe ju duhet të tregoni respekt për këtë. Në të ardhmen ne duhet të kemi vetëm reciprocitet, vetëm reciprocitet.
“Ju e dini sa herë unë kam biseduar me ju për çështjen e vizave! Igor, ju mund të vini në çdo kohë në Kosovë”.
Para të pranishmëve thash madje me një doze nervozizmi se është e çuditshme lehtësia me të cilën Serbia dhe Bosnja e Hercegovina nisen e na akuzojnë.
Këtë po e bëjnë në sy dhe prapa syve tanë, e bëjnë në lindje e perendim. Boll është boll, u tha para edhe se ta shpallnim pavarësinë, është koha që edhe BE ta afirmojë faktin që e ardhmja e qëndrueshme e marrëdhênieve korrekte dhe konstruktive kalon përmes kushtëzimit të Serbisë dhe Bosnje e Hercegovinës, me pranimin e faktit që Kosova është realitet shtet i pakthyshëm.
“Ne mirëkuptojmë rëndësinë e ruajtjes së frymës konstruktive, këtë po e bëjmë në secilin rast, por nuk mund të pranojmë asnjë situatë, që të mos sillemi brenda dhe ndërkombëtarisht sikurse na takon, si shtet i barabartë në mesin e shteteve tjera në rajon. Serbia dhe BeH që na akuzojnë për sjelljen shtetërore reciproke përmes takses, le ta dijë secili kudo, se as njëra e as tjetra nuk e kanë me taksën per se, por më shumë e kanë hall të na fusin në kurthin e të sjellurit si kuazi-shtet”
Ky ishte thelbi i asaj çfarë refuzova në WB6, dhe këtë ia thashë homologut nga BeH, por që ta dëgjojnë edhe të tjerët që ishin prezent aty.
Por ky propozim nuk u prit mirë nga ministri i Jashtëm i Bosnje Hercegovinës, Igor Crnadak si dhe nga përfaqësuesi serb. Kurse në mbështetje të kërkesës time doli homologu shqiptar Ditmir Bushati.
Budvë, 30 nëntor 2018 – Konsultimi me mikun dhe vëllain tim nga shteti shqiptar, Ditmir Bushati, i cili doli fuqishëm në krahun tim dhe kërkesës së drejt që unë kisha.
Vëllau nga shteti amë ua bëri të qartë se nëse Bosnja dhe Serbia nuk tregojnë mirëkuptim, atëherë për Shqipërinë e Kosovën është shumë e lehtë të kthehen tek qëndrimet kombëtare.
“Besoj se kemi nevoje për të vendosur më shumë theksin tek pajtimi i cili lidhet drejtpërdrejt dhe me vullnetin politik për të bashkëpunuar dhe vijuar me proceset për të cilat kemi rënë dakord me parë. Bashkëpunimi ende nuk është aty ku duhet për shkak të mungesës së vullnetit politik. Një gjë e tillë ndikon jo vetëm zhvillimin por edhe klimën e bashkëpunimit që po mundohemi të krijojmë në rajonin tonë. CEFTA gjithashtu duhet të interpretohet në raport me angazhimet e tjera që çdo vend ka ndërmarrë. Nëse Bosnje Hercegovina dhe Serbia nuk tregojnë mirëkuptim, atëherë dhe për Shqipërinë dhe Kosovën është shume me e lehta te kthehen tek qëndrimet kombëtare”
Përplasjet erdhen në një kohë kur ne si qeveri e Kosovës kemi vendosur taksen 100% për mallrat nga Serbia dhe Bosnje Hercegovina.
Pavarësisht tensionit që pala serbe dhe ajo boshnjake krijuan takimi i Budvës përfundoi punimet me një deklaratë të përbashkët dhe në tekst u përfshi edhe ndryshimi i kërkuar nga unë dhe që u mbështet nga Bushati.
Budvë, 30 nëntor 2018 – Fotografia e përbashkët me pjesmarrësit në fund të takimit përfundoi punimet me një deklaratë të përbashkët dhe në tekst u përfshi edhe ndryshimi i kërkuar nga unë dhe që u mbështet nga Bushati.
N 604 BA, në shërbim të vendit tim, aty dhe kur është e mundur! Ajropani im privat në shërbim të Republikës së Kosovës, udhëtimi i radhës në Stamboll me ftesë zyrtare nga Presidenti Taip Erdogan, në inaugurimin e aeroportit më të madhe në Evropë.
Stamboll, 29 tetor 2018 – N 604 BA, në shërbim të vendit tim, aty dhe kur është e mundur!
Me liderë shtetesh në përurimin e Aeroportit të Ri të Stambollit, i cili pritet të shndërrohet në aeroportin më të madh në botë.
Në emër të qytetarëve të Kosovës, presidentin Erdoğan e urova edhe për Ditën e Republikës së Turqisë.
Stamboll, 29 tetor 2018 – Gjatë takimit me Presidentin e Turqisë, Rexhep Tajip Erdogan, në inaugurimin e aeroportit më të madh në Evropë, në Stamboll, ku isha i ftuar si mysafir i tij.
Gjatë këtij organizimi shfrytëzova rastin që të takohem me përfaqësues shtetesh të ndryshme pjesmarrëse. Takova minstrat e punëve të jashtme dhe liderët nga Kirgistani, Sudani dhe vendosa kontakte me disa delegacione tjera të niveit të lartë të një morie shtetesh.
Falënderim i madh për kontributin e Turqisë në mbështetje të shtetit të Kosovës.
Stamboll, 29 tetor 2018 – Në mesin e mijëra përfaqësuesve botërorë në ambientet e Aeroportit të Ri të Stambollit, i cili pritet të shndërrohet në aeroportin më të madh në botë.
Në margjinat e samitit të Krans Montanës në Zvicër, pata mundësinë të zhvilloj një numër të madh takimesh me përfaqësues të ndryshëm nga vendet e botës.
