Aleanca Kosova e Re

Category: Zv. Kryeminister i pare

  • Në Nju Jork takova përfaqësuesin e përhershëm të mbretërisë së Bhutanit në OKB, Lhatu Wangchuk

    Në Nju Jork takova përfaqësuesin e përhershëm të mbretërisë së Bhutanit në OKB, Lhatu Wangchuk

    New York, 20 shtator 2012

    Zëvendëskryeministri i parë i Qeverisë së Republikës së Kosovës, z.Behgjet Pacolli është duke qëndruar në Nju Jork të SHBA, për ti përcjellur nga afër punimet e Asamblesë së Përgjithshme të OKB-së.

    Në ditën e parë të qëndrimit në Nju Jork, zëvendëskryeministri Behgjet Pacolli i shoqëruar nga konsullja e nderit e Republikës së Kosovës në Tajlandë, princesha Mom Luang Rajadarasi, është takuar me përfaqësuesin e përhershëm të Mbretërisë së Bhutanit në OKB, z.Lhatu Wangchuk.

    Zëvendëskryeministri Pacolli, njoftoi përfaqësuesin e Bhutanit, me proceset në të cilat ka kaluar Kosova, veqanërisht pas shpalljes së pavarësisë me 2008.

    “Ne jemi një vend që kemi kaluar nëpër një periudhë të vështirë, praktikisht Serbia ka ushtruar gjenocid ndaj nesh në periudhën e viteve 90-ta. Pas intervenimit të NATO-s, Kosova konform udhëzimeve të bashkësisë ndërkombëtare, ka ardhur deri tek shpallja e pavarësisë. Gjithashtu, konform planit të të dërguarit të OKB-së, z.Ahtisari ne kemi shpallur pavarësinë duke garantuar respektim të plotë të të drejtave të minoriteve. Edhe GJND-ja vlerësoi se Kosova me shpalljen e pavarësisë nuk ka rënë ndesh me të drejtën ndërkombëtare”, ka thënë zëvendëskryeministri Pacolli, duke ripërsëritur kërkesën për njohjen e Republikës së Kosovës.

    Në anën tjetër përfaqësuesi i përhershëm i mbretërisë së Bhutanit, z. Wangchuk, I konfirmoi zëvendëskryeministrit Pacolli që shteti i tij është duke e studiuar qështjen e Kosovës. 

    Në këtë kontekst, z. Wangchok ka thënë se për grumbullimin e sa më shumë informative është shumë i mirëseardhur edhe takimi që do të zhvillohet në ditët e ardhshme ndërmjet zëvendëskryeministrit Pacolli dhe ministrit të punëve të jashtme të Bhutanit, që  udhëheq delegacionin e këtij shteti gjatë samitit në OKB.

    Sipas agjendës, zëvendëskryeministri Pacolli  gjatë qëndrimit në Nju Jork do të zhvillojë dhjetëra takime me përfaqësues shtetesh që ende nuk na kanë njohur.

  • Zëvendëskryeministri Pacolli ka takuar Presidentin e Irakut z.Jalal Talabani

    Zëvendëskryeministri Pacolli ka takuar Presidentin e Irakut z.Jalal Talabani

    Berlin, 14 shtator 2012

    Në kuadër të angazhimit diplomatik për shtimin e numrit të njohjeve për Republikën e Kosovës, zëvendëskryeministri i parë i Qeverisë së Republikës së Kosovës, z.Behgjet Pacolli, ka takuar në Berlin, presidentin e Irakut, z.Jalal Talabani.

    Në një takim të gjatë dhe miqësor, zëvendëskryeministri Pacolli dhe presidenti Talabani, diskutuan për proceset politike nëpër të cilat po kalojnë dy vendet. Zëvendëskryeministri Pacolli prezentoi para presidentit Talabani, arritjet e Republikës së Kosovës që nga shpallja e pavarësisë me 27 shkurt 2008, që kulmuan me përmbylljen e pavarësisë së mbikqyrur.

    Gjithashtu, zëvendëskryeministri Pacolli shprehu besimin e tij që Kosova dhe Iraku në një periudhë të shpejtë, të ndërtojnë marëdhënie diplomatike, dhe të shkëmbejnë përvojat e ndërtimit të demokracisë dhe stabilitetit.