Kryetema e takimeve të mija natyrisht ishte nevoja e anëtarësimit të Kosovës në INTERPOL. U shpjegova arsyet e shumta pse është jashtëzakonisht e rëndësishme pranimi i vendit tonë në këtë organizatë.
Arsyeja kryesore natyrisht është siguria, lufta kundër terrorizmit dhe krimit të organizuar ndërkombëtar. Çdo ditë e më tepër po rritët mbështetja ndërkombētare për këtë kauzë.
Poashtu me Presidentin e Forumit, Crans Montana, biseduam për mundësinë që sesioni i ardhshëm, që do të jetë në qërshor, të mbahet në Prishtinë.
Gjenevë, 24 tetor 2018 – Gjatë takimit me Presidentin e Samitit të Krans Montanës në Zvicër, për të lobuar tek udhëheqësit e shteteve të ndryshme, që po merrnin pjesë në këtë ngjarje të rëndësishme. Po ashtu, kam diskutuar për mundësinë që gjatë vitit 2019 ky forum të organizohet në Kosovë.Gjenevë, 24 tetor 2018 – Gjatë takimit me Presidentin e Samitit të Krans Montanës në Zvicër.Gjenevë, 24 tetor 2018 – Gjatë takimit me Presidentin e Samitit të Krans Montanës në Zvicër, dhe zyrtarë tjerë të lartë nga Afrika.
Ishte data 21 tetor 2015 kur nga kryeqyteti francez, Paris, erdhi lajmi i madh për Republikën e Kosovës. E miratuar nga pesëdhjetë shtete, Qeveria e Kosovës kishte kërkuar hyrjen në UNESCO, organizatën e OKB-së për shkencë, kulturë dhe arsim.
Kosova, e njohur nga njëqind shtete, nuk është anëtare e Kombeve të Bashkuara, por hyrja e saj në UNESCO do të përfaqësonte një nxitje nga bashkësia ndërkombëtare.
Moska dhe aleatët e saj kuptohet se e kundërshtojnë atë. Uashingtoni e mbështet fuqishëm atë. Spanja, me tensionet e pavarësisë më të forta se kurrë, e refuzon atë kokë më kokë. Selia e UNESCO-s në Paris këto ditë ishte kthyer në arenë të përleshjeve të shumta në nivelin më të lartë të fuqive kryesore.
Krejt kjo filloi kur Kosova përmes ministrit të Jashtëm Thaçi, në fund të korrikut shpalli synimin për të aplikuar për anëtarësim në UNESCO si një hap drejt njohjes së plotë ndërkombëtare të Republikës së Kosovës.
Aplikimin për pranimin e Kosovës në UNESCO u dorëzua formalisht nga Shqipëria e që u mbështet nga mbi 45 vende mike, e që po i printe kësaj pune sekretari i Shteteve të Bashkuara të Amerikës, John Kerry.
Sekretari amerikan i Shtetit, John Kerry, pozon me Drejtoreshën e Përgjithshme të UNESCO-s, Irina Bokova, më 18 tetor 2015, në Paris, Francë, përpara një takimi dypalësh që i paraprin një fjalimi që Sekretari u mbajti Përfaqësuesve të Përhershëm dhe Ambasadorëve të UNESCO-s. [Foto e Departamentit të Shtetit)Sekretari i Shtetit i SHBA-së John Kerry, Ambasadori i SHBA-së në UNESCO Crystal Nix-Hines dhe anëtarë të tjerë të delegacionit ulen me Drejtoreshën e Përgjithshme të UNESCO-s, Irina Bokova më 18 tetor 2015, në Paris, Francë, përpara një takimi dypalësh që i paraprin një fjalimi që Sekretari i mbajti Përfaqësuesit dhe Ambasadorët e Përhershëm të UNESCO-s. [Foto e Departamentit të Shtetit)
Duke parë seriozitetin e Kosovës dhe miqëve të saj për antarsim në UNESCO, fushata e ashpër e shpifëse vetëm se kishte filluar nga Beogradi, propaganda e tyre po përhapej përmes kanaleve të ndryshme.
Daçiq, Vuçiq dhe Presidenti I tyre Nikoliq, po shfrytëzonin maksimalisht përhapjen e propagandes përmes shteteve që nuk e njohin pavarsinë e Kosovës, e që janë Rusia, Spanja, Rumania, Qipro e vendet tjera që kanë ndikim.
Edhe pse nuk isha pjesë e qeverisë dhe nuk kisha ndonjë rol zyrtarisht, unë nuk mund të qëndroja duar kryq në këtë situatë për vendin tim.
Pa modesti dhe me realizëm, i thash vetës se unë duhet të isha në Paris për të lobuar. Unë njoh dhe kam miqësi me shumë kryetarë shtetesh dhe qeverish në gjithë botën. I kam takuar ata dhe një pjesë e mirë e njohjeve të pavarësisë vijnë prej kontributit tim të plotë, ekskluziv apo të pjesshëm.
Udhëtimi im drejt Parisit me aeroplanin tim privat, të cilin e kam vendosur në shërbim ta Republikës së Kosovës.
Kjo më bënte shumë më të lehtë punën time sesa kujtdo tjetër.
Do preferoja të koordinoj punën time me kryeministrin, me presidenten dhe ministrin e jashtëm që mos të dështojmë. Ashtu edhe ndodhi, unë isha në objektin e UNESCOS në Paris duke u koordinuar me kryeministrin Thaçi.
Ministri i Punëve të Jahstme të Republikës së Kosovës, Hashim Thaçi, ish-presidenti i Republikës së Kosovës, Behgjet Pacolli, si dhe anëtarë të tjerë të delegacionit duke kordinuar takimet për lobim të anëtarësimit të Republikës së Kosovës më UNESCO-së, më 18 tetor 2015, në Paris, Francë, përpara disa takimeve dypalësh që i paraprin një fjalimi që Sekretari Kerry që mbajti para Përfaqësuesit dhe Ambasadorët e Përhershëm të UNESCO-s.
Sigurisht prania ime nuk u pëlqente aspak delegacionit serb që ishte në Paris. I pari që filloi sulmet ndaj meje ishte Ambasadori i Serbisë në UNESCO Darko Tanaskoviq.
Duke parë shtrirjen dhe ndikimin tim tek shumë shtete ai shpifte se Thaçi dhe Pacolli po lobojnë në mënyrë ilegale nëpër korridoret e ndërtesës së UNESCO-s.
“I kam dërguar protestë udhëheqësisë së organizatës. I ashtuquajturi ministër i jashtëm i Kosovës, Hashim Thaci dhe biznesmeni kontraverz shqiptar, Behgjet Pacolli kanë krijuar një zyre ilegale në korridoret e UNESCO-s. Ata po ndalin njerëz aty dhe po u bëjnë presion për të votuar për Kosovën”, kishte thënë Tanaskoviq.
Reagova ndaj tij duke i thënë se nëse vërtet po lobojmë në korridore, atëherë ambasadori serb nuk duhet të ketë frikë, sepse po i harxhon shumë burime për të ndaluar anëtarësimin e Kosovës.
Në ambientet e UNESCO-së, i shoqëruar me ministrin e Jashtëm të Kosovës, Hashim Thaçi, zv/ministrin Petrit Selimi, ambasadorin Ylber Hysa, dhe pjestar tjerë të kabinetit qeveritarë.
“Anëtarësimi i Kosovës në UNESCO, do të thotë më shumë vëmendje ndërkombëtare, më shumë vëmendje e kësaj organizate për veprat kulturore, artistike, monumentet e së kaluarës, për arsimin në territorin e atdheut tonë, Kosovës ku banojnë jo vetëm shqiptarë”, shkruan Pacolli.
Potencova se askush nuk ka të drejta ekskluzive pronësore mbi pasuritë kulturore të Kosovës, veç popullit tonë, banorëve të Kosovës.
Me ministrin e Arsimit të Pakistanit, njëherësh edhe shef i delegacionit të Pakistanit. Falënderova për përkrahjen e madhe dhe përkrahjen për shtetin tonë.
Përplasja e madhe po ndodhte mes Rusisë dhe SHBA-së për hyrjen e Kosovës në UNESCO
Me 6 nëntor 2015 selia e UNESCO-s në Paris ishte kthyer në skenë të përleshjeve të shumta në nivelin më të lartë të fuqive kryesore. Rregulloret e kësaj organizate lejojnë çdo vend të aplikojë për anëtarësim edhe nëse nuk është anëtar i OKB-së.
Kështu bëri Qeveria e Prishtinës gushtin e kaluar. Në letrën e ministrit të Jashtëm, Hashim Thaçi, theksohej “dëshira e popullit të Kosovës për të vendosur dhe mbajtur bashkëpunim më të ngushtë me vendet e tjera në fushën e arsimit, shkencës dhe kulturës” përmes inkorporimit të tij në UNESCO.
Nën-Sekretari Blinken i Departamentit të Shtetit i cili sot foli për Kosovën afirmativisht. SHBA me mish e me shpirt po ndihmojnë anëtarësimin dhe po kundershtojnë propagandën anti-kosovare që po politizon anëtarësimin tonë.
Ishte kjo kërkesë që nxiti manovrat diplomatike në mbarë botën që këto ditë po kulmojnë në Paris, që përkon me Konferencën e Përgjithshme të mbajtur nga organizata çdo dy vjet.
Tani, votimi i dytë dhe përfundimtar ishte caktuar për të hënën e ardhshme dhe do të merrnin pjesë të 195 vendet e organizatës. Votimit i parapriu një kërkesë e delegacionit të Serbisë, për ta shtyrë votimin edhe për dy vite, por kjo kërkesë nuk kishte arritur të marrë vota të mjaftueshme.
Garantuesja e parë e Kosovës ishte Shqipëria, por ajo ishte gjithashtu e “bashkë-sponsorizuar” nga Shtetet e Bashkuara dhe një duzinë vendesh të Bashkimit Evropian, si Gjermania, Franca, Britania e Madhe, Irlanda, Holanda dhe Suedia. Janë shtete që tashmë e kanë njohur Kosovën, një hap që Spanja refuzon ta bëjë.
Ne kishim përparësi pasi që ajo që po ndodhte tani me Kosovën në UNESCO kishte një precedent të ngjashëm me atë që ndodhi me Palestinën në vitin 2011.
Këto ditë, ministra nga të gjitha vendet e botës po kalojnë nëpër Paris për të mbledhur vota pro ose kundër peticionit. Të mërkurën, Ministri i Arsimit, Íñigo Méndez de Vigo, e bëri këtë në emër të Spanjës.
Në fjalimin e tij para asamblesë, ai vuri në dukje se Spanja është në favor të pranimit të anëtarëve të rinj “përderisa ka unanimitet në Komunitetin Ndërkombëtar për njohjen e shtetësisë së tyre, se hyrja nuk krijon përçarje brenda organizatës, se ajo bën të mos lindin debate që janë të huaja për objektivat e tij dhe që nuk cenojnë ligjshmërinë ndërkombëtare”.
Aleksandar Vuçiq, kryeministri i Serbisë – shteti okupator të cilin Kosova në vitin 1999 pas një lufte të përgjakshme me pjesëmarrjen e NATO-s – e shporri nga këto troje, ishte angazhuar duke dërguar një letër të gjithë anëtarëve të UNESCO-s në të cilën siguronte se Kosova ka dëmtuar ose shkatërruar dhjetëra tempuj të Kishës Ortodokse Serbe që kur shpalli pavarësinë.
Në anën tjetër fushata e pales kosovare ishte e fuqishme. Kishim në krah Shtetet e Bashkuara. Rusisë dhe Serbisë kjo aspak nuk po u pëlqente.