    Në këtë kontekst, zëvendëskryeministri Behgjet Pacolli, kërkoi zyrtarisht edhe njëherë nga presidenti Talabani njohjen e Republikës së Kosovës si shtet të pavarur dhe sovran.

    Në anën tjetër, presidenti Talabani, ka shprehur kënaqësinë e tij për takimin me zëvendëskryeministrin Behgjet Pacolli. Z.Talabani ka thënë se interesimi i Republikës së Kosovës për të krijuar miqësi me shetin e tij është për tu vlerësuar.

    Gjithashtu, presidenti Talabani, ka ftuar zëvendëskryeministrin Pacolli në vizitë zyrtare në Irak për të diskutuar më gjerësisht për hapat e mëtutjeshëm, për krijimin e raporteve ndërshtetërore.

  • E shoqërova ministrin ganez, Muhammad Mumuni për vizitë në familjen e ish presidentit Rugova

    E shoqërova ministrin ganez, Muhammad Mumuni për vizitë në familjen e ish presidentit Rugova

    Prishtinë, 11 shtator 2012

    Në kuadër të vizitës zyrtare në Kosovë, delegacioni i Republikës së Ganës, i udhëhequr nga ministri i punëve të jashtme të Ganës, z.Muhamad Mumuni, i shoqëruar nga zëvendëskryeministri i parë i Qeverisë së Kosovës, z.Behgjet Pacolli kanë zhvilluar një vizitë në familjen e presidentit historik të Kosovës, dr.Ibrahim Rugova.

    Ne vizitën që Ministri i Jashtëm i Ganës, z.Mumuni bëri tek familja Rugova, u diskutua për sfidat që ka kaluar vendi ynë për të ardhur deri te përfundimi i pavarësisë së mbikqyrur.

    Në një atmosferë shumë të ngrohtë familjare dhe në një pritje shumë miqësore, Familja e Presidentit Historik të Kosovës, Ibrahim Rugova, falenderoj Ministrin e Jashtëm të Ganës për njohjen e Kosovës nga ky shtet, duke e njoftuar z. Mumuni, gjerësisht me veprimtarinë e Presidentit Rugova dhe vizionin e tij të hershëm për Liri dhe pavarësi të vendit tonë.

    Gjithashtu, familja e presidentit Rugova shprehu respektin veqentë për qeverinë dhe popullin e Ganës, duke vlerësuar lartë vendimin e këtij shteti për të zhvilluar marëdhënie diplomatike dhe miqësore me vendin tonë.

    “I nderuar ministër, shteti ynë dhe kjo shtëpi e ish presidentit Rugova është e hapur për ju dhe për gjithë miqtë e Kosovës, të cilët të gatshëm të zgjasin dorën e bashkëpunimit me venndin tonë, duke na ndihmuar që të bëjmë hapa më tutje drejt integrimit në familjen e vendeve demokratike. Vendimi juaj për ta njohur pavarësinë e Kosovës, respekton sakrificën e popullit tonë dhe nderon vizionin pacifist të presidentit Rugova”, ka thënë Fana Rugova, bashkëshortja e ish presidentit Rugova.

    Në anën tjetër, ministri i punëve të jashtme të Ganës, z.Mumuni, ka vlerësuar lart figurën e ish presidentit Rugova, vizionin e tij paqësor për të realizuar të drejtat e poopullit të tij për liri dhe pavarësi. Në këtë kontekst, ministri Mumuni, ka thënë se ndërmjet presidentit Rugova dhe presidentit historik të Ganës ka ngjashmëri të madhe, për shkak se të dy kanë si doktrinë, vizionin paqësor dhe liridashës të Gandit të madh.

    Familja e presidentit Rugova, kanë vlerësuar gjithashtu edhe angazhimin e zëvendëskryeministrit Behgjet Pacolli në lobimin për shtimin e numrit të njohjeve për pavarësinë e Kosovës. Sipas bashkëshortes së presidentit Rugova, zëvendëskryeministri Pacolli është duke e vazhduar rrugën e ish presidentit Rugova, në krijimin dhe thellimin e marëdhënieve miqësore me sa më shumë shtete të botës.