Se Amerikanët e kishin marr seriozisht antarsimin e Kosovës në UNESCO tregon edhe vizita e sekretarit amerikan të Shtetit, John Kerry, që kishte bërë së fundmi UNESCO-n, ku kishte bërë të ditur qëndrimin e tij.
Sekretari amerikan i Shtetit, John Kerry, i tund me dorë turmës ndërsa ecën me ambasadorin spanjoll në SHBA, Ramon Gil-Casares dhe ambasadorin e SHBA në Spanjë dhe Andorrë, James Costos në bazën ajrore Madrid Torrejon në Madrid, Spanjë më 18 tetor 2015. [ Fotografia e Departamentit të Shtetit]
Dhe Rusia kishte dërguar ministrin e saj të jashtëm, Sergei Lavrov. Moska kërcënonte se nëse Kosova pranohet, të njëjtën gjë mund ta ngrejë edhe me Krimenë, gadishullin ukrainas të aneksuar nga rusët.
Spanja – e cila, së bashku me Greqinë, Rumaninë, Qipron dhe Sllovakinë, po i qëndronin në krah Rusisë dhe Serbisë. Madje, Spanja e shtyer nga Rusia doli foli hapur pasi ajo është pjesë e Komiteti Ekzekutiv të UNESCO-s.
Vizita dhe lobimi i sekretarit të Shtetit i SHBA-së, John Kerry, i cili para Drejtoreshës së Përgjithshme të UNESCO-s Irina Bokova, Ambasadorit të SHBA-së në UNESCO Crystal Nix-Hines dhe të tjerë, mbajti një fjalim para Përfaqësuesve të Përhershëm dhe Ambasadorëve të UNESCO-s në Paris, më 18 tetor 2015.
Ky interesim i fuqishëm i SHBA për antarsim të Kosovës në UNESCO alarmoi Serbinë, e cila veç kishte filluar fushatën intensive diplomatike për të kundërshtuar hyrjen e Kosovës në UNESCO, jo vetëm sepse do t’i hapte rrugën njohjes së Kosovës si shtet, por edhe sepse pretendonin se nuk mund të linte mbrojtjen e manastireve ortodokse të Kosovës në duart e autoriteteve në Prishtinë, të cilat Beogradi i konsideron ende djepin e identitetit të tij kombëtar.
Më 27 korrik, ministri i Jashtme e Serbisë, Iva Daçiq, i kishte dërguar një letër Sekretarit të Përgjithshëm të OKB-së, Ban Ki-Moon, në të cilën ai e cilësoi hyrjen e Kosovës në UNESCO si të “papranueshme” dhe paralajmëroi se kjo do të binte ndesh me marrëveshjet e paqes që i dhanë fund luftës së vitit 1999. Përveç kësaj, Daçiq në letër kishte shkruar se më shumë se 174 objekte fetare dhe 33 monumente historike janë shkatërruar në Kosovë gjatë viteve të fundit, si dhe më shumë se 10,000 ikona janë vjedhura, për të cilat kishte shtruar pytje se vërtet objektivi i hyrjes së Kosovës në UNESCO është të ruajë trashëgiminë e saj kulturore.
Letra e Daçiqit drejtuar Ban Ki-Moon-it u shpërnda nga agjencia serbe Tanjug teksa shefi i diplomacisë serbe ndodhej në Madrid, ku e takonte homologun e tij spanjoll, José Manuel García-Margallo.
Në komunikatën e Zyrës së Informacionit Diplomatik (OID) për takimin në fjalë, nuk përmendej çështja e UNESCO-s, por i referoheshin “mbrojtjes së integritetit territorial të shteteve”.
Dita e votimit ishte me shumë tension, ku shumica e madhe e shteteve të botës kanë votuar për Kosovën. Fatkeqësisht, për 3 vota nuk fituam shumicën e nevojshme.
Për 10 muaj fushatë, si konfidenciale, ashtu edhe të hapur, kemi dhënë maksimumin dhe ç’është me rëndësi edhe qytetarët dhe miqtë e Kosovës dhanë shumë.
Rruga e Kosovës është e pandalshme dhe ne do të aplikojmë dhe do të anëtarësohemi edhe në organizata tjera, përfshirë UNESCO-n edhe një herë.
Hapja e dyerëve dhe mikëpritja janë vlera jonë më e pasur, vlerë mbi të cilën gjithëherë kemi ruajtur miqtë, forcuar besimin reciprok dhe zgjeruar partneritet.
Duke shtrënguar duart me mikun tim nga turqia njëherit homologun, Mevlut Çavuşoğlu, hapa takimin zyrtarë me të në zyrat e Ministrisë së Punëve të Jashtme (MPJ-së).
Prishtinë, 19 tetor 2018 – Homologun tim nga Turqia, Mevlut Çavuşoğlu, i urova mirëseardhje në Kosovë. Turqia është një mbështetëse besnike e forcimit të subjektivitet ndërkombëtar të Kosovës, si në shtimin e njohjeve, ashtu edhe në anëtarësimin në organizata ndërkombëtare.
Homologut Çavuşoğlu i bëra të ditur se Turqia do të jetë njëri nga zërat më të fuqishëm të anëtarësimit të Kosovës në Organizatat Botërore e një ndër to edhe në Interpol.
Fillimisht me homologun zhvilluam takim “kokë më kokë”, pastaj takim bilateral mes dy delegacioneve tona.
Turqia do të mbështet fuqishëm anëtarësimin e Republikës në Interpol dhe do të vë në funksion të plotë shërbimin e saj diplomatik në të gjitha kontinentet për këtë çështje.
Prishtinë, 19 tetor 2018 – Në takimin bilateral me homologun tim nga Turqia, Mevlut Çavuşoğlu.
Ky ishte premtimi, që mora nga homologu dhe miku im turk, Mevlüt Cavushoglu. U dakorduam për rritje të bashkëpunimit në gjitha fushat e interesit të pëbashkët.
Vlerësuam marrëdhëniet e shkëlqyeshme në mes dy vendeve dhe dy popujve. Në fokus të takimit ishin diskutimet për marrëdhëniet dypalëshe, si dhe për zhvillimet rajonale dhe ndërkombëtare.
Prishtinë, 19 tetor 2018 – Në takimin “kokë më kokë” me homologun tim nga Turqia, Mevlut Çavuşoğlu.
Në përfundim të takimit që zhvilluam në selinë e Ministrisë së Punëve të Jashtme, të dy dolëm në konferenc për media.
në fjalën e parë para mediave, Çavuşoğlu, tha se nuk dëshirojnë që shteti vëlla i Kosovës të lejojë praninë e terroristëve që tentuan të realizojnë grusht shteti më 15 korrik të vitit 2016 në Turqi.
Ai riafirmoi mbështetjen e Turqisë për shtetin dhe popullin e Kosovës, të cilin e quajti si shtet mik dhe vëlla.
“Pavarësia, integriteti territorial dhe sovraniteti i Kosovës janë thelbësore për ne. Ne e vazhdojmë fushatën që Kosova të njihet nga më shumë shtete. Veçanërisht, në takimet që i zhvillojmë me shtete që ende nuk e kanë njohur Kosovën, ne medoemos e sjellim në rend dite këtë çështje”, tha shefi i diplomacisë turke.
Çavuşoğlu e cilësoi si shumë të rëndësishëm integrimin e Kosovës në komunitetin ndërkombëtar, duke shtuar se vendi i tij do të japë përpjekje së bashku me Kosovën në këtë drejtim.
Prishtinë, 19 tetor 2018 – Në konferenc për media me homologun tim nga Turqia, Mevlut Çavuşoğlu.
“Në veçanti, është i rëndësishëm integrimi në strukturat euroatlantike”, theksoi kryediplmati i Turqisë, duke riafirmuar se Turqia do t’i vazhdojë përpjekjet për ta ndihmuar Kosovën në këtë aspekt.
Ai shprehu mbështetje edhe në procesin e dialogut midis Prishtinës dhe Beogradit, duke thënë se Turqia e konsideron atë të rëndësishëm për stabilitetin dhe paqen e rajonit.
Çavuşoğlu deklaroi se mbështetja e Turqisë do të vazhdojë edhe ndaj hapave të Ballkanit Perëndimor për rritjen e besimit, për stabilitetin dhe zhvillimin ekonomik të tij.
Duke folur për investimet e firmave turke në Kosovë, ai tha se sasia e këtyre investimeve është duke u rritur.
“Ne jemi në vendin e tretë edhe në investime, por edhe në tregti. Ne duam ta vazhdojmë këtë partneritet. Bankat tona këtu, firmat e aeroportit, minierave dhe shumë firma në fushat e tjera ushtrojnë veprimtari dhe mbështeten nga Kosova. Me miratimin e Marrëveshjes së Tregtisë së Lirë, edhe tregtia mes nesh do të rritet”, tha Çavuşoğlu.
Prishtinë, 19 tetor 2018 – Para medidave ai potencoi se TIKA deri më tani ka realizuar mbi 600 projekte me vlerë prej 100 milionë eurosh. Çavuşoğlu madje i dha një propozim TIKA-s që të jepen edhe projekte të reja në vijim.
“Turqia nuk do të strehonte askënd që do të kryente jo tentativë për grusht shteti, por edhe ndonjë aktivitet ilegal dhe do t’ia dorëzonte atë Kosovës. Edhe ne presim të njëjtën gjë nga vëllezërit tanë. Besoj që bashkëpunimi në këtë çështje do të jetë edhe më i mirë”, shtoi ministri i Jashtëm i Turqisë, Çavuşoğlu.
Ministri turk përfundoi fjalën e tij duke thënë se në Kosovë ndihet sikur në shtpinë e dytë.
Duke vënë në dukje se Turqia prej ditës së parë ka mbështetur pavarësinë e Kosovës, theksova se “Turqia vazhdon të mbështesë dhe kam marrë garancione që do të mbështesë edhe në të ardhmen Kosovën. Kosova do ta kishte vështirë të ecë me tempon e vet pa mbështetjen e Turqisë”.
Njoftova se gjatë takimit kanë biseduar edhe për sfidat që po e presin Kosovën, si dialogu me Serbinë, si dhe anëtarësimi në organizatat ndërkombëtare, si Interpoli dhe UNESCO.
“Unë homologun e informova edhe për mbarëvajtjen e dialogut, për arritjet që janë bërë deri tani dhe sfidat që na presin. Sigurisht, këtu nuk mungoi edhe një herë premtimi i Turqisë se edhe këtu do të na mbështesë”, tha ai.
Theksoi se në procesin e anëtarësimit në Interpol, Kosovës i janë paraqitur disa probleme, por që Turqia edhe kësaj radhe do të vazhdojë të ndihmojë.
“Por, sidoqoftë, këtu edhe presidenti Erdoğan gjatë takimit tonë që patëm në New York premtoi, por sot mora po ashtu premtimin se Turqia edhe kësaj radhe do të na ndihmojë. Është çështje shumë me rëndësi e Kosovës. Sigurisht, Turqia është e gatshme të na ndihmojë edhe në çdo kërkesë që parashtrohet në dialogun Prishtinë-Beograd”
Kosova dhe Turqia kanë mbi 22 marrëveshje të nënshkruara dhe se do të vazhdojnë edhe më tej me nënshkrimin e marrëveshjeve të tjera dhe në implementimin e tyre.
Pacolli tha se kanë biseduar edhe për investimet ekonomike të kompanive turke në Kosovë dhe i inkurajoi që edhe në të ardhmen të vijnë më shumë investitorë në Kosovë, ku, sipas tij, ka mundësi për investime dhe bashkëpunim.
Prishtinë, 19 tetor 2018 – Me homologun dhe mikun tim, Mevlüt, darkuam së bashku në shtëpinë time, bashkë me delegacionet.