    Ministri Mumuni i shoqëruar nga zëvendëskryeministri Pacolli kanë bërë homazhe gjithashtu edhe tek varri i ish presidentit Rugova.

     Po gjatë ditës së sotme, ministri i punëve të jashtme të Ganës, z.Mumuni ka marrë pjesë në konferencën ndërkombëtare për përmbylljen e pavarësisë së mbikqyrur, që është duke u mbajtur në Prishtinë. Ministri Mumuni, me këtë rast ka mbajtur një fjalë përshëndetëse, duke vlerësuar lartë punën e institucioneve të Kosovë për të arritur deri tek vendimi për përmbylljen e pavarësisë së mbikqyrur.

  • Kam pritur në takim ministrin e punëve të Jashtme të Shqipërisë, Edmond Panariti

    Kam pritur në takim ministrin e punëve të Jashtme të Shqipërisë, Edmond Panariti

    Prishtinë, 26 korrik 2012

    Zëvendëskryeministri i parë i Qeverisë së Kosovës, z.Behgjet Pacolli ka pritur në një takim ministrin e punëve të jashtme të Shqipërisë, z.Edmond Panariti.

    Gjatë këtij takimi, zëvendëskryeministri Pacolli ka informuar ministrin Panariti me proceset politike nëpër të cilat është duke kaluar Kosova, me theks të veqantë procesin e përmbylljes së pavarësisë së mbikqyrur.

    ’’Kosova është duke shënuar progres në konsolidimin si shtet’’, ka thënë Pacolli. Gjithashtu, Pacolli ka informnuar ministrin Panariti edhe për arsyet e vendimit të ministrisë së Tregtisë për taksën prej 35 përqind për importin e çimentos. Zoti Pacolli ka thënë se një vendim i tillë nuk është drejtuar në asnjë mënyrë kundër askujt, e veqanërisht nuk është drejtuar kundër eksportit të Shqipërisë. 

    “Masat e ndërmarra për çimenton nuk janë të drejtuara kundër eksportit të Shqipërisë, por janë masa që janë ndërmarrë për mbrojtjen e tregut nga monopoli që ishte në krijim e sipër si rezultat i qmimeve `dumping`. Ky vendim ka mbrojtur punën e mëse 500 punëtorëve, dhe i ka sjellë buxhetit të Kosovës të hyra të konsiderueshme. Jana masa mbrojtëse që janë ndërmarrë për të mbrojtur prodhuesin vendor, dhe për të stimuluar investimet“ ka thënë Pacolli.

    Në këtë drejtim, Pacolli ka vlerësuar lartë sjelljen e shtetit shqiptar, i cili ka respektuar qëllimet e mira të këtij vendimi.

    Në këtë kontekst, Pacolli ka ripërsëritur qëndrimin e tij, që tregjet shqiptare të integrohen në mënyrë që në të ardhmen të evitohen rreziqe të cilat aktualisht sfidojnë ekonomitë e të dyja vendeve.

    “Rasti i Cimentos tregon sesa te domosdoshme jane takimet bilaterale periodike, ku te diskutohet per ceshtje te tilla. Ka ardhur koha e nje konference te madhe kombetare, per te sinkronizuar politikat ekonomike, tregetare, kah hapesira e perbashket ekonomike“, ka theksuar Pacolli.

    Pacolli ka shprehur falenderimin e tij për qeverinë dhe shtetin shqiptar, për angazhimin e vazhdueshëm në përkrahjen e shtetit të Kosovës, për të marrë njohje të reja. Pacolli ka kërkuar nga ministri Panariti, që të ketë koordinim edhe në të ardhmen, veqanërisht në prag të sesionit vjetor të Asamblesë së Përgjithshme të OKB-së.

    Panariti: Pacolli figurë e respektuar te të gjithë shqiptarët

    Në anën tjetër, ministri i punëve të Jashtme të Shqipërisë, Edmond Panariti, ka thënë se MPJ e Shqipërisë dhe gjithë Qeveria shqiptare janë në mbështetje të parezervë të proceseve politike nëpër të cilat është duke kaluar Kosova. Ministri Panariti, ka thënë se shteti shqiptar, do të vazhdojë fuqishëm të mbështesë ushtrimin e sovranitetit të Kosovës në të gjitha pjesët e territorit.