Pas takimit zyrtarë në Ministrinë e Punëve të Jashtme me homologun dhe mikun tim, Mevlüt sonte darkuam së bashku në shtëpinë time, bashkë me delegacionet.
Hapja e dyerëve dhe mikëpritja janë vlera jonë më e pasur, vlerë mbi të cilën gjithëherë kemi ruajtur miqtë, forcuar besimin reciprok dhe zgjeruar partneritet.
Prishtinë, 19 tetor 2018 – Homologut dhe mikut tim, Mevlüt, i bëra me dije se dyert e shtëpisë time janë gjithmonë të hapura për vëllëzërit nga shteti mik.Prishtinë, 19 tetor 2018 – Homologut dhe mikut tim, Mevlüt, e përcjella duke i kujtuar se Kosova llogaritë shumë në përkrahjen e shtetit turk.
Me 9 tetor arrita në qytetin Jerevan të Armenias. Aty do të zhvillohej Konferenca e 35-të Ministrore e Frankofonisë. Në konferencë isha ftuar të marr pjesë me ministrat e jashtëm dhe kryetarët e delegacioneve nga vendet anëtare të OIF.
Ka qenë shumë udhëtim dhe pjesmarrja produktive, pasi që u konfirmua kërkesa e Kosovës për avansimin e statusit të Kosovës, nga anëtar vëzhgues në atë të asocuar, që është status i rangut të lartë.
Në sesionin ministror të 84 vendeve anëtare të kësaj organizate, ditën e enjte pritet vetëm konfirmimi.
Jerevan, 9 tetor 2018 – Në kuadër të punimeve të Konferencës së Frankofonisë në Jerevan të Armenisë, gjatë fjalës sime thash se jam optimist që në mbyllje të samitit, Kosova do të marrë statusin e anëtarit të asocuar dhe do të vazhdojë faktorizimin e vet.
Pas këtij lajmi të rëndësishëm mora fjalën përpara ministrave të jashtëm të vendeve anëtare të Organizatës së Frankofonisë, shpreha përkushtimin dhe vullnetin e Republikës së Kosovës për të avancuar statusin tonë në këtë organizatë të rëndësishme.
Vendeve anëtare të frankofonisë u kërkova mbështetjen dhe i falenderova për konstruktivitetin e trajtimit të qështjes së Kosovës. Kosova do të marrë vendin e merituar për të dhënë kontributin e vet në paqen dhe stabilitetin rajonal e botëror.
Jerevan, 9 tetor 2018 – Në fjalën time përpara ministrave të jashtëm të vendeve anëtare të Organizatës së Frankofonisë shpreha përkushtimin dhe vullnetin e Republikës së Kosovës për të avancuar statusin tonë në këtë organizatë të rëndësishme.
Pasi përfundova fjalën time fillova me takimet lobuese për Republikën. Takimi i parë që zhvillova ishte homologu im armen Zohrab Mnatsakanyan, biseduam për bashkëpunimin e përbashkët në kuadër të organizatës së Frankofonisë dhe thellimit të kontakteve ndërmjet dy vendeve tona.
Ministrit Mnatsakanyan i prezantova gjendjen faktike të zhvillimit të proceseve në Republikën e Kosovës dhe i shpreha nevojën e ndërtimit të marrëdhënieve ndërshtetërore me shtetin Armen.
Njohja nga Armenia për Kosovën është e një rëndësie të veçantë dhe i kontribuon paqes dhe stabilitetit në rajonin e Ballkanit Perëndimor. Homologun tim armen e falënderova për pritjen e ngrohtë në Jerevan, duke e përgëzuar për organizimin e shkëlqyer të samitit të Frankofonisë.
Bashkëpunimi i Kosovës me Armeninë do të jetë i shkëlqyer në të gjitha drejtimit, veçanërisht në kuadër të organizatës së Frankofonisë.
Procesi i anëtarësimit të Republikës së Kosovës kuadër të organizatave ndërkombëtare dhe INTERPOL ishin tema për të cilat kërkova mbështetjen e Mnatsakanyan.
Jerevan, 9 tetor 2018 – Në kuadër të pjesëmarrjes sime në Konferencën e Frankofonisë në Armeni kam takuar Ministrin e Jashtëm të Armenisë, Zohrab Mnatsakanyan, shteti i të cilit ishte nikoqir i kësaj konference.
Konferenca e 35-të Ministrore e Frankofonisë është një mundësi ideale për takime me liderë nga e gjithë bota, e dija se duhet shfrytëzuar maksimalisht. Andaj menjëherë takova Chancel Sekode Ndeugbayi, i deleguar nga Republika e Afrikës Qendrore, pë Frankofoni.
Afrika Qendrore vendi që ka njohur Kosovën në vitet e para pas shpalljes së pavarësisë, është vend jashtëzakonisht i rëndësishëm. Ne do të thellojmë marëdhëniet diplomatike me këtë shtet të rëndëishëm afrikan.
Këtë ia komunikova edhe ministrit të deleguar për Frankofoni, Chancel Sekode Ndeugbayi, të cilit i kërkova mbështetjen për anëtarësimin e Kosovës në Interpol, si mundësi reale e luftës kundër fenomeneve negative dhe krimit të organizuar ndërkombëtar.
Jerevan, 9 tetor 2018 – Me Ministrin e deleguar për Frankofoni, nga Republika e Afrikës Qendrore, Chancel Sekode.
Në kuadër të Konferencës së Frankofonisë pata kënaqësinë të takoj edhe përfaqësuesin e Republikës e Seychell në këtë organizatë, ambasadorin Sylvestre Radegonde.
Më ambasadorin Radegonde biseduam për gjetjen e mundësive për krijimin e hapësirave të bashkëpunimit ndërmjet dy shteteve tona.
Po ashtu Ambasadorit Radegonde i shpreha kërkesën tonë për njohjen e pavarësisë së Kosovës dhe vendosjen e marrëdhënieve diplomatike.
Në ditët në vijim, me qëllim të diskutimit më të hollësishëm të këtyre temave, pres ta takoj edhe zëvendëspresidentin dhe ministrin e jashtëm të këtij shteti.
Jerevan, 9 tetor 2018 – Në takim me përfaqësuesin e Republikës Seychelles në Organizatën e Frankofonisë i shtrova kërkesën për njohje.
Pata nderin dhe kënaqësinë të takoj Ministrin e Punëve të Jashtme të Nigerit Kalla Ankourao me të cilin diskutuam vendosjen e marrëdhënieve diplomatike, si dhe diskutuam mbi mundësitë e bashkëpunimit në fusha të ndryshme të jetës shoqërore .
Po ashtu vlerësuam se do të ishte me rëndësi të propozohen konsuj nderi me qëllim intensifikimin e shkëmbimeve mes dy vendeve.
Gjatë takimit diskutuam edhe për sfidat dhe arritjet e vendeve tona, ku theksova rëndësinë e përkrahjes së Republikës së Kosovës në synimin e saj për afirmim ndërkombëtar, anëtarësimin në organizata ndërkombëtare dhe posaçërisht përkrahjen e Nigerit në lidhje me anëtarësimin ne INTERPOL.
Kosova ka akredituar Ambasadorin në Senegal në Niger për të përmirësuar bashkëpunimin tonë. E ftova Ministrin e Jashtëm Ankourao të vizitojë Kosovën dhe të vazhdojë diskutimin dhe bashkëpunimin tonë miqësor.
Po ashtu diskutuam edhe për sfidat ekonomike dhe zhvillimore.
Yerevan, 9 tetor 2018 – Takim me Ministrin e Punëve të Jashtme të Nigerit, Kalla Ankourao, me të cilin diskutuam për vendosjen e marrëdhënieve diplomatike.
Mbështetje e fuqishme në rrugëtimin e anëtarësimit në Interpol.
Kam pasur fatin ta quaj Mamady Toure mik prej shumë vitesh. Takimi me të gjithmonë është miqësor ku në atë frymë patëm shkëmbim të rëndësishëm të ideve në lidhje me bashkëpunimin mes dy vendeve.
E falënderova për përkrahjen e fuqishme që po na ofron në procesin e anëtarësimit në Interpol dhe organizata tjera ndërkombëtare.
U pajtuam të organizojmë vizita me qëllim të shqyrtimit të mundësive të bashkëpunimit, dhe i premtova që Republika e Kosovës tashmë ka krijuar një përvoje të cilën mund ta ndajë me këtë vend, veçanërisht në fushën e legjislacionit apo praktikave policore.
Jerevan, 9 tetor 2018 – Gjatë takimit me Ministrin e Jashtëm të Republikës së Guineas, Mamady Toure.
Edhe dita e dytë ishte shumë e ngjeshur me takime bilaterale në kuadër të Konferencës së 35-të Ministrore të Frankofonisë.
Zhvillova takim shumë konstruktiv dhe përkrahes me Ministrin e Shtetit të Emirateve të Bashkuara Arabe, Zaki Anawar Nusseibeh, me të cilin u diskutua avancimi i bashkëpunimit bilateral në të gjjtha fushat me fokus, në shkëmbimin e përvojave dhe në zhvillim ekonomik.
Ministri Zaki Anawar Nusseibeh premtoi se do të vazhdojë mbështetje për antarësim në organizata ndërkombëtare dhe agjendën multilaterale.
Jerevan, 10 tetor 2018 – Gjatë lobimit te homologët e mi në kuadër të Samitit të Frankofonisë, kam takuar Ministrin e Shtetit të Emirateve të Bashkuara Arabe, Zaki Anawar Nusseibeh, me të cilin kam diskutuar në lidhje me avancimin e bashkëpunimit bilateral.
Interpoli vazhdon të jetë prioriteti ynë kryesor e thash edhe në takimin që kisha me ministrin e jashtëm nga Benini. Homologu im tha se Republika e Beninit është fuqishëm pro Kosovës në Interpol.
Takim ishte jashtëzakonisht i frytshëm në Jerevan, me ministrin e jashtëm të Beninit Aurelien Agbenonci. U rikonfirmua mbështetja e fuqishme e Beninit për anëtarësimin e Kosovës në Interpol dhe organizatat tjera ndërkombëtare.
Homologu im do të zhvillojë një vizitë zyrtare në Kosovë gjatë muajit tetor, gjatë së cilës do të nënshkruajmë marëdhëniet diplomatike ndërmjet dy vendeve tona.
Benini, gjithashtu është duke e shqyrtuar edhe mundësinë e hapjes së ambasadës së parë të një shteti afrikan në Prishtinë.
Jerevan, 10 tetor 2018 – Gjatë takimit me Ministrin e Jashtëm të Beninit, Aurelien Agbenonci, në margjina të Konferencës së Frankofonisë.Jerevan, 10 tetor 2018 – Shtrëngim duarsh me homologun nga Benini, Aurelien Agbenonci, në margjina të Konferencës së Frankofonisë.
Takim i rëndësishëm me Jacques Chagnon, Kryetar i Asamblese Parlamentare te Frankofonisë dhe z. Jacques Krabal, Sekretar i Përgjithshëm i APF në margjina të samitit të Organizatës Ndërkombëtare të Frankofonisë.
Lajmi pozitiv për Kosovën pritet të marrë vulën zyrtare nesër kur do të miratohet avansimi i statusit tonë në këtë organizatë të rëndësishme politike.
Këtë samit gjithashtu jam duke e shfrytëzuar për lobimin e pranimit tē Kosovës në Interpol, mision ky shumë i rëndësishëm i diplomacisë tonë.
Jerevan, 10 tetor 2018 – Takim i rëndësishëm me Jacques Chagnon, Kryetar i Asamblesë Parlamentare të Frankofonisë dhe Jacques Krabal, Sekretar i Përgjithshëm i APF në margjina të Samitit të Organizatës Ndërkombëtare të Frankofonisë.