    Gjithashtu, Panariti ka thënë se Republika e Shqipërisë, do të vazhdojë të luajë rolin e vet në lobimin për njohjet e reja për shtetin e Kosovës.

    Në këtë kontekst, Panariti ka vlerësuar punën e zëvendëskryeministrit Pacolli, veqanërisht në thyerjen e “akullit“ tek vendet afrikane.

    Ministri Panariti ka thënë se zëvendëskryeministri i Kosovës, z.Behgjet Pacolli është figurë e respektuar tek të gjithë shqiptarët.

  • Telegram ngushëllimi me rastin e vdekjes së Presidentit të Ganës, John Atta Mills

    Telegram ngushëllimi me rastin e vdekjes së Presidentit të Ganës, John Atta Mills

    Në telegram thuhet:

    Shkëlqesi

    Me pikëllim të thellë, morëm lajmin për vdekjen e presidentit të Ganës, z.John Atta Mills.

    Populli i Kosovës, Qeveria jonë dhe të gjitha institucionet e shtetit tonë, ndajnë bashkë me Ju dhe popullin tuaj, dhimbjen për këtë humbje të madhe.

    Presidenti Mills, do të mbetet gjithmonë figurë e respektuar edhe në vendin tonë. Falë objektivitetit të tij, urtësisë së tij, dhe largpamësisë së tij, shteti i Ganës, u rreshtua përkrah shteteve demokratike të botës, që njohën Republikën e Kosovës si shtet të pavarur dhe Sovran.

    Presidenti Mills, ishte nga ata burrështetas që përkrahu në vazhdimësi të drejtat historike të qytetarëve të Kosovës për të ndërtuar shtet demokratik.

    Shkëlqesi

    Emri i presidentit Mills, do të mbetet i paharruar në historinë e shtetit të Kosovës.

    Andaj, më lejoni që edhe njëherë t’iu shpreh ngushëllimet më të sinqerta në emrin tim personal dhe në emër të Qeverisë së Republikës së Kosovës

    Behgjet Pacolli
    Zëvendëskryeministër i parë i Qeverisë së Republikës së Kosovës

  • Pacolli takon deputetët e Parlamentit të Banglladeshit

    Pacolli takon deputetët e Parlamentit të Banglladeshit

    Prishtinë, 3 korrik 2012

    Me ftesë të zëvendëskryeministrit të parë të Qeverisë së Republikës së Kosovës, z.Behgjet Pacolli, të martën në Prishtinë, kanë qëndruar deputetët e parlamentit të Bangladeshit, z.Mayeen Uddin Khan Badal dhe dr, Muhivuddin khan Alamgir.

    Gjatë këtij takimi, zëvendëskryeministri Pacolli ka diskutuar për procesin e njohjes së Republikës së Kosovës nga Bangladeshi dhe me mundësitë e vendosjes së bashkëpunimit ndërmjet të dyja vendeve.

    Z.Pacolli dhe deputetët e parlamentit të Bangladeshit, që njëherësh janë edhe udhëheqës komisionesh parlamentare, janë dakorduar për zhvillimin e një vizite të zëvendëskryeministrit të Kosovës atje, vizitë e cila për temë kryesore do ta ketë njohjen e pavarësisë së Republikës së Kosovës.  

    Kjo vizitë e zëvendëskryeministrit Pacolli në Bangladesh, do të realizohet në një të ardhme të afërt.

  • Pacolli, ka takuar në një drekë zyrtare, presidentin e Republikës së Shqipërisë, z.Bamir Topi

    Pacolli, ka takuar në një drekë zyrtare, presidentin e Republikës së Shqipërisë, z.Bamir Topi

    Prishtinë, 29 qershor 2012

    Zëvendëskryeministri Pacolli, i shoqëruar edhe nga ministra të Qeverisë së Kosovës, ka shprehur edhe njëherë falenderimin e tij dhe të Qeverisë së Kosovës për presidentin Topi dhe gjithë shtetin shqiptar, për ndihmën që në vazhdimësi I kanë dhënë Kosovës.

    “Veqanërisht në fushën e lobimit, shteti shqiptar na ka dhënë një mbështetje shumë të madhe dhe për këtë ju falenderoj zoti president”, ka thënë Pacolli.