Me homologun maltez, mikun tim Carmelo Abela në samitin e frankofonisë që po mbahet në Jerevan. Folëm ndër të tjera për ndeshjen e futbollit që do të zhvillohet sonte në Prishtinë, ndërmjet Kosovës tonë dhe Maltës.
Me mburrje dhe siguri i thash që Kosova sonte do të shënojë fitore, megjithë mikrpitjen që do ti bëjmë përfaqësueses së Maltës në futboll e që loja po zhvillohej në Prishtinë.
Jerevan, 11 tetor 2018 – Me homologun maltez, mikun tim Carmelo Abela, në Samitin e Frankofonisë që po mbahet në Jerevan.
Kosovës i avancohet statusi në Frankofoni, bëhet anëtare e asociuar
12 tetori i 2018 ishte momenti kur shtetet anëtare të Organizatës Ndërkombëtare të Frankofonisë votuan unanimisht që Republikës së Kosovës t’i avancohet statusi i saj në këtë organizatë, nga vëzhguese në anëtare të asociuar.
Puna shumë vjeçare e mundimshe u shpërblye, isha i emocionuar dhe i entuziazmuar pasi mora shumë urime në mesin e krerëve të shteteve që po marrin pjesë në këtë samit janë edhe Presidenti i Francës, Emmanuel Macron, Kryeministri i Kanadasë, Justin Trudeau, Princi Albert II i Monakos, Kryeministri i Shqipërisë, Edi Rama, si dhe shumë liderë të tjerë të vendeve frankofone.
Pas konfirmimit të ngritjes së statusit tonë në Organizatën e Frankofonisë, Kosova menjëherë u vendos në rreshtin e anëtarëve të asocuar të kësaj organizate të fuqishme politike botërore.
Ky është sukses i madh diplomatik i vendit tonë.
Jerevan, 11 tetor 2018 – Pas konfirmimit të ngritjes së statusit tonë në Organizatën e Frankofonisë, Kosova menjëherë u vendos në rreshtin e anëtarëve të asocuar të kësaj organizate të fuqishme politike botërore.
Kënaqësi e madhe që të kontribuosh dhe përjetosh për faktorizimin e Republikës tonë. Faqja zyrtare e Organizatës së Frankofonisë, si organizatë e fuqishme politike botërore i dëshiron mirëseardhje Kosovës duke e vendosur flamurin tonë në një pozicion tepër dinjitoz.
Jerevan, 11 tetor 2018 – Faqja zyrtare e Organizatës së Frankofonisë, si organizatë e fuqishme politike botërore i dëshiron mirëseardhje Kosovës duke e vendosur flamurin tonë në një pozicion tepër dinjitoz.
Të frustruar me avansimin e Kosovës, Daçiq dhe ekipi i tij dolën menjëher me deklarata shpifëse se gjoja unê e kam hapur siç thonë ata “ thesin me para”.
“Ashtu siç e kam thënë edhe më përpara, Serbia nuk posedon kurrfarë kapaciteti që ti kundërvihet Kosovës dhe mua personalisht. Neve nuk na duhen paratë për të forcuar subjektivitetin e shtetit ngase e drejta është në anën tonë”
Por deklaratat shpifëse nga Serbia nuk e ndalin rrugëtimin tonë për Republikën. Në këtë rrugëtim festiv u bashkangjit edhe presidenti i Republikës, Hashim Thaçi.
Së bashku pranuam urime të shumta nga shtetet anëtare për afirmimin e Kosovës në familjen frankofone dhe për mbështetjen e vazhdueshme të tyre.
Jerevan, 11 tetor 2018 – Unë dhe presidenti Thaçi duke pranuar urimet nga përfaqësuesit e shteteve të ndryshme. U jemi mirënjohës shteteve anëtare për afirmimin e Kosovës në familjen frankofone dhe për mbështetjen e vazhdueshme të tyre.
Ne vazhduam edhe me takime. I pari menjëher pasi shtetet anëtare të Organizatës Ndërkombëtare të Frankofonisë votuan unanimisht që Republikës së Kosovës t’i avancohet statusi i saj në këtë organizatë, nga vëzhguese në anëtare të asociuar, u zhvillua me presidentin e shtetit nikoqir.
Takimi ishte i hapur dhe miqësor me Presidentin e Armenisë, Armen Sarkissian.
Me presidentin Sarkissian diskutuam për çështje të interesit të përbashkët ndërmjet popujve dhe vendeve tona. Ky ishte takimi ynë i parë dhe u dakorduam që komunikimin e ndërsjellë ta vazhdojmë edhe në të ardhmen.
Jerevan, 12 Tetor 2018 – Ditën e fundit të Samitit të Frankofonisë, në të cilin Kosova u ngre në status si vend anëtar i asocuar, bashkë me presidentin Thaçi takuam Presidentin e Armenisë, Armen Sarkissian, të cilin e falënderuam për mikpritjen dhe kujdesin ndaj delegacionit të Republikës së Kosovës.Jerevan, 11 tetor 2018 – Bashkë me Presidentin Thaçi takuam Presidentin e Congo Brazzaville, Denis Ssasou dhe Presidentin e Çadit, Idriss Deby.
Flamuri i Kosovës u vendos me krenari në Armeni përkrah flamujve të tjerë të vendeve anëtare të Organizatës së Frankofonisë.
Republika e Kosovës është në rrugën e duhur të faktorizimit dhe fuqizimit ndërkombëtar.
Jerevan, 11 tetor 2018 – Punova gjatë e shumë mund deri sa arrita që të shoh që flamuri i Kosovës të vendoset me krenari në Armeni përkrah flamujve të tjerë të vendeve anëtare të Organizatës së Frankofonisë. Jerevan, 11 tetor 2018 – Flamuri i Kosovës u vendos me krenari në Armeni përkrah flamujve të tjerë të vendeve anëtare të Organizatës së Frankofonisë.