    Pacolli gjithashtu, ka njoftuar presidentin Topi me zhvillimet politike në Kosovë, me theks të veqantë angazhimet e Qeverisë për fillimin dhe zhvillimin e reformave shumë të nevojshme ekonomike.

    Në anën tjetër, presidenti Topi ka shprehur kënaqësinë e tij, që pikërisht vizitën e fundit si president I Shqipërisë, ka nderin ta bëjë në Kosovë. Topi gjithashtu, ka theksuar se Qeveria dhe populli I Kosovës, duhet të vazhdojnë angazhimet, në mënyrë që Republika e Kosovës të ecë hapave drejt standardeve europiane.

  • Zëvendëskryeministri Pacolli takoi përfaqësuesit e Sudanit Verior, Malit, Libisë, Eritresë dhe Togos

    Zëvendëskryeministri Pacolli takoi përfaqësuesit e Sudanit Verior, Malit, Libisë, Eritresë dhe Togos

    Paris, 27 qershor 2012

    Dje në orët pasdites në Paris, para nisjes në Azerbaixhan, zëvendëskryeministri Pacolli zhvilloi disa takime të rëndësishme me përfaqësues të lartë të Sudanit Verior, Libisë, Malit, Eritresë dhe Togos. Gjatë takimeve që zhvilloi me këta përfaqësues, zëvendëskryeministri Pacolli diskutoi rreth ngecjes që ka ndodhur në marrjen e vendimit për njohje nga këto vende, të cilat më herët kanë premtuar njohjen e Kosovës. Zoti Pacolli është dakorduar me këta përfaqësues që shumë shpejt, të zhvillojë edhe një turne nëpër Afrikë për të trajtuar më në detaje procesin e fillimit të bashkëpunimit ndërshtetëror.

    Ndërkaq, mbrëmjen e ditës së mërkurë, zëvendëskryeministri Pacolli do të udhëtojë për në Khartum të Sudanit, ku do të takohet me udhëheqësit më të lartë të këtij shteti.

    Turneu i radhës I zëvendëskryeministrit Pacolli në Afrikë pritet të fillojë në javët e ardhshme.

    Në anën tjetër, bashkëpunëtorët e zëvendëskryeministrit Behgjet Pacolli, janë duke marrë pjesë në konferencën ndërkombëtare të organizuar nga OKB në Tiranë, në të cilën marrin një numër I madh vendesh që ende se kanë njohur Republikën e Kosovës.

    Në këtë konferencë, delegacioni nga Kosova, është duke marrë një mbështetje të jashtëzakonshme nga Ministria e Punëve të Jashtme e Shqipërisë.

    Deri më tani, delegacioni nga Kosova, në koordinim të vazhdueshëm me zëvendëskryeministri Pacolli, ka zhvilluar takime të rëndësishme me përfaqësues të Kenias, Tanzania, Pakistani, Mozambiku etj, ndërsa priten takime edhe me vende tjera pjesmarrëse në këtë konferencë.

  • Zëvendëskryeministri Behgjet Pacolli ka zhvilluar një takim në Odën Industriale Ekonomike të Bullgarisë

    Zëvendëskryeministri Behgjet Pacolli ka zhvilluar një takim në Odën Industriale Ekonomike të Bullgarisë

    Prishtinë, 18 qershor 2012
     
    Kryeministri i Republikës së Kosovës, Hashim Thaçi, i shoqëruar nga zëvendëskryeministri Behgjet Pacolli ka zhvilluar sot një takim në Odën Industriale Ekonomike të Bullgarisë, ku është pritur nga Presidenti Tsvetan Simeonov me bashkëpunëtorë.
     
    Kryeministri i Republikës së Kosovës, Hashim Thaçi duke falënderuar z. Simeonov dhe anëtarët e Odës Industriale Ekonomike të Bullgarisë për pritjen e organizuar, theksoi rëndësinë që ka për rajonin bashkëpunimi i dy vendeve, si pjese e vlerave të përbashkëta drejt integrimit europian dhe euro-atlantik.
     
    Në vazhdim, Kryeministri Thaçi i njoftoi nikoqirët për reformat e ndërmarra nga Qeveria e Republikës së Kosovës për krijimin e lehtësirave për të zhvilluar afarizëm në Kosovë, duke potencuar reformat në legjislacion dhe në taksa.
     
    Pasi vlerësoi punën profesionale që disa kompani bullgare kanë bërë në Kosovë, Kryeministri Thaçi inkurajoi bizneset bullgare që të investojnë në Kosovë dhe të krijojne partneritet me kompanite kosovare.
     
    Po ashtu, Kryeministri Thaçi në takimin me afaristët bullgarë ritheksoi qëllimin  e Kosovës për integrim në BE dhe në NATO.
     
    Presidenti i Odës Industriale Ekonomike të Bullgarisë, Tsvetan Simeonov ka mirëpritur angazhimin politik të qeverive të dy vendeve për zgjerimin e bashkëpunimit në fushën e ekonomisë.
     
    Ai ka theksuar përkrahjen e institucionit që drejton për perpektivën europiane të Ballkanit, përfshirë edhe Republikën e Kosovës, duke theksuar se mirëpresin mundësinë për bashkëpunim dhe shkëmbim përvojash me komunitetin e biznesit në Kosovë.
     
    Përfaqësuesit e Odës Industriale Ekonomike e Bullgarisë e njoftuan kryeministrin Thaçi se ky institucion ka mbi 52.000 anëtarë dhe ofron shërbime të gjëra për komunitetin e biznesit në Bullgari në mbi 28 qendra rajonale.
     
    Me këto kapacitete funksionale, ata theksuan se ofrojnë mundësi që çdo risi në fushën e ekonomisë dhe afarizmit në Kosovë, përfshirë këtu informatat për ndryshimet në legjislacion, lehtësimet ekonomike dhe ofertat e bashkëpunimit, të publikohet përmes kanaleve informative afariste në Bullgari. 

  • Pacolli e Thaçi takojnë Sekretarin e Përgjithshëm të Organizatës për Bashkëpunim Islamik (OIC)

    Pacolli e Thaçi takojnë Sekretarin e Përgjithshëm të Organizatës për Bashkëpunim Islamik (OIC)

    Jeddah, 16 qershor 2012

    Kryeministri i Qeverisë së Republikës së Kosovës, Hashim Thaçi, i shoqëruar nga zëvendëskryeministri, Behgjet Pacolli, në vazhdën e takimeve gjatë vizitës zyrtare në Arabinë Saudite, u takua me Sekretarin e Përgjithshëm të Organizatës për Bashkëpunim Islamik, prof. Ekmeleddin Ihsanoglu.

    Sekretari Ihsanoglu ka shprehur konsideratë të veçantë për vizitën e parë të kryeministrit Thaçi në selinë e kësaj organizate dhe paraqiti një historik të kesaj organizate lidhur me përkrahjen  e Kosovës, që nga viti 1996 deri më sot.

    Sekretari Ihsanoglu u zotua se do të vazhdojë perpjekjet e tij për njohjen e Kosovës nga shtetet e tjera anëtare të Organizatës për Bashkëpunim Islamik, që akoma nuk e kanë bërë këtë. Vlen të theksohet se nga 57 shtete anëtare të OIC-së, 30 prej tyre e kanë njohur pavarësinë e Kosovës.

    Kryeministri Thaçi e falënderoi Sekretarin Ihsanoglu për pritjen e ngrohtë dhe kontributin e deritashëm të Organizatës për Bashkëpunim Islamik dhe njëkohsisht shprehu gatishmërinë e Republikës së Kosovës për thellimin e bashkëpunimit të mëtejmë me vendet anëtare të kësja organizate.

    Kryeministri Thaçi paraqiti një pasqyrë të zhvillimeve në Kosovë që nga shpallja e pavarësisë, duke nënvizuar idenë se pavarësia e Kosovës ka krijuar paqe dhe stabilitet. Si rezulatat i punës së mirë të Qeverisë së Republikës së Kosovës, më 2 korrik 2012, Grupi Ndërkombëtar Drejtues do të merr vendimin për përfundimin e Mbikëqyrjes së Pavarësisë, theksoi kryeministri Thaçi.

    Kryeministri Thaçi e shfrytëzoi rastin që ta ftojë sekretarin e OBI-së, prof. Ekmeleddin Ihsanoglu, që ta vizitojë Republikën e Kosovës.